Викендов, Општина Кисела Вода повикува на „Кино на отворено“ во паркот „Македонија”, веднаш до домот на култура „Билјана Беличанец”.

Од општината информираат дека утре, сабота, на 26 август, со почеток од 20:30 часот ќе бидат прикажани две епизоди од серијалот „Викенд на мртовци”, а од 22 часот фимот „Кајмак”, во режија и сценарио на Милчо Манчевски. В недела, на 27 август, во исто време, повторно ќе бидат прикажани две епизоди од серијалот „Викенд на мртовци”, а од 22 часот е „Ах, љубов моја” во режија на Коле Ангеловски.

Бесплaтните филмски проекции на „Кино на отворено” се обезбедени од страна на Општина Кисела Вода во соработка со „Авард филм и видео“, „Банана филм“, како и со МРТВ и „Вардар филм”.

The post „Викенд на мртовци“, „Кајмак“ и „Аф, љубов моја“ бесплатно во паркот „Македонија“ во Кисела Вода appeared first on Република.