На 31.08.2024 во 11.35 часот во Полициското одделение Велешта, Р.П.(62) од Вевчани пријавила дека околу 11.20 часот во нејзината бавча во Вевчани, била физички нападната од О.П. од Вевчани, која употребила и тврд предмет. По целосно документирање на случајот ќе следува соодветен поднесок.

The post Вевчанки во третото доба се степале на бавча appeared first on Република.

Три лица се повредени, од кои две се здобиле со тешки повреди во сообраќајна несреќа која вчера во 19.10 часот била пријавена во ОВР Струга.

Несреќата, информира МВР, се случила на крстосница од регионален пат Р1201 со регионален пат Р2240, пред село Вевчани.

-Сообраќајната несреќа се случила помеѓу патничко возило „фолксваген голф“ со гостиварски регистарски ознаки, управувано од Р.Р.(76) од с.Велебрдо, општина Маврово и Ростуше и патничко возило „смарт“ со струшки регистарски ознаки, управувано од А.Ќ.(52) од с.Велешта, струшко, информира МВР.

Во несреќата со тешки телесни повреди се здобиле возачот А.Ќ. и неговата сопатничка Ф.Ќ.(46) од село Велешта, констатирани во Специјалната болница „Св.Еразмо“ во Охрид. Додека возачот Р.Р. се здобил со телесни повреди констатирани во Медицински центар Струга.

Извршен бил увид од ОВР Струга.

The post Тешка сообраќајка пред Вевчани, повредени три лица appeared first on Република.

Впуштете се во волшебниот свет на „Алхемија на дивината“, со мултимедијалниот и локациски специфичен перформанс, кој ќе ги трансформира патеките на живописното Вевчани и Вевчанските извори на 26 и 27 јуни.

Ова уникатно искуство е дело на заеднички процес кој ги спојува талентите на уметниците и изведувачите од различни уметнички области.

Премиерата е на 26 јуни во среда во 19:00 часот, а втората изведба на 27 ми во четврток во 12:00 часот. Истиот ден ќе има и трета изведба во 19:00 часот.

Бројот на посетители е ограничен.

Додека го истражувате Вевчани и Вевчанските извори, околу вас ќе се создаваат магични приказни од алтернативни реалности. Нурнете во овие наративи на еден час, за време на настапот во живо, или препуштете се на една подолга авантура која ветува трансформативно патување.„Алхемија на дивината“ ве предизвикува да размислувате за природата на времето, конечноста и постоењето, поттикнувајќи интроспекција за тоа како сме живееле и како живееме, како се менуваме и како комуницираме. Ова искуство ќе ве поведе на лично патување за откривање на она што е навистина важно во вашиот живот. Кои акции е потребно да ги откриеме, или реоткриеме, притоа избирајќи ги според приориетот на важноста.Изведбата ја доловува суштината на животните трансформации, набљудувајќи го ритуалот на промена од најмалата клетка до најдалечните ѕвезди. Преку волшебните приказни, хипнотизирачкиот танц, евокативната музика и шепотењата на распеаните дрвја, ќе бидете обвиени во сетилно искуство како никогаш досега.Посетете го Вевчани, место каде што природата и перформансот се спојуваат за да создадат магично, незаборавно искуство и дозволете „Алхемија на дивината“ да ве води на патување на себеоткривање и трансформација. Придружете ни се во славењето на магијата на Вевчанската природа и културно наследствона и убавината на уметничката соработка” порачуваат организаторите.

Користејќи ги уметноста на звукот и изведбата, перформансот создава ритуален простор кој ги предизвикува моменталните емоции и општеството додека ја истражува медитативната интроспекција. Исто така, се осврнува на конфликтот помеѓу ритуалот и капиталистичката потрошувачка логика поврзувајќи ги архетипските и вредностите на предците со современиот контекст.

Ова уникатно искуство поттикнува критичко размислување, само-рефлексија и развивање, обезбедувајќи простор за трансформација. Преку звук, гест и моќни изведби, уметниците имаат за цел да ја пренесат публиката во еден поинаков свет, кој истовремено е древен и модерен, возвишен и трансформативен.

Уметници – ментори: Јелена Вуксанович, Алесандро Ола, Атила Антал, Вишња Жугич и Јасмина БилаловиќИзведувачки уметници: Риџет Ферати, Надја Лукановска, Симона Димковска, Јасмина Василева, Ива Дамјановски, Тереза Лазарев, Теодора Ежовска, Виктор Танасковски, Кристијан Караџовски и Маја Стајнберг.

Проектот „СИОТ СВЕТ Е СЦЕНА-имерзивен и партиципативен театар како алатка за адресирање на општествени прашања и предизвици” на Здружението на уметници Културен центар Медиа Артес, се реализира со финансиска поддршка на Швајцарска Амбасада и Министерството за култура на Република Македонија и локалните партнери за имплементација: КСП Центар – ЈАДРО, КУД ,,Дримкол“ Вевчани, Општина Вевчани и Комунално препријатие „Еремија“, Вевчани.

The post „Алхемијата на дивината“ во Вевчани appeared first on Република.

Во Вевчани денеска пред почетокот на светата литургија, со која началствуваа парохискиот свештен во Вевчани, отец Ромео Петрески и свештеникот од храмот „Св. Ѓорѓија“ од Струга, отец Христијан Костоски, беа дочекани иконите на сеправославниот македонски светител, Спасе Вевчански и неговата света сестра, Спаса Вишенска.

Како што посочуваат од храмот „Св. Никола“ од Вевчани, Св. Спасе Вевчански живеел и се подвизувал на Бога во манастирот „Св. Спас Горни“ во Вевчани, кој е посветен на Вознесението Христово - Спасовден.

Голема е радоста денеска што го дочекавме овој голем светол и историски чин, се радувам на вашите солзи радосници со кои се поклонувате пред светава икона на нашиов Свети Спасе Вевчански и на Света Спаса Вишенска. Вакви моменти еднаш во животот човек може да ги доживее ако има среќа и затоа, радувајте се, посочи на проповедта парохискиот свештеник Отец Ромео Петрески.

Како што стои во соопштението, после светата литургија за сите верници во дворот на црквата била организирана закуска, која била донација од сите вевчански угостителски објекти.

The post Во Вевчани пречекани иконите на македонските светители Спасе Вевчански и Спаса Вишенска appeared first on Република.

„Алхемија на дивината" е мултимедијален, локациски специфичен перформанс кој ќе се изведува на различни локации на Вевчанските извори, во Вевчани, на 26 и 27 јуни 2024.

Впуштете се во волшебниот свет на „Алхемија на дивината", мултимедијален и локациски специфичен перфоманс, кој ќе ги трансформира патеките на живописното Вевчани и Вевчанските извори. Ова уникатно искуство е дело на заеднички процес кој ги спојува талентите на уметници-изведувачи од различни уметнички области. Оваа изведба е дел од проектот „СИОТ СВЕТ Е СЦЕНА - имерзивен и партиципативен театар како алатка за адресирање на општествени прашања и предизвици" на Здружението на уметници Културен центар Медиа Артес, Охрид.

Во рамките на овој проект, во март и мај беа реализирани две серии работилници со наслов „Ритуалот во современото општество". Овие работилници наменети за професионални уметници од различни дисциплини (актери, танчери, вокални изведувачи и музичари, ликовни уметници) вклучуваа длабок истражувачи процес за т.н. обични, секојдневни ритуали и рутини, кои добиваат нова форма и значење и ритуални простори, односно истражување како просторот и сетилните искуства влијаат на ритуалот.

Како продолжение и заокружување на овој процес, последната серија работилници од овој циклус и изведбата на перформансот „Алхемија на дивината" ќе се оствари во живописното Вевчани.

Како уметници-ментори се појавуваат: Алесандро Ола, Јелена Вуксанович, Атила Антал, Вишња Жугич и Јасмина Билаловиќ, а како изведувачки уметници: Риџет Ферати, Надја Лукановска, Симона Димковска, Ива Дамјановски, Тереза Лазарев, Теодора Ежовска, Виктор Танасковски, Кристијан Караџовски и Маја Стајнберг.

Време на изведбите:
- 1ва изведба (премиера): 26.06.2024 (среда), 19:00
- 2ра изведба: 27.06.2024 (четврток), 12:00
- 3та изведба: 27.06.2024 (четврток), 19:00

Бројот на посетители е ограничен, но можете да го резервирате своето место на една од трите изведби со испраќање на меил на следнава адреса: [email protected] и ќе добиете потврда од организаторите.

The post „Алхемија на дивината“, мултимедијален и локациски специфичен перформанс во Вевчани appeared first on Република.

Дежурен јавен обвинител од Основното јавно обвинителство Охрид издаде повеќе наредби за утврдување на причините за смртта на седуммесечнто бебе од Вевчани, кое починало рано утрово во ЈЗУ Специјална болница за ортопедија и трауматологија „Св. Еразмо“ откако било донесено со повреди на главата и итно префрлено во операциона сала.

https://republika.mk/vesti/crna-hronika/tragedija-vo-vevchani-pochina-sedummesechno-bebe/

Неколку часа по спроведената операција, бебето починало на интензивна нега. Јавниот обвинител, со цел да ги расчисти причините за тоа како настанала повредата на бебето, како и да испита дали стручниот персонал ЈЗУ „Св. Еразмо“ постапувал согласно протоколите и процедурите, издаде насоки за прибирање докази. Прибавена е целокупната документација од болницата, издадена е наредба за обдукција на бебето во Институтот за судска медицина во Скопје, се вршат разговори со семејството и блиски лица, а се проверува и медицинската историја на детето и на мајката, велат од ОЈО Охрид.

Претходно од СВР Охрид соопштија дека денеска во раните утрински часовикај нив било пријавено дека, во специјалната болница „Св.Еразмо“ во Охрид, по извршен хируршки зафат, починало седуммесечно бебе од Вевчани, кое, претходниот ден околу 16 часот, било донесено во болницата од неговата мајка.

Бебето, според пријавеното, било примено во болницата со хематом на главата и по констатирано мозочно крварење, веднаш била извршена операција.

Според изјавата на неговата мајка, повредите настанале по пад од импровизиран кревет во семејниот дом во Вевчани.

The post ОЈО: Се испитува дали е постапено по протокол, како и медицинската историја на мајката и на бебето appeared first on Република.

Денеска во раните утрински часови во СВР Охрид било пријавено дека, во специјалната болница „Св.Еразмо“ во Охрид, по извршен хируршки зафат, починало седуммесечно бебе од Вевчани, кое, претходниот ден околу 16 часот, било донесено во болницата од неговата мајка.

Бебето, според пријавеното било примено во болницата со хематом на главата и по констатирано мозочно крварење, веднаш била извршена операција.

Според изјавата на неговата мајка, повредите настанале по пад од импровизиран кревет во семејниот дом во Вевчани.

По насока на Јавен обвинител, телото ќе биде пренесено до Судска медицина во Битола каде ќе се изврши обдукција. Се преземаат мерки за расветлување на настанот, соопшти полицијата.

The post Трагедија во Вевчани: Почина седуммесечно бебе appeared first on Република.

Излезноста до 13 часот на првиот круг од претседателските избори во општина Струга е 16 проценти, а во Вевчани 33,33 отсто, информираат за МИА претседателите на општинските изборни комисии Минир Жута и Менка Кукоска.

Според нив, гласањето се одвива тековно без никакви нарушувања на избирачкиот процес.

Гласачките кутии во двете општини беа отворени утрово во 7 часот.

Во општина Струга право на глас имаат се 60.894 гласачи, а ќе гласаат на 101 избирачко место, додека во Вевчани во единствениот избирачки список регистрирани се 2.072 гласачи, кои правото на глас можат да го остварат во едно од трите избирачки места.

The post Излезноста во Струга до 13 часот 16 отсто, во Вевчани 33 проценти appeared first on Република.

На првиот круг од претседателските избори во општина Струга до 9 часот излезноста е 2,4 отсто, а во Вевчани 5,5 проценти, информираат претседателите на општинските изборни комисии Минир Жута и Менка Кукоска.

Изборниот процес во двете општини почна во 7 часот утрово и, според претседателите, тече непречено.

Во општина Струга право на глас имаат се 60.894 гласачи, а ќе гласаат на 101 избирачко место, додека во Вевчани во единствениот избирачки список регистрирани се 2.072 гласачи, кои правото на глас можат да го остварат во едно од трите избирачки места.

The post Излезноста во Струга до 9 часот 2,4 отсто, во Вевчани 5,5 проценти appeared first on Република.

Сите 101 избирачко место во општина Струга утрово беа отворени во 7 часот, потврди за МИА претседателот на Општинската изборна комисија Минир Жута.

– Гласањето почна навреме и во трите избирачки места во општина Вевчани, информира претседателката Менка Кукоска.

Гласањето, според претседателите на изборните комисии, во двете општини се одвива непречено, без никакви проблеми.

Во општина Струга во единствениот избирачки список регистрирани се 60.894 гласачи, од кои 132 болни и изнемоштени вчера го оствариле своето гласачко право, додека во Вевчани има 2.072 регистрирани гласачи, а четворица болни и изнемоштени гласале вчера.

The post Во Струга и Вевчани навреме отворени сите избирачки места appeared first on Република.

Ќе зборуваме за тема која што е исклучително актуелна во периодот кој што следи, бираме иднина. Бираме иднина каква што заслужуваме. Иднина која што треба да биде горда “, истакна претседателот на ВМРО-ДПМНЕ, Христијан Мицкоски на денешниот митинг од Вевчани.

Мицкоски додаде дека неговото главно прашање до вевчанци е дали се подготвени да ја направат Македонија горда повторно.

Ако сме подготвени Македонија да ја направиме горда повторно тогаш изборот е јасен, а тоа е Гордана Силјановска Давкова за претседател на Македонија“, порача Мицкоски.

Тој потсети дека пред седум години актуелната власт патуваше низ градовите низ Македонија и ветуваа на граѓаните дека ќе донеле живот. Но тие донесоа само корупција, криминал, сиромаштија, неправда. А, нивниот пион Стево Пендаровски ја зароби канцеларијата на претседател на Македонија. Во Македонија има живот за малкумина, а тоа е само за оние кои што ја заробија државата.

Нема среќен човек, нема ведрина, нема насмевка на луѓето. Затоа што денеска сите граѓани во Македонија чувствуваат како некој да им ја одзел државата, како да ја киднапирал државата, како да се граѓани од втор ред, рече Мицкоски.

Мицкоски посочи дека Македонците денес во Македонија се чувствуваат како да се граѓани од втор ред. Но, мора да напомене дека таквото чувство не се развива само кај Македонците туку и кај Албанците, Турците, Ромите, Бошњаците, Србите итн.

Ајде да му помогнеме да се исели Стево Пендаровски од Македонија и да не и се повтори на Македонија таков срам во иднина, порача тој.

„А, од другата страна имаме жена титан, жена која што не молчеше кога другите молчеа. Жена која што во својата професионална кариера ја бранеше Македонија насекаде во Европа и во светот. Жена која што беше визитинг професор и ментор на најпрестижните американски и канадски универзитети. Жена која што во Советот на Европа беше експерт по политики на локално ниво, експерт по уставно право и политички систем. Жена која што кога беше член во Венецијанската комисија ги подучуваше членовите во Венецијанската комисија кои што доаѓаат од другите европски земји“, рече тој.

Мицкоски додаде дека Гордана Силјановска Давкова е вистинскиот избор за Македонија, претседател кој што ќе ја направи Македонија горда повторно.

The post Мицкоски: Граѓаните чувствуваат дека некој им ја одзел државата – на следните избори да ја направиме Македонија повторно горда appeared first on Република.

Во тек е народен митинг на ВМРО ДПМНЕ во Вевчани. Можете да го следите обраќањето на претседателот на партијата Христијан Мицкоски во живо.

The post ВО ЖИВО: Народен митинг на ВМРО ДПМНЕ во Вевчани appeared first on Република.

Вевчани е првата и засега единствена македонска општина која е дел од престижната листа на најдобри светски зелени дестинации. А, во светски рамки само околу 500 локации можат да се пофалат со оваа титула, објави Глас на Америка.

Иако е најмала општина во државата, Вевчани е првата и засега единствена во Македонија која е дел од престижната листа на најдобри светски зелени дестинации. А во светски рамки само околу 500 локации можат да се пофалат со оваа титула, со која се здоби на светскиот натпревар „Top 100 Green Destinations“ каде се избираа одржливи туристички приказни и добри практики од дестинации ширум светот.

Вевчанските извори се можеби најубави во овој период од годината, односно на зима, кога изворите се полни со вода и може да се види сета нивна убавина.

Со ова Вевчани влегува во ексклузивна група на туристички дестинации, кои поради своите вредности се реткост и во светски рамки.

The post Вевчани стана дел од престижната листа на најдобри светски зелени дестинации appeared first on Република.

The post Вевчани влезе меѓу 500-те светски зелени туристички дестинации appeared first on Република.

Без традиционалното василичарско оро, со едно минутно молчење во центарот на Вевчани, вевчанци ја одржаа скоро 15 вековната традиција на познатиот Вевански карневал, кој годинава поради трагедијата во која животот го загуби младо момче од селото се одржува симболично.

Иако во помал број од вообичаено, досетливите вевчанци на сатиричен начин отсликаа дел од актуелните случувања што ја одблежаа изминатата година и животот на македонскиот народ.

Поради трагедијата откажан е забавниот дел од манифестацијата што вечерва требаше да се одржи во центарот на Вевчани. Дел од рестораните и кафулињата во населбата не работат, а останатите се без музика. Го нема традиционалниот метеж по улиците, а најголем дел од присутните се гости, кои не знаеле за трагедијата. Повозрасните вевчанци, не паметат таква несреќа во пресрет на празникот Свети Василиј.

Трагедијата што се случи сношти во Вевчани, сообраќајна несреќа, погина млад член на Вевчани, жител на Вевчани. Улиците на 13 јануари никогаш не биле во ваква состојба. Вевчани сме мало место, сите сме како една фамилија. Вакви немили настани нѐ потресуваат. Вечерашниот концерт е откажан. Вевчани овој ден го чека цела година, меѓутоа, не на ваков начин, изјави градоначалникот на Вевчани, Спасе Кочовски.

Улиците низ Вевчани се речиси празни, со по некој случаен минувач и гости од надвор кои не биле запознаени со случувањата.

Секоја година сме тука, многу интересен настан. За жал годинава разбрав дека нема да се одржи. Навистина ми се допаѓа традицијата, концертите што ги прават, маските, вели жител од Ресен, кој пристигнал во Вевчани да го проследи дефилето.

И министерката за култура Бисера Костадиновска Стојчевска, која требаше официјално да го отвори Вевчанскиот карневал рече дека не го препознава Вевачни вакво и изрази жалење и сочувство до фамилијата на младото момче.

На манифестацијата присуствуваше и лидерот на ВМРО - ДПМНЕ Христијан Мицкоски, кој изрази сочуство за прерано згаснатиот живот, посакувајќи успешен карневалски ден.

Според традицијата двете василичарски друштва Горна и Долна маала со зетот, невестата, двата ѓаволи, глупавите Августи и останатите маски дефилираат низ вевчанските улици. Верувањата се дека го бркаат злото и чисти ќе ја почнат Новата година, која според Јулијанскиот календар почнува на 14 јануари. Во утринските часови традиционално невестите од двете маала заедно со гостите одат на Вевчанските извори да наполнат вода, со која се прави вевчанскиот кашаник (зелник) во кој се става паричка. Кај оној што ќе се падне паричката ќе биде среќен и бериќетен во текот на целата година. Според традицијата, манифестацијата завршува на 14-ти, попладне со карневалско оро и палење на маските во центарот на Вевчани.

The post Без традиционалното василичарско оро симболично одржан Вевчанскиот карневал appeared first on Република.

Ја пренесуваме изјавата на лидерот на ВМРО-ДПМНЕ, Христијан Мицкоски кој по повод големиот христијански празник е во Вевачни.

Традиционално како и секоја година повторно сме овде во Вевчани на овој ден заедно со ова карневалско дефиле по повод големиот христијански празник Василица.

Ја користам оваа прилика на сите оние кои што го празнуваат овој ден да им го честитам. На помош Господ да е.

Да ги честитам на сите граѓани новогодишните празници, сите оние кои што ги празнуваат и чествуваат Божиќните празници исто така да им ги честитам и да посакам здравје, среќа и би рекол многу мудрост и трпение во оваа година на промени која што следи.

Сите оние кои што имаат желби во новата година да им се исполнат, а на граѓаните генерално покрај овие сите работи кои што веќе ги споменав нормално благосостојба во нивните домови, бериќет и успех.

Очекувам успешен ден и покрај тоа што го изразувам моето најискрено сочувство за инцидентот кој што се случи во раните утрински часови овде во Вевчани. И посакувам денот да помине во добро расположение.

https://youtu.be/b-dwt2scW7A?si=fLi2OovWTLE1AVvR

The post Мицкоски од Вевчани: На граѓаните им посакувам здравје и среќа, но и многу мудрост и трпение во оваа година на промени која што следи appeared first on Република.

The post Изјава на лидерот на ВМРО-ДПМНЕ, Христијан Мицкоски appeared first on Република.

Вевчанскиот карневал го откажа забавниот дел од оваа манифестација поради загинувањето на млад жител на Вевчани, соопшти градоначалникот Спасе Кочовески.

Трагедијата што се случи сношти во Вевчани, сообраќајна несреќа, погина млад член на Вевчани, жител на Вевчани. Улиците на 13 јануари никогаш не биле во ваква состојба. Вевчани сме мало место, сите сме како една фамилија. Вакви немили настани нѐ потресуваат.  Вечерашниот концерт е откажан. Вевчани овој ден го чека цела година, меѓутоа, не на ваков начин, изјави Кочовески.

Градоначалникот на Вевчани истакна дека претпладнево имале средба со вевчанските друштва и дека дефилето ќе се одржи во некоја минимална форма.

Утрово маскирано лице не забележавме, не било никогаш вака, рече Кочовески и додаде дека рестораните ќе работат без музика.

Министерката Бисера Костадиновска Стојчевска изјави дека не го препознава Вевачни вакво и изрази жалење и сочувство до фамилијата на младото момче.

Јас, за жал, знам како изгледа таа болка. Цела ситуација е неизвесна. Тоа што ќе го одлучат граѓаните на Вевчани, денеска да се случува, тоа и ќе се случува. Наредната година, традицијата ќе продолжи понатаму. Се надевам вакви немили настани повеќе нема да има, изјави министерката Костадиновска Стојчевска.

Деветнаесетгодишно момче со иницијали М.М. синоќа загина во сообраќајна несреќа што се случила ноќеска околу 1: 20 часот на локален пат меѓу Вевчани и струшкото село Подгорци, информираат од СВР Охрид.

Полицијата соопшти дека увид на лице место извршиле полициски екипи, како и дека и јавен обвинител излезен е на местото на настанот.

Според информациите од Вевчани, каде денеска треба да се одржи традиционалниот Вевчански карневал, станува збор за синот на поранешниот пратеник Крсто Мукоски.

https://republika.mk/vesti/crna-hronika/vo-soobrakajna-nesreka-zagina-sinot-na-poraneshniot-pratenik-krsto-mukoski/

The post Поради смртта на синот на Мукоски во сообраќајка откажан забавниот дел на Вевчанскиот карневал, ќе има само симболично дефиле под маски appeared first on Република.

Само два дена по официјалната промоција оштетен е муралот „Василичарска епопеја“ во Вевчани, проект на академските сликари Ангелина Спировска и Владо Муковски, а финансиран од Министерството за култура.

Вандалскиот чин го осуди министерката за култура Бисера Костадиновска Стојчевска, според која, монументалното дело е израз на почит кон вевчанската традиција, историја и култура и треба да се вреднува како општо национално добро.

Неприфаќањето на уметничкото облагородување на јавен простор, што ја засилува убавината на Вевчани, не користи никому, а уште помалку да е предмет на поделби од каков било вид. Ова вредно и оригинално уметничко дело беше промовирано пред два дена, и е приказ на целата церемонија и приказна на вевчанската вековна традиција, напиша министерката на Фејсбук.

Очекува осуда и од локалната власт и постапување на надлежните органи за откривање на сторителите кои го уништија делото, кое, како што нагласува, е активен придонес во збогатувањето на животот на Вевчани и на посетителите на општина Вевчани.

Осуда стигна и од василичарското друштво „Долна маала“, од каде посочуваат дека со такви чинови нема напредок, ниту соживот, со апел да престане уништувањето на угледот на Вевчани и вевчанската традиција.

Муралот „Вевчанска епопеја“ е инспириран од вековната традиција на Вевчанскиот карневал, а се протега на површина од 25 метри квадратни на објект во центарот во Вевчани. Го раскажува целиот Вевчански карневал, со целата традиција и симболи.

The post Два дена по промоцијата оштетен муралот во Вевчани appeared first on Република.

Шеесет и седум годишен вевчанец синоќа бил приведен во полиција поради пукање со воздушна пушка кон кучиња, домашни миленици.

СВР Охрид денеска соопшти дека пушката била одземена, а по целосно документирање на настанот, против лицето ќе биде поднесена соодветна пријава.

Полициски службеници од полициското одделение во струшкото село Велешта, синоќа во 20 часот и 30 минути во Вевчани, од слобода го лишија П.П.(67) од Вевчани. Тој се сомничи дека околу 18 часот, со воздушна пушка пукал кон кучиња, домашни миленици сопственост на Г.М. од Вевчани, кои на улица биле во придружба на сопственикот, информира портпаролот Стефан Димоски.

The post Вевчанец со пушка пукал во домашни кучиња додека шетале со сопственикот appeared first on Република.