Американската актерка Анџелина Џоли доби овации на филмскиот фестивал во Венеција по премиерата на филмот „Марија“, во кој ја глуми грчката оперска дива Марија Калас.

По проекцијата Џоли беше пречекана со бурен и долг аплауз, што особено ја трогна.

На видеото кое го објави италијанскиот Vanity Fair се гледа како Анџелина ги брише солзите, а доби и прегратка од нејзиниот колега Пјерфранческо Фавино.

Актерката на црвениот тепих пристигна во шифон фустан во беж боја со крзнен детаљ, дизајниран од Австралијката Тамара Ралф.

 

View this post on Instagram

 

A post shared by Vanity Fair Italia (@vanityfairitalia)

The post Анџелина Џоли доби овации од публиката по премиерата во Венеција за филмот „Марија“ appeared first on Република.

Тим Бартон секогаш бил поинаков, па така и сега - неговиот нов филм не се вика „Битлџус двојка“ (продолжение на кецот од 1988), туку „Битлџус Битлџус“. Тој е избран за филм со кој ќе се отвори овогодинешниот Венецијански филмски фестивал, кој ќе се одржи од 28 август до 7 септември.

Неговиот директор, Алберто Барбера, во соопштение за јавноста изјави дека ова „го одбележува долго очекуваното враќање на еден од најпознатите ликови од кинематографијата на Бартон, но истовремено претставува среќна потврда на неверојатниот визионерски талент и мајсторство на еден од најфасцинантните автори на нашето време“.

Бартон пак изјавил дека е многу возбуден поради ова - „Многу ми значи што светската премиера на овој филм ќе биде токму во Венеција“.

Битлџус Битлџус се одвива 36 години по настаните од оригиналниот филм. Да се потсетиме - во него духови на починат брачен пар се малтретирани од неподносливо семејство кое е преселено во нивниот дом, и тие најмуваат зол дух да се отараси од нив. Во оригиналот играа Алек Болдвин, Џина Дејвис и Мајкл Китон. Од нив само последниот е во продолжението, како „био-егзорцистот“ Битлџус, со Моника Белучи како неговата поранешна сопруга Делорес.

https://www.youtube.com/watch?v=CoZqL9N6Rx4&embeds_referring_euri=https%3A%2F%2Foff.net.mk%2F&source_ve_path=MjM4NTE&feature=emb_title

The post „Битлџус Битлџус“ на Тим Бартон го отвора Венецијанскиот филмски фестивал appeared first on Република.