Полицијата во Велика Британија уапсила 63-годишен човек под сомнение дека во Лондон украл старо сирење чедар во вредност од 300.000 фунти (356.000 евра), пишува американската ТВ Ен-Би-Си.

Локалните власти соопштија дека повеќе од 24 тони сирење неодамна биле украдени од една од најпознатите британски млечни компании.

Осомничениот е приведен поради сомнение за измама со „лажно претставување и ракување со украдена стока“.

Тој беше одведен во полициска станица во јужен Лондон, каде што е испрашуван, а подоцна пуштен со кауција во очекување на истрага, изјави портпаролот на британската полиција.

Чедарот е земен од млекарницата „Нилс Јард Дејри“ на 21 октомври, објави компанијата на Инстаграм.

Измамникот, кој се претставил како дистрибутер на француска компанија, зел 950 ролни занаетчиски подготвен и одлежан чедар завиткан во ткаенина, соопшти компанијата чиј магацин за сирење останал празен.

Компанијата повика „ако некој некому понуди или достави сирење за кое веруваат дека е поврзано со оваа кражба, особено чедар во ткаенина во ролни од 10 или 24 килограми без ознаки на производителот“, да ја известат со цел „да ја поддржат полицијата во истрагата“.

The post Се претставил како француски дистрибутер и од британска млекарница украл 24 тони сирење во вредност од 300.000 фунти appeared first on Република.

Во Велика Британија е откриен еден случај на мајмунски сипаници (мпокс), а тоа е сојот 1Б, кој полесно се шири меѓу луѓето во споредба со оригиналниот вид, јави денеска Би-Би-Си.

Светската здравствена организација прогласи вонредна состојба во Африка поради големи сипаници.

Пациент од Велика Британија неодамна бил на одмор во Африка и почнал да се чувствува лошо 24 часа по враќањето. На 21 октомври му се појавиле симптоми слични на грип, а осипот се појавил три дена подоцна.

Пациентот се лекува во специјалистичка инфективна единица во Кралската болница во Лондон.

Случаи на 1Б мпокс се пријавени во ДР Конго, Кенија, Бурунди и Руанда. Се следи состојбата на лицата кои биле во контакт со заразените, а се претпоставува дека има помалку од 10 лица.

„Ова е првпат да го откриеме овој вид на мпокс во Обединетото Кралство, иако други случаи се потврдени во странство. Ризикот за населението во Обединетото Кралство останува низок, а ние работиме брзо на следење блиски контакти за да го намалиме ризикот од ширење“, рече професорката Сузан Хопкинс, главен медицински советник на Агенцијата за здравствена безбедност на Обединетото Кралство (УКХСА). 

The post Во Велика Британија откриен сој на мајмунски сипаници што полесно се шири меѓу луѓето appeared first on Република.

Велика Британија воведе санкции за три руски агенции и тројца шефови на тие агенции, кои, според официјален Лондон, се обиделе да користат дезинформации за да ја „поткопаат и дестабилизираат Украина и нејзината демократија“.

Британското Министерство за надворешни работи соопшти дека Агенцијата за социјално проектирање (АСП, руска технолошка компанија) и нејзината партнерска фирма „Структура“ се обиделе да спроведат серија „интервенциски акции“ со цел да ја ослабат меѓународната поддршка за Украина.

Третата санкционирана фирма е АНО „Дијалог“ (автономна непрофитна организација), чија област на дејност ги опфаќа комуникациите.

Санкционирани се директорот на АСП и „Структура“ Илја Гамбашиџе, програмскиот директор на АСП Андреј Перла и генералниот директор на „Структура“ Николај Тупикин.

Денешните санкции испраќаат јасна порака дека нема да ги толерираме вашите лаги и мешање - доаѓаме по вас“, се вели во соопштението на британскиот министер за надворешни работи Дејвид Лами.

The post Велика Британија објави санкции за три руски агенции за наводни дезинформации кои ја поткопуваат демократијата на Украина appeared first on Република.

Велика Британија најавува прераспоредување на дополнителни тенкови „Челинџер 3“, оклопни транспортери „Бокер“ и „Ајак“ и артилериски системи „Арчер“ во Естонија.

Во позадина на вестите за претстојното потпишување на „историскиот пакт“ меѓу Германија и Велика Британија, вклучително и можноста за заеднички воени вежби на Балтикот, може да се претпостави дека ќе има трајно распоредување на британска воена опрема во Естонија.

Претходно, во јавноста беше објавено за отворање на нов поморски штаб на НАТО во Германија за следење на ситуацијата на руската граница.

The post Британија испраќа дополнителна тешка воена опрема на руските граници appeared first on Република.

Британскиот министер за одбрана, Џон Хили, во Брисел соопшти дека неговата земја се приклучува на европската иницијатива за развој на производство на ракети со голем дострел.

Велика Британија е формално посветена на приклучување кон Германија, Италија, Франција и Полска. Велика Британија ќе предводи работни групи чија задача ќе биде да ја подобрат интеграцијата, а со тоа и ефикасноста на европските системи за ПВО, изјави Хили на маргините на состанокот на министрите за одбрана на НАТО.

Во јули, четири европски земји на маргините на самитот на НАТО објавија дека сакаат да ги здружат силите за да го развијат производството на ракети со дострел поголем од 500 километри.

The post Британија се приклучува на иницијативата на ЕУ за производство на ракети со долг дострел appeared first on Република.

Американски и британски сили денеска извршија повеќе од десетина напади врз објекти на Хутите во Јемен.

Воени авиони и бродови гаѓаа упоришта на Хутите на пет места, соопштија американски официјални лица.

Медиумите во Јемен објавија дека аеродромот во Ходеида, водечкиот пристанишен град, и областа Катеиб, каде што воената база е под контрола на движењето Хути, биле погодени седум пати, а четири напади биле во областа Сеијана во главниот град на Јемен, Сана и две во провинцијата Дамар.

Канцеларијата за медиуми на движењето Хути објави дека биле издадени три предупредувања за напади во провинцијата Бајда, југоисточно од Сана.

Пред неколку дена Хутите се заканија дека ќе го нападнат Израел како одговор на неговата инвазија на Газа и Либан. Хутите деновиве соборија американско воено беспилотно летало над Јемен, а минатата недела групата ја презеде одговорноста за нападот врз американските воени бродови.

The post САД и Велика Британија нападнаа објекти на Хутите во Јемен appeared first on Република.

Aргентинскaтa министерка за надворешни работи, Дијана Мондино, порача дека Аргентина има намера да го врати целосниот суверенитет над Фолкландските Острови.

Следејќи го патот што го почнавме, преку конкретни акции, а не празна реторика, ќе го вратиме целосниот суверенитет над нашите Малвини (Фолкландските Острови)“, порача Мондино.

Велика Британија и Аргентина беа во војна за Фолкландските Острови во 1982 година, кога Бритнаците победија. Во 2013 година, жителите на островите гласаа на референдум за зачувување на статусот на британска прекуморска територија.

Прашањето за сопственоста на островите повторно почна да се разговара откако на власт во Аргентина дојде претседателот Хавиер Мајли, кој изјави дека ќе ја разгледа опцијата за нивно враќање по дипломатски пат.

The post Аргентина има намера да го врати целосниот суверенитет над Фолкландските Острови кои сега се дел од Велика Британија appeared first on Република.

Британскиот министер за надворешни работи, Дејвид Лами, порача дека Велика Британија веднаш ќе суспендира 30 од 350 дозволи за извоз на оружје во Израел поради ризикот дека таквата опрема може да се користи за сериозно кршење на меѓународното хуманитарно право. Лами појасни дека не станува збор за ембарго.

Набргу по победата на Лабуристичката партија на општите избори во јули, Лами изјави дека ќе ја разгледа продажбата на оружје на британскиот сојузник Израел за да се осигура дека тие се одвива во согласност со меѓународното право.

https://republika.mk/vesti/svet/izrael-besen-na-velika-britanija-poradi-odlukata-da-ja-prekine-prodazhbata-na-oruzhje-za-izraelskata-vojska/

Со жалење го информирам Долниот дом на Парламентот дека поради проценката што ја добив, не можам да заклучам ништо друго освен дека за одреден (дел од) британски извоз на оружје во Израел навистина постои реален ризик да се користи за извршување, овозможувајќи сериозни прекршувања на меѓународното хуманитарно право“, изјави Лами.

Тој исто така рече дека Британија сè уште го поддржува правото на Израел на самоодбрана во согласност со меѓународното право.

The post Британскиот министер за надворешни работи: Велика Британија ќе суспендира 30 дозволи за извоз на оружје во Израел appeared first on Република.

Принцот Хари ќе добие осум милиони фунти кога ќе наполни 40 години. Ова му следува откако кралицата мајка им оставила значителна сума пари на своите правнуци пред 30 години, пишува „Дејли мејл“.

Фондот вреден 19 милиони фунти го основале во 1994 година кралицата Елизабета и кралицата мајка, кога Хари имал 10 години, за да им го подели на внуците, пишува британскиот весник.

Според финансискиот план, првата исплата треба да ја добијат на 21. роденден, а втората на 40. роденден, а извори од Палатата тврдат дека Хари добил поголема сума од Вилијам. На нивниот 21 роденден, секој брат ќе добие по шест милиони, што ќе се зголеми на осум на 40. роденден на Хари, кој Хари ќе го прослави на 15 септември.

Поранешен вработен за „Тајмс“ изјавил дека „фондот е основан во тоа време“.

Тоа беше начин на кралицата мајка да им остави пари на своите правнуци кога ќе пораснат и начин да пренесе дел од нејзините средства на даночно ефикасен начин“, рече тој.

Се верува дека принцовите Вилијам и Хари, заедно со нивните роднини, се корисници на фондот.

The post Принцот Хари за својот 40. роденден ќе добие осум милиони фунти оставени од прабаба му appeared first on Република.

Израел ја обвини Велика Британија дека го наградува Хамас, откако Британците ги објавија плановите за суспендирање на некои дозволи за извоз на оружје.

Израелската реакција доаѓа како одговор на изјавата на шефот на британската дипломатија, Дејвид Лами, кој пред пратениците презентираше извештај дека со двомесечниот преглед открил „јасен ризик“ оти британското оружје може да се користи во сериозно кршење на меѓународното хуманитарно право.

Британските медиуми јавуваат дека овој владин потег доаѓа само еден ден откако израелските сили ги открија телата на шестмина заложници убиени во тунел во Газа.

Израелскиот премиер Бенјамин Нетанјаху изјави дека британската Влада донела „срамна одлука“.

Нетанјаху додаде дека одлуката нема да ја промени решеноста на Израел да го победи Хамас. Израелскиот премиер додаде дека оваа погрешна британска одлука само ќе го охрабри палестинското движење.

Според западните медиуми, ваквиот британски став предизвикал судир со САД околу одлуката. Официјален Вашингтон соопшти дека нема основа за прекинот на извозот на британско оружје во Израел.

Истовремено, јорданскиот министер за надворешни работи, Ајман Сафади, повика на воведување целосно ембарго на оружје за Израел, по суспензијата на Велика Британија на извоз на оружје во Тел Авив.

Британскиот извоз на оружје изнесува помалку од еден процент од вкупното оружје што го добива Израел, а Лами рече дека суспензијата на дозволите за извоз нема да има материјално влијание врз безбедноста на Израел и дека Велика Британија продолжува да го поддржува правото на Израел на самоодбрана.

The post Израел бесен на Велика Британија поради одлуката да ја прекине продажбата на оружје за израелската војска appeared first on Република.

Родителите на едно од трите девојчиња убиени на танцов настан посветен на пејачката ѕвезда Тејлор Свифт во северна Англија на крајот на јули на потресниот погреб повикаа за да се стави крај на безредијата ширум земјата кои траат оттогаш.

Деветгодишната Алиса да Силва Агиар и две други девојчиња, шестгодишната Беби Кинг и седумгодишната Елси Дот Стенком,беа убиени а уште осум други беа повредени откако беа избодени со нож во напад на ѝ7-годишник во приморскиот град Саутпорт пред две седмици.

Следеа денови на безредија во Саутпорт и на други места и во поголемите градовит низ Велика Британија, предизвикани од лажни објави на интернет во кои се идентификуваше осомничениот убиец како исламистички имигрант во Англија. Тинејџерот, роден во Британија, во меѓувреме е обвинет, а полицијата соопшти дека инцидентот не го третира како тероризам.

На погребот на девојчето, началничката на локалната полиција на масата ѝ кажал дека родителите на девојчето, Серхио и Александра, со португалско потекло, побарале од неа да упати јавен апел за смирување на ситуацијата.

„Се надевам дека секој кој учествувал во насилните безредија на нашите улици во изминатите 13 дена ќе ја наведне главата од срам за болката што ви ја предизвикаа вам, ожалостеното се мејство“, рече началничката на полицијата во Мерсисајд, Серена Кенеди.

Повеќе од 900 лица се уапсени и 466 обвинети за злосторства поврзани со јавен неред, главно протести насочени кон мигрантите и муслиманите, а десетици веќе се осудени и отслужуваат казни бидејќи случаите брзо се следат низ судовите.

Премиерот Кир Стармер ги нарече немирите „екстремно десничарски насилници“. Стармер ги откажа плановите за одмор за да одговори на ситуацијата, а во наредните месеци се очекуваат уште многу апсења и обвиненија, соопштија обвинителите.

„Прерано те зедоа од нас и често се прашуваме ‘Зошто? Зошто овде? Зошто ние? Зошто вие? Никогаш нема да ја преболиме оваа болка, но ветуваме дека ќе ги добиеме сите одговори“, порачаа родителите на церемонијата.

Политичарите и полицијата ги обвинија дезинформациите на интернет за бранот насилство, при што министерката за образование Бриџит Филипсон рече дека училиштата сега ќе се учат како да забележат лажни вести и „гнили теории на заговор што ги преплавуваат социјалните мрежи“.

Британската влада планира да ги приспособи училишните програми за подобро да ги вооружи децата против дезинформациите и „мачмните теории на заговор“ кои кружат на интернет по неодамнешните немири на екстремните десничари, се вели во интервју објавено во неделата.

„Поважно е од кога и да е им се даде на младите вештини за да станат критички свесни за она што го гледаат на интернет. Нашата реформа на наставната програма ќе вклучи стекнување критички вештини за да ги вооружиме нашите деца против дезинформациите, лажните вести и одвратните теории на заговор што изобилуваат на социјалните мрежи“, вели министерката за образование Бриџит Филипсон за Sunday Telegraph.

Часовите по англиски јазик можат да бидат посветени на анализирање на написи во весници за да се одделат вистинските информации од лажните вести, часовите по компјутерски науки може да помогнат да се идентификуваат страниците со „лажни вести“ или ретуширани слики, додека часовите по математика може да ја нагласат статистиката за толкување.

Владата ги засили предупредувањата до корисниците на интернет и дигиталните платформи во врска со нивните законски одговорности. Во петокот беа изречени првите пресуди и затворски казни против авторите на интернет пораките кои поттикнуваат насилство.

Овие потези остро ги осудени челникот на платформа на X, Илон Маск, кој ги врати сметките, главно на политичари и поддржувачи на конзервативните, суверенистички и десничарски политики, кои ги укина претходното водство на тогашнат мрежа Twitter вклучително и на тогашниот сѐ уште републикански претседател Доналд Трамп, како што покажаа истражувањата, во тесна соработка со администрацијата на американскиот демократски претседател Џо Бајен.

Самиот милијардер, од страна на неолибералистичките таканаречени „прогресивни“ кругови, е обвинет дека „долева масло на огнот“ со овозможување на објава на постови кои наводно се насочени против имиграцијата од „заговрнички“ кругови, вклучително и напис во The Telegraph во кој се тврди дека владата сакала да гииспрати насилници во кампови на Фолкландите, во јужниот Атлантикот, што Лондон го отфрли.

The post Британија: Родителите на убиеното девојче апелираат на запирање на безредијата на улиците appeared first on Република.

Новиот британски премиер Кир Стармер, кој ја презеде функцијата по победата на неговата Лабуристичка партија на парламентарните избори во земјата на почетокот на минатиот месец, го откажа планираниот одмор поради немирите во Велика Британија, јави ДПА.

Се очекуваше Стармер овој викенд да замине на одмор во Европа со своето семејство. Наместо тоа, тој ќе работи до крајот на следната недела во својата канцеларија на Даунинг стрит 10, како и во премиерската резиденција во Чекерс.

Стармер изјави дека полицијата треба да остане во состојба на висока готовност во текот на викендот, иако засилената реакција на органите за спроведување на законот и брзото изрекување на казните на демонстрантите помогнаа да се подобри ситуацијата.

Насилството ја потресува Велика Британија повеќе од една недела како прв голем внатрешен политички тест за новата лабуристичка влада. На немирите му претходеше убиство на три деца од страна на млад мигрант чии родители се од Руанда во градот Саутпорт, северозападна Англија.

Повеќе луѓе вчера се појавија на суд во врска со неодамнешните немири, кога се одржаа протести против расизмот во голем број градови во Велика Британија, вклучувајќи ги Единбург и Белфаст. Само во главниот град на Северна Ирска на улиците излегоа околу 15.000 луѓе.

The post Британскиот премиер се откажа од семејниот одмор поради немирите во земјата appeared first on Република.

Британскиот премиер Кир Стармер изјави дека неговата влада ќе формира специјална полициска единица за справување со насилните демонстранти и дека правосудниот систем ќе се зајакне за да се справи со стотици апсења откако градовите беа зафатени од насилни десничарски протести минатата недела.

Стармер свика итен состанок поради беззаконието, за кое ја обвини екстремната десница и дезинформациите на социјалните мрежи.

Каков и да е мотивот, ова не е протест. Ова е чисто насилство и нема да толерираме напади врз џамиите и нашите муслимански заедници. Оние кои се идентификувани како учесници во овие активности ќе се соочат со целата сила на законот“, порача Стармер.

Неговиот портпарол, пак, откако Илон Маск рече дека по неколкудневните немири во Велика Британија „граѓанската војна е неизбежна“ , предупреди дека секој кој поттикнува насилство и на интернет ќе се соочи со законот.

Маск, милијардерот и сопственик на X, го напиша овој коментар на својата социјална мрежа под видеото на кое се гледа како бунтовници фрлаат огномет кон полицијата.

Онлајн платформите имаат одговорност. Значи, ако поттикнувате насилство, не е важно дали е онлајн или офлајн“, изјави портпаролот и додаде дека британската влада работи со социјалните мрежи за да обезбеди отстранување на дезинформациите.

Повеќе од 400 луѓе се уапсени од почетокот на немирите минатиот вторник по апсењето на Аксел Рудакубана (17), кој е обвинет за убиство на три девојчиња на детски час по танц во град во близина на Ливерпул.

Во судирите во последните шест дена беа повредени десетици полицајци.

The post Британија ќе формира специјална полициска единица за борба против насилните демонстранти appeared first on Република.

Секој кој поттикнува насилство на интернет ќе се соочи со целосната сила на законот, предупреди портпаролот на британскиот премиер Кир Стармер откако Илон Маск напиша дека „граѓанската војна е неизбежна“ по неколкудневните немири во Велика Британија.

Маск, милијардерот и сопственик на платформата „X“, го напиша овој коментар на својата социјална мрежа под видеото на кое се гледа како бунтовници фрлаат огномет кон полицијата.

Нема никакво оправдување за ваквите коментари. Секој што поттикнува насилство на интернет ќе се соочи со целосната сила на законот. Онлајн платформите имаат одговорност. Значи, ако поттикнувате насилство, не е важно дали е онлајн или офлајн“, изјави портпаролот на британскиот премиер, пренесе „Скај њуз“.

Тој додаде дека британската влада работи со социјалните мрежи за да обезбеди отстранување на дезинформациите.

https://republika.mk/vesti/svet/ova-e-osomnicheniot-tinejdher-za-ubistvoto-na-trite-devojchina-vo-anglija-zemjata-se-krena-protiv-migrantite/

Министерот за наука, иновации и технологија Питер Кајл изјави дека одговорноста за штетната содржина на социјалните мрежи „лежи во голема мера кај поединците и групите кои ја создаваат“.

Но, неспорно е дека социјалните мрежи обезбедија платформа за оваа омраза“, додаде тој.

Повеќе од 400 луѓе се уапсени од почетокот на немирите минатиот вторник по апсењето на Аксел Рудакубана (17), кој е обвинет за убиство на три девојчиња и десет обиди за убиства.

The post Маск најави граѓанска војна во Велика Британија, па британската влада му се закани со сериозна казна appeared first on Република.

Британската влада, пред утрешната проценка за состојбата на јавните финансии, објави дека земјата е „шворц и скршена“, пренесува Ројтерс и додава дека новоизбраната Лабуристичка партија ќе го искористи извештајот за да ги обвини своите претходници за дефицит од 20 милијарди фунти (23,6 милијарди евра).

Новата влада избрана да ја предводи шестата по големина светска економија, лабуристите поминаа голем дел од трите недели на власт објаснувајќи ѝ на јавноста дека ситуацијата е полоша отколку што се мислеше во речиси секоја област од јавната политика.

Министерката за финансии Рејчел Ривс ќе ги претстави резултатите од фискалниот преглед пред парламентот и ќе ја обвини Конзервативната партија, која ја водеше земјата во изминатите 14 години, дека минатата власт ја оставила земјата „без пари“.

„Проценката ќе покаже дека Британија е и без пари и скршена, откривајќи го нередот што го направи популистичката политика со економијата и јавните услуги“, соопшти кабинетот на премиерот Кир Стармер.

Ќе покаже и, се додава, дека претходната влада презела некои финансиски обврски за оваа фискална година без да праша од каде ќе дојдат парите.

Конзервативците ги отфрлаат обвинувањата на лабуристите за „црна дупка“ во јавните финансии како измислен изговор за зголемување на даноците и истакнуваат дека тие не кажале ниту збор за тоа за време на изборната кампања.

The post Велика Британија е „оставена без пари“ appeared first on Република.

На Самитот на Европската политичка заедница кој се одржува во Обединетото Кралство, премиерот Христијан Мицкоски имал повеќе билатерални средби, меѓу кои и со новиот министер за надворешни работи на Велика Британија.

Како што вели во видеоизјава, се сретнал со државници од регионот и соседството - со претседателите на Србија, Црна Гора и Бугарија - Александар Вучиќ, Јаков Милатовиќ и Румен Радев, и со премиерот на Хрватска, Андреј Пленковиќ. На сите овие средби, вели Мицкоски, имал можност да разговара за предизвиците за регионот и за приоритетите на македонската Влада.

-Главен приоритет на Македонија и на новата македонската Влада претставуваат добрососедските односи и конечно наоѓање трајно и одржливо решение за проблемот којшто го имаме со нашиот источен сосед. Понатаму би ги потенцирал средбите коишто ги имав со претседателот Зеленски, но и претседателот на Европскиот совет, Мишел, каде што јасно ги презентирав и ги претставив позициите на новата македонска влада, вели Мицкоски во изјавата што ја пренесува владината прес-служба.

Од учеството на Самитот тој го издвојува и своето обраќање на тркалезната маса на еден од панелите каде што се осврнал на предизвиците во енергетиката, регионалното поврзување, но и она што претставува интерес на нашата земја.

-А тоа претставува практично и регионално поврзување, тоа претставува и предизвик за навремено и одржливо снабдување на сите потрошувачи на енергенси, меѓу кои би го издвоил гасот и електричната енергија. Главен интерес на Македонија како држава е да биде земја низ која ќе транзитираат главните енергенси со којашто ќе се снабдува Централна Европа, вели Мицкоски.

На крајот од видеоизјавата премиерот додава „се враќаме назад со добри впечатоци и со она кое што претставува достоинствено претставување на македонските интереси овде, во Оксфорд, Велика Британија“.

Фото и видео: Влада на Република Македонија

The post Билатерални средби на Мицкоски во Велика Британија: Главен приоритет на Владата се добрососедските односи appeared first on Република.

Скандал го тресе безбедносниот и затворскиот систем во Обединетото Кралство откако на во јавноста се појави снимка од затворска службеничка како има секс со затвореник во неговата ќелија, за време на нејзните работни обврски.

Не е познато кога е направена снимката на која се гледа како полицајката во целосна униформа има секс со затвореникот, додека неговиот цимер од ќелијата цело време за време на односот ги снима со телефон.

Ова се случуваво затворот Вандсворт, а како што објавуваат британските медиуми, жената е уапсена и полицијата го истражува случајот.

Полициска истрага е почната на 28 јуни, откако полицајците беа информирани за видеото наводно снимено во внатрешноста на ХМП Вандсворт. Една жена е уапсена под сомнение за недолично однесување на јавна функција. Истражувањата продолжуваат. Остануваме во близок контакт со Министерството за правда“, информира портпаролот нан „Скотланд Јард“.

Како што наведуваат дел од медиумите, уапсената британска полицајка имала сопруг и син.

The post Полицајка има секс со затвореник во неговата ќелија додека цимерот снима: Секс-снимка ја тресе Британија (+18) appeared first on Република.

Рози Морел е сексуална работничка и политички кандидат за новорегистрираната партија „All is God”, која ќе се бори за место во Јужен Дорсет, за изборна единица во Долниот дом на британскиот парламент.

Рози го привлече вниманието во центарот на Лондон откако се појави во бикини со британско знаме. Целта на нејзиното појавување беше да ја промовира свеста за целите на идната партија чиј член е таа. Ако добие поддршка од гласачите, Рози ќе стане првата сексуална работничка која ќе влезе во политиката.

Роуз има профил на „Aw Lists“, што е збирка на профили на сексуални работнички за содржини за возрасни. Таму таа им се претставува на потенцијалните клиенти под корисничкото име „RosieSexTherapist“.

Јас сум обучен терапевт со страст за секс и помагање на луѓето. Сексот е витален дел од нашите животи и како терапевт и модел, сакам да ги охрабрам луѓето да го слават сексот и да уживаат во нивните фантазии и да се чувствуваат слободни со своите тела и желби“, пишува на страницата.

Таа се декларира како комбинација на „терапевт, изведувач, ку*ва и божица“ која на клиентите ќе им донесе искуство надвор од обичното. Од нејзиниот опис, може да се дознае и дека таа има диплома по психологија и дека е обучен напреден терапевт за техника на емоционална слобода и мајстор за Реики.

Јас сум длабоко духовна личност и можам да ве канализирам; ова е необична дарба што ми овозможува да се поврзам и да ги канализирам енергиите на Божицата додека ве лекувам. Јас сум исто така видовита, високо интуитивна и многу чувствителна; сите овие алатки ми дозволуваат да почувствувам што ве кочи, да го разберам лекувањето што ви треба, да го испорачам тоа исцелување и да ги исполнам вашите желби во еден холистички и еротски процес“, се вели на страницата.

The post Јас сум терапевт кој им помаѓа на луѓето: Сексуална работничка предизборно ја промовира својата партија во Лондон appeared first on Република.

Илјадници луѓе ширум Велика Британија се собраа на плажите, реките и езерата за да побараат промени на нивоата на загаденост на водата во земјата.

Демонстрантите се собраа во областите за капење од Западниот Пјер во Брајтон до плажата Гилингвасе во Фалмут по извештаите дека милиони литри вода од канализација биле испумпани во Виндермер во областа Лејк за повеќе од 10 часа во февруари.

Ситуацијата од опозициските политичари беше окарактеризирана како „скандалозна“, додека Лондон рече дека ситуацијата е „целосно неприфатлива“ и дека Агенцијата за животна средина има овластување да покрене кривично гонење.

Испумпувањето се случило во пумпната станица на компанијата во Бонс-он-Виндермер, Камбрија, ноќта на 28 февруари, пишува „Индипендент“.

Пумпите за итни случаи испуштија повеќе од 10 милиони литри вода од канализација во местото на светското наследство на УНЕСКО, откако главните пумпи беа нагло прекинати поради дефект на телекомуникациите.

The post Масовни протести на британските плажи поради наглото загадување на водата appeared first on Република.

Кралот Чарлс Трети одбележа уште еден јубилеј во своето владеење и оваа недела го откри својот прв официјален портрет по неговото крунисување минатата година, што предизвика лавина реакции на социјалните мрежи.

 

View this post on Instagram

 

A post shared by The Royal Family (@theroyalfamily)

Сликата и нејзиниот изразен црвен тон бргу предизвикаа разни реакции на интернет, а самото видео од откривањето ги насмеа корисниците на мрежите.

Се чини дека и самиот крал беше изненаден кога го виде портретот, а луѓето на мрежите се пошегуваа дека е преплашен од сопствениот изглед на сликата.

King Charles just unveiled the first official portrait of himself since the coronation.

What the bloody hell is this? pic.twitter.com/nD2qKhDq22

— End Wokeness (@EndWokeness) May 14, 2024

Жал ми е, но неговиот портрет изгледа како да е во пеколот“, гласи еден од низата слични коментари.

The post „Се исплаши самиот од себе“: Комични реакции на првиот официјален портрет на кралот Чарлс appeared first on Република.