Претседателот на СДСМ, Димитар Ковачевски упати честитка до медиумите и медиумските работници по повод Светскиот ден на слободата на медиумите и го поздрави растот кој го бележи земјата согласно извештајот на „Репортери без граници“ каде е прворангирана од државите во регионот.

Денешниот Светски ден на слободата на медиумите го одбележуваме како земја која повторно постигнува раст во медиумската слобода. Ние денес сме на 36-то место и сме најдобро позиционирани во регионот, а и пошироко, согласно извештајот на “Репортери без граници”. Ова е директна потврда дека со СДСМ, Македонија чекори по вистинскиот пат, дека ние сме земја во која се почитуваат демократските и европските вредности, посочува Ковачевски во својот пост на социјалните мрежи.

Ковачевски, воедно се заблагодари до новинарите и медиумските работници за нивната посветена работа, посочувајќи дека стекнатиот статус е партнерска и заедничка заложба на СДСМ, граѓаните, медиумите и медиумските организации.

Пред само седум години бевме сведоци дека загорзената слобода на медиумите е вратата кон автократско владеење. Тоа време не смееме да дозволиме да се врати, вели тој.

Ковачевски истакна дека СДСМ, како што изјави, секогаш била, е и ќе биде страната на медиумите, на страната на демократијата и го насочува вниманието на важноста на продолжување на процесот на евроинтеграции со цел обезбедување подобар квалитет, професионалност и заштита за медиумите и новинарите.

Единствено со продолжувањето по европскиот пат, ќе се продолжи и подобрувањето на квалитетот, заштитата и професионалноста на медиумите и ќе се продлабочи нашата заедничка борба против дезинформациите, порачува Ковачевски во честитката по повод Светскиот ден на слободата на медиумите.

The post Ковачевски: Бележиме раст на индексот на слобода на медиуми appeared first on Република.

За првото јајце се верува дека има магична моќ, па затоа неговото место е под иконата. Во народните преданија се вели дека со него се лекуваат одредени болести.

Обичаите велат дека домаќинката не треба да биде гладна кога започнува со вапцувањето на јајцата. Треба да касне макар еден залак леб, зашто, наводно, доколку вапсува на празен стомак, таквите јајца не носат радост, туку би можело оној што ги вапсува да биде несреќен и болен.

Сепак, и во вапсањето јајца, како и во сите други нешта што се работат, секогаш е најважна добрата мисла. Така, штом излезат првите сончеви зраци на Велики Четврток, домаќинката (или кој било што ги вапцува јајцата) ги буди најблиските и со првото јајце им поминува по лицата со зборовите: црвено, бело, дебело!

Инаку, вапсањето на јајцата за Велигден е еден од најраспространетите обичаи за самиот празник, што всушност, претставува симбол на животот и на раѓањето, а црвената боја, со која најчесто се бојат јајцата, ја претставува Христовата крв.

Тој обичај, според преданието, потекнува од чинот на Марија Магдалена, која по Христовото страдање тргнала во Рим за да го проповеда евангелието. Кога излегла пред царот Тибериј, му подала црвено јајце и рекла: „Христос воскресе”.

Оттогаш, спроти Велигден, христијаните ги бојат јајцата и со тоа го одбележуваат Христовото воскреснување.

Првите три јајца се вапсаат на Велики четврток пред изгрејсонце за да не ги види сонцето и затоа, според верувањата, не се расипуваат со години.

– Првото вапцано јајце му се наменува на Господ и се нарекува Господово јајце.
– Второто вапцано јајце е за домаќинот на семејството.
– Третото вапцано јајце за бериќет и за стоката.

The post Дали ја знаете моќта на првото вапсано велигденско јајце? appeared first on Република.

Црвеното јајце е симбол на Велигден поради новиот живот, плодноста, компарацијата со Христовото воскреснување.

Некои сметаат дека црвената е вистинската велигденска боја, но не случајно јајцата за Велигден се подготвуваат во повеќе бои. Освен што се вистински подарок за очи, секоја боја поединечно е извор на среќа.

Жолта боја – светлина, радост

Портокалова – трпение, моќ

Зелена – храброст, големина

Виолетова – надеж, спокојство

Сина – здравје, ведрина

Кога ќе здогледате круг, направен од малку потемна нијанса од бојата со која сте го вапцале јајцето, тоа означува огромна среќа оваа година.

The post Прегледајте го убаво јајцето што ќе го изберете на гости, ако го има ова ќе ве прати среќа appeared first on Република.

Првото вапцано јајце во домаќинството се нарекува чуваркуќа, бидејќи како што самото име говори, ја чува куќата и домашните од болести и секакво зло. Мајките ги тријат децата со тоа јајце по образите и рамената за да бидат румени и здрави.

Првото црвено јајце се чува до икона, до следниот Велигден. Кога следната година ќе бојадисаме ново јајце, старото се пушта низ река, за водата да го однесе злото, болестите, целата несреќа кое првото јајце цела година ги собирало наместо домашните.

Други обичаи кажуваат дека првото велигденско јајце од лани, треба да го закопате во земја. Пожелно е во близина да има насадено цвеќе, но не мора.

Она што не треба да го направите е старото црвено јајце полно со негативна енергија да го чувате и понатаму во домот.

The post Што да направите со првото велигденско јајце од минатата година? appeared first on Република.

Со голем ќеиф и гордост зборува македонскиот виртуоз Симон Трпчески за неговиот проект „Македонисимо“, кој вели во превод значи „Ептен македонски“. По бесплатните концерти пред македонската публика, проектот кој не наиде на разбирање и поддршка од институциите, ама затоа пак го воодушевува светот, Трпчески со дел од музичката екипа со која настапува, отсвири дел од овие песни во студиото на „Еден на Еден“.

На божиќниот специјал, кој ќе биде прикажан во недела, 18.30 на „Канал 5“, Трпчески зборува и за своите многубројни настапи низ светот. На еден од нив, во Кина, веднаш по изведбата на „На Струга дуќан да имам“, го изненадил Македонец.

Гледам излегува човек од публика, доаѓа и ми носи јајце. Велигденско јајце на сред Кина, си велам бреееј јаки сме, раскажува Трпчески за концертот за православниот Велигден.

The post Симон Трпчески добил јајце откако во Кина ја свирел „На Струга дуќан да имам“ appeared first on Република.

Првото вапцано јајце во домаќинството се нарекува чуваркуќа, бидејќи како што самото име говори, ја чува куќата и домашните од болести и секакво зло.

Мајките ги тријат децата со тоа јајце по образите и рамената за да бидат румени и здрави.

Првото црвено јајце се чува до икона, до следниот Велигден. Кога следната година ќе бојадисаме ново јајце, старото се пушта низ река, за водата да го однесе злото, болестите, целата несреќа кое првото јајце цела година ги собирало наместо домашните.

Другин обичаи кажуваат дека првото велигденско јајце од лани, треба да го закопате во земја. Пожелно е во близина да има насадено цвеќе, но не мора.

Она што не треба да го направите е старото црвено јајце полно со негативна енергија да го чувате и понатаму во домот.

The post Што да направите со првото велигденско јајце од минатата година? appeared first on Република.