Основниот кривичен суд Скопје попладнево ја објави пресудата за предметот против 13 лица обвинети за кривични дела Трговија со малолетно дете, Силување и Прикажување порнографски материјали на малолетник. Се работи за случајот со велешката група за сексуална злоупотреба и изготвување порнографски материјал​ со дете-жртва.

Судот соопшти дека сите 13 обвинети се виновни за кривичните дела кои им се ставаат на товар и на сите им се изречени затворски казни, „имајќи ги предвид сите олеснителни и отежителни околности“.

С.Д. на казна затвор од 5 години и 6 месеци, Д.С., и Д.Н. на казна затвор од 4 години и 6 месеци, Т.И., С.Н. на казна затвор од 4 години, А.Ф., Б.Ф., А.З., Т.Л., Р.В., на казна затвор од 1 години 6 месеци, К.Т., на казна затвор од 1 година и 3 месеци, а обвинетиот Б.К. му изрече условна осуда од две години затвор која нема да се реализира доколку следните пет години не стори ново кривично дела како мерка заштитен надзор, соопшти Основниот кривичен суд Скопје.

На првите пет осудени лица Судот им определи мерка куќен притвор до правосилноста на постапката. Осудените се задолжуваат и да ги надоместат судските трошоци за постапката како и трошоците за застапување на обвинетата.

Како што беше кажано и за време на изреката на пресудата: Станува збор за кривично-правена постапка кој во текот на главната расправа, по предлог на Јавниот обвинител, но и заради одредбите од ЗКП, со оглед дека оштетената во периодот на сторување на кривичното дело била малолетна, беше затворена за јавноста. Но, согласно добиените решенија од Врховниот суд на РСМ, со кои на претставници на медиумите им беше дозволено снимање и фотографирање на расправа, како и заложбите на Кривичниот суд за поголема отвореност и транспарентност на постапките, а притоа имајќи го предвид и јавниот интерес за конкретниот предмет, денешната објава на пресудата беше отворена за јавноста во делот на изреката и беше дозволено снимање и покрај своеволната одлука на дел од обвинетите да ја напуштат судницата за време на снимањето. Додека пак при објава на диспозитивот на пресудата, јавноста беше исклучена, пред се, заради заштита на податоците за жртвата, а имајќи ја предвид и судската праска на Европскиот суд за човекови права, појаснува Основниот кривичен суд по објавувањето на пресудата.

Обвинителството за гонење организиран криминал и корупција во јануари годинава го објави случајот, во кој првоосомничениот, 25-годишен велешанец, од крајот на декември 2021 година и во текот на 2022 година, со употреба на закани над детето-жртва, им овозможил на останатите осомничени и на други непознати лица да вршат полови дејствија со жртвата. Овие дејствија вклучувале сексуални активности, сексуална експлоатација и порнографија.

Според обвинителството, првоосомничениот преку апликацијата Инстаграм остварил комуникација со тогаш четиринаесетгодишното девојче и ја довел во заблуда дека ќе започнат љубовна врска. На првата средба бил направен порнографски материјал, кој потоа го користел како закана за да ја присили жртвата да доаѓа на други средби.

Забавите се случувале во станови на повеќе локации во Велес, каде присуствувале повеќемина кои прво консумирале дрога и алкохол, а потоа вршеле полови дејствија врз детето.

Обвинение беше поднесено против 15 лица, од кои двајца се спогодија со Обвинителството и добија условни казни. Од останатите 13 обвинети, 12 се во притвор, а еден е во куќен притвор.

The post Затвор за сите 13 обвинети од „велешката група“ која злоупотребуваше 14-годишно девојче appeared first on Република.

Во Основен кривичен суд Скопје денеска во 13:30 часот ќе биде изречена пресудата за случајот со велешката група за сексуална злоупотреба и изготвување на порнографски материјал​ со дете-жртва.

Во јануари годинава, Обвинителството за гонење организиран криминал и корупција го објави случајот, во кој првоосомничениот, 25-годишен велешанец, од крајот на декември 2021 година и во текот на 2022 година, со употреба на закани над детето-жртва, им овозможил на останатите осомничени и на други непознати лица да вршат полови дејствија со жртвата. Овие дејствија вклучувале сексуални активности, сексуална експлоатација и порнографија.

Според обвинителството, првоосомничениот преку апликацијата Instagram остварил комуникација со четиринаесетгодишното девојче и ја довел во заблуда дека ќе започнат љубовна врска. На првата средба бил направен порнографски материјал, кој потоа го користел како закана за да ја присили жртвата да доаѓа на други средби.

Забавите се случувале во станови на повеќе локации во Велес, каде присуствувале повеќемина кои прво конзумирале дрога и алкохол, а потоа вршеле полови дејствија врз детето.

Обвинение беше поднесено против 15 лица, од кои двајца се спогодија со Обвинителството и добија условни казни. Од останатите 13 обвинети, 12 се во притвор, а еден е во куќен притвор. Дел од обвинетите се соочуваат со минимум тригодишни затворски казни, додека дел со минимум осум години затвор.

The post Денеска пресуда за групата мажи обвинети за секуалното злоупотребување на 14-годишното девојче од Велес appeared first on Република.

Претседателот на Владата Христијан Мицкоски денеска ќе изврши увид на градежните активности на трите патни правци, од мостот Башино село до Вулканизер Дине, од Вулканизер Дине до Речани, и од мостот Гемиџии до Лукоил во Општина Велес, соопшти владината прес-служба.

Градежните зафати ги изведува Македонија пат – Подружница Велес, а вкупната инвестиција е 44 милиони денари.

Потоа, Мицкоски ќе изврши увид на спортската сала и спортските терени во ООУ „Васил Главинов“.

Спортската сала заедно со соблекувалните и тоалетите се реконструираше со финансиски средства од Министерството за образование и наука и вкупната инвестиција е во износ од 10 милиони денари.

Надворешните спортски терени опфатија целосна реконструкција на фудбалското игралиште, второто фудбалско игралиште со вештачка трева, кошаркарско игралиште со најсовремена подлога одобрена од FIBA, како и изведба на нова фитнес зона во рамки на овој комплекс. Вкупната инвестиција е 7 милиони денари.

The post Премиерот Мицкоски ќе изврши увид на градежните активности на три патни правци во Општина Велес appeared first on Република.

Претседателот на Владата на Република Македонија, Христијан Мицкоски ќе изврши увид на градежни активности на трите патни правци, од мостот Башино село до Вулканизер Дине, од Вулканизер Дине до Речани, и од мостот Гемиџии до Лукоил во општина Велес, информираат од прес службата на Владата.

Градежните зафати ги изведува Македонија пат – Подружница Велес, а вкупната инвестиција е 44 милиони денари.

Потоа, претседателот Мицкоски ќе изврши увид на спортската сала и спортските терени во ООУ Васил Главинов.

Спортската сала заедно со соблекувалните и тоалетите се реконструираше со финансиски средства од Министерството за образование и наука и вкупната инвестиција е во износ од 10 милиони денари.

Надворешните спортски терени опфатија целосна реконструкција на фудбалското игралиште, второто фудбалско игралиште со вештачка трева, кошаркарско игралиште со најсовремена подлога одобрена од FIBA, како и изведба на нова фитнес зона во рамки на овој комплекс. Вкупната инвестиција е 7 милиони денари.

Предвидено е изјава за медиуми да даде претседателот на Владата Мицкоски во близина на бензинска пумпа Лукоил во општина Велес, стои во соопштението од Владата.

The post Мицкоски утре во посета на општина Велес: Ќе изврши увид на градежни активности на трите патни правци appeared first on Република.

На денешната редовна 55. седница, Советот на Општина Велес донесе едногласна одлука, утрешниот ден, 18 октомври 2024 година, да го прогласи за Ден на жалост поради трагичната смрт на тројцата сограѓани во сообраќајната несреќа што се случи вчера, на 16 октомври 2024 година, на автопатот Скопје-Велес.

Како што информират од Општина Велес, на Денот на жалост, знамињата во Општина Велес ќе бидат истакнати на половина копје, сите културни и спортски манифестации закажани за утре, се одложуваат. Угостителските објекти кои се на територијата на Општина Велес ќе емитуваат сериозна музика.

The post Утре Ден на жалост во Велес appeared first on Република.

Во рамките на „Питијадата“ 2024 денеска се одржа 11 по ред Рекреативна велосипедска тура „Велес МТВ TOUR 2024 која ја  организира Здружението „Велес Бајкиг,во која настапија повеќе рекреативци од сите возрасти.Стартот беше кај Винарија Шато Сопот Македонија.

Во забавниот дел на  „Питијадата“ денеска на бината кај Гимназија  настапија  децата пеачи од Детскиот фестивал „Поточиња“.

Вечерва во 18 часот на бината  на „Питијадата“ 2024 ќе пее Огнен Здравковски веднаш потоа од 19.30 популарниот македонскиот пејач на народни песни Благоја Грујовски, во 21.15 часот ќе настапи и популарната Елена Ристеска. На крај на третата и последна вечер и програмата на годинашната „Питијада“ 2024 во 23 часот ќе настапи и  групата „С.А.Р.С.

Во рамки на програмата на годинашната „Питијадата“ 2024 од 11 до 13 октомври, сите три дена на влезот кај Гимназијата се одржува и Саемот на рачни изработки.

Синоќа пред неколку илјадната публика кај бината кај Гимназијата „Кочо Рацин“ во Велес во рамките на „Питијада“ 2024 концерт одржа популарната српска музичка ѕвезда Саша Ковачевиќ. Освен од Велес имаше и гости од повеќе градови и населени места во земјава кои вчера беа во Велес на оваа традиционална манифестација да се угостат со вкусна велешка пита пастрмајлија и се напијат квалитетни вина, а голем дел од нив потоа останаа и вечерта да ја проследат богатата музичка програма. Во програмата синоќа  настапија Спасен Силјановски, Александра Јанев, Мики Секуловски.

The post Во рамките на велешката „Питијада“ се одржа рекреативна велосипедска тура appeared first on Република.

Во организација на Здружението „Арт генератор“, во Велес почнува третото издание на фестивалот на „Џез, ворлд и современа музика“.

Како што информираат од Здружението, програмата е распоредена во седум фестивалски денови од 29 септември до 27 октомври, каде ќе настапат артисти од Франција, Германија, Финска, Грција, Австралија и Македонија.

Отворањето на Фестивалот беше во Спомен костурницата во Велес, каде што настапија „James Wylie“ и „Egli Katsiki“, а по завршување на перфорамсот во „Europe House“ Велес, следеа Влатко и Лемпи.

Втората фестивалска вечер ќе биде на 9 октомври со промоција на книга на Александра Спасеска, додека на 18 октомври публиката ќе има можност да го проследи перформансот на „Antez“, со кој следниот ден на малата сцена во Театарот Ј.Х.К Џинот – Велес ќе има работилница.

На 25 октомври на големата сцена во Театар Ј.Х.К Џинот - Велес концерт ќе одржат „Third World Quartet“, „Zoe’s Shanghai“, „The Hatchetations“, додека следниот ден, исто така на големата сцена во Театарот, публиката ќе има можност да ги проследи Филип Динев/Мартин Ѓаконовски дуо и Калата. Затворањето на Фестивалот ќе биде на 27 октомври со концерти на „Lufthansa“ и Данчо Саздов.

The post Почна третото издание на фестивалот на „Џез, ворлд и современа музика“ во Велес appeared first on Република.

Актуелните пожари во велешко, на планините Мукос и Бабуна во Општина Чашка, како и ветрот што непрекинато дува во изминативе три дена, го загадија воздухот во Велес, иако се на 20- тина и повеќе километри од градот. Мерните инструменти на Министерството за животна средина покажуваат високи вредности на ПМ 10 честичките во воздухот, дури и до четири пати повисоки од максимално дозволените 50 мг/м3, соопштија попладнево од Општина Велес.

Појаснуваат дека сите ресурси се вклучени во гаснење на пожарите и дека се прават натчовечки напори да се стават под контрола.

Општина Велес ја следи состојбата и е во постојана координација со Центарот за управување со кризи и Територијалната противпожарна единица.

Од општината апелираат до граѓаните да се воздржат од неаргументирани коментари на социјалните мрежи, а доколку можат да престојуваат во затворени простори и да не излегуваат на отворено без потреба.

Воздухот во Велес е посебно загаден навечер и наутро, мириса на изгорено, што кај некои граѓани предизвикува кашлање и проблеми со дишењето.

The post Пожарите на планините Мукос и Бабуна го загадија воздухот во Велес appeared first on Република.

Основното јавно обвинителство Велес донесе Наредба за спроведување истражна постапка против мајката на 6-месечно бебе кое на 12 јули беше пронајдено оставено на клупа на улицата „8 Септември“. Бебето го забележал случаен минувач и го однел во ЈЗУ Општа болница Велес, каде било примено во тешка општа здравствена состојба.

Во текот на предистражната постапка, надлежен јавен обвинител издаде наредби за утврдување на ДНК профил на бебето и ДНК анализа со кои се утврди дека сега осомничената е биолошка мајка на бебето, која со грубо запоставување на својата должност за родителска грижа и воспитување го запуштила своето новородено дете и во услови на исклучително висока температура на воздухот од над 40 степени целзиусови, го оставила на клупа, необлечено, неухрането и дехидрирано. По приемот во велешката болница, таа на кратко го посетила бебето, по што си заминала и не се вратила. Поради тоа постои основано сомнение дека со ваквите дејствија таа сторила кривично дело – Запуштање и малтретирање на дете од член 201 став 3 во врска со став 1 од Кривичниот законик.

Кај хоспитализираното бебе било констатирано тешко нарушување на здравствената состојба, што надлежниот јавен обвинител го документираше со соодветна медицинска документација и вешт наод, а испитан е и сведокот кој го пронашол оставеното дете. Против осомничената, која е во бегство и недостапна на адресата на која престојувала во Велес, надлежниот јавен обвинител до судијата на претходна постапка достави предлог за определување мерка притвор. Предлогот е прифатен, а притворската мерка ќе започне да се применува веднаш по нејзиното пронаоѓање и лишување од слобода.

Детето е ставено под старателство на Центар за социјална работа и сместено во установа за згрижување деца без родителски надзор

The post Притвор за мајка од Велес: Го оставила бебето на клупа на 40 степени, неухрането и дехидрирано appeared first on Република.

Вечерва во Велес се отвара најзначајната стрип манифестација во државата, 21 Меѓународен стрип салон „Велес 2040“, 6-та Стрип колонија“ којашто оваа година ќе се одржи од 21 до 25 август.

На свеченото отварање ќе се промовира целокупниот стрип фестивал, ќе се прогласат најдобрите од Меѓународниот стрип конкурс, избрани од рекордни 351 автори од разни земји, ќе се оделат награди по конкурсот и ќе се отвори изложбата од избрани дела.

Во периодот до 25.08 ќе работи традиционалната стрип колонија , во чиј склоп ќе има работа на авторски стрипови, размена на искуства, промоции на учесниците и други содржини.

Оваа манифестација финансиски е помогната од страна на Министерството за култура и туризам на Македонија и Општина Велес.

The post Се отвара шестата стрип колонија „Велес 2024“ appeared first on Република.

Општина Велес и манифестацијата Велешко лето распишуваат ликовен и поетски конкурс на тема „Лето во Велес”!

Право на учество имаат деца и млади на возраст до 18 години, кои ќе бидат поделени во три возрасни категории.

Достава на ликовни творби: По пошта на ул.Панко Брашнар бр.1, Велес, или во архива на Општина Велес, со назнака: За ликовен конкурс.

Достава на поетски творби: Преку е-пошта на [email protected], со назнака: За поетски конкурс.

Потребни податоци: име и презиме на авторот, место, телефонски број и е-адреса.

Рок за достава: 15.08.2024 година.

Да ги исполниме топлите летни денови со креативност и да ги наградиме најдобрите!

The post Ликовен и поетски конкурс на тема „Лето во Велес” appeared first on Република.

Општина Велес целосно ги реконструира главните улици „Гоце Делчев“ и „Страшо Пинџур“ во центарот на Велес.

Како што информира градоначалникот Марко Колев, градежните зафати на овие две улици завршија, а му претходеше гребење на стариот асфалт и негово вадење и поставување на нов асфалт.

Тој информира дека во изминатите денови се изврши и хоризонтално бележење со цел целосна безбедност на сите учесници во сообраќајот.

Граѓаните, посебно оние во центарот на градот, се противат на предлогот на општината овие две главни улици од еднонасочни да се пренаменат во двонасочни.

The post Целосно реконструирани улиците „Гоце Делчев“ и „Страшо Пинџур“ во Велес appeared first on Република.

На регионалниот пат Велес кај селото Извор во близина на селото Бусилци на кривините утрово во 8:10 часот возилото „фиат браво“ со велешки регистерски таблички излетало од коловозот, а две лица повозрасни сопружници од Велес се повредени.

70 годишната жена која била сопатник во возилото има потешки повреди, а нејзиниот 75 годишен сопруг кој возел е со полесни повреди, констатирани во велешката болница, информира за МИА Билјана Ѓаковска портпарол на СВР Велес

The post „Фиат браво“ излета на кривините во близина на Велес appeared first on Република.

Сообраќајна несреќа се случила синоќа околу 22 часот на улицата „Пенчо Давчев“ во велешката населба Речани пред Управна зграда на ЈП „Македонија пат“. Во директен судир на автомобил и камион, повредена е 78-годишната С.Ш., која од возилото ја извадиле велешките пожарникари, информира за МИА, од СВР Велес, портпаролот Билјана Ѓаковска.

На повредената и била укажана прва помош од екипата на Итна помош и била однесена во Ургентниот центар во Општа болница во Велес. Лекарите по извршените прегледи констатурале фрактура на пршленско тело. Повредењната е надвор од животна опасност, но е задржана во Одделението за ортопедија и трауматологија во болницата на понатамошно лекување.

Во 22:10 часот повик за несреќата примила Службата за Итна помош на Здравствен дом Велес. Екипа составена од лекар и медицинска сестра излегле на терен, информираа од Итната медицинска помош Велес. Појаснуваат дека повредената 78 годишна жена С.Ш. од возилото ја извадиле велешките пожарникари.

Како што информира началник д-р Василка Поп Стефанова Панова, во судар на автомобил со камион повредена е жена родена 1946 година. Пациентката била затекната во автомобилот со болки во слабинскиот дел на кичмата и затворена повреда на главата.

Беше побарана асистенција од Територијалната противпожарна единица Велес. По пристигнувањето на пожарникарите повредената пациентка беше извлечена од автомобилот. На лице место и беше укажана лекарска помош и по направена мобилизација со возило на Итна медицинска помош е пренесена во Општа болница Велес за понатамошно иследување, појасни д-р Поп Стефанова Панова.

The post Пожарникари спасувале 78-годишна велешанка по директен судир со камион appeared first on Република.

Дирекорот на ЦУК, Стојанче Ангелов во обраќање на социјалните мрежи сподели дека во Велес е избегната вистинска катастрофа откако пожар избувнал во дворот на поранешната фабрика Порцеланка каде има повеќе цистерни со гас. Според него спречена е огромна експлозија благодарение на велешките пожарникари

Во кругот на стара Порцеланка се наоѓаат повеќе цистерни со гас. Пожарот е сопрен буквално на 100 метра од садовите со гас. Благодарение на храбрите велешки пожарникари пожарот е спречен. Можела да се случи вистинска катастрофа зошто таму има најмалку 80 тона гас распореден во големи садови за складирање на гас. Ако не била брзата интервенциа на пожарникарите овде ќе имало огромна експлозија која што ќе предизвикала огромна штета“ кажа Ангелов.

https://youtu.be/vpA9bPIedGk?si=mQo4znGe-drDU28B

The post За влакно избегната катастрофа во Велес, избувнал пожар на 100 метри од склад со 80 тони гас appeared first on Република.

The post Бебето кое беше оставено напуштено во Велес, во подобрена здравствена состојба appeared first on Република.

Подобрена е состојбата на бебето кое беше најдено во центарот на Велес и се наоѓа во велешката Болница. Се работи за седуммесечно машко бебе, кое вчера попладне беше пронајдено од случаен минувач во центарот на Велес.

Марина Андова, портпарол на Општата болница Велес, во изјава за МИА рече дека подобрената здравствена состојба се должи на брзата реанимација и соодветната терапија што ја препишал тимот на лекари на Одделот за педијатрија во велешката Општа болница, под раководство на доктор Дончо Дервишов.

– Тоа во болницата било донесено неухрането, со мала телесна тежина од само 4,6 килограми, дехидрирано со исушена кожа и целосно, во многу лоша здравствена состојба. Веднаш било ставно на апарати за дехидрација и му биле извршени сите здравствени прегледи и потоа му била дадена соодветна терапија. Медицинскиот тим во Одделот за педијатрија буквално цела ноќ и денес бдеел над него, се додека не е подобрена неговата здравствена состојба. Тие и понатаму будно ја следат неговата состојба, а доенчето и понатаму ја прима пропишаната терапија до негово целосно закрепнување, информира Андова.

Од полицијата најавија дека преземаат мерки за расчистување на случајот. Со младата мајка треба да работат службите од Центарот за социјална работа, патронажните служби и полицијата.

Како што претходно информираше Секторот за внатрешни работи – Велес, синоќа во 17:40 часот било пријавено дека од страна на случаен минувач во болницата било донесено бебе оставено во центарот на градот.

– Извршен бил разговор со докторка од болницата, која рекла дека бебето било во тешка здравствена состојба и дополнително се чекаат резултати од здравствено испитување. Според докторката, по кратко време во болницата дошла С.К., на околу 20 -годишна возраст и се претставила дека била мајка на бебето, но потоа ја напуштила болницата. Се преземаат мерки за расчистување на случајот, велат од полицијата.

Извор МИА

The post Подобрена состојбата на напуштеното бебе во Велес – било оставено на улица неухрането и дехидрирано appeared first on Република.

Бебе во тешка здравствена состојба било оставено во центарот на Велес, случаен минувач го однел во болница, информираа денеска од Секторот за внатрешни работи - Велес.

Синоќа во 17.40 часот во СВР - Велес, од болница во градот било пријавено дека од страна на случаен минувач, кај нив било донесено бебе, кое било оставено во велешкото централно градско подрачје. Извршен бил разговор со докторка од болницата, која рекла дека бебето било во тешка здравствена состојба и дополнително се чекаат резултати од здравствено испитување. Според докторката, по кратко време во болницата дошла С.К., на околу 20-годишна возраст и се претставила дека била мајка на бебето, но, потоа ја напуштила болницата, појаснија од СВР - Велес.

Се преземаат мерки за расчистување на случајот.

The post Бебе во тешка здравствена состојба оставено во центарот на Велес, случаен минувач го однел в болница appeared first on Република.

Граѓаните на Општина Велес ќе можат да аплицираат на јавниот повик за субвенции за купен велосипед, што ќе трае до 7 август 2024.

Како што информираат од Општина Велес, на барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 4.500,00 денари по лице, со вклучен персонален данок на доход.

Изборот по јавниот повик ќе се реализира по принципот „со извлекување по случаен избор – транспарентно“.

Право на учество на овој Јавен повик имаат физички лица кои ќе купат велосипед од денот на објавата на Јавниот повик па се до 07.08.2024 година, ќе поднесат барање за надоместување на дел од трошоците за купен велосипед, а кои ги исполнуваат условите од овој Јавен повик.

Повеќе информации околу условите и начинот за аплицирање ќе може да најдете на официјалната веб страна на Општина Велес - https://veles.gov.mk/javenpovik-velosiped-2024/

The post Општина Велес објави повик за субвенции за купен велосипед appeared first on Република.

Советот на Општина Велес донесе одлука часовите во училиштата да започнат со интонирање на македонската химна.

Оттаму велат дека целта е да се поттикне чуство за националната припадност уште од најмала возраст.

The post Часовите во училиштата во Општина Велес ќе започнуваат со интонирање на македонската химна appeared first on Република.