Веганка чија диета со сурова храна вклучувала само егзотично овошје почина од глад и исцрпеност, пишува Дејли мејл. Русинката Жана Самсонова (39) десет години била на сирова диета, составена од овошје, семки од сончоглед, овошни смути и сокови. Имало и периоди кога практикувала „сув пост“ кога со денови не јадела и не пиела ништо.

Жана, која не пиела вода повеќе од шест години и ја заменила оваа неопходна течност за човековото тело со соковите од овошје и зеленчук, починала на 21 јули во Малезија.

Како што изјавила нејзината мајка, Вера Самсонова, за рускиот весник „Вечерњаја Казан“, таа починала од инфекција слична на колера, која се влошила поради нејзината екстремно рестриктивна исхрана. Официјалната причина за смртта сè уште не е утврдена бидејќи нејзиното семејство се обидува да го врати телото во Русија и моментално се справува со административни пречки. Жана требало да одлета дома во Казан на денот на нејзината смрт, открива мајката, која потенцираше дека не ја поддржувала исхраната на нејзината ќерка и се обидувала да ја убеди да воведе поурамнотежени навики во исхраната, но Жана одбивала.

Жана има над 10.000 следбеници на Инстаграм и патувала низ Азија во последните 17 години.

 

View this post on Instagram

 

A post shared by Raw food Creation by Zhanna D’art (@rawveganfoodchef)

На веганска диета била повеќе од 15 години, а започнала со повремено конзумирање риба и млечни производи. Но, со текот на времето исфрлала сè повеќе храна од менито, па на крајот јадела само сирово овошје и зеленчук со сок.

Тогаш почна и рецептите што ги подготвува да ги споделува на својот инстаграм-профил. Со текот на времето, видливо станува послаба. Во едно видео јаде цела диња и пие сок од морков, во друго јаде чери-домати, авокадо и сок од авокадо.

И покрај тоа што готвам отмени сурови јадења, се хранам многу едноставно. Мојата храна е едноставна, без масло, без сол, без дехидрирана храна и без протеини, пишува Самсонова во една објава.

 

View this post on Instagram

 

A post shared by Raw food Creation by Zhanna D’art (@rawveganfoodchef)

Жана тврдеше дека десетгодишното јадење сурова храна придонело таа да биде со совршено здравје и дека затоа никогаш немала сезонска настинка.

Но, во 2021 година, кога таа отпатувала во родната Русија за првпат по 9 години, веднаш фатила коронавирус. Тврдеше дека се излекувала со постење, не јадејќи или пиејќи ништо повеќе од десет дена.

Болеста постепено почна да се повлекува, секој ден со сув пост станував сè подобра и подобра... Најкритичното е зад мене и ја победив оваа болест, иако на неконвенционален начин што многумина го осудуваат, напиша таа во објава на Инстаграм.

The post Веќе не пиела ни вода: 39-годишна веганка почина од неухранетост и исцрпеност appeared first on Република.

Веганка е осудена за убиство на нејзиниот 18-месечен син кој страдал од неухранетост откако го хранела само со сирово овошје и зеленчук.

Шејла О’Лири (38) беше осудена на доживотен затвор по шест обвиненија: убиство од прв степен, тешка злоупотреба на деца, убиство од небрежност, злоупотреба на деца и две точки за запоставување на детето.

Езра О’Лири тежел само 8 килограми во моментот на неговата смрт во септември 2019 година - големина соодветна за седуммесечно бебе.

Шејла пред судот призна дека таа и нејзиниот сопруг Рајан О’Лири ги држеле своите деца на строга и диета со сирово овошје и зеленчук.

Мајката, исто така, тврдела дека го хранела своето дете со мајчино млеко, што не било докажано.

Адвокатите на судењето ѝ кажаа на поротата дека таа „избрала да го игнорира плачот на Езра“.

Нивните три други деца, на возраст од три, пет и 11 години, исто така, страдале од екстремно запоставување, според обвинителите.

Рајан О’Лири моментално го чека судењето додека е во затвор поради истите обвиненија како и неговата сопруга.

The post Му давала само со сирово овошје и зеленчук: Веганка осудена на доживотен затвор откако нејзиното бебе починало од неухранетост appeared first on Република.