Италијанската машка ватерполо репрезентација е суспендирана на шест месеци од Одделот за интегритет на водни спортови (AQIU) поради инцидентот во кој беа нападнати судии на Олимписките игри во Париз.

Во четврт-финалето на олимпискиот турнир, Италија загуби од Унгарија по изведувањето пенали, а еден од клучните моменти се случи на крајот на втората четвртина кога судиите го исклучија италијанскиот репрезентативец Франческо Кондеми поради груб прекршок.

Судиската одлука предизвика гневни реакции во италијанскиот табор, како и физички напад врз официјалните лица по завршување на натпреварот.

Италијанскиот селектор Сандро Кампања и дел од играчите вербално и физички ги нападнаа судиите и делегатите на паркингот пред базенот по натпреварот“, соопшти „AQIU“.

Италијанската Федерација е казнета и парично со 100.000 долари.

The post Шестмесечна суспензија за италијанската ватерполо репрезентација поради напад на судии appeared first on Република.

Ивица Туцак  e селектор на хрватската ватерполо репрезентација која освои сребро на ОИ. 54 годишниот Шибенчанин има успеси во базенот и трагедии надвор од него.

[caption id="attachment_805838" align="alignnone" width="640"] фото Вечерњи лист[/caption]

Тој и неговата сопруга Маријана на 21.06.2005 година ја загубиле трииполгодишната ќерка Тена. На тераса од кафуле во Шибеник врз неа паднала машина за играчки која се здобила со тешки повреди на главата. Девојчето починало неколку дена подоцна.

извор Вечерњи.хр

The post Taжна животна приказна на селекторот на хрватската ватерполо репрезентација: Ќерката починала откако врз неа паднал автомат за играчки appeared first on Република.

Ватерполистите на Хрватска се пласираа во финалето на Олимписките игри, откако во полуфиналето ги совладаа Унгарците 9-8.

Клучна четвртина на натпреварот беше втората, во која Хрватска успеа да се одлепи на два гола разлика и до крајот искусно да го сочува тоа водство.

Првиот квартал заврши со 3-3, третиот со 2-2, додека во последниот Унгарија беше поуспешна со 1-0. Финалето на Олимписките игри во ватерполо е закажано за в недела во 14:00 часот.

The post Хрватите ја совладаа Унгарија и закажаа финале на ОИ со Србија appeared first on Република.

Репрезентацијата на Србија е прв финалист во ватерполо на Олимписките игри во Париз.

Србите кои со голема мака ја поминаа групната фаза, успеаја да дојдат на чекор од златото, откако попладнево ја совладаа селекцијата на САД со 10:6.

Првата и третата четвртина завршија 2:2, втората со 4:2, а последната со 2:0 за српските ватерполисти.

Противникот на Србија во големото финале ќе биде познат вечерва по одигрување на натпреварот Унгарија – Хрватска (почеток 19:35 часот).

The post Србија преку САД до финалето на олимпискиот турнир во ватерполо appeared first on Република.

Овој викенд, на базенот Борис Трајковски, ќе се одржи првото Национално Првенство во Ватерполо по цели 20 години.

Настанот ќе се одржи на 2 јуни, со почеток во 15 часот. Повеќе од 100 спортисти ќе се натпреваруваат во две категории - сениори и кадети, со по четири тима во секоја категорија.

Ова првенство претставува значаен чекор во оживувањето на ватерполото во Македонија, и огромен напредок на клубовите во последните неколку години..

Влезот е бесплатен и настанот е одлична можност за семејства, пријатели и љубители на ватерполото да дојдат и уживаат во овој голем спортски настан.

The post Прво Национално првенство во ватерполо во Скопје по цели 20 години appeared first on Република.

Хрватска по трет пат во својата историја е светски шампион во ватерполо.

Хрватска во финалето ја победи Италија со 15:13 по мечот пет репрезентативци и со тоа го освои светското злато.

Најефикасен во хрватскиот тим беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матиас Биљака по еден.

Андреа Фондели постигна пет гола за Италија, Франческо Ди Фулвио и Николас Прешути додадоа по два, а Лука Марцијали и Франческо Кондеми по еден.

За Хрватска ова е трета титула светски шампион, по Мелбурн во 2007 година и Будимпешта во 2017 година.

The post Хрватска е нов светски шампион во ватерполо! appeared first on Република.

Ватерполо репрезентациите на Хрватска и Шпанија ќе се борат за трофејот на Европското првенство.

Шпанија во првото полуфинале ја победи Италија со 7:4. Овој меч беше реприза на дуелот за бронзениот медал од минатото првенство. Алваро Гранадос и Фелипе Пероне беа најзаслужни за триумфот во една ваква тешка партија со по два гола.

Хрватите пред домашната публика ја победија Унгарија со 11:8.

Најефикасен кај Хрватска беше Јерко Мариниќ Крагиќ со три гола, а Лорен Фатовиќ додаде два.

Кај Унгарците со по три гола најдобри беа Винс Вигвари и Адам Наѓ.

The post Хрватска и Шпанија ќе се борат за континенталното злато во ватерполо appeared first on Република.

Унгарците по вистинска драма и седум пенал-серии славеа против Грција во финалето за освојување на светската ватерполо круна.

Финалето во регуларниот дел од мечот заврши без победник, 10-10, а потоа по пеналите Унгарците славеа со 4-3.

Унгарија константно во текот на целото финале беше во предност која ја стекна во првиот период добивајќи го со 4-2. Но, Грците трпеливо успеаја да дојдат до 10-10 на крајот, за сепак да загубат во пенал-серијата.

Ова е четврта светска шампионска титула за Унгарија во историјата.

The post Репрезентацијата на Унгарија е нов светски шампион во ватерполо appeared first on Република.

Ватерполо репрезентацијата на Шпанија е последниот патник во полуфиналето на Светското првенство кое се одржува во јапонскиот град Фукуока, откако во четврт-финалето беше поуспешна од Франција со 7:6.

Противник на Шпанија во полуфиналето в четврток ќе биде Унгарија која обезбеди пласман меѓу четирите најдобри репрезентации со триумф над САД од 13:12.

Во второто полуфинале кое, исто така, е на програмата в четврток ќе играат Србија и Грција.

Србија претходно, на пенали ја совлада Италија, додека Грција беше поуспешна од Црна Гора.

The post Формирана четворката која ќе се бори за медалите на СП во ватерполо appeared first on Република.