Шефот на кабинетот на украинскиот претседател, Андриј Јермак, по разговорите со советниците за национална безбедност на САД, Велика Британија и Франција во Киев, уште еднаш ги отфрли како неосновани руските обвинувања дека Украина може да користи „валкана бомба“ или радиоактивно контаминирана.

Тоа се неосновани обвинувања кои се дел од кампањата за дезинформација на рускиот претседател Владимир Путин против Украина, потенцираше Јермак.

Украина, исто така, е подготвена да им даде пристап на експерти од Меѓународната агенција за атомска енергија (МААЕ) за да можат да се уверат во неоснованоста на обвинувањата.

„Валкана бомба“ се состои од радиоактивен материјал ослободен со конвенционални експлозиви. За разлика од нуклеарната бомба, нема нуклеарна верижна реакција. Русија ги објави обвиненијата во неделата, кои Украина, како и САД, Франција и Велика Британија веднаш ги отфрлија.

Сепак, Русија инсистира дека Украина има таква бомба и сака да ја користи.

На 24 октомври руското Министерство објави на Твитер дека имаат информации дека две украински организации добиле директни наредби за развој на таканаречената валкана бомба, истакнувајќи дека работата е во завршна фаза. Заедно со текстот, објавена е и придружна фотографија под наслов „Капацитетите на Украина за развој на валкана бомба“.

The post Украина повторно негира дека ќе користи „валкана бомба“ appeared first on Република.

Русија го повика шефот на ОН, Антонио Гутереш да направи се што може за да ја спречи Украина да ја употреби т.н „валкана бомба“, изјави постојаниот претставник во Обединетите нации, Василиј Небензија.

Што е „валкана бомба“

Од „валканите бомби“ долго време се стравуваше како потенцијално терористичко оружје бидејќи главниот ефект на таквите бомби е ширење паника со испуштање радиоактивна прашина и чад во атмосферата.

Кремљ тврди дека Украина се подготвува да активира „валкана бомба“ за да ја обвини Русија и да ја ескалира војната

Иако никогаш не се регистрирани валкани бомбашки напади, два неуспешни обиди за активирање на таква направа беа забележани во јужната руска провинција Чеченија пред повеќе од две децении.

Технички познати како уреди за радиолошка дисперзија, валканите бомби се релативно примитивни, непрецизни оружја. Тие се многу полесни и поевтини за изградба од нуклеарните оружја, а исто така се и далеку помалку опасни, пишува Гардијан.

Во „валканите бомби“ се користат конвенционални експлозиви, како што е динамитот, поставен до радиоактивен материјал, кој потоа се исфрла од силата на експлозијата. Количеството на дисперзирани радиоактивен материјал, иако опасно, не е нужно смртоносно.

Материјалот што се користи во бомбата може да се добие од радиоактивни извори што се користат во медицината и индустријата или од истражувачки капацитети.

Валкана бомба е навистина лесно да се направи“, вели Скот Рокер, потпретседател за програмата за безбедност на нуклеарни материјали во Иницијативата за нуклеарна закана.

Колкава штета можат да направат?

Бројот на жртвите и степенот на штета од валкана бомба зависи од многу променливи.
Клучен фактор е количината и видот на употребените конвенционални експлозиви, кои ја одредуваат јачината на експлозијата.

Количината и видот на ослободените радиоактивни материјали се уште еден фактор, како и временските услови - особено ветерот - во моментот на експлозијата. Потенцијално голема површина може да биде контаминирана.

Тие се повеќе психолошко оружје. Кога се обидувате да ги исплашите луѓето, да ги заплашите луѓето, би употребиле вакво оружје.

Радиоактивната прашина и чад може да се шират далеку и се опасни доколку се вдишат во близина на местото на експлозијата. Радиоактивниот столб најверојатно ќе се прошири на неколку улици, рече Рокер. Но, како што радиоактивниот материјал се шири низ атмосферата, тој станува помалку концентриран и затоа помалку штетен.

Клучните фактори кои одредуваат колку ќе биде штетно зрачењето се: видот на зрачењето, колку долго некој е изложен на него и дали зрачењето се апсорбира преку кожата, се вдишува или се конзумира орално.

Потребна е специјална опрема за детекција на зрачење. Контаминираните домови, деловни објекти и јавни услуги можат да бидат изолирани со месеци и бараат скапи операции за чистење.

The post Колку е опасна „валканата бомба“ за која Русите тврдат дека Украина ќе ја употреби appeared first on Република.

Рускиот министер за одбрана Сергеј Шојгу им кажал на своите западни колеги дека војната во Украина оди кон „неконтролирана ескалација“, пренесува Гардијан.

Додека руските трупи поставуваат нова одбрана за офанзивата на Украина во Луганск на истокот на земјата, се чини дека Москва го подготвува теренот за нова ескалација, инсистирајќи дека Киев можеби се подготвува да употреби „валкана бомба“.

Генералниот секретар на НАТО, Јенс Столтенберг, изјави дека се апсурдни тврдењата дека Украина се подготвува да употреби валкани бомби.

Кремљ продолжи да го повторува тврдењето за украинска валкана бомба, а Игор Кирилов, шеф на единицата за радиоактивно оружје на вооружените сили, рече дека војниците се мобилизираат да работат во радиоактивно контаминирана средина.

Портпаролот на Кремљ Дмитриј Песков изјави дека заканата е реална.

Во телефонските разговори со британските, француските и турските колеги, Шојгу зборуваше за „брзо влошената ситуација“, а телефонски разговараше и со американскиот министер за одбрана Лојд Остин, по втор пат во три дена.

Без да обезбеди докази, Шојгу рече дека Украина може да ескалира со употреба на „валкана бомба“ – конвенционален експлозив помешан со радиоактивен материјал.

The post Шојгу: Војната се движи кон неконтролирана ескалација appeared first on Република.

Никој нема да биде измамен ако Русија го интензивира конфликтот во Украина под изговор дека Киев ќе употреби „валкана бомба“ на своја територија, порачаа министрите за надворешни работи на Франција, Велика Британија и САД.

Министрите на трите земји во заедничка изјава ги оценија како лажни изјави од Москва дека Украина се подготвува да употреби „валкана бомба“ на своја територија.

Рускиот министер за одбрана Сергеј Шојгу вчера имаше телефонски разговори со министрите за одбрана на Турција, Франција, Велика Британија и САД.

Шојгу им ја пренел на своите колеги својата загриженост „за можната провокација на Украина“ и „можната украинска употреба на „валкана бомба“ на нејзина територија со цел да ја обвини Русија за тој напад“.

The post Западни земји: Никој нема да биде измамен околу употреба на „валкана бомба“ во Украина appeared first on Република.