Детската улица „Тоше Проески“ во Ново Лисиче деновиве добива целосно нови клупи и канти за отпадоци, а ќе бидат обновени и постојните жардиниери кои се протегаат и од двете страни на фонтаната и улицата. Истовремено, се извршува и обнова на клупите и кантите за отпадоци пред ТЦ „Бисер“.

Градоначалникот Тимчо Муцунски изврши увид на детската улица, каде екипите на Општина Аеродром интензивно работат на обнова на урбаната опрема. Станува збор за многу посетено место од сите генерации за прошетки, одмор и рекреација.

Во наредниот период нова урбана опрема ќе се поставува и на други локации на целата територија на општината, а ќе се работи и на реконструкција на сите места каде што е забележана штета - информираат од општина Аеродром.

The post Нова урбана опрема на детската улица „Тоше Проески“ и пред ТЦ „Бисер“ appeared first on Република.

Оштетени, искршени и откорнати клупи, расфрлени во зеленилото во парк Македонија, е сликата која утрово нашите екипи ја затекнаа во паркот, велат од ЈП „Паркови и зеленило“ - Скопје од каде остро го осудуваат овој вандализам.

За жал вакви глетки на уништена парковска опрема се сè почеста појава во градот.
Упатуваме осуда кон ваквото вандалско уништување на поставената урбана опрема низ зеленилото и апелираме истата да се чува како општо јавно добро за сите посетители, велат од претпријатието.

Осуда пристигна и од Град Скопје.

The post Откорнати и искршени клупите во паркот Македонија appeared first on Република.