Тренерот на Астон вила, Унаи Емери, ги сподели своите впечатоци од пласманот на тимот во Лигата на шампионите.

„Лавовите“ ќе играат во главниот европски куп за прв пат по 41 година.

- Денес е посебен ден. Сонувавме за ова од почетокот на сезоната. Играњето во Лигата на шампионите е следното најдобро нешто во Премиер лигата. Во Лигата на шампионите се среќавате со екипи од други земји. И тоа е неверојатно. Секогаш сме одговорни за историјата на тимот и наша одговорност е да се обидеме да го подобриме нашето ниво, да бидеме упорни и да го следиме сонот. Се разбира, јас сум многу, многу среќен и горд на нашите навивачи, играчите и сите останати, изјави Емери за клупскиот сајт на Астон вила.

На едно коло пред крајот на англиското фудбалско првенство, Астон вила со 68 бодови се наоѓа на 4. место во поредокот, со пет бодови пред Тотенхем кој е на 5. место

The post Ќе играат во ЛШ: Астон Вила испиша историја appeared first on Република.

Тренерот на Астон вила, Унаи Емери, се осврна на натпреварот од 19. коло на Премиер лигата против Манчестер јунајтед. Неговиот тим загуби со 3:2, иако по еден час игра водеше со 2:0.

- Тоа беа фантастични 60 минути, фантастични. Го контролиравме натпреварот и одигравме многу добро. По првото полувреме во соблекувалната рековме дека ако постигнат еден гол може да се случи кам-бек. Се боревме многу добро, но не издржавме. Тие за 20 минути постигнаа три гола. Ова беше нивниот најдобар период. Манчестер јунајтед се многу добар тим со одлични играчи. Мора да се помириме со поразот и сега единствена цел ми е да ја започнам успешно втората полусезона против Барнли в сабота, изјави Емери за „BBC“.

Со поразот од Јунајтед заврши серијата без пораз на Астон вила од седум натпревари (5 победи и 2 нерешени.

The post Емери не може да се помири со поразот од Манчестер Јунајтед appeared first on Република.

Тренерот на Виљареал, Унаи Емери ги процени шансите на Виљареал за успех во Лигата на шампионите.

Предводникот на шпанскиот клуб зборуваше во пресрет на првиот полуфинален натпревар против Ливерпул кој ќе се одржи утре на теренот на англискиот тим.

– За да постигнете нешто важно, треба да ги победите фаворитите. Победата над Јувентус во осминафиналето ни влеа поголема самодоверба. Во полуфиналето ќе се обидеме да создадеме услови за да имаме шанси. Ливерпул е одличен тим. Ни претстои возбудлива пресметка, изјави Емери.

Средбата ќе се игра утревечер на „Енфилд“ со почеток во 21 часот.

The post „Малиот“ Виљареал утре против моќниот Ливерпул appeared first on Република.

Тренерот на Виљареал, Унаи Емери ги пофали своите избраници за зрелата игра против Јувентус.

Во првиот натпревар од осминафиналето на Лигата на шампионите, шпанскиот и италијанскиот клуб синоќа одиграа нерешено 1:1.

– Не се плашевме и се покажавме како зрел тим. Можевме да го израмниме резултатот во првото полувреме, но заслужено го направивме тоа во второто. Главната работа е што покажавме зрелост. Промашивме, но се вративме во игра, израмнивме и целевме на победа. Мора да одиме во Торино и да победиме. Нивното засилување Влаховиќ прави разлика на теренот. Погоди во првата минута и можеше да постигне повеќе. Тешко е да го задржите во текот на целиот натпревар. Но, генерално, сепак успеавме да ги исфрлиме него и Мората од игра, рече Емери.

The post Емери: Не се исплашивме од Јувентус и покажавме дека сме зрел тим appeared first on Република.