Украинските сили објавија дека собориле тежок руски борбен дрон, додека Руските сили постигнуваат напредок во источна Украина.

Рускиот дрон Су-70 бил соборен во близина на градот Константинивка, во областа Доњецк, изјави шефот на воената администрација на градот, Сергиј Горбунов, за украинската јавна телевизија.

Објавените фотографии прикажуваат остатоци од дронот, откако се урнал врз куќа, предизвикувајќи пожар.

Од своја страна, руските сили објавија дека го зазеле местото Желане Друе, исто така во Доњецката област. Тоа значи дека руските сили постигнуваат нов успех само три дена по ставањето под контрола на на градот Угледар, кој се наоѓа на околу 33 километри оддалеченост, каде што повеќе од две години се водеа жестоки борби.

Загубата на Угледар укажува на влошувањето на позицијата на украинската армија ширум фронтот.

The post Украинците соопштија дека собориле тежок руски борбен дрон, руските сили напредуваат во источна Украина appeared first on Република.