Грозоморен настан ја вознемири албанска јавност во кој американскиот државјанин, Метју Џејмс Вертс(55), професор на Американ колеџ во Тирана, ја задавил сопругата и двете кучиња-домашни миленици, па се самоубил со бесење.

Трагичниот настан, кој наликува на сцена од хорор филм, се случил во стан во населбата „Треши“ во Тирана, што го имале изнајмено под кирија. Истиот го открил директорот на училиштето во кое работел Американецот, откако тој не се појавил на работа а и по многуте обиди да го добие на телефон не одговарал. Отишол до станот на професорот и го нашол обесен по што ја известил полицијата, објавија албанските медиуми.

Кога стигнала полицијата се мислело дека е само мртвото тело на професорот, но потоа во потрага по нови докази, пронајдено е и мртвото тело на неговата сопруга Индах Лилис Сартика, по потекло од Индонезија, но со американски пасош.

55-годишниот Американец откако ја задавил жената со јаже, го покрил телото со облека и врз него ги ставил двете, исто така со јаже задавени кучиња, по што се обесил, наведуваат медиумите.

Дел од медиумите пренесуваат дека оставил проштално писмо до татко му во кое стои: Татко, извини, не успеав. Жал ми е за тоа што го направив, тоа беше посилно од мене“.

The post Ужас во Тирана: Професор ја задавил сопругата и двете кучиња, па си пресудил appeared first on Република.

Нова семејна трагедија го тресе Балканот, откако вчера во Тузла, Босна и Херцеговина, маж се самоуби скокајќи од зграда, откако претходно ги убил сопругата и двете деца.

Истражни тимови на полицијата и на обвинителството се на терен.

Синоќа околу 21 часот и 15 минути сопругот и татко на децата се самоубил скокајќи од зграда во истата населба. Во моментов се утврдуваат сите околности поврзани со овие настани, изјави портпаролот на Обвинителството на ТК, Адмир Арнаутовиќ.

Според информациите на локалниот портал „Кликс“, М.Ч. е мажот кој се самоуби скокајќи од 14 спрат. Тој бил вработен како медицински техничар во Германија, а во Тузла пристигнал пред неколку дена.

Според Дневни Аваз децата биле на возраст од 2 и 9 години. Порталот објави снимка од зградата каде се случи трагедијата:

The post Трагедија во Тузла: Татко си ги уби сопругата и децата на 9 и 2 години appeared first on Република.

Српската државјанка В.Ј. (30) од Трстеник, која беше тешко повредена од огнено оружје кај Прешево кога по расправија во автомобил беше застрелана од македонски државјанин кој потоа се самоуби, им подлегнала на повредите во Универзитетскиот медицински центар Ниш.

Таа беше ранета во ноќта меѓу 7 и 8 март, а вчера им подлегнала на повредите, по точно еден месец борба за живот. Лекарите од Ниш сториле сè за да ѝ го спасат животот, но тешките повреди биле фатални, пренесуваат српските медиуми.

Пациентката В.Ј. (30), која поради прострелни рани на 8 март од ЗЦ Врање била донесена во УЗ УКЦ Ниш, а по операцијата била хоспитализирана на Клиниката за анестезија и покрај сите напори на лекарите од Универзитетскиот клинички центар Ниш, вчера им подлегнала на повредите, потврдено е од Универзитетскиот медицински центар Ниш.

За потсетување, мажот (52) кој пукал во неа е македонски државјанин од албанска националност од Тетово. Тој прво со огнено оружје ја ранил жената, а потоа се застрелал. Им подлегнал на повредите, а на пукањето претходела расправија. Мотивите на убиството и самоубиството се уште не се познати, пишуваат српските медиуми.

The post Почина жената во која пукаше тетовец на патарината во Прешево appeared first on Република.

Tешко ранување, убиство и самоубиство се случило утрово кај Крушевац, Србија, пренесува српски „Блиц“, според чии неофицијални информации, жена била пронајдена на улица во Крушевац со повреда на главата и била пренесена во Општата болница во Крушевац каде ѝ била укажана лекарска помош.

Во селото Кукљин било пронајдено тело на уште една жена, а телото на мажот осомничен дека извршил самоубиство е пронајдено во автомобил.

Во тек е увид на лице место.

Според првите информации, мажот прво пукал во неговата љубовница, по што заминал во домот на сопругата и ја убил. Кога полицијата го опколила, тој се самоубил на патот меѓу селата Стругар и Милутовац.

The post Србинка го преживеа истрелот во глава, откако љубовникот пукаше во неа, во сопругата па во себе appeared first on Република.

Полицаец (38) со пушка ја застрелал 42-годишната сопруга, по што и самиот си пресудил, пренесуваат грчките медиуми. Инцидентот се случил утрово во стан во населбата Каламарија во Солун. Според „Прототема“, двете деца на двојката сè уште не знаат ништо за злосторството.  Нив утрово нивниот татко ги одвел на училиште непосредно пред да го изврши крвавиот чин.

Според информациите на грчките медиуми, полицискиот службеник Л.М. служел во одделот за технички апликации на северна Грција и немал службено оружје.

Ја застрелал сопругата со пушка, при што смртно ја ранил во стомакот.

 Ги познавам со години, последната година беа разделени, не живееја заедно, вели локален жител кој ја познавал поранешната двојка.

Властите истражуваат дали мотивите на убиецот се поврзани со љубомора.

The post Солунски полицаец ги однел децата на училиште, ја убил сопругата па себе appeared first on Република.

Родителите Фарман и Лејла Шервани и нивните две деца, синовите Матин (2) и Шахин (12), беа пронајдени мртви во понеделникот во градот Ален во американската сојузна држава Тексас. Според првите полициски извештаи, трагедијата укажува на убиство и самоубиство, а страшното злосторство се случило неколку недели откако се удавила девојче од истото семејство.

Полицијата соопшти дека четири мртви тела биле пронајдени во домот откако полициски службеници одговориле на повикот од социјалните служби.

Припадници од локалната исламска заедница ги идентификувале четворицата членови на семејството Шервани и со полицијата споделиле дека четиригодишно девојче од истото семејство се удавило во базенот пред три недели.

Полицискиот наредник Џонатан Менес изјавил дека детективите веруваат дека споменатото давење „било изговор за злосторството“, пренесува „Ен-Би-Си“.

The post Цело семејство пронајдено мртво неколку недели откако се удавила 4-годишната ќерка appeared first on Република.