Лицето кое беше убиено синоќа во Приштина откако непознати лица пукале во неговиот автомобил е македонски државјанин, потврди косовската полиција.

Мажот бил пронајден во возило со македонски регистарски ознаки, а на околу еден километар од местото на инцидентот е пронајдено запалено возило со германски таблички. Во запаленото возило се пронајдени два калашникови со кои се претпоставува дека е извршено убиството.

„Надлежни полициски единици излегоа на местото на настанот, каде што забележаа дека во возило со македонски регистерски таблички се наоѓа едно лице, а надлежен лекар констатира дека лицето нема знаци на живот. Околу еден километар од местото на настанот е пронајдено запалено возило со германски таблички, за кое постои сомневање дека осомничените побегнале од местото на настанот“, се вели во соопштението од косовската полиција.

Косовскиот портал „Индекс онлајн“ доцна синоќа објави и детали, вклучително и идентитетот и фотографија од убиениот. Повикувајќи се на свои извори, тие наведоа дека убиеното лице е со иницијали Б. Д., имал лажни документи кои ги користел и гласеле на име Блерим Шабани.

The post Во Блерим Даци пукале со калашникови, ги запалиле заедно со возилото со германски таблички appeared first on Република.

Синоќа околу 20 часот во Приштина е застрелан македонски државјанин, јавуваат косовските медиуми. Според информациите кои ги потврди и портпаролката на косовското Министерство за внатрешни работи за регионот на Приштина, Флора Ахмети, имало вооружен инцидент во кој мета бил автомобилот од Македонија.

Во автомобилот со македонски регистарски таблички, во кој мета бил Блерим Даци, кој користел лажни документи на име Блерим Шабани била испукана канонада од автоматско оружjе. Инцидентот се случил среде Приштина.

Според информациите на полицијата, во текот на оперативните дејствија подалеку од убиството најден бил и запален автомобил кој го користеле осомничените.

The post Изрешетан автомобил со македонски таблички, неофицијално убиен Блерим Даци, кој користел лажни документи на име Блерим Шабани appeared first on Република.