Неколку светски ѕвезди остана без стариот син знак на „Твитер“. Сопственикот на компанијата Илон Маск им ги тргна ознаките за автентичност на Папата Франциск, Бијонсе, Доналд Трамп, Бил Гејтс, Ким Кардашијан, затоа што не платиле за услугата. Социјалната мрежа од неодамна почна да ја наплаќа оваа опција во рамките на системот „Твитер Блу“.

Откако Илон Маск ја презеде сопственоста на компанијата, „Твитер“ го смени начинот на кој ги дистрибуира сините значки што претходно им беа дадени на познати личности, новинари, политичари и институции по проверка на нивниот идентитет.

Значката служеше како знак дека профилот е автентичен, но Маск минатиот ноември објави дека „Твитер“ ќе почне да наплаќа по 8 долари месечно за него, за да може да генерира нов приход.

Покрај сината ознака, социјалната мрежа сега нуди и златен знак за бизнисите и знак во сива боја за сметките на владите, државните службеници и меѓународните организации.

Како што е објаснија од „Твитер“, синиот знак е со различна цена во однос на платформата на која е прикажан. Почетната цена е осум долари месечно или 84 долари годишно, а на апликацијата iOS чини 11 долари месечно или 114,99 долари годишно. Цените се исти и за апликацијата Андроид.

Маск откри дека ќе им ги плати сините знаци некои од познатите личности како што се кошаркарот на Лос Анџелес лејкерс, Леброн Џејмс и писателот Стивен Кинг.

The post Не платиле за услугата: Илон Маск им ја отстрани сината ознака на Твитер на Папата, Бијонсе, Трамп, Бил Гејтс и Ким Кардашијан appeared first on Република.

Илон Маск воведе уште една голема промена на Твитер. Корисниците на платформата во САД кои се претплатиле на услугата за автентичност „Твитер блу“ ќе може да пишуваат објави кои содржат до 4.000 знаци по твит, што е 10 пати повеќе од вообичаено дозволено.

Потребни ви се повеќе од 280 знаци за да се изразите? Знаеме дека тоа е она што многумина од вас го посакуваат. Колку и да ги сакаме добрите нишки, понекогаш сакате да напишете сè во една објава. Ве разбираме и затоа воведуваме подолги твитови“, објави Твитер блу профилот.

Kорисниците кои не се претплатени на Твитер блу не можат да објавуваат твитови подолги од 280 знаци, но ќе можат да ги видат објавите на оние коишто го прават тоа. Тие само треба да кликнат „види повеќе“ за да го погледнат целиот твит.

The post Илон Маск воведе нова опција за твитерџиите со сино лого appeared first on Република.