НУ Турски Театар премиерно ќе ја изведе претставата „Лавина“ од Тунџер Џуџенолу, во режија на Наташа Поплавска  на 30 април 2024 г. во 20.00 часот.

Претставата ќе биде изведена на сцената на Театар Комедија со титл на македонски јазик.

The post „Лавина“ од од Тунџер Џуџенолу, во режија на Наташа Поплавска премиерно во Турски театар appeared first on Република.

Министерката за култура Бисера Костадиновска-Стојчевска утре (25 април) во 09:00 часот ќе го посети објектот на Турскиот театар, соопштија од Министерството за култура.

Министерката ќе направи увид во градежните работи реализирани во 2023 година и ќе ја најави новата инвестиција за тековната 2024 година, стои во соопштението.

The post Костадиновска-Стојчевска утре ќе направи увид во градежните работи на Турскиот театар appeared first on Република.

Театар Комедија и Турскиот театар од Скопје привршуваат со подготовката на нивната прва копродукциска театарска претстава, „Демнејќи го Годо“, работена според истоимениот драмски текст од словенечкиот писател и драмски автор Драго Јанчар.

Премиерата на претставата е предвидена за 12 декември, на сцената на Театар Комедија. Режисерка на „Демнејќи го Годо“ е Сибел Авдиу, а во претставата играат: Жаклина Стевковска-Дрнасин, Едмонд Сотир, Кристина Ласовска, Селпин Ќерим и Џенап Самет.

Сценографијата ја изработи Луиџи Бејта, костимите се дело на костимографката Ивана Каранфиловска, кореограф на претставата е Александра Кочовска- Начева.

Турски театар десетина година своите претстави ги игра на сцената на Театар Комедија, каде што е сместен и ансамлот и техничкиот персонал. Новиот објект Турски театар во Скопје уште е во градба.

Драмата „Демнејќи го Годо“ првпат е поставена во сезоната 1988/89 година на сцената на Словенечкиот народен театар во Љубљана. Настанувањето на текстот на крајот на осумдесеттите години од минатиот век, ги рефлектира општествените промени во поранешната држава и на некој начин ги антиципира случувањата што ќе резултираат со крвав пир како крајна форма на апсурдот. Во оригиналниот текст на Јанчар, двата лика со индикативни имиња Франц и Јозеф, се некакви агенти чијашто мисија е да го демнат отсутниот Годо, а крајната цел е да ги уништат годоистите, следбениците на оваа идолизирана претстава (чиешто суштествување е сомнително и недокажано). Во македонската адаптација, двата лика се, всушност, удвоени и постојат и како женски верзии.

Драго Јанчар (1948) е светски познат словенечки романсиер, драмски писател и есеист. Тој е еден од најпреведуваните и најнаградуваните словенечки книжевници. Голем број дела на Јанчар се приопштени и на македонски јазик, а меѓу нив се: романите „Таа ноќ ја видов“, „И љубовта“, „Зуење во главата“, „Посакување за потсмев“, расказите „Џојсовиот ученик“, драмите „Тивко се ниша часовникот“ и други. Во драмите на Драго Јанчар основата е критичко, сатирично или алегориско прикажување на реалните настани и конкретната стварност, и загрозеноста на поединецот од насилството на власта. Со „Демнејќи го Годо“, Јанчар ќе се претстави третпат пред македонската театарска публика, откако претходно, во 1986 и во 1990 година, во Македонскиот народен театар во Скопје и Народниот театар во Прилеп беше поставен текстот „Големиот брилијантен валцер“.

The post Театар Комедија и Турски театар заедно ја подготвуваат претставата „Демнејќи го Годо“ од Драго Јанчар appeared first on Република.

Турски театар вечер премиерно ќе ја изведе претставата „Слугинки“ од Жан Жене, во режија на Сибел Абдиу.

Претставата ќе биде изведена на сцената на Театар Комедија, со превод на македонски јазик.

Улогите ги толкуваат Селпин Керим, Џенап Самет и Дин Ибрахим. Кореограф е Александра Кочовска – Начева, композитор Албин Сопа, сценограф Ујза Жури, костимограф Диелза Минци, а визуелен уметник Љуљзим Луиџи Бејта.

The post Премиера на „Слугинки“ во Турски театар appeared first on Република.

Националната установа „Турски театар“ вечер со почеток во 20 часот, на сцената на Театар Комедија, премиерно ќе ја изведе претставата Тик-Так.

Адаптација и режија на претставата работена според мотивите на Лорен Бафој и Висенте Вилануева припаѓаат на Синиша Ефтимов, а улогите ги толкуваат Селпин Керим, Осман Али, Неат Али, Несрин Таир, Ебру Мусли, Филиз Ахмет и Бурханедин Ибрахим.

Во текот на изведбата ќе се проектира и превод на македонски јазик.

The post „Тик-Так“ на режисерот Синиша Евтимов премиерно во Турски театар appeared first on Република.

НУ Турски Театар на 15.02.2023 г. (среда) во 20.00 часот ќе ја изведе претставата ЧОВЕК ПЕРНИЦА  од Мартин МЕКДОНА и во режија на Сибел АБДИУ.

Приходите од билетите на претставата ќе бидат донирани за населението погодено  од разорниот земјотрес во Турција, соопштија од НУ Турски Театар.

ЧОВЕК ПЕРНИЦА

Автор: Мартин МЕКДОНА

Режија: Сибел АБДИУ

Драматургија: Сибел АБДИУ

Продуцент: Слободан ТРАЈКОСКИ

Сценографија: Ујза ЖУРИ

Костимографија: Диелза МИНЦИ

Директор на фотографија: Фисник ХАЛИЛИ

Улоги:

КАТУРИАН: Хакан ДАЦИ

МИКАИЛ: Дин ИБРАХИМ

АРИЕЛ: Бурак РАХМАН

ТУПОЛСКИ: Јеткин СЕЗАИР

Комедија, насилство, злоупотреба, комедија, хорор, терор, комедија… Политички ангажиран театар или обична мрачна комедија која се занимава со насилство и злоупотреба?
„Човек перница“, е претстава која буквално манипулира со емоциите на публиката, преку трагични и комични дијалози, а се бави со многу длабоки и кревки теми вклучувајќи злоупотреба, насилство, морална одговорност и политичка критика.
Покрај тоа, ова дело е и критичка анализа за слободата на говорот, како и злоупотребата и детските трауми како фактор во девијацијата на народите, почнувајќи од микро човечкото општество, односно семејството.
Сместени во полициска станица со проѕирни ѕидови, ќе се соочуваме со длабоката суровост на човековата мрачна и проста природа, а воедно и со смислата на животот на бизарен начин кој се коси со сите наши претпоставки при “здрав разум”.

Сибел Абдиу, режисер

The post Турски театар ќе ја изведе претставата „Човек перница“, приходите од билетите ќе се донираат за погодените од земјотресот во Турција appeared first on Република.

НУ Турски Театар на 08.02.2023 г. (среда) во 20.00 часот ќе ја изведе претставата BELLA FİGURA од Јасмина РЕЗА и во режија на Ирена Стеријовска.

Приходите од билетите на претставата ќе бидат донирани за населението погодено  од земјотресот во Турција.

Сега е момент кога треба да ја покажеме нашата благородност,  хуманост и солидарност, велат оттаму.

BELLA FİGURA

Автор:  Јасмина Реза

Режија: Ирена Стеријовска

Асистент на режија: Инес Радончиќ

Превод на турски: Билге Емин

Сценографија: Стефан Спировски

Костимографија: Ана Кркулевска Попоски

Режија на видео: Трифун Ситниковски

Продукција на видео: City Star Production

Ликовна обработка: Шенер Халил

Дизајн на светло: Владимир Димовски

Избор на музика: Ирена Стеријовска

Играат:

Зиба Радончиќ

Слаѓана Вујошевиќ

Џенап Самет

Селпин Керим

Филиз Ахмет

Специјален гостин: Инес Радончиќ

Секој може да “пукне” … под правите околности.

Bella figura е приказна која прави вивисекција на конфликтите кои модерниот човек ги води со себе и светот. Почнува со една тривијална ситуација која сосема случајно тргнува наопаку и става пет ликови во погрешно време на погрешно место, заедно.

Во оваа претстава ја истражуваме рамнотежата која ние луѓето се чини сме осудени да ја оддржуваме, често несвесни дека еквилибриумот нема карактеристики на оддржлива состојба. Bella Figura отвара прашање за односот помеѓу она што сме и она што сакаме да бидеме, за балансирањето помеѓу своите и туѓите потреби, помеѓу животот и немилосрдните закони на природата како смртта и заборавот, вели режисерот Ирена Стеријовска

Претставата се изведува на сцената на Театар Комедија со титл на македонски јазик

The post Претставата „Bella figura“ вечерва во Турски театар, приходите од билетите ќе бидат донирани за населението погодено од земјотресот во Турција appeared first on Република.

Култното дело на Чехов, „Галеб“  беше поставено вчеравечер во рамките на драмската програма на 62-то „Охридско лето“ во режија на извонредната Нела Витошевиќ а во изведба на професионалните актерите од Турски театар Скопје.

На сцената во Центарот за култура „Григор Прличев“ беше доловена минливоста на животот во која се испреплетуваа синџир на ликови со промашени животи, несреќни судбини, невозвратени љубови, поставени во животни околности во кои не можат или не знаат да се справат.

Се обидовме да го најдеме современиот контекст за да најдеме современо видување на „Галеб“ и тука отворивме две важни теми. Едната беше конфликтот помеѓу две генерации, постара и помлада, како и последиците од невозвратена љубов.  Се обидовме да ставиме акцент на тоа како постарите генерации го кршат соништата на помладите и како на некој начин го убиваат детето во нас. Со актерите многу добро се рабравме, почнавме да истражуваме во тој правец и мислам дека без разлика колку е тежок текстот, на многу лесен начин дојдовме до правецот којшто го договоривме и до некои одредени сцени, решенија  и слично, и на крајот направивме едно уметничко дело на кое сите сме горди, вели режисерката Витошевиќ.

Ова е прва нејзина соработка со Турски театар Скопје, а како што кажа самата, „Галеб“ е дело што имала желба да го режира уште во студентските денови.

Чекав да имам прилика и услови во коишто ќе можам да го сработам на најдобар можен начин. Кога ми се јавија од Турски тетатар за соработка, јас веднаш се сетив на ова дело бидејќи Турскиот театар има неверојатна екипа на актери. Секој еден е приказна за себе и секој еден е многу сериозен во она што го работи на сцена. Сметав дека во таков добар ансамбл би било идеално да го поставам „Галеб“ бидејќи Чеков пред сè пишува студии за карактери во своите драми и затоа се одлучив тоа да биде „Галеб“ и токму со Турски театар, појаснува Витошевиќ.

Главниот лик на Ирина Николаевна Аркадина Трепљова го толкува извонредната актерка Несрин Таир која уште еднаш покажа дека е една од најдобрите наши актерки.

„Галеб“ е претстава за љубовта и театарот, но Нела има еден вид кршење на Чехов. Самата драма од Чехов колку и да е култна, тој трагикомичен начин што го има напишано Чехов, режисерката ја има модернизирано. Сите ликови во „Галеб“ се ставени во животни околности со кои ние можеме или не можеме да се справиме и во процесот на работа ние ги разделувавме од аспект на тоа да бидат поексцентрични. Таа нејзина модерна, урбана естетика што ја носи како режисер многу брзо и многу добро се прифати од професионалните актери во нашиот театар, истакна актерката Таир.

Според неа, Чехов и денес е актуелен зашто неговите драми  се видливи во секојдневието.

Мене Чехов ми е омилен автор и мислам дека еден вид магистерски труд е кога актер се занимава со дело од Чехов. Сметам дека со самото тоа што минувавме два месеци низ процес на животни ситуации и таков тип реплики коишто ги изразува тој и навидум, нели, ништо не му се случува во драмите, а во суштина има голема длабочина во многу ситуации и многу случки. На почетокот се чувствував неубаво зашто ми беше криво зошто го кршиме Чехов. Чехов го чувствувам како современ,секогаш присутен, неговите драми ги гледам во секојдневието, но откако ја направи Нела претставата и откако видов дека поентата ѝ беше да ископаме малку и од нашиот живот што драматуршки го направи Викторија Рангелова, сè беше поинаку.  Од нашиот живот му додадовме на Чехов, колку тој бил и тогаш современ и колку ние сега имаме такви ситуации ама немаме такви дела, па можеме да ги вметнеме како инстанци од аспект дека и ден денес има судир на генерации и слично, раскажа  актерката Несрин Таир.

Турски театар Скопје е чест гостин на „Охридско лето“ и секогаш  ги носи најдобрите театарски претстави на фестивалот.

The post „Галеб“ – драма за конфликтот меѓу две генерации и последиците од невозвратената љубов appeared first on Република.

Со одлука на Министерството за култура, Ајлин Емин Скоро е назначена за нова директорка на Турскиот театар од Скопје. Скоро од почетокот на јули дојде на местото на актерката Несрин Таир, која раководеше со Турскиот театар од 2019 година.

Ајлин Скоро до сега беше претседателка на Управниот одбор на Турскиот театар, а доаѓа од музичката фела.

The post Ајлин Емин Скоро е нова директорка на Турскиот театар од Скопје appeared first on Република.

НУ Турски театар вечер премиерно ќе ја изведе претставата „Галеб“ од Антон Павловиќ Чехов, во режија на Нела Витошевиќ.

Улогите ги толкуваат Ирина Николаевна Аркадина Трепљова – Несрин Таир, Константин Гаврилович Треплов – Хакан Даци / Осман Али, Петар Николајевич Сорин – Џенап Самет, Нина Михајловна Заречна – Стефанија Начевска / Сузан Акбелге, Маша – Ебру Мусли, Борис Алексеевич Тригорин – Селпин Керим, Евгениј Алексеевич Дорн – Метин Ибрахим, Семјон Семјонович Медведенко – Неат Али.

Претставата се изведува на сцената на Театар Комедија со титл на македонски јазик.

The post Турскиот театар премиерно ќе ја изведе претставата „Галеб“ од Чехов appeared first on Република.