Мобилната апликација за пристап до социјалната мрежа „Трут сошл“ (Truth Social), развиена на иницијатива на поранешниот американски претседател Доналд Трамп, од денеска - 21 февруари е достапна во „Апстор“ (AppStore) .

Креаторите на „Трут сошл“ ја лансираат социјална мрежа на националниот празник - Денот на претседателот, кој традиционално се одбележува во третиот понеделник во февруари.

Последните недели од неговиот мандат како претседател на САД, Трамп имаше блокирани сметки на Твитер, Фејсбук и Инстаграм. Ова се случи набргу откако неговите приврзаници упаднаа во Конгресот на 6 јануари 2021 година и се обидоа да го спречат одобрувањето на резултатите од минатогодишните претседателски избори.

Во врска со инцидентот, демократите почнаа постапка за импичмент на Трамп. Сепак, Сенатот на Конгресот не ја поддржа иницијативата.

The post Пуштена во употреба социјалната мрежа на Доналд Трамп appeared first on Република.