Градоначалникот на општина Гази Баба Бобан Стефковски, денес направи увид во градежните работи за изградба на фекална канализација во дел од Урбаната заедница Триангла.

За посетата, градоначалникот Стефковски информираше на својата официјална страна на фејсбук на која напиша:

Се решава долгогодишниот проблем со фекалната канализација на жителите од ул. „Модест Мусоргски“ во Триангла. Утрово направивме увид во градежните работи на новата мрежа на фекална канализација која ја градиме на ул. „Модест Мусоргски“ во Триангла. Со оваа инвестиција ставаме крај на долгогодишниот проблем кој го имаа жителите од овој дел на Триангла. Инвестициите за реализација на проекти продолжуваат насекаде низ општина Гази Баба. Дополнително во завршна фаза е и проектната документација за реконструкција и ревитализација на целата улица Модест Мусоргски со изградба на тротоари. Општина Гази Баба од ден за ден станува подобро место за живеење, напиша Стефковски.

The post Стефковски: Го решаваме проблемот со канализацијата во Триангла appeared first on Република.

Тешко повреден е мотоциклист во сообраќајка кај Триангла.

На 22.08.2022 вo 19.10 часот во СВР Скопје било пријавено дека на крстосницата од ул.„Благоја Стефковски“ со ул.„Методија Андонов Ченто“, на место викано „Триангла“, се случила сообраќајна несреќа помеѓу патничко моторно возило „тојота“ со скопски регистарски ознаки управувано од М.Ј.(36) од с.Трубарево, скопско и мопед „кимко“ со скопски регистарски ознаки, управуван од Д.П.(48) од Скопје, соопшти МВР.

Во несреќата со тешки телесни повреди се здобил мотоциклистот, констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post Мотоциклист тешко повреден во сообраќајка кај Триангла appeared first on Република.

Градоначалникот на општина Гази Баба Бобан Стефковски денес 11.04.2022 година означи почеток на градежните работи за изградба на нов голем мултифукнционален парк во населеното место Триангла.

За почетокот со изградба, Стефковски информираше на својата официјална страна на фесбук на која напиша:

Денес означуваме почеток на изградбата на првиот голем мултифункционален парк на територија на општина Гази Баба.

Паркот се гради помеѓу пешачката патека и општинското основно училиште Наум Нумовски Борче на површина од 2000 метри квадратни.

Во рамки на паркот ќе има повеќе содржини, комплетно хортикултурно уредување, ќе се изградат патеки со павер елементи, ќе се постави ново улично осветлување, летниковец и повеќефункционална фонтана.

Ќе се постават и повеќе реквизити за детска забава, додека на другиот крај од паркот ќе се изгради и парк за миленичиња.

Со изградбата на мултифункционалниот парк ќе се изврши урбанизација на овој простор на кој во минатото често се депонираше отпад.

Овој мултифункционален парк за жителите на Триангла, Маџари и цела општина Гази Баба ќе преставува нов уреден простор за одмор и рекреација.

Општина Гази Баба ќе продолжи со инвестициите во зголемувањето на парковските површини.

Изградбата на вакви мултифункционални паркови ќе продолжи и во други населени места“. – напиша Стефковски

На настанот покрај градоначалникот Стефковски, присуствуваше и пратеничката во Собранието на РМ Жаклина Пешевска, членови на Советот на Општина Гази Баба и граѓани.

The post Стефковски најави нов голем мултифункционален парк во Триангла appeared first on Република.