Во тек на монтажа на декоративната фасада на источната страна од комплексната градба, како последица на искра од швајц- апарат употребен при поставувањето на држачите, се запали фасаден панел, објаснува изведувачот БЕКОМ ИНВЕСТ ДОО, за пожарот кој вчера избувна во новиот неотворен трговски центар „Блис“ во Битола.

https://republika.mk/vesti/crna-hronika/pozhar-vo-trgovskiot-tsentar-blis-vo-bitola-na-samo-nekolku-dena-pred-negovoto-otvorane/

Благодарение на брзата детекција и дојава, и секако, на брзата реакција на гасење со хидрантска мрежа, пожарот за релативно кратко време беше локализиран од страна на ТППЕ Битола.
Овде, дозволете да ја изразиме нашата бескрајна благодарност до командирот и сите вработени на ТППЕ Битола, кои беа на ниво на задачата и извршија навремена локализација. Дополнителна и голема благодарност изразуваме до градоначалникот на Општина Битола, г-дин Коњановски, секретарот Димитровски, на раководството на јавните претпријатија кои извршија брз увид со своите екипи, на пожарната единица од РЕК Битола, како и на обучениот затекнат кадар на објектот вклучувајки ги сите останати лица кои несебично се вклучија во помошта при гасењето на пожарот, велат од „Беком инвест“.

Потенцираат дека во инцидентот нема повредени и дека не се констатирани штети на останатите делови на објектот ниту на конструктивните делови од истиот.

Новиот трговски центар, кој се наоѓа на влезот во Битола и до кој се гради новиот супермаркет на „Лидл“ треба да биде отворен во среда, 5 август.

The post Искра од швајц-апарат го запали фасадниот панел, објасни изведувачот на новиот битолски мол „Блис“ appeared first on Република.

Пожар избувна во новиот трговски центар „Блис“ во Битола, кој треба да биде отворен на 5. август. Причините за пожарот се непознати, а во неговото гасење учествувале и противпожарни екипи од РЕК БИтола, пренесува ТВ 21.

Трговскиот центар е во завршна фаза. Предвидено е да има познати брендови. Не е јасно дали овој пожар ќе го помести отворањето.

The post Пожар во трговскиот центар „Блис“ во Битола, на само неколку дена пред неговото отворање appeared first on Република.