Портпаролката на руското Министерство за надворешни работи, Марија Захарова, во авторски текст за „Росиска газета“ наведува дека одамна е познато дека Украина е еден од светските лидери во црната трансплантација.

Таа наведува дека Украина вади човечки органи од ранетите и убиените на бојното поле и ги продава на црниот пазар на клиенти во земјите на ЕУ и НАТО.

Според Захарова, во Украина незаконски се ваделе органи од мртвите тела уште во доцните 90-ти години од минатиот век, а ситуацијата се влошила од 2014 година по соборувањето на претседателот Виктор Јанукович.

Постојат докази дека во јуни 2023 година, претставници на Министерството за здравство на една од земјите на НАТО се договориле со украинската страна за испорака на вагон-ладилник за човечки органи и делови од телото, пишува Захарова.

Таа тврди дека се тргува со рожници на очите, некои коски, сврзни ткива, срца и црн дроб. Според Захарова срцата се продаваат за околу 21.000 фунти, а бубрезите за околу 11.000 фунти.

Официјален Киев не ги коментираше наводите на Захарова.

Захарова и во мај ја обвини Украина за илегална трговија со човечки органи.

The post Захарова: Во Украина цвета нелагалната трговија со човечки органи извадени од ранетите и загинатите на бојното поле appeared first on Република.