Претседателот на САД Џо Бајден се тестираше позитивно за Ковид додека водеше кампања во Невада и има благи симптоми, соопшти синоќа Белата куќа. Бајден изјави дека во наредните денови ќе се изолира во својот дом во Делавер.

Болеста за него доаѓа во неудобно време кога сè повеќе демократски првенци повикуваат да се откаже од изборите и да му даде шанса на помлад кандидат кој може да го победи Доналд Трамп, претседателскиот кандидат на републиканците, јави дописникот на МИА.

Во изјавата се вели дека Бајден е вакциниран и има примено засилувачка вакцини и дека ќе се изолира во Делавер додека ги исполнува „целосно своите обврски“.

Според лекарот на претседателот, Бајден имал настинка, кашлица и омалаксаност, но се чувствувал добро во текот на првиот ден на настанот во Невада. Потоа бил тестиран за Ковид и тестот се покажал позитивен.

Се дознава дека респираторниот ритам и нивото на кислород на Бајден се нормални и дека му била дадена прва доза од лекот Паксловид.

-Се тестирав позитивно за Ковид попладнево, но се чувствувам добро и благодарам на сите за добрите желби, напиша Бајден во порака на Х.

-Ќе се изолирам додека закрепнувам и во меѓувреме ќе продолжам да работам за да ја завршиме работата за Американскиот народ.

Бајден се разболи од Ковид-19 во неудобен час кога сè повеќе демократски лидери повикаа да се откаже од изборите и да му даде шанса на помлад кандидат кој може да го победи Доналд Трамп, претседателскиот кандидат на републиканците.

Бајден претходно изјави дека може да се откаже но само во случај на болест или ако биде убеден од опасноста за повторно враќање на Трамп во Белата куќа

The post Бајден фати корона appeared first on Република.

Поранешниот американски претседател Доналд Трамп денеска полни 78 години, што, според американски медиуми, е пресвртница што ќе ги потсети американските гласачи дека двајцата кандидати на претстојните избори се најстарите кандидати во американската историја.

Анкетите на јавното мислење покажуваат дека Американците се позагрижени за возраста на актуелниот претседател на САД, Џозеф Бајден, кој има 81 година, иако Трамп е само три и пол години помлад и доколку добие втор мандат, ќе да биде најстариот претседател што ќе биде инаугуриран.

Трамп за време на предизборната кампања експлицитно не прашал за годините на Бајден, туку, како што пренесуваат медумоте во САД - се обидувал да ја искористи секоја вербална грешка на противникот, како и бавното одење на Бајден.

Бајден одговори на прашањата за неговата возраст, велејќи им на гласачите дека треба да се фокусираат на она што тој го постигнал за време на неговиот мандат.

Тој, исто така, го опиша Трамп како закана за демократијата и ја критикуваше неговата „запалива“ реторика против имигрантите.

Демократите, исто така, изразија дека се загрижени дали Бајден ќе може да заврши уште еден мандат.

Во анкетата на Ројтерс/Ипсос од февруари оваа година, околу 78 отсто од испитаниците, од кои 71 отсто се демократи, рекле дека Бајден е премногу стар за да работи во владата.

Не е јасно колку возраста на претседателот ќе влијае на конечниот исход.
Првата телевизиска дебата меѓу Бајден и Трамп ќе се одржи на 27 јуни

The post Oд Бајден и Трамп Америка немала немала постари претседатели appeared first on Република.

Рејтингот на одобрување на претседателот Џо Бајден е сличен со тој на поранешниот претседател на САД, Доналд Трамп, но голем е процентот на неодредни гласачи, jaви синоќа Си-ен-ен. Во меѓувреме и двајцата неделава одржаа партиски митинзи.

Резултатите од анкетата се просек од трите последни анкети на Универзитет Квинипек од кои се дознава дека 39 отсто од Американците ја одобруваат работата на Бајден додека 38 отсто од нив го одобруваат Трамп. Сепак, 24 проценти укажале дека не одобруваат ниту еден од двата кандидата.

Таа група на неодредени гласачи всушност ќе ги решава разултатите од изборите во ноември 2024 година. Има уште многу време и се уште не се знаел дали Трамп ќе успее да се избори за номинацијата кандидат од Републиканската партија.

Во борбата учествуваат уште четворица пртивкандидати: поранешната амбасадорка на САД во ОН Ники Хејли, сенаторот од Јужна Каролина Тим Скот, гувернерот на Флорида Рон Десантис и екс-потпретседателот Мајк Пенс.

Трамп пак вчера во Ајова го предводеше својот најголем кампањски настан, со говор пред илјадници подржувачи.

Тој го искористи митингот за да го нападне својот главен ривал од републиканците, Десантис, затоа што се спротивстави на федералниот мандат за етанол, додаток за обновливи извори на гориво што Ајова ја предводи земјата во производството.

-Горд сум што сум „најпрофи“ фармерскиот претседател што некогаш сте го имале, рече Трамп на почетокот на настанот чија цел беше да се промовира земјоделското досие на неговата администрација и да се брани неговиот надзор над прекршувањето на регулативите за земјоделците.

-Се борев за етанолот од Ајова како ниеден претседател во историјата, рече Трамп.

Ајова е првата држава каде традиционално се одржуваат првичните внатрепартиски избори за претседателски кандидат, како кај републиканците така и кај демократите. Победата во таа држава обично го одредува успехот и во понатамошната трка за избор на кандидат.

Бајден завчера митинг одржа во Јужна Каролина каде даде насоки за успесите на неговата економска политика што тој зачестено ја нарекува „бајденекономија

The post Бајден и Трамп имаат речиси изедначен рејтинг appeared first on Република.