Албанската полиција ги повика граѓаните да достават информации поврзани со пукањето врз телевизијата Топ чанел во Тирана, при што беше убиен 60-годишниот чувар, Пал Кола.

Полицијата нуди награда од 100.000 евра за секоја вредна информација која би довела до откривање на сторителите, јави Топ чанел.

Управата на полицијата во Тирана објави детали од истрагата за случајот.

Според официјалните информации од албанската полиција, констатирани се оштетувања на фасадата на зградата во која е сместена телевизијата Топ чанел, како и на два автомобила паркирани во дворот на објектот.

Возилото на сторителите беше снимено од безбедносните камери во околината, а е пронајдено запалено во близина на Голем, во кое биле и три автоматски пушки.

The post Албанската полиција нуди награда од 100 илјади евра за информација за нападот врз Топ чанел appeared first on Република.

Двајцата  се приведени во Валона, но се жители на Скадар.

-Истрагата продолжува во врска со осомничените кои би можеле да бидат вмешани во смртоносниот напад. По неколку часа од настанот две лица се  приведени во Валона, но се жители на Скадар. Пренесени се во Тирана на распит, стои во полициското соопштение.

Нападот го извршиле три лица, вчера околу 1 часот кои од возило „ренџ ровер” со автоматски пушки пукале во првиот и вториот кат на зградата.

Чуварот се наоѓал во стражарската куќичка. Бил вработен пред шест месеци. Татко е на три деца.

Кусо  пред нападот зградата ја напуштиле 10 новинари и сниматели, со што е избегната поголема трагедија. /МИА

The post За вооружениот напад врз Топ чанел приведени две лица appeared first on Република.

Непознати сторители ноќеска отвориле оган врз Топ чанел, најгледаната албанска телевизија, пукајќи со огнено оружје во правец на објектот.

Во инцидентот, што се случил во околу 1 часот, убиен е Пали Кола (60) лице од обезбедувањето.

Возило "Ренџ Ровер”,  за кое се верува дека им припаѓало на напаѓачите е пронајдено запалено.

Експресно реагираше албанскиот претседател, Бајрам Бегај ,кој настанот го оцени за тежок инцидент и побара од надлежните брзо расветлување на случајот, изразувајќи пшритоа сочувство до семејството на настраданиот.

The post Пукано врз албанската телевизија „Топ чанел“, убиен член на обезбедувањето appeared first on Република.