„Во членот 8, се цитираат членот 3 и 6 каде се укажува дека Бугарија веќе има работна група која е составени правосудни експерти, извршната власт и академската фела кои работат на уставни и законски измени согласно извештаите на Советот на Европа и дополнително им стои на располагање за да ги регистрираат овие здруженија. Да повториме дека Бугарија е таа која треба да го смени Уставот а не ние во Македонија“ вели адвокатот Менковски за Алфа.

Бугарија има рок до 16-ти декември да состави документација од преземените мерки и резултати од спроведувањето на заклучоците на Советот на Европа. Тоа ќе биде разгледано на следниот состанок во март идната година. Тука адвокат Менкиновски го издвојува заклучокот дека без ефективни резултати, можно е да биде доведено во прашање членството на Бугарија во Советот на Европа, бидејќи со непочитување на одлуките на Судот за човекови права не се почитува ниту Конвенцијата која е услов за членство.

„Ние кога зборуваме како Македонци, имаме исто така ОН и други организации кои исто така се битни, каде ние можеме да продолжиме ако Бугарија биде исклучена од Совет на Европа. Ако Бугарија биде исклучена од Совет на Европа тоа е многу голема работа бидејќи Бугарија се става на еден пиедестал дека за непочитување на владеење на правото, на основните на човекови права и непочитување на демократски принципи. Ако биде исклучена тоа покажува и една многу погрешна политика која ја водела Бугарија во изминативе години“ вели адвокатот Менкиновски.

Според извештаите уште пред повеќе од 10-тина години од Советот на Европа Бугарија треба да го отвори Уставот за признавање на малцинствата меѓу кои Македонците и нивно запишување во највисокиот правен акт.

Со одлуката на Комитетот на министри, според македонското здружение ОМО „Илинден“ Пирин и се стеснува просторот на Бугарија за маневр и спроведувањето на одлуките од европските институции.

The post Менкиновски: Бугарија е таа која треба да го смени Уставот, а не ние во Македонија appeared first on Република.

Се чувствувам горд што го истакав знамето од Кутлеш, рече адвокатот Тони Менкиновски на денешните завршни зборови во Охрид.

Тоа е културно и национално обележје на Македонците.Без оглед на одлуката на судот ќе продолжам да го истакнувам и ќе се борам тоа да се врати и да биде државно знаме.Истакнувањето не е спротивно на ниту еден меѓународен договор или закон-рече Менкиновски пред судот.

Тој е обвинет дека на празникот Водици го истакна знамето на Самоиловата тврдина во Охрид.

The post Mенкиновски: Се чувствувам горд што го истакнав знамето од Кутлеш appeared first on Република.

Адвокатот Тони Менкиноски во интервјуто за „Република“ коментираше дека нема дилеми која беше намерата на власта доколку се донесеше Законот за амнестија.

https://www.youtube.com/watch?v=8rp05GWbOls&t=110s

Законот за амнестија беше избрзано решение.Тој следеше со проблеми во казнено-поправните установи.Тој закон сакаа да се донесе за да излезат многу луѓе од подземјето и да им помогнат за следните избори на сегашната политичка гарнитура.Не се прави тоа така.Тој казнен систем треба целосно да се преобработи во два аспекти.Првиот е прекршочниот во кој треба да се минимализираат казните кој треба и вториот е кривичниот во кој треба да се максимизираат.

The post Meнкиноски: Намерата на власта со Законот за амнестија беше да излезат луѓе од подзејмето за да и помогнат на власта за изборите appeared first on Република.

Пред Основниот суд во Охрид и денеска не се одржа рочиштето од процесот што се води против адвокатот Тони Менкиноски. Против него е покренато обвинение за нарушување на јавниот ред и мир со тоа што лично тој ја презеде одговорноста за поставување на знаме со сонцето од Кутлеш во центарот на Охрид, за празникот Богојавление.

Денешното рочиште не се одржа, како што беше речено, поради здравствени проблеми на судијата Милчо Клишески кој го води предметот, а наредното ќе биде закажано дополнително.

И овојпат не се појавија претставници на Министерството за внатрешни работи, од каде против него е покрената прекршочната пријава за поставувањето на знамето, како дело со кое е истакнато „знаме или грб кој не ги содржи обележјата утврдени со закон“.

Несериозен однос од Судот, прво требаше да не известат дека судијата се разболел, дека нема да се одржи судењето. Второ, воопшто никој не се појавува на судењата од страната која го поднела обвинението… Сега е целта да се калкулира со овој предмет, да не се будат страстите кај Македонците бидејќи не знаат како да се справат во овој предмет. Од една страна сакаат да ме осудат, а според правото треба да донесат ослободителна пресуда бидејќи тој го што иницирал треба да се појави и да образложи. Во спротивно кадијата те тужи, кадијата те суди, рече Менкиноски.

Менкиноски, кој инаку ги застапува Македонците во Бугарија пред Судот за човекови права во Стразбур, за медиумите рече дека негова цел е да извојува победа, за знамето со македонското сонце од Кутлеш да може слободно да го вее секој оној кој себеси се идентификува за Македонец како знак што го смета за свое културно историско и национално наследство.

Не смееме да дозволиме пракса да ни биде забрането да го истакнуваме ова сонце. Ќе одиме и до Стразбур и до други меѓународни институции како Обединетите нации итн, рече тој.

Адвокатот Менкиноски ја презеде одговорноста за поставувањето на големо 40-метарско знаме со македонското сонце на првиот ред од Самоиловата тврдина во центарот на Охрид, за верскиот празник Водици и во уште една прилика кога беше организиран протестен собир на група граѓани за поддршка на осудените за настаните во Собранието од 27 април 2017 година.

Инаку, и денеска како и за време на претходните рочишта по предметот, група граѓани на Охрид се собраа пред Основниот суд во Охрид за да му искажат поддршка на обвинетиот.

The post Менкиновски: Целта ми е да извојуваме победа за знамето со сонцето од Кутлеш да може слободно да го вее секој Македонец appeared first on Република.

Адвокатот Тони Менкиноски доби пријава затоа што го развеа знамето со сонцето од Кутлеш во Охрид во знак на поддршка на уставобранителите на 27 април годинава.

Поголема група граѓани денеска во 18 часот се собра пред Собранието под слоганот „Јас сум Тони Менкиноски“, давајќи му поддршка на адвокатот.

Ние си имаме право да си го вееме македонското знаме. Утре е судењето, па не очекувам ништо друго освен да ме ослободат. Како прво и основно, не постои закон кој може да нѐ спречи да го вееме македонското знаме. Поради таа причина против мене е поднесено обвинение за нарушување на јавниот ред и мир, бидејќи и тие самите не знаеле како да го нормираат обвинението. Со ова сакаат да покажат дека Македонците не смеат да го користат ова сонце, рече Менкиноски денеска директно од протестот пред Собранието.

Инаку, тој е застапник на ОМО Илинден и има добиено десетина судски процеси против Бугарија.

The post Собир за поддршка на Тони Менкиноски: Имаме право да го вееме македонското знаме appeared first on Република.