Предметот македонски јазик влегува во редовната наставна програма на постдипломските студии на Факултетот за странски јазици во Тирана.

Се работи за нова, современа, иновативна и интердисциплинарна насока на постдипломските студии „Интеркултурна тријазична комуникација во туризмот”. Во рамки на оваа насока, студентите избираат три од понудените јазици, кои се изучуваат паралелно со совладување на нивниот социо-културен контекст, објави весникот „Илинден".

Целта на наставната програма на овие постдипломски студии е создавање на висококвалификувани кадри кои со својот космополитски и полиглотски поглед на светот, ќе ги разбиваат јазичните бариери и ќе создаваат нови мостови меѓу културите преку туризмот.

Според објавата на факултетот, студиската програма за магистерски науки по „Меѓукултурен јазик и комуникација и тријазичен туризам“ (2 години, 120 кредити) доаѓа со иновација за академската 2024-2025 година.

Оваа целосно реструктуирана програма благодарение на соработката со бизнис и туристичката индустрија во земјава, странските партнерски универзитети и меѓународните експерти во оваа област е златна можност за сите студенти кои имаат страст за комуникација, странски јазици, култура, патување и туризам, наведува Факултетот.

Новата наставна програма е во согласност со највисоките стандарди на оваа струка и ќе биде изработена на три странски јазици. Модулите кои се нудат врз основа на компетенции и проектот им даваат повеќе простор на професионалните и технолошките вештини на студентот. За првпат стручната пракса ќе се протега во текот на три семестри со што студентот ќе има можност да биде поблиску до професијата и пазарот на трудот.

Иницијативата за повторно отворање Лекторат по македонски јазик во Тирана беше отпочната во декември минатата 2023 година, кога беше остварен работен состанок меѓу директорката на Меѓународниот семинар за македонски јазик, литература и култура при Универзитетот „Свети Кирил и Методиј” во Скопје, проф.д-р Весна Мојсова-Чепишевска и претседателот на Македонското друштво „Илинден” во Тирана, Никола Ѓурѓај. Тогаш беше и доставено барање до УКИМ за отворање на Лекторатот на Факултетот за странски јазици во Тирана, наведува весникот „Илинден". 

The post Македонскиот јазик во наставната програма на постдипломските студии на Факултетот за странски јазици во Тирана appeared first on Република.

Во Албанија продолжува граѓанската непослушност објавена од опозициските демократи, во чии рамки вечерва пратеници, членови и поддржувачи, 3 часа блокираа 6 главни национални патни правци од северниот до јужниот дел на земјата.

Вечерашната активност е продолжение на протестите на опозицијата што ги одржа по изречената едногодишна затворска казна на пратеникот Ервин Салиањи, што го сметаат за „политички мотивиран за уништување на опозицијата“.

Како и на претходните протести и вечерва побараа „заминување на Еди Рама и формирање техничка влада“.

-Илјадници револтирани граѓани доброволно излегоа за да го изразат незадоволството од тешката ситуација во која се наоѓа земјата, уништената економија, сиромаштијата, принудат да ја напуштаат Албанија, политичкиот затвор на Сали Бериша што ги крши сите европски начела, рече Тритан Шеху.

Полицијата често апелираше, преку мегафони, да не се попречува одвивањето на сообраќајот, потсетувајќи дека за оние кои блокираат според кривичниот законик предвидува казна затвор од 3 години.

https://www.youtube.com/watch?v=Q9if7JoG7Vk

Пропуштени беа само возилата за брза помош а онаму каде што имаше можност полицијата ги пренасочување возилата по споредни патишта.

Во обезбедувањето на редот и безбедноста беа ангажирани над 1200 полициски службеници, како и припадници на специјалните единици. На сите места имаше и цистерни со вода во случај на потреба од водни топови, како и противпожарни возила.

Најавени како мирни собирања, сепак на неколку места имаше судир на полицијата и учесниците, како и палење гуми.

https://www.youtube.com/watch?v=869IP8BAXD0

The post Граѓанска непослушност три часа ја блокира Албанија, гори на улиците на Тирана appeared first on Република.

Невремето, проследено со обилни и интензивни врнежи, силен ветер, електрични празнења, речиси целосно ја „парализира" Албанија.

Улиците во градови, пред се Тирана, Валона, Лежа, Љушња, Булќиза, се под вода чија висина е до 50 сантиметри.

Во Тирана ветерот откорнал големи дрвја, за што фотографија објави градоначалникот Ерион Велиај, со апел до граѓаните без неопходна потреба да не излегуваат од домовите. Во случај на птреба да се јават на телефонскиот број 112 или на апликацијат „МојаТирана".

Поради невремето приморскиот град Валона е без електрична енергија, како и други делови во земјата.

Поради големите бранови забрането е испловување на сите видови пловни објекти долж целото крајбрежје.

Државната полиција и Агенцијата за државни патишта апелираат на посебна внимателност, по патиштата, пред се во планинските подрачја поради одрони и ерозии.

Посебна внимателност, со строго почитување на патната сигнализација, се препорачува и на автопатот Патот на Арбр (Руга е Арбрит), кој Тирана ја поврзува со преминот Блато на албанско-македонската граница кај Дебар, кого на големо го користат и македонски граѓани.

The post Страшното невреме ја „парализира” Албанија appeared first on Република.

Министерот за внатрешни работи Панче Тошковски денеска во Македонската амбасада во Тирана имал средба со Македонци кои живеат во Албанија.

На својот фејсбук-профил Тошковски објави дека имал срдечна средба со нив и можност непосредно да се запознае со нивниот начин на живот и предизвиците и проблемите со кои се соочени.

Ме запознаа и со активностите кои ги преземаат во насока на негување и зачувување на македонската култура и идентитет. Силно верувам дека македонските заедници во странство се важен дел од нашиот национален идентитет. Нивната љубов кон татковината е евидентна. Овие луѓе беа заборавени и затоа одржувањето блиски контакти со нив е од исклучителна важност, а јас секогаш сум подготвен за соработка и поддршка во рамките на моите можности. Мојата врата е секогаш отворена за комуникација и заедничко делување, сè со цел да ги зајакнеме врските помеѓу татковината и нашите граѓани во дијаспората, напиша Тошковски на Фејсбук.

Министерот вели дека работната посетата на Тирана, каде што денеска имал средба со министерот за внатрешни работи на Албанија, Ервин Хоџа, ја искористил и да се сретне со дел од Македонците што живеат во соседната земја.

The post Министерот Тошковски имал средба со Македонци во Албанија appeared first on Република.

Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.

На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.

Припадниците на службата за безбедност брзо го изгаснале пожарот.

Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.

Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.

Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.

Демократската партија повика на голем протест во главниот град Тирана на 7 октомври.

The post Пратеници запалија столчиња пред Собранието во Тирана appeared first on Република.

Началникот на Генералштабот на Армијата, генерал-мајор Сашко Лафчиски, денеска учествуваше на 27. конференција на началниците на генералштабовите на Вооружените сили од земјите членки на САД-Јадранската повелба (А-5), која се одржува во Тирана, соопшти армискиот ГШ.

На конференција, чиј домаќин е началникот на Генералштабот на Вооружените сили на Република Албанија, генерал-мајор Арбен Кинџи, се дискутираше на темата „Војната во Украина и сè поразвиената мрежа на материјална поддршка во Русија ја наметнуваат неопходноста од зголемување на одбранбените трошоци до 2% од БДП и исполнување на НАТО целите на способности, кои се неопходни чекори во процесот на модернизација на одбраната и напорите за интероперабилност во современото безбедносно опкружување“.

Генералот Лафчиски во своето обраќање се заблагодари на нашиот стратешки партнер САД за континуираната поддршка на оваа регионална иницијатива. Во продолжение истакна дека зголемувањето на трошоците за одбрана е од суштинско значење за процесот на модернизација и исполнување на прифатените цели на способности во рамките на НАТО. Во врска со поддршката кон Украина и солидарноста помеѓу сојузниците, генералот нагласи дека покрај зачувувањето на демократските вредности се дава и директен придонес кон стабилноста во регионот.

По завршување на конференцијата потпишана е заедничка изјава со која се потврдува заложбата за натамошно зајакнување и продлабочување на односите, како и проширување на воената соработка со цел зајакнување на регионалната безбедност.

Во рамките на програмата генералот Лафчиски оствари билатерални средби со началниците на генералштабовите од земјите членки на А-5, како и со командантот на Командата на САД за Европа и Африка, воедно и командант на Врховната сојузничка команда за операции, генералот Кристофер Каволи.

Како набљудувачи на конференцијата присуствуваа и воени претставници од ГШ на Вооружените сили на Словенија и од Косовските безбедносни сили, а во улога на гости беа и командантите на Националните гарди од сојузните држави на САД, кои се партнери на земјите членки од А-5.

Ден претходно се одржа конференција на главните подофицери на Вооружените сили на земјите членки  на А-5.

САД-Јадранската повелба датира од 2003 година, со потпишување на договор во која покрај САД како покровител, Република Македонија, Албанија и Хрватска се обврзаа низ институционална рамка да ја развиваат регионалната соработка во областа на одбраната. Подоцна во текот на 2008 година, на иницијативата се приклучија Босна и Херцеговина и Црна Гора, додека Словенија, Србија и Косово имаат статус на земји набљудувачи, се наведува во соопштението од ГШ на Армијата.

The post Началникот на ГШ на Армијата Лафчиски на конференција на САД-Јадранската повелба во Тирана appeared first on Република.

Македонците во Албанија, со повеќе активности ќе го одбележат 8 Септември - Денот на независноста.

Во тие рамки синоќа, во „Parking Art Gallery“ во Тирана беше отворена изложбата „Постојан експеримент“ на истакнатиот ликовен уметник Генци Кадриу, Македонец од Голо Брдо, кој живее и работи во градот Фиер.

Самостојна изложба на уметникот Кадриу е во организација на Марјана Костофски- Фелах, претставник на македонското национално малцинство во Комитетот за малцинствата, а поддржана од амбасадата на Република Македонија во Тирана. На истата присуствуваше и амбасадорот Данчо Марковски, објави амбасадата.

Во соопштението се додава дека изложбата ги обработува естетските елементи на македонската народна носија, инспирирана од носиите на ансамблот „Танец“, праисториска антика, керамички предмети, како и минијатурни скулптури.

За делата на скулпторот зборуваше и Сеад Казанџиу, потпретседател на Комитетот.

Кадриу има завршено високо образование на Академијата за ликовни уметности во Тирана во 1990 година, а покрај другите, негово познато дело е „Македонија“ уметничко прикажување на главните личности од македонската историја, изработено врз основа на историски материјали, моделирани во глина.

Во пресрет на Денот на независноста, денеска во  Библиотеката „Тими Митко“ во Корча, со почеток во 11:00 часот ќе се одржи промоција на македонски национални носии од Преспа, што е  завршен настан од проектот „Создавање традиционални носии на македонското национално малцинство од областа на Преспа“.

Ќе бидат промовирани традиционални женски носии на Македонците од Преспа и минијатурни верзии на носиите, рачно изработени од познатата костимографка од Корча, Лирика Појани.

Исто така ќе биде промовирана и двојазична брошура, на македонски и албански јазик, за македонските народни носии од Преспа, чиј автор е Васил Стерјовски.

Настанот го организира Македонското друштво „Сонце“, во соработка со Комитетот за национални малцинства, орган на албанската влада.

The post Скулпторот Генци Кадриу, Македонец од Голо Брдо, со самостојна изложба во Тирана appeared first on Република.

Грозоморен настан ја вознемири албанска јавност во кој американскиот државјанин, Метју Џејмс Вертс(55), професор на Американ колеџ во Тирана, ја задавил сопругата и двете кучиња-домашни миленици, па се самоубил со бесење.

Трагичниот настан, кој наликува на сцена од хорор филм, се случил во стан во населбата „Треши“ во Тирана, што го имале изнајмено под кирија. Истиот го открил директорот на училиштето во кое работел Американецот, откако тој не се појавил на работа а и по многуте обиди да го добие на телефон не одговарал. Отишол до станот на професорот и го нашол обесен по што ја известил полицијата, објавија албанските медиуми.

Кога стигнала полицијата се мислело дека е само мртвото тело на професорот, но потоа во потрага по нови докази, пронајдено е и мртвото тело на неговата сопруга Индах Лилис Сартика, по потекло од Индонезија, но со американски пасош.

55-годишниот Американец откако ја задавил жената со јаже, го покрил телото со облека и врз него ги ставил двете, исто така со јаже задавени кучиња, по што се обесил, наведуваат медиумите.

Дел од медиумите пренесуваат дека оставил проштално писмо до татко му во кое стои: Татко, извини, не успеав. Жал ми е за тоа што го направив, тоа беше посилно од мене“.

The post Ужас во Тирана: Професор ја задавил сопругата и двете кучиња, па си пресудил appeared first on Република.

Албанската опозиција го одржа 11. по ред протест пред градското собрание на Тирана, барајќи оставка од градоначалникот Ерион Велиај.

Протестот, кој траеше час и половина, како и претходните беше проследен со тензии и судири меѓу полицијата и демонстрантите кои се обидуваа да го пробијат полицискиот кордон.

Освен запалени гуми, тие гаѓаа кон полицијата се јајца и тврди предмети, при што еден од нив е повреден во главата, по што полицијата возврати со солзавец и водени топови, од кои, според партиски извори, повреден е Клевис Балиу од Демократската партија.

Учесниците носеа макета, на која, Велиај е претставен како затвореник.

Во обраќањето пред присутните, демократот, Белинд Келичи, кој беше кандидат за градоначалник на Тирана на последните избори, обвини дека меѓу другото, Велиај заедно со соработниците украле 132 милиони евра од спроведените тендери за изградба на инсинераторот за согорување отпад во Тирана, 30 милиони евра со компанијата 5Д, за што повеќе раководни лица од општината се веќе во притвор.

Порача дека нема да се откажат од протестите сè додека не замине Велиај, најавувајќи нов протест за во среда.

Пртеходно „Ора њуз“ објави дека Специјалното обвинителство против организиран криминал и корупција, СПАК, започнало истрага, по анонимна пријава, но со детални информации за градоначалникот на Тирана, Ерјон Велиај и членови на неговото семејство.

The post Нападната полицијата, употребени солзавец и водени топови: Протест на албанската опозиција во Тирана appeared first on Република.

Тензично во и надвор од албанскиот парламент, каде се одржува протест организиран од крилото на Демократската партија, на Сали Бериша и Партијата на слободата на Илир Мета, чии привзаници се судрија со полициските службеници распоредени пред зградата.

Во законодавниот дом, пленарната седница почнаа со тензии откако мнозинството го одби барањето на опозицијата да се расправа околу истражувачките стории на италијанската РАИ3 и најтиражниот германски весник „БИЛД“ каде Албанија е нарекувана наркодржава, како и барањето да му се дозволи на Сали Бериша, кој е во куќен притвор, да присуствува на седниците.

Најгласен беше Фљамур Нока, поранешен министер за внатрешни работи, кој заедно со дел од колегите од опозицијата ја блокираа говорницата, се судрија со припадниците на Националната гарда, кои се дел од обезбедувањето, по што по неколкуте опомени, претседателката на парламентот, Линдита Никола го исклучи Нока од седницата, обраќајќи му се со зборовите „Не ме плашиш, ти си човек на лице прогласено за нон грата. Срам да ви е“.

Поради недостиг на атмосфера за работа, Никола на двапати беше принудена да ја прекине седницата.

Многу потензично е пред парламентот каде демонстрантите, откако запалија гуми, фрлаа молотови коктели, камења и шишиња со вода кон полицајците, а започнаа и физички пресметки со полицијата, обидувајќи се да го пробијат кордонот и да влезат во Собранието, по што полицијата употреби и солзавец.

https://youtu.be/sbo64CWpy3E?si=YMRr7jew-CczFUtC

Обезбедувањето е засилено со припадниците на единицата за брзи интервенции, а во близина на објектот има и цистерни со вода, во случај на потреба.

Бериша, кој од декември е во домашен притвор од кога му беше одземен пратеничкиот имунитет, на крајот од минатиот месец му беа укинати сите финансиски привилегии, вклучително и пратеничката плата. Доколку до 11 месецов не присуствува на седница во парламентот го губи пратеничкиот мандат.

The post Запалени гуми пред Собранието во Тирана, тензично е и внатре appeared first on Република.

Граѓаните повторно се собраа пред Собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.

Тензиите се зголемија по говорите на претставници и активисти на опозицијата.

Овој протест, според написите, започна со факели и молотови коктели.

Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.

Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.

The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB

— Isa Myzyraj (@IsamyzyrajAlb) May 28, 2024

The post Летаат молотови коктели, се слушаат експлозии пред Собранието во Тирана appeared first on Република.

Добрила и Дориан дуо вчеравечер првпат настапија во Тирана и оставија одличен впечаток. Нивната музика се потпира на она што се македонски традиционални мотиви, меѓутоа храбро одат и подалеку од тоа. Ослободувајки се од стапицата да повторуваат традиционални мотиви, Добрила и Дориан се впуштаат во река од импровизации, користејки електроника, лупови и различни стилови, Сето тоа делува хипнотички врз публиката. Концерт беше мирен, медитативен, нежен, дурски лиричен, музиката остави некој талог на филмско чувство меѓу луѓето.

Директорката на Cloud festival, госпоѓата Едит Пула, веднаш по завршувањето на концерот, напиша коментар со големи комплименти, дека овој концерт е нешто најдобро што се случило годинава на овој фестивал.

Културно информативниот центар во Тирана, изминативе 20 дена имаше шест настани, каде се претставија 70 наши уметници. Следниот настан кој го организира КИЦ во Тирана е во соработка со Националната галерија на Македонија.

The post Настап на Добрила и Дориан дуо во Тирана appeared first on Република.

Шефот на британската дипломатија, Дејвид Камерон, на заедничката прес-конференција со албанскиот премиер Еди Рама, истакна дека проблемите на Западен Балкан се и на Европа, додавајќи дека „ако успее балканскиот регион, тогаш ќе успее и Европа“.

-Имам фер и едноставен став дека кога ќе успее Западен Балкан, тогаш успева и Европа. Ако има проблеми на Западен Балкан, тогаш има и во Европа, наш заеднички интерес е да помогнеме во процесот на помирување, економски раст и разбирање. За мене ова е приоритет и беше уште кога бев премиер, рече тој, пренесува АБЦ њуз.

Тој му се заблагодарил на Рама што го нарекол посебен пријател на Албанија и на Западен Балкан, што за него е голем комплимент.

-Без да навлегувам во плановите за соработка, би сакал да нагласам дека разговаравме за вклучување во стратешки проект за Албанија и Косово, а тоа е пругата Драч-Приштина, која е клучен елемент за зголемување на капацитетот на движење не само меѓу нашите две земји, туку и во регионот и пошироко. Наскоро ќе го отвориме конкурсот за новото комерцијално пристаниште Драч, го чекаме одговорот од НАТО, Косово ќе изгради и суво пристаниште во Приштина, тоа е проект кој го надминува интересот на нашите две земји. Британија изрази интерес да биде вклучена со финансирање и експертиза. Камерон е многу важен наш застапник во трансформативните процеси, изјавил Рама.

Двајцата потврдиле дека тема на разговор била и илегалната миграција со оценка дека соработката дала задоволителни резултати, но дека операциите ќе продолжат.

-Разговаравме за заедничкиот проект или програма за борба против илегалната трговија со луѓе, презадоволни сме, но нашата заедничка операција ќе продолжи. Подготвеноста за обесхрабрување на протокот на овој сообраќај ќе биде максимална во иднина. Разговаравме и за напредокот на процесите на помирување и соработка во регионот. Камерон е цврст поддржувач на овие процеси, рекол Рама.

Според него, Обединетото Кралство изразило интерес за нормализирање на односите на Косово и Србија „каде што имаше позитивни чекори, но има стагнација и во иднина постои ризик од враќање назад“.

Камерон кој пристигна на пладне, на тиранскиот аеродром беше дочекан од министерот за Европа и надворешни работи, Игли Хасани, која преку објава на Фејсбук изрази големо задоволство што може да му посака добредојде.

-Зачувувањето на евроатлантското единство е од суштинско значење, во светлината на актуелните закани за европската безбедност, вклучително и максимизирање на поддршката за Украина и справување со предизвиците за стабилноста на Западен Балкан, напиша Хасани.

Камерон попладнево ќе биде примен од шефот на државата Бајрам Бегај а посетата ја заврши со средбата со Хасани.

The post Камерон во Тирана: Проблемите на Западен Балкан се проблеми и на Европа appeared first on Република.

Дваесетгодишно момче е киднапирано и силувано во Тирана, соопшти вчера албанската полиција, додавајќи дека сторителите се уапсени. Злосторството се случило на плоштадот „Скендербег“ во центарот на Тирана, каде Д.Б. (36), Е.Х. (31) и неименуван 19-годишен маж, насилно го зеле 20-годишникот и го силувале, пренесува „VoxNews“.

Сите тројца се уапсени, додека уште еден маж на 28-годишна возраст исто така е лишен од слобода бидејќи не го пријавил делото. Според полицијата, тројцата со употреба на насилство го киднапирале момчето.

Според информациите на албанскиот портал, целиот настан се случил од „банални мотиви“.

Специјалисти за истрага на криминал од Полициска станица бр. 1, откако добиле пријава од дваесетгодишен маж дека тројца мажи му ја одзеле слободата, веднаш организирале нивно фаќање.

Материјалите се проследени до Обвинителството.

The post Тешко злосторство сред Тирана: Киднапиран и групно силуван млад Албанец appeared first on Република.

Во организација на Албанското џез здружение (Albanian jazz society) оваа година по четврти пат ќе се одржи фестивалот Balkan Jazz Showcase-2024.  На настанот ќе настапат оркестарот NisVille од Србија, Сара Јововиќ трио од Црна Гора, Sethstat Quintet од Македонија, Gypseons Trio од Грција, Leo Richartz Trio од Германија, Alba Dajlani & AJS Quartet од Албанија и Националниот џез оркестар од Македонија. Покрај учесниците од Германија, овој настан ќе ги собере едни од најталентираните џез музичари од Балканот и претставува можност за културна размена и промоција на богатството на џез музиката во овој регион.

На фестивалот Balkan Jazz Showcase-2024 ќе се соберат и директори на фестивали од различни земји, а специјални гости се водечките луѓе од џез асоцијацијата на Кина. Оваа соработка обезбедува не само културна размена, туку и потенцијални проекти во рамките на програмите на Креативна Европа и Западен Балкан, како и промоција на балканската џез сцена на фестивали во кинеските градови како Пекинг, Шангај, Гуангжу и Ченгду.

Покрај музичките изведби, настанот ја вклучува и изложбата „Drumsville - Evolution of the New Orleans Beat“, како подарок од џез-музејот на Њу Орлеанс.

Се очекува оваа манифестација, која ќе се одржи во салата Black Box во Универзитетот за уметности во Тирана од 10-12 мај да ги зајакне врските меѓу уметниците и фестивалите ширум Балканот, отворајќи нови хоризонти за идни соработки и размена на идеи.

Настапот на Националниот џез оркестар се одржа на 11 мај.  Настапот на Balkan Jazz Showcase-2024 во Тирана е прв од неколкуте настапи надвор од нашата земја кои ќе следат во наредниот период, преку кои оркестарот ќе се претстави пред публиката во неколку Балкански земји, за што деталите ќе бидат објавени наскоро.

The post Националниот џез оркестар настапи на Balkan Jazz Showcase-2024 во Тирана appeared first on Република.

Извонреден настап во Тирана на еден од етикетата PMG JAZZ, составот SETH STAT. Сето она што изминативе четириесет години го посеа во македонската култура, Оливер Белопета со неговата огромна и извонредна работа на Скопскиот џез фестивал, денес почнува да раѓа сериозни плодови.

Еден од нив е продукцијата PMG JAZZ и нејзините артисти.

Вчеравечер на тиранската „Академија за уметност“ се одржа првата вечер од Тиранскиот џез фестивал, каде на прекрасен начин се претстави македонскиот состав SETH STAT. „Во доцните вечерни часови овде во Тирана, нивната музика правеше хипнотични слики со мирис на скопските ноќи. На моменти потсетува како да е излезена од некој филм на Џармуш или Алмодовар. Нашите музичари настапија со една голема сигурност, модерност и светски начин. Ова беше големо изненадување за тиранската публика, која ги награди со аплаузи и внимание“, информираат од Македонскиот КИЦ во Тирана.

The post Извонреден настап во Тирана на составот SETH STAT appeared first on Република.

Во организација на Албанското џез здружение (Albanian jazz society) оваа година по четврти пат ќе се одржи фестивалот Balkan Jazz Showcase-2024. На настанот ќе настапат оркестарот NisVille од Србија, Сара Јововиќ трио од Црна Гора, Sethstat Quintet од Македонија, Gypseons Trio од Грција, Leo Richartz Trio од Германија, Alba Dajlani & AJS Quartet од Албанија и Националниот џез оркестар од Македонија. Покрај учесниците од Германија, овој настан ќе ги собере едни од најталентираните џез музичари од Балканот и претставува можност за културна размена и промоција на богатството на џез музиката во овој регион.

На фестивалот Balkan Jazz Showcase-2024 ќе се соберат и директори на фестивали од различни земји, а специјални гости се водечките луѓе од џез асоцијацијата на Кина. Оваа соработка обезбедува не само културна размена, туку и потенцијални проекти во рамките на програмите на Креативна Европа и Западен Балкан, како и промоција на балканската џез сцена на фестивали во кинеските градови како Пекинг, Шангај, Гуангжу и Ченгду.

Покрај музичките изведби, настанот ја вклучува и изложбата „Drumsville - Evolution of the New Orleans Beat“, како подарок од џез-музејот на Њу Орлеанс.

Се очекува оваа манифестација, која ќе се одржи во салата Black Box во Универзитетот за уметности во Тирана од 10-12 мај да ги зајакне врските меѓу уметниците и фестивалите ширум Балканот, отворајќи нови хоризонти за идни соработки и размена на идеи.

Настапот на Националниот џез оркестар е закажан за втората фестивалска вечер, на 11 мај. Настапот на Balkan Jazz Showcase-2024 во Тирана е прв од неколкуте настапи надвор од нашата земја кои ќе следат во наредниот период, преку кои оркестарот ќе се претстави пред публиката во неколку балкански земји, за што деталите ќе бидат објавени наскоро.

The post Националниот џез оркестар на The Balkan Jazz Showcase-2024 во Тирана appeared first on Република.

Албанскиот театар од Скопје на покана од Културно - информативниот центар на Република Македонија, во Тирана ја изведе претставата „Диво Месо“ од Горан Стефановски во режија на Мартин Кочовски.

Духот од Горан Стефановски во неговиот текст, неговата модерност и актуелност на вистински начин ја почувствува тиранската публика во театарот АРТурбина, благодарение на маестралната игра на глумците од Албанскиот театар Скопје, сцените се редеа како на филм. Публиката имаше впечаток, како денес во Тирана да се случиле настаните од пиесата. Час и половина, публиката со големо внимание и во потполна тишина го следеше секој збор од текстот и актерската игра на нашите актери, кои на крајот, беа наградени со огромен и долг аплауз, соопштија од Културно - информативниот центар.

Директорот на КИЦ Златко Ориѓански, потсетува дека текстот „Диво Месо“ од Горан Стефановски, е напишан и изведен далечната 1979 година.

За својата драма Горан Стефановски ќе каже: „Кога ја пишував пиесата „Диво месо“ мислев дека таа се однесува на минатото. Сега гледам дека се однесувала на иднината“.

По претставата, нашите актери, заедно со своите колеги од тиранските театри беа во посета на македонскиот Културно Информативен центар, каде до доцна во ноќта се разговараше за претставата и текстот на Горан Стефановски, посочува Ориѓански.

Културно - информативниот центар во Тирана на 10 и 12 мај, продолжува со својте активности. На Тиранскиот џез фестивал ќе настапат ПМГ Џез СЕТСТАТ и новоформираниот биг бенд, НАЦИОНАЛЕН ЏЕЗ ОРКЕСТАР од Скопје.

The post Духот на Горан Стефановски во Тирана appeared first on Република.

На посебна свеченост денеска на претседателот на Демократска унија за интеграција, Али Ахмети му беше врачена титулата „почесен граѓанин“ на Тирана.

Градоначалникот на албанската престолнина, Ерион Велиај, по чиј предлог му се доделува титулата, рече дека е чест да му се додели вакво признание на голем човек како Ахмети.

Оваа титула му се доделува како признание за неговиот континуиран придонес во заштитата на интересите на Албанците во Република Македонија, растот на политичките, социјалните и економските односи меѓу албанската заедница на Македонија и граѓаните на Тирана и зајакнување на врската меѓу заедниците за да се изгради заедничка клима на соработка и почит меѓу Албанците и Македонците, додаде Велиај.

Обраќајќи се пред присутните тој меѓу другото рече дека Албанија, иако сиромашна, секогаш покажувала топло срце за Албанците каде и да живеат.

Оваа мајка, Тирана, Албанија, беше сиромашна, но нè грееше во нејзините прегратки. Има стотици маченици, херои на нацијата, кои мајката ги држеше овде во скутот. Сакам да ви се заблагодарам, но еден збор на еден мудар старец порачува: немојте да се заблагодарувате што сите сте работеле во својата област, само добра работа се кажува за сета работа што е направена. Меѓутоа, Албанија со нас сподели леб, сол и срце. Денес Косово е држава, Албанците во Македонија се државотворни, истакна Ахмети.

Тој му вети на градоначалникот на Тирана, Ерион Велиај, дека ќе се обиде да биде достоен граѓанин на главниот град на Албанија, Тирана.

Оваа чест ја делам со сите мои соборци, патриоти и политички затвореници во мојата земја и во Косово. Го споделувам со 3.000 убиени луѓе во мојата земја, кои беа убиени за ова знаме, за овој јазик. Ви благодарам многу, со среќа во сите области од животот, кажа Ахмети.

На свеченоста на присуствуваа и поранешните албански претседатели Алфред Моисиу и Бамир Топи, се обрати премиерот Еди Рама, кој како што нагласи, високо го цени придонесот на Ахмети низ годините за Албанците.

Шефот на албанската влада подвлече и дека за пример треба да се земе работата и посветеноста на Ахмети за правата на Албанците во Македонија.

Историјата со посилен глас вели дека она што Али Ахмети го направи за унапредување на правата на Албанците во соседната земја и за воздигнување на Албанците во очите на целиот свет, ние останатите не можеме да го дискутираме, но само прифатете го и земете го како лекција, рече меѓу другото Рама.

The post Али Ахмети стана почесен граѓанин на Тирана appeared first on Република.

Се поголем број македонски државјани ги користат услугите на меѓународниот аеродром во Тирана, од каде моментно може да се патува на повеќе од 100 дестинации. Тоа го потврдува и бројката од над 10 илјади македонски државјани кои пристигнале или отпатувале кон некоја од многубројните дестинации.

Патувам за Абу Даби, во посета на мои блиски. Летот е директен исто како и за Дубаи, каде сум патувала претходно. Од Скопје не е така, вели дебранка, која не го крие задоволството и од услугата на вработените.

Официјалноте податоци покажуваат дека овој аеродром се повеќе го користат и граѓани од Црна Гора и Косово. Во прите два месеца, регистрирани се 42 илјади косовски и 20 илјади црногорски државјани.

Под раководство на „Кастрати Груп“, единствениот акционер на Меѓународниот аеродром во Тирана и во соработка со Управата за цивилно воздухопловство, интензивно се работи за да се одговори на растечките барања на патниците и во исто време постојано да се зголемува опсегот на дестинации, информираат аеродромските власти.

The post Аеродромот во Тирана за два месеца го користеле над 10 илјади македонски државјани appeared first on Република.