В среда, на 25 септември, со почеток во 20 часот во културниот центар „Лабораториум“, Тихомир Јанчовски, ќе одржи поетски концерт со читање на неговата последна збирка поезија „Граматика на љубовта“.

На сцената, заедно со Јанчовски, ќе настапат Иво Солдатовиќ и Андреа Мирчевска, кои со своите музички перформанси ќе го збогатат амбиентот на вечерта.

Книгата на Јанчовски може да се купи како влезница на настанот.

Како продолжение на вечерта, посетителите ќе можат да учествуваат во „Експериментален Љубовен Џем“ – импровизациска музичка сесија во која ќе учествуваат некои од најпознатите имиња од македонската музичка сцена. Специјални гости на оваа сесија ќе бидат Добрила Грашеска, позната по нејзиниот автентичен вокал, и Бранислав Николов, фронтменот на популарната група „Фолтин“, како и многу други музичари.

Јанчовски е поет, колумнист и преведувач. Роден е во 1967 година, во Скопје. Дипломирал општа и компаративна книжевност на УКИМ (1991), специјализирал средновековни студии во Унгарија (1996), магистрирал современа историја (2008). Избори од неговата поезија се преведувани и објавувани во различни литературни списанија. Преведуван е на англиски, француски, словачки, хрватски, албански, босански, грчки, германски, грузиски, персиски и италијански јазик.

The post „Граматика на љубовта“ на Тихомир Јанчовски во Лабораториум appeared first on Република.

Во Културно-Информативниот Центар во Скопје денеска ќе се одржи промоција на книгата „Приказни за деца и животни“ од авторот Тихомир Јанчовски.

Книгата ќе ја претстави Јулијана Величковска, а делови од книгата ќе читаат Тихомир Јанчовски и Горазд Китановски.

Станува збор за прва книга за деца од овој автор, а се работи за баснарка-боенка.

Содржи 14 басни со илустрации во кои ликовите главно се урбани животинки што се наоѓаат пред разни искушенија и дилеми кои ги решаваат на детски наивен и љубовен начин. Во книгата ќе ги најдете бувот Џуши, крокодилот Кроко, Дино Сајрус, јазовецот Бранко, мрзливецот Ано, две деца што станале китови, кучето Флопи и други протагонисти, соопштија од Културно информативен центар.

Тихомир Јанчовски е роден e нa 24 август 1967, во Скопје. Основно и гимназија завршил во родниот град. Дипломирал општа и компаративна книжевност на УКИМ, специјализирал средновековни студии во Унгарија, магистрирал современа историја во Скопје. Досега му се објавени 14 книги поезија, два романи и една книга колумни. Преведуван е на 15 јазици – англиски, француски, словачки, српски, хрватски, албански, босански, грчки, германски, грузиски, словенечки, руски, украински, персиски и италијански јазик.

The post Промоција на „Приказни за деца и животни“ од Тихомир Јанчовски appeared first on Република.