Македонската кошаркарска федерација (КФСМ) денеска изрече санкции во врска со прекинатиот натпревар меѓу ТФТ Скопје и Чаир 2023 во кој навивачи на Чаир физички нападнаа кошаркар на противничкиот табор, по што дуелот беше прекинат.

Поради организациски пропусти и непочитување на прописите на КФСМ за организирање натпревари, ТФТ Скопје е казнет со 30.000 денари и забрана за настап на домашен терен со публика на два натпревари.

Капитенот на ТФТ, Едис Нури, е санкциониран со два натпревари поради „учество во тепачка‘, додека неговиот соиграч Иван Наумовски е санкциониран еден натпревар поради „фрлање тврд предмет кон публиката“.

Прволигашот Чаир2030 е казнет парично со 48.000 денари и забрана за настап со публика на домашен терен од три натпревари поради, како што се наведува во одлуката на КФСМ, „остварен физички напад од страна на симпатизери на КК Чаир 2030 околу теренот за време на одигрување на натпреварот“.

Помошникот тренер на Чаир 2030, Еркам Исмаили, е санкциониран еден натпревар додека делегатот на натпреварот Антонио Теофиловски е казнет со забрана за вршење должност на два натпревари.

Контролниот натпревар меѓу ТФТ и Чаир беше прекинат на 19 овој месец во финишот на третата четвртина кога поголема група навивачи на Чаир 2030 физички нападнаа од трибините кошаркар на ТФТ..

The post Казни за упадот на албански навивачи на мечот против ТФТ appeared first on Република.

Санкционирани ќе бидат сите инволвирани во вечерашниот инцидент на пријателскиот натпревар меѓу ТФТ Скопје и Чаир 2030 во кој поголема група навивачи физички нападнаа кошаркар на ТФТ, соопшти вечерва македонската кошаркарска Федерација (КФСМ).

Инцидентот се случи во завршните минути од натпреварот кога поголема група луѓе од трибините во СРЦ Кале физички го нападнаа капитенот на ТФТ, Едис Нури.

„Македонската кошаркарска федерација ќе ги преземе сите мерки, и ќе изрече соодветни казни за актерите во инцидентот кој се случи вечерва на пријателскиот натпревар помеѓу екипите на ТФТ и Чаир 2030, во салата на СРЦ „Кале“ во Скопје, кој беше прекинат од страна на официјалните лица. За таа цел, согласно со првичните информации, комесарот за натпреварување Александар Милојевиќ, од претставниците на двата клуба побара во текот на утрешниот ден да му достават изјави за причините за прекинатиот натпревар“, соопшти КФСМ.

Во соопштението се истакнува дека ова е „втор пат за кратко време, во подготвителниот период, пред почетокот на новата натпреварувачка сезона, екипата на Чаир 2030 е учесник на натпревар во кој се случуваат работи кои немаат ништо заедничко со кошаркарската игра“

The post Навивачи на Чаир нападнаа играч на ТФТ appeared first on Република.

Македонскиот кошаркарски прволигаш ТФТ Скопје триумфираше вечерва над Балкан на гостински терен во Ботевград во подготвителен натпревар пред стартот на новата сезона во домашното првенство со 80:72 (22:21, 12:24, 16:18, 22:17).

Кошаркарите на ТФТ на полувремето заминаа со двоцифрено водство (45:34), а предноста ја зачуваа до крајот на дуелот во Арена Ботевград.

Петмина кошаркари во редовите на ТФТ постигнаа десет или повеќе поени, а најефикасен беше Џелин Гафни со 22 кошеви.

Новата сезона во македонската машка кошаркарска лига започнува на 5 октомври, а ТФТ Скопје во воведното коло ќе го пречека Куманово.

The post ТФТ Скопје го совлада бугарски Балкан appeared first on Република.

Скопски ТФТ во вториот дел од БИБЛ лигата го стартуваше со пораз. Балкан успеа да оствари победа на денешното гостувањето во Скопје и славеше со 82:97 и така напарави ТФТ да го стартува со пораз вториот дел од сезоната во регионалното натпреварување.

Бугарскиот состав ги контролираше случувањата на теренот и постојано беше во водство, а главната разлика беше направена во втората четвртина во која Балкан славеше со 19:31.

Ландриус Хортон беше најдобар кај ТФТ со 19 поени и 8 скока, додека кај гостите 21 поен и 6 скока забележа Дерик Маркс.

The post ТФТ поразен на стартот од вториот дел во БИБЛ лигата appeared first on Република.