Баер Леверкузен им понуди денеска на своите навивачи бесплатни клупски тетоважи со кои ќе ја одбележат сезоната во која тимот предводен од Чаби Алонсо е во рекордна серија без пораз, а ја освои шампионската титула во Бундеслигата и е во борба за уште два трофеи – во германскиот Куп и во Лига Европа.

Специјална акција на крајот на специјалната сезона. Баер 04 им нуди на навивачите можност до крајот на сезоната да изберат една од многуте тетоважи на Баер 04 бесплатно. Резервирајте го вашиот термин веднаш и овековечете ја оваа единствена сезона на вашата кожа, стои во соопштението на клубот.

Тимот на Чаби Алонсо без пораз е оваа сезона на 49 натпревари во сите натпреварувања, надминувајќи го долгогодишниот европски рекорд на Бенфика поставен од 1963 до 1965 година.

Откако ја запечати својата прва титула во Бундеслигата, Баер Леверкузен вчера се пласираше во финалето на Лига Европа во кое за противник ќе ја има Аталанта, а ќе игра и во финалето на Купот на Германија во кое ќе се соочи со второлигашот Кајзерслаутерн.

The post Баер со бесплатни тетоважи за навивачите appeared first on Република.

Управата на театарот „Арчимболди“ во Милано го откажа настапот на балетанот Сергеј Полунин, кој го обожава Владимир Путин и има три тетоважи од неговиот лик, од која една е на градите.

Рускиот балетан требаше двапати да настапи во Милано на крајот на јануари следната година, на 28 и 29 јануари, но Италијанците одлучија дека тоа нема да биде можно поради бројните реакции на социјалните мрежи и во јавноста. Велат дека одлуката е донесена поради морална и политичка одговорност.

Управата на театарот истакнува дека е на страната на Украина, но дека угостила бројни руски уметници, како и групата „Пуси рајот“.

Инаку, Сергеј Полунин е поранешен директор на Кралската опера во Лондон.

Полунин е роден во Украина, а руски државјанин станал во 2018 година.

Во јуни во Узбекистан Сергеј Полунин во воена униформа изведе танц за паднатите руски војници. Узбекистанските власти тогаш изјавија дека отстапиле од договорената програма.

 

View this post on Instagram

 

A post shared by MOW MAG (@mow_mag)

The post Театар во Милано ги откажа настапите на руски балетан поради тетоважата на Путин на градите appeared first on Република.