Досега Македонија ја крадеа како целина, во иднина, според платформата на Пол Вилијамс, ќе ја крадат по региони, коментира на Фејсбук поранешниот министер за финансии Џевдет Хајредини.

The post Хајредини: Досега Македонија ја крадеа како целина, во иднина ќе ја крадат по региони appeared first on Република.

Денис Мекшејн, поранешен британски министер за Балкан во својата последна анализа ја опишува состојбата во Македонија и во регионот. Тој  за нас вели дека сме скромна и сиромашна земја која го смени името на барање на Грција и мораше да се откаже од Александар Велики и од присвојувањето на грчкото културно наследство.

Сега, вели Мекшејн, Македонија ќе мора да ги признае и Бугарите кои имаат вековна традиција во земјата.

Oваа мала нација со популација од два милиони покажува бугарко-македонско мнозинство кое коегзистира со 29 посто Албанци-вели Британецот.

Мекшејн е еден од најголемите албански и бугарски лобисти а во Македонија стана познат во 2004 кога дојде пред територијалната поделба и со часовник ни покажуваше да седиме дома.

Или го навивате вашиот часовник напред или го враќате назад-велеше Мекшејн.

За Мекшен се поврзуваат многу скандали а најголем е тој кога за изборите во Велика Британија  пред неколку години се обидувал а прикрие масовно силување жени во неговата изборна единица од страна на Пакистанци.

The post Поранешен британски министер за Балкан тврди дека во Македонија живее бугарско-македонско мнозинство кое коегзистира со 29 посто Албанци appeared first on Република.

Министерот за локална самоуправа Ристо Пенов во интервју за МИА посочува дека земјава се соочува со неколку нивоа на проблеми околу фискалната децентрализација и фер распределувањето на средствата, посочувајќи ги како пример понискиот степен на децентрализација од европските стандарди, неискористењето на ингеренциите овозможени со закон, како и недостигот на капацитети кај малите општини.

Тој посочува дека земјава според бројките е пониско децентрализирина од европските стандарди, каде што повеќе од 10 проценти од буџетот, од бруто општествениот производ, се одвива низ локалната самоуправа.

Кај нас тоа е некаде околу пет – пет и пол отсто. Сега со овие промени во зголемувањето на учеството и на ДДВ-то и на персоналецот за општините, се стремиме да стигнеме до шест – шест и пол до 2025 година, што е ниско, појаснува Пенов.

Од друга страна, Пенов вели дека имаме неискористеност и на овие ингеренции коишто законот им ги дал на општините.

Не само малите општини, туку и најголемите, недоволно ги евидентираат имотите за да наплаќаат данок на имот и недоволно ги искористуваат инструментите да зафаќаат данок на имот. Не говорам за од социјално загрозеното население, туку еве гледате во Скопје околу нас се градат облакодери коишто се скапи, каде што очигледно тој што ќе купува и ќе живее може да поднесе поголеми давачки за имотот што ќе го купува во тие зони. Локалната самоуправа не посегнува по тој инструмент да зафати повеќе пари, додава Пенов.

[caption id="attachment_578182" align="aligncenter" width="640"] (фото: Влада на РМ)[/caption]

Според министерот, и комуналиите, особено во Скопје, се држат на ниско ниво, а со тоа се овозможува интензивна градба која им пречи на граѓаните, но како што вели, без проблем, без никого да загрози, општината или градот можат двојно, тројно да ги зголемат давачките и економски да ги регулираат овие односи во својата општина, кои предизвикува една атмосфера на урбан хаос.

И третото ниво се малите општини, кои и да ги искористат своите капацитети, немаат можности да опстанат, па што се размислува за дополнителни владини учества во нивното финансирање, истакнува Пенов.

Според него, резултатите од последниот попис на населението наметнуваат дека мора да се изнајде решение и за прашањето околу територијалната организација на општините.

Јасно ви е дека тоа е и политичко прашање, заради кое и во Чаршијата улиците се делеа така, и Визбегово се делеше, па и самиот распоред на Скопје… Но, еднаш воспоставениот систем многу е потешко да го промениш, објаснува Пенов.

Постојат решенија, вели тој, но ние мораме да се соочиме со политичката атмосфера и мора да поработиме со граѓаните бидејќи политичката атмосфера ни е поларизирана.

Ќе доаѓаат избори, ако сакаме да ги решаваме суштинските проблеми на граѓаните, граѓанинот мора да ја преземе одговорноста, а ние мора да ги објасниме процесите за да може вистински да избере. Ако тој повторно прави изборни резултати кои ќе носат блокирани парламенти, ние ниедно прашање не можеме вистински да го решиме, истакнува министерот Пенов.

The post Што ни се подготвува сега? Пенов навестува нова територијална поделба appeared first on Република.