Руските сили имаат целосна контрола врз градот Вухледар во областа Доњецк во источна Украина, објави утринава каналот Шот на комуникациската платформа Телеграм и проруските воени блогери.

Руското Министерство за одбрана се уште не го потврди заземањето на градот.

Регионален украински функционер синоќа изјави дека руските сили стигнале до центарот на градот, стратешка тврдина која повеќе од две години се спротивставувала на руските напади.

На снимките од руските сили кои го веат свое знаме на покривот на административната зграда во центарот на градот денеска се може да се види зграда со скршени прозорци делумно претворена во урнатини.

The post Русите имаат целосна контрола врз Вухледар во Доњецката област appeared first on Република.

Руските сили започнаа контранапад во областа Курск, која Украинците ја нападнаа на почетокот на август, откако претседателот Владимир Путин нареди да се врати територијата. Според информациите на „Форбс“, Путин им наредил на војниците до 1 октомври да ги протераат Украинците од Курск.

Во ненадеен потег на 6 август, силните украински сили – кои до крајот броеја околу десетина баталјони со по 400 војници – ја пробија одбраната долж границата во близина на руската област Курск. Во тензичните неколку недели пред да се стабилизира фронтот, Украинците претепаа слабо обучени руски регрути и заробија над 1.300 квадратни метри од областа Курск и 100 населби.

Ова го стави Путин под притисок – изјави британскиот министер за одбрана Џон Хили.

Како што пишува „Форбс“, Путин му наредил на Кремљ да го врати Курск до 1 октомври, а во средата руските трупи послушно започнале контранапад долж западниот раб на украинската стража. Доколку оваа мисија не се исполни до 1 октомври, Русија ќе ги насочи сите сили на Курск, што може да доведе до масакр.

Официјално започна руската контраофанзива за протерување на Украинците од областа Курск – изјави во објава на „Икс“ финскиот аналитичар Јони Аскола.

Руското Министерство за одбрана потврди дека нивните сили започнале контраофанзива против украинските војници во областа Курск, откако информацијата првично беше објавена од воени блогери. Проукраинските блогери објавија и тешки борби во дел од окупираната руска територија. Истото го потврди и украинскиот претседател Володимир Зеленски.

Генералштабот на Украина не ги коментираше операциите во Курск, наведувајќи само дека Русија одржува „воено присуство“ на границата со регионот Суми што се граничи со Курск, изведувајќи воздушни напади и гранатирајќи гранични населби.

Ситуацијата може да прерасне во лошо контролирана криза – изјави тој на „Телеграм“, додавајќи дека украинските сили немаат соодветна координација во областа и се неорганизирани.

Две работи се јасни. Украинците треба да ја зајакнат линијата на фронтот на исток и ќе се обидат да ја задржат територијата во Курск, изјави британскиот министер за одбрана Џон Хили.

Но, останува нејасно дали Украинците можат да ги постигнат двете цели со силите што ги имаат.

The post Имаат рок до 1 октомври: Путин издаде наредба да се протераат украинците appeared first on Република.

Украина не планира да отстапи територии на Русија. Ваков став изнесе градоначалникот на Киев, Виталиј Кличко.

Според него, давањето територии, не е компромис.  Кличко изјави дека руската јавност на крајот ќе сфати дека, како што кажа, нивните млади војници гинат за ништо друго освен за амбициите на рускиот претседател Владимир Путин. Поранешниот боксерски шампион ова го изјави за Би-би-си за време на погребот на познатиот антикорупционер Роман Ратушни (24), кој е убиен во Изум, во областа Харков на 9 јуни.

Војната во Украина поќна пред 116 дена. Руските сили продолжуваат да распоредуваат дополнителни сили за поддршка на офанзивните операции во областа Северодонецк-Лисичанск, а одбраната на Украина и понатаму е силна, според Британскиот институт за војна.

The post За Кличко давањето територии не е компромис appeared first on Република.