Едно лице е убиено а девет се повредени во пукање што се случи синоќа во близина за време на парада во Универзитетот на државата Тенеси. Властите веруваат дека барем еден од повредените учествувал во пукањето.

Лицето кое загинало имало 24 години, соопшти полицијата на социјалната мрежа X. Неговото име, имињата на повредените, како и информации за мотивот, не беа веднаш објавени.

Најмалку три од повредените се деца со полесни повреди. Едното е девојче од 12 години и две други на возраст од 14 години, кои биле пренесени во детската болница во тој регион, изјави Дон Аарон, портпарол на полицијата на Нешвил.

Некои од останатите жртви се 23-годишен маж и 55-годишна жена, рече Аарон, додавајќи дека жената е во критична состојба.

Сметаме дека ова е нешто што било како страничен инцидент покрај парадата и дека не е директно поврзано со (студенти) и самиот универзитет, изјавија од полицијата.

The post Едно лице загина, деветмина се повредени во пукање во близина на Универзитетот Тенеси appeared first on Република.

32-годишен маж ги убил сопругата и двете ќерки, а потоа ладнокрвно повикал полиција и ја известил што направил.

Набрзо патролата стигнала до куќата во Гудлетсвил, каде мажот извесно време преговарал со полицијата, но потоа одекнал истрел. Полицијата ја скршила вратата и затекнала ужасна глетка – шестгодишно девојче мртво лежело во спалната соба, а нејзиниот татко во дневната.

Во останатите простории биле пронајдени тешко ранети мајката и другата ќерка, кои итно биле префрлени во болница, но за жал и двете им подлегнале на повредите. Масакрот го преживеале само две кучиња кои семејството ги чувало во дворот.

Не се знае кој бил мотивот на ужасната трагедија, но соседите рекле дека од таа куќа „често се слушале пукотници“.

Еден од најблиските соседи дал чудна изјава во полиција, велејќи дека постојано ги слушале истрелите но дека не се загрижиле бидејќи „семејството изгледало среќно“.

The post Маж од Тенеси си го убил целото семејство appeared first on Република.