Владата на седница што се одржа вчера донесе одлука за укинување на заклучокот на претходната техничка Влада со кој се предизвикува фискални импликации за реализација на Проектот за изведба на автопатот Коридор 8, Делница 2: Гостивар-Букојчани од дополнителни 252.699.474 евра, кои не се планирани и обезбедени во Буџетот, ниту се економски исплатливи, информираат денеска од владината прес-служба.

Од Владата најавуваат дека за овој заклучок ќе биде известено и Основното јавно обвинителство.

Овој заклучок бил усвоен на 13 јуни оваа година, повеќе од еден месец после изборите и на неколку дена пред донесување на Одлуката за избор на нова Влада, како и економската неисплатливост за реализација на истиот, се вели во денешното соопштение од Владата.

The post Техничката влада месец по изборите усвоила заклучок за Коридор 8 штетен над 250 милиони евра appeared first on Република.

Коалицијата „Србија против насилство“ (СПН) подготви детален документ врз основа на предлозите на ПроГлас и граѓанскиот сектор во однос на изборните услови, кој вклучува формирање на независна комисија и како долгорочно решение, преодна влада по урнек на Македонија, изјави денеска во име на оваа коалиција Радомир Лазовиќ на прес конференција во салата на Народното собрание, јави дописникот на МИА од Белград.

Тој побара Собранието да формира посебна Комисија за организирање избори, во која ќе членуваат претставници на власта, опозицијата и граѓанскиот сектор, со надзорни и извршни овластувања.

Долгорочно, тие предлагаат промена на законот, по примерот на Македонија, и формирање преодна влада во која опозицијата би имала најмалку двајца министри, за внатрешни работи и за локална самоуправа.

Тој истакна дека концептот на преодна влада во моментов е актуелен во Македонија.

-Телото што го предложивме треба да биде во функција до следните избори бидејќи можеби нема да има време да се направат промени кои би доведеле до преодна влада. Во наредниот период како долгорочно решение ќе предложиме од денот на распишувањето до денот на изборите да се создаде преоден дел од владата со две министерства предводени од опозицијата, за да можеме да кажеме дека имаме фер избори, објасни тој.

- Избирачкиот список мора да се регулира, рече Лазовиќ и пред да се распишат следните избори ова прашање мора да се реши, односно да се овозможи тим од меѓународни и домашни претставници назначени од опозицијата да имаат увид избирачкиот список.

Лазовиќ во име на СПН поднесе барање за целосна и независна ревизија на избирачкиот список, која би опфатила теренска контрола на избирачкиот список, во која би учествувала независна комисија според методологијата изработена од невладината Црта.

Лазовиќ изјави и дека Собранието треба да донесе обврзувачки упатства за медиумите, за донесување нови програми, забрана на говор на омраза и лаги и надворешен надзор.

Упатството треба да го подготви независна комисија за медиуми составена од претставници на професионални здруженија.

Тој побара во информативната програма на РТС да бидат претставени релевантни политички групи.

-Потребно е Собранието да донесе lex specialis кој би ги вклучил сите горенаведени мерки и да усвои извештај за наодите на ОДИХР кој ги вклучува препораките содржани во финалниот извештај на оваа мисија, а Владата на Србија да побара имплементацијата на сите барања наведени во овој документ и да доколку дојде мисијата на Европскиот парламент, таа може да учествува во контролата на овие мерки, рече Лазовиќ.

Тој не сакаше да каже дали ќе ги бојкотира изборите додека не се исполнат барањата и очекува владата да се изјасни дали може или не да спроведе фер и чесни избори.

The post Секаде сме лош пример: Српската опозиција сака техничка влада како во Македонија appeared first on Република.

Министерот за здравство Илир Демири денеска на новинарско прашање во врска со случајот на Леонид Индов изјави дека владата и Министерството за здравство се комплетно посветени и ќе се изнајде решение со кое ќе му се помогне, односно ќе му бидат покриени трошоците. Системско решение, како што посочи, во предизборниот период и во време на техничка влада, не може да се најде.

Досега е направено многу. Зборувавме со семејството и брзо ќе добиете епилог. Не сакам медиумска кампања апропо изнаоѓање на решение. Значи, Владата и министерството за здравство се комплетно посветени и ќе најдеме решение да му се помогне не само на Индов, туку и на секој еден пациент кој има потреба“, изјави Демири пред почетокот на панел дискусијата по повод одбележувањето на Денот на ретки болести во Скопје.

Тој напомена дека сега треба да се најде решение со кое ќе биде задоволен Индов и ќе бидат покриени трошоците, а за системско решение ќе се зборува после изборите.

Системско решение во оваа техничка Влада и предизборие не може да се најде. Треба да се најде решение со кое ќе биде задоволен Индов и ќе бидат покриени трошоците, а за системско решение после изборите ќе зборуваме, од повеќе сектори зависи тоа. Значи, промена на регулативи и на закони не зависи само од Министерството за здравство“, додаде Демири.

The post Ќе има системско решение за лекувањето на Леонид, но не во време на техничка Влада, вели министерот за здравство appeared first on Република.

СДС да го поддржи предлогот законот на ВМРО-ДПМНЕ за продолжување на важноста на пасошите, народот не смее да биде заробен со месеци, бара опозициската партија.

Над милион наши сограѓани немаат пасош, и тие се заробени и им е ограничено движењето, главен виновник за тоа е СДС.

Спасовски и Ковачевски знаеја дека ќе дојде до крах на системот и направија две клучни грешки:

1. 2 и пол години издаваа пасоши чија важност знаеја дека ќе истече пред времето на кое се издадени заради договорот што го потпишаа и така директно оштетија стотина илјади граѓани.

2. Пред формирање на техничка влада ја оставија државата без обрасци за пасоши, мислејќи дека ќе креираат тензија.

Заради СДС сега има неколку стотина илјади пасоши помалку издадени од тоа што можело да се издадат, со постоечките капацитети. Дополнително заради нив има и општ застој, затоа што имале доволно време да ги зголемат капацитетите.

За народот нема друго решение, освен предлог законот на ВМРО-ДПМНЕ и да се продолжи важноста на пасошите. Народот не смее да остаме заробен без можност слободно да се движи. Народот со право вели дека немаме држава и таа треба да се врати

The post СДСМ пред формирањето на техничка влада намерно ја оставија државата без обрасци за пасоши за да креираат тензија appeared first on Република.

Со месеци ДПМНЕ на партиски прес конференции од белиот дворец тврдеа дека имаат решение и дека ќе го решеле проблемот со личните документи, пасошите и возачките дозволи, соопшти СДСМ.

Сега, откако влегоа во техничката Влада и имаат министер за внатрешни работи, ДПМНЕ наместо решение создава хаос со личните документи и шири паника меѓу граѓаните“ велат од владејачката партија.

Според СДСМ, не треба да се казнуваат граѓаните кои ги немаат заменето возачките дозволи. Велат дека тие се за домашна употреба и законот дава можност за опомена.

Дополнително, наместо да го зголеми капацитетот за сликање и вадење пасоши, министерот од ДПМНЕ го укина вадењето пасош без закажување. Тоа негативно влијае затоа што го намалува бројот на граѓани кои можат да се сликаат, а од друга страна драстично го пролонгира процесот.

Тоа значи дека граѓаните со месеци нема да можат да добијат нов пасош, а го доведува во прашање и законскиот рок за издавање пасош.

ДПМНЕ и тимот на министерот во МВР направија хаос и во одобрувањето на пасошите, наместо 15 дена сега граѓаните чекаат и повеќе од 20 дена а пасошот не им е готов. ДПМНЕ едно зборува во опозиција, сосема друго прави кога е власт“ порачаа од СДСМ.

The post СДСМ: Наместо решение ДПМНЕ создава хаос со личните документи appeared first on Република.

Довчерашниот премиер Димитар Ковачевски е светски феномен.Тој откако одби да се укине техничката влада што беше барање на опозицијата вели дека оваа влада била светски феномен и оти може да падне поради случувањата во коалицискиот партнер Алијанса за Албанците.

Техничката влада кај нас е светски феномен, што не постои никаде во свет и сметам дека би бил уште еден светски феномен влада што е задолжена за да организира избори успее да падне, изјави Ковачевски .

https://republika.mk/vesti/makedonija/koj-ima-kontrola-vrz-osumtemina-pratenitsi-na-alijansa-koi-mozhat-da-ja-urnat-tehnichkata-vlada/

Да, ова е точно. Но,оваа влада која е наследство од неговиот претходник Зоран Заев можеше да биде укината пред овие избори да не беше ветувањето на истиот тој Заев кон Али Ахмети по изборите во 2020 година како услов ДУИ да го поддржи СДСМ.

Заев е познат дека држи до зборот и не сакаше да ја расипува бесата што му е даде па така премиер стана Албанец.Тоа за ДУИ беше единствено важно, а не кој ќе биде.На крајот се одлучија за поранешниот командант на УЧК Талат Џафери.

Но, и оваа влада, каква-таква е на стаклени нозе.СДСМ и Ковачевски навистина се феномени.

https://republika.mk/vesti/makedonija/kovachevski-ke-bide-svetski-fenomen-vlada-shto-e-zadolzhena-za-da-organizira-izbori-uspee-da-padne/

The post Таче е светски феномен: За техничката влада која не сакаше да биде укината вели дека може да падне appeared first on Република.

Претседателот на опозициската Демократската партија (ДС), Зоран Лутовац изјави дека едно од решенијата за политичката криза во Србија би можело да биде формирање на преодна влада, која, според него, е модел кој дал добри резултати и обезбедил фер избори, јави дописникот на МИА од Белград.

Едно од решенијата за излез од кризата може да биде преодна влада по моделот на Македонија и Црна Гора со посредство на ЕУ. Ова може да биде пат до фер избори, рече Лутовац.

Тој денеска изјави дека конститутивната седница на српскoто Собрание, која е закажана за 6 февруари, „не е стратешко туку тактичко прашање“ и додаде дека бојкотот на таа седница не значи дека таа партија ќе ја бојкотира работата на парламентот.

Лутовац на седницата на Главниот одбор на Демократската партија во Белград рече дека опозицијата нема да ги врати мандатите бидејќи, според неговите зборови, тоа не е целисходно.

Нема збор за легитимноста на овој режим. Тие беа фатени во кражба. Нам ни пречи и тајмингот на седницата на Собранието. Зошто е закажана за 6 февруари, а на 8 февруари ќе биде донесена резолуцијата на ЕП за изборите во Србија? Идејата е да не стават пред свршен чин, рече Лутовац.

Тој оцени дека резолуцијата не е за „непочитување“ и дека не е „државничко и мудро“ што, како што рече, српскиот претседател Александар Вучиќ така се однесувал кон тој документ на ЕП.

Лутовац изјави дека партијата со која тој претседава нема да преговара со Вучиќ и со претставниците на Српската напредна партија (СНС), бидејќи ДС е „остра и алтернативна опозиција“.

The post Српската опозиција предлага техничка влада по примерот на Македонија appeared first on Република.

6 месеци СДС и ДУИ молчат и не преземаат никакви активности во врска со криминалот на Онкологија.Некој заработувал пари на сметка на тешко болните од рак, и наместо терапија им давал физиолошки раствор, а СДС и ДУИ 6 месеци неможат да преземат акција, обвини ВМРО-ДПМНЕ.

Неактивноста на СДС и ДУИ 6 месеци покажа дека тие немаат ниту волја, ниту интерес да го санкционираат криминалот на Онкологија.Случајот Онкологија немаше да биде возможен без корумпираноста на власта. Со СДС и ДУИ народот ја загуби државата.

ВМРО-ДПМНЕ нема да дозволи криминалот и корупцијата да го разјадуваат општеството. Никогаш не било полошо. Важно е да ги поразиме.

The post Случајот „Онкологија“ почна да се решава со влегувањето на ВМРО-ДПМНЕ во техничката влада. appeared first on Република.

Техничкиот премиер Талат Џафери, за утре (30 јануари), со почеток во 12:00 часот, ја закажа првата седница на новоизбраниот владин состав.

Како што соопштуваат од владината прес-служба, за заклучоците и одлуките на седницата, јавноста ќе биде информирана по завршувањето на седницата.

The post За утре напладне закажана првата седница на техничката Влада appeared first on Република.

Единаесеттите парламентарни избори во земјава ќе се одржат на 8 мај, а седмите претседателски избори на 24 април. До формирањето на нова влада до крајот на јуни, земјата ќе ја води техничка влада на чело со премиерот Талат Џафери. Оваа преодна Влада вчера беше избрана со 65 гласа „за“ и три „против“. ВМРО-ДПМНЕ беа во салата, но се воздржаа од гласање додека на седницата воопшто не присуствуваа пратениците од Европскиот сојуз за промени.

Во Владата денеска е предвидено примопредавање на функцијата меѓу досегашниот претседател на Владата, Димитар Ковачевски и Талат Џафери, претседател на преодната Влада. По пристигањето на платото на Владата, планирано е премиерите Ковачевски и Џафери да одржат кратка средба. Се очекува примопредавања на функциите да има во сите министерства.

Џафери во експозето пред пратениците во рамки на 141. пленарна седница рече дека за него, како мандатар на оваа Влада, нема разлика дали станува збор за еден или 100 дена, за техничка или преодна Влада.

-Сакам да ве уверам дека во ниту еден миг нема да дозволам да отстапиме од тоа што значи функционална и доверлива институција за граѓаните и институција со јасни надлежности дефинирани со Уставот во однос на другите столбови на власта во Република Македонија, рече Џафери.

Џафери повтори дека го прифаќа мандатот со задоволство и полна одговорност и со надеж дека предложените министри ќе ги исполнат очекувањата.

Приоритет на оваа преодна Влада е одржување на редовните претседателски и парламентарни избори на фер и демократски начин

The post Прв ден на техничката влада appeared first on Република.

Собранието попладнево, на посебна седница, ги избра замениците министри и дополнителните заменици министри во техничката влада. Со тоа е комплетиран составот на техничката влада на чело со Талат Џафери која ќе функционира сѐ до објавувањето на конечните резултати од Државната изборна комисија за изборите за пратеници закажани за 8 мај и до изборот на новата политичка влада. Собранието претходно на денешната 141. седница со 65 гласа „за“ и тројца „против“ ја изгласа техничката влада предводена од Талат Џафери.

Долнителен заменик-министер за внатрешни работи од СДСМ е Митко Бојмацалиев, а дополнителен заменик-министер во Министерството за труд и социјална политика е досегашната министерка Јованка Тренчевска.

Дополнителен заменик министер за финансии од ВМРО-ДПМНЕ е Елена Петрова, за информатичко општество и администрација Стефан Андоновски исто така од ВМРО-ДПМНЕ, а за земјоделство, шумарство и водостопанство Цветан Трипуновски од истата опозициска партија.

Со изборот на дополнителните заменици министри се комплетира составот на техничката Влада.

The post Избрани дополнителните заменици министри во техничката Влада appeared first on Република.

Зборот на СДС е дувни ветре развигорче и нема никаква вредност. Со денови се силеа, меѓу кој и Ковачевски дека нема да гласаат за техничка влада која нема да ја поддржи ВМРО-ДПМНЕ, а денес се „нацртаа“ да гласаат за Талат Џафери за премиер, се вели во партиското соопштение на опозициската ВМРО-ДПМНЕ.

Што е тоа со кое ДУИ ја уценува СДС, па тие на поклон се должни да им ја дадат државата? Дали преку Талат премиер СДС си ја купува власта? Со СДС и ДУИ народот ја губи државата. Никогаш не било полошо. Важно е да ги поразиме, истакнаа од опозициската партија.

The post ВМРО-ДПМНЕ: СДС се силеа дека нема да гласаат за техничка влада, а денес како ученичиња гласаа за Талат за премиер appeared first on Република.

Пратеникот Мирослав Јовановиќ од Куманово, претседател на Српската странка во Македонија, која е дел од коалицијата на СДСМ не гласаше за техничката Влада. Коалицијата почна да се раситнува.

Пратеникот Мирослав Јовановиќ не присуствуваше на седницата кога се гласаше техничката Влада, тој ја напуштил салата и си замина, а на почетокот на седницата седеше во собраниските клупи.

The post Се „раситнува“ мнозинството: Мирослав Јовановиќ од Српската странка која е дел од коалицијата на СДСМ не гласаше за техничка Влада appeared first on Република.

The post Милошоски: ВМРО-ДПМНЕ нема да гласа за ова влада, СДСМ ги направи Македонците кираџии во сопствена земја appeared first on Република.

Од СДСМ велат дека ВМРО-ДПМНЕ понудило слаби и нестручни кадри и додаваат дека партијата нема никаква програмска понуда, а потврдила дека нема ниту кадровски потенцијал.

За МВР, ДПМНЕ го понуди Панче Тошковски, кој е личен пријател на Мицкоски, негов долгогодишен соработник. Во отуство на професинален кадар, кој ја познава работата на МВР, очигледно личните релации се единствен критериум.

Ѓоко Велковски е претседател на Општинскиот комитет на ДПМНЕ во Чаир и советник во општината. Беше назначен за генерален секретар на Град Скопје, а потоа и разрешен.

Стефан Андоновски е исто така советник во Советот на Град Скопје. Хаосот што се случува во Скопје најавува што може да се очекува од ваквите кадри на Мицкоски во техничката Влада.

Елена Петрова е вработена во УЈП, позната е меѓу колегите по тоа што додека била на раководно место си ја вработила во УЈП и нејзината сестра.

Цветан Трипуновски е олицетворение на режимската матрица во ДПМНЕ, кој како кадар на Груевски ги поддржуваше погубните политики на ДПМНЕ во земјоделството, а има и кривична пријава за злоупотреба на службената должност.

Заедничко за сите нив е што зад себе немаат некаков резултат, се вели во соопштението на СДСМ.

The post СДСМ: ВМРО-ДПМНЕ предложи слаби кадри за техничката влада appeared first on Република.

На 100 дена пред парламентарните избори на 8 мај, Македонија ќе ја добие третата преодна Влада воспоставена со Пржинскиот договор. За премиер на техничката Влада е предложен Талат Џафери, од Демократската унија за интеграција.

Владата ја избира Собранието со мнозинство гласови од вкупниот број пратеници. Мандатот на преодната Влада трае од изборот, па, се до објавувањето на конечните резултати од Државната изборна комисија за изборите за пратеници.

Основна задача на преодната влада е организирање фер и демократски парламентарни избори.

https://republika.mk/vesti/makedonija/sobranieto-deneska-ke-ja-izbira-tehnichkata-vlada-predvodena-od-talat-dhaferi/

Во преодната Влада министер за внатрешни работи и министер за труд и социјална политика предлага опозициската партија со најголем број пратеници (ВМРО-ДПМНЕ). На предлог на премиерот Собранието именува дополнителни заменици на министрите за внатрешни работи и за труд и социјална политика од редовите на власта (СДСМ), но и од опозицијата и тоа во ресорите финансии, земјоделство и информатичко општество и администрација.

Техничкиот министер за внатрешни работи ќе може да изврши најмногу 15 разрешувања или распоредувања на пониско или повисоко место на носители на раководна позиција во Министерството. Доколку постави нови раководители, тој има должност на предлог на дополнителниот заменик-министер да именува и нивни заменици. Тие двајца имаат врзани потписи. Доколку некој акт е потпишан само од едното лице, тој нема да биде важечки. Министерот има право да ангажира лица за потребите на својот кабинет. Може да врши и хоризонтални распоредувања на вработените.

Ова ќе биде трета преодна Влада во земјата. Првата беше предводена од Емил Димитриев и поради тоа што не можеше да се формира подолго време Влада, тој ја предводеше техничката влада од 18 јануари 2016 до 1 јуни 2017 година.

Втората преодна Влада ја предводеше сегашниот министер за внатрешни работи во оставка, Оливер Спасовски и тоа од 3 јануари 2020 до 30 август 2020 година.

Четирите најголеми партии на 2 јуни 2015 година постигнаа договор 100 дена пред наредните парламентарни избори со државата да раководи влада за спроведување избори.

The post Техничката влада има основна задача да организира фер и демократски избори appeared first on Република.

Собранието денеска ќе ја одржи 141. седница со единствена точка на дневниот ред избор на влада на Република Македонија. Талат Џафери, мандатарот на оваа преодна влада која се формира на сто дена пред изборите за пратеници на 8 мај, вчера ја достави програмата и Предлог-составот на новата влада. Собранието ја избира владата со мнозинство гласови од вкупниот број пратеници.

Во Програмата, меѓу другото, мандатарот Џафери наведува дека приоритет на оваа влада ќе бидат успешно организирање на слободни, фер и демократски избори на 24 април и 8 мај, продолжување на сите процеси кои произлегуваат од започнатите пристапни преговори со ЕУ и забрзаната европска интеграција, раст и развој на економијата, пораст на животниот стандард преку зголемување на минималната и просечната плата и пензиите во 2024 година, намалување на инфлацијата, и одржување на ценовната стабилност и на вработеноста, директна поддршка на граѓаните и компаниите во 2024 година, владеење на правото, борбата против криминалот и корупцијата, целосен ред и поредок на државата, продолжување на реформските процеси на сите државни нивоа.

За таа цел владата врз основа на широкиот меѓупартиски дијалог ќе овозможи ефикасно имплементирање на препораките на ОБСЕ/ОДИХР и останатите меѓународни организации со цел да се овозможат највисоките европски стандарди во процесот во изборната кампања и самите избори, односно да се одржат избори со целосен легалитет, легитимитет и консензуално прифаќање на изборната волја на граѓаните, се посочува во програмата на мандатарот Џафери.

Според Изборниот законик и Законот за Влада, во преодните или технички влади има министри од владејачкото мнозинство и најголемата опозициска партија. Техничката влада функционира се до избор на нова влада.

Во Предлог-составот на преодната влада што Џафери го достави до Собранието предлага прв заменик премиер на владата и вицепремиер за европски прашања да биде Бојан Маричиќ, додека Артан Груби - министер за политички систем и односи меѓу заедниците.

Панче Тошковски на предлог на ВМРО-ДПМНЕ е предложен за министер за внатрешни работи, како и Ѓоко Велковски за предлог за министер за труд и социјална политика.

На досегашните места остануваат Кренар Лога - министер за правда, Бујар Османи- министер за надворешни работи, Фатмир Бесими - министер за финансии, Крешник Бектеши - министер за економија, Љупчо Николовски - министер за земјоделство, шумарство и водостопанство, Фатмир Меџити - министер за здравство, Јетон Шаќири - министер за озбразование, Ристо Пенов - министер за локална самоуправа, Бисера Костадиновска Стојчевска - министерка за култура, Азир Алиу - министер за информатичко општество и администрација, Благој Бочварски - министер за транспорт и врски, Каја Шукова - министерка за животна средина и Фатмир Битиќи, министер без ресор задолжен за економски прашања и Славица Грковска, министерка без ресор задолжена за политики за добро владеење.

Се очекува по изгласувањето на техничката влада, во Собранието да се одржи уште една пленарна седница на која ќе се гласа за дополнителните заменици министри, како и да се верификува мандатот на еден пратеник кој ќе дојде на местото на Талат Џафери, кому му е доверен мандатот да формира техничка Влада.

СДСМ го предложи Митко Бојмацалиев е кандидат за дополнителен заменик министер за внатрешни работи, а досегашната министерка Јованка Тренчевска ќе биде дополнителна заменилка министерка во труд и социјала.

ВМРО-ДПМНЕ за дополнителен заменик– министер за финансии ја предложи Елена Петрова, за информатичко општество и администрација Стефан Андоновски, а за земјоделство, шумарство и водостопанство Цветан Трипуновски.

Преодната влада се избира на 100 дена пред изборите кои се закажани за 8 мај, а ќе функционира до изборот на новата влада. Две недели претходно ќе се одржат претседателските избори.

Ова е трета преодна или техничка влада од 2016 година наваму. Премиер на техничката влада во 2016 година беше Емил Димитриев, додека во 2020 беше Оливер Спасовски.

The post Собранието денеска ќе ја избира техничката влада предводена од Талат Џафери appeared first on Република.

Лидерот на ВМРО-ДПМНЕ Христијан Мицкоски изјави дека тие остануваат на ставот дека нема да ја поддржат техничката влада.  За медиумите денеска тој изјави дека не очекува турбуленции во претстојните процеси со преодната влада затоа што, рече, „јасен е законот, јасен е Уставот“.

Со овие луѓе се е возможно, гимнастики, лупинзи, но не очекувам нешто што би можело да го наруши процесот, рече Мицкоски одговарајќи на новинарски прашања на конференцијата што ја организираше Паневропската унија на Македонија.

На прашањето дали очекува нова политика од техничкиот премиер Талат Џафери, одговори дека во изминатите шест и пол години „тој како претседавач со Собранието направил многу противуставни и противзаконски потези“.

Очекувам продолжување на лошите политики. И ако можеби некогаш сме биле едногласни дека од ова полошо нема, тоа е песимистички став. Треба да сме оптимисти, сепак, очекувам дека во овие сто дена ќе биде полошо, рече претседателот на опозициската партија.

Во врска со иницијативата од СДСМ за формирање европски фронт за изборите, одговори дека „тоа е криминална коалиција која себеси во обид за дефокус се брендира како европска коалиција“.

Таму нема ништо европско освен тоа што можеби заеднички се договараат како да го осиромашуваат и пљачкаат народот и државата. Тоа е интересот кој ги спојува тие политички структури. Се надевам и, да бидам попрецизен, сигурен сум дека по овие избори таа опција ќе биде жестоко поразена. Ќе може да поминат еден четиригодишен мандат во опозиција, ќе може да се реформираат со нови луѓе, со нови политики и со нови идеи, и по четири години ќе се појават на парламентарните избори и ќе понудат нешто поконкретно и поконкурентно, рече Мицкоски.

Од политички причини гледано, додаде, ги  охрабрува „час поскоро да ја формираат таа коалиција, уште утре ако може“, но како граѓанин на оваа држава, смета дека „граѓаните на 8 мај и претходно на 24 април ќе бидат многу јасни и гласни зад гласачките кутии“.

Коментирајќи ја одлуката на Апелацискиот суд за мерка за претпазливост за осомничениот Беким Незири во случајот „М-НАВ“, Мицкоски рече дека „тоа се реформите кои ги нуди европскиот фронт“.

Со тупаници упаѓаат во стратешки објекти, го загрозуваат авиосообраќајот, ја загрозуваат безбедноста на македонското небо и на сојузничките летала. И  тие истите за недела-две ќе ги видите како слободно се шетаат по улиците бидејќи имаат свои обвинители и судии . Мора да расчистиме еднаш засекогаш со мафијата која ја поседува Македонија за да ја трансформираме, рече Мицкоски.

The post Мицкоски: ВМРО-ДПМНЕ останува на ставот дека нема да ја поддржи техничката влада appeared first on Република.

Мандатарот на идната техничка влада, Талат Џафери денеска треба до Собранието да го достави составот и програмата на идната техничка влада. Според најавите, пленарната седница за избор на преодната влада треба да се одржи во недела, но од собраниската прес-служба, поточни информации за терминот за одржување на седницата најавуваат за денеска попладне.

Техничката влада се избира на 100 дена до парламентарните избори закажани за 8 мај, а ќе функционира до изборот на новата влада.

Вчера, Собранието во рамки на 139. седница ги констатираше оставките на премиерот Димитар Ковачевски и на претседателот на Собранието Талат Џафери, а во рамки на седницата пратеникот Јован Митрески од СДСМ беше избран за претседател на Собранието.

Вчера и шефот на државата Стево Пендаровски му го врачи мандатот на Џафери за состав на преодната Влада, а по добивањето на мандатот, Џафери вети дека врз основа на законите и Уставот, преговорите за состав на преодната Влада ќе се одвиваат соодветно на политичката потреба и состојба во државата.

Со задоволство и потполна одговорност го примам мандатот од претседателот на државата, со ветување дека совесно и врз основа на законите и Уставот, составот на Владата и преговорите за составот на Владата ќе се одвиваат соодветно на политичката потреба и состојба во државата, рече Џафери, изразувајќи надеж дека преговорите ќе кулминираат со соодветен состав на Владата.

Џафери, кој досега ја извршуваше функцијата претседател на Собранието, при примопредавањето на функцијата на новиот претседател на Собранието, во изјава за медиумите рече дека не се сомнева оти Mитрески ќе одговори на должноста и на одговорноста што произлегува од функцијата.

Митрески беше избран со 64 гласа „за“ и 40 „против“. Пратениците од Европскиот сојуз на промени не присуствуваа на седницата поради бојкот.

Во обраќањето пред пратениците, Митрески рече дека останува отворен за соработка со сите пратенички групи.

Како секој пратеник, така и за мене изборот за претседател е голема чест, но пред се одговорноста е уште поголема. Во таа насока ве уверувам дека со посилен интензитет ќе продолжам да работам во интерес на функционалноста и ефикасноста на Собранието, секако во согласност со Уставот, со Деловникот, со законската регулатива, но пред се во интерес на граѓаните и државата, рече Митрески, изразувајќи уверување дека заеднички ќе продолжат да ја јакнат демократијата.

Во текот на собраниската расправа, пратениците од СДСМ и коалицијата посочија дека самиот факт што зад Митрески застанале пратеници од најголемиот број парламентарни партии во Собранието зборува не само за неговиот кохезивен потенцијал, туку и за довербата што пратениците ја имаат во него и неговото искуство да ја преземе функцијата без проблем.

За опозицијата, пак, Митрески не може да го поправи она што се случувало во изминатите шест години во законодавниот дом затоа што и тој, директно или индиректно бил учесник во процесите и настаните во кои, како што посочија, наместо интересите на граѓаните, во прв план биле личните интереси и партиските пазари.

Мартин Костовски од СДСМ рече дека Митрески е човек кој целата своја енергија ја дава за подобар развој и подобра иднина на неговата држава и дека и во многу наврати покажал одговорен пристап во вршењето на функцијата пратеник и координатор на пратеничката група на СДСМ и коалицијата.

Координаторот на пратеничката група на ДУИ Арбр Адеми изрази уверување дека со изборот на  Митрески за претседател, Собранието ќе продолжи да работи во согласност со европските принципи и стандарди, правилата и процедурите предвидени во Уставот, Деловникот за работа и законската регулатива, но и во интерес на граѓаните.

Сметам дека предлогот досегашниот кординатор на пратеничката група на СДСМ и коалицијата, Митрески да биде избран за претседател на Собранието е најдобриот избор што можевме да го направиме, доколку сакаме да продолжиме по патот кој сите го трасиравме изминативе речиси седум години, рече Адеми.

Според координаторот на опозициската  ВМРО-ДПМНЕ, Никола Мицевски, законодавниот дом бил „непресушен извор на самоволие“, место на преседани и недемократско однесување и потфрлил во улогата да биде контрола на извршната власт.

Во овој мандат видовме се и сешто, но не и европско собрание... Најмногу скандали и преседани во просек за ден. Деловникот на Собранието како никогаш досега беше погазуван и непочитуван и речиси немаше вредност и тежина, со негова селективна примена...Кршење на Етички кодекс на пратениците, среде Собранието беше погазуван и Уставот.., рече Мицевски.

Во состав на преодната влада, прв заменик премиер на Владата, според договорот меѓу СДСМ и ДУИ, ќе биде Бојан Маричиќ, кој исто таа останува и вицепремиер за европски прашања, додека Артан Груби кој досега ја извршуваше функцијата прв вицепремиер и министер за политички систем, ќе биде министер за политички систем.

На опозицијата и припаѓаат министерските места во Министерството за внатрешни работи и во Министерството за труд и социјална политика и дополнителни заменички места во министерствата за финансии, за информатичко општество и администрација и за земјоделство.

Од страна на ВМРО-ДПМНЕ на овие места предложени се Панче Тошковски за технички министер за внатрешни работи и Ѓоко Велковски за министер за труд и социјална политика. За дополнителен заменик– министер за финансиии е предложена Елена Петрова, за информатичко општество и администрација Стефан Андоновски, а за земјоделство, шумарство и водостопанство Цветан Трипуновски.

Познати се и имињата на министрите и дополнителните заменици министри кои доаѓаат од редовите на СДСМ. Актуелниот шеф на Кабинетот на министерот за внатрешни работи Оливер Спасовски, Митко Бојмацалиев е кандидат за дополнителен заменик министер за внатрешни работи, а на министерските места во култура, животна средина, транспорт, одбрана и земјоделство предложени се досегашните министри.

За дополнителни заменици министри од редовите на СДСМ предложени се Викторија Аврамовска Мадиќ во Министерството за правда, Маја Манолева во Министерството за здравство, Александар Бајдески во Министерството за информатичко општество и администрација, Филип Николовски во Министерството за финансии и Мики Крстев во Министерството за локална самоуправа. За дополнителен заменик министер за труд и социјална политика предложена е досегашната министерка за труд и социјална политика Јована Тренчевска.

Од ДУИ и Алијанса на Албанците, за МИА потврдија дека остануваат со истите кадри.

The post Џафери треба до Собранието треба да ги достави составот и програмата на техничката влада appeared first on Република.

Претседателот Стево Пендаровски денеска му го врачи мандатот на Талат Џафери за состав на преодната Влада која ќе функционира до изборот на новата влада која ќе се формира по парламентарните избори.

По добивањето на мандатот, Џафери вети дека врз основа на законите и Уставот, преговорите за состав на преодната Влада ќе се одвиваат соодветно на политичката потреба и состојба во државата.

Со задоволство и потполна одговорност го примам мандатот од претседателот на државата, со ветување дека совесно и врз основа на законите и Уставот, составот на Владата и преговорите за составот на Владата ќе се одвиваат соодветно на политичката потреба и состојба во државата, рече Џафери.

Тој додаде дека се надева оти ќе креира соодветен состав на Владата со соодветни обврски, надлежности и одговорности кон граѓаните.

Собранието во рамки на 139. седница денеска ги констатираше оставките на премиерот Димитар Ковачевски и на претседателот на Собранието, Талат Џафери, а во рамки на седницата пратеникот Јован Митрески од СДСМ беше избран за претседател на Собранието.

Седницата за избор на преодната Влада, чиј состав е веќе познат, треба да биде закажана за во недела, 28 јануари.

The post Пендаровски му го врачи мандатот на Талат Џафери за преодна Влада appeared first on Република.