Во СВР Битола во вторникот претставници од Центарот за социјални грижи Битола пријавиле дека од основно училиште во Битола стигнало до нив известување дека ученик дошол во училиштето со телесни повреди.

Од страна на претставници на ЦСР и стручен кадар од училиштето бил извршен разговор со мајката и со сите нејзини три нејзини деца, ученици во второ, четврто и осмо одделение. Децата посочиле дека нивниот татко секојдневно ги тепал и ги малтретирал.

Од страна на полициски службеници од СВР Битола на 29.10.2024 во 20 часот лишен е од слобода Џ.Е.(43) од Битола и поднесена е кривична пријава по чл. 201 од КЗ „запуштање и малтретирање на малолетно дете”, соопшти МВР.

The post Уапсен битолчанец кој секој ден ги тепал и малтретирал трите деца, дури едно не се појавило претепано на училиште appeared first on Република.

Вчера во 07.00 часот во с.Селце, штипско, полициски службеници од Отсекот за недозволена трговија со дрога и оружје при СВР Штип ги лишиле од слобода А.М.(54) и Д.М.(32), двајцата од с.Селце.

При претрес во домот на Д.М. во Штип, извршен со судска наредба, била пронајдена ловечка пушка „бајкал“, за која не поседувал дозвола. Подоцна, исто така, со судска наредба, бил извршен и претрес во домот и возило „лада“ на неговиот татко А.М., при што биле пронајдени и одземени 69 боеви куршуми со различен калибар, 289 ловечки патрони, 34 маневарски куршуми, пакувања со барут, пакувања со оловни сачми, пиротехнички средства, алат за рачно полнење на муниција, една ловечка пушка „ИЖ“ 18 калибар 12 мм и ловечки патрони, соопшти МВР.

По наредба на јавен обвинител, лицата биле задржани во полициска станица.

Против А.М. по брза постапка била поднесена кривична пријава по член 396 став 2 - „неовластено изработување, држење, посредување и тргување со оружје или распрскувачки материи“ по член 396 од Кривичниот законик. Додека од судија на претходна постапка при Основен суд Штип му е изречена мерка притвор во траење од 30 дена.

Против Д.М. ќе биде поднесена кривична пријава по редовна постапка по член 396 став 1 од кривичниот законик.

The post Татко и син фатени со голема количина муниција appeared first on Република.

На 20.10.2024 во 15.00 часот во СВР Скопје било пријавено дека во семејниот дом во скопско, 80 – годишен маж бил нападнат од својата ќерка М.М.(48), информира МВР.

По целосно документирање на случајот ќе следува соодветен поднесок.

The post 80-годишен татко нападнат од својата ќерка appeared first on Република.

Полициски службеници од СВР Скопје вчера го лишиле од слобода М.П.(43) од скопско село, поради тоа што претходниот ден (18.10.) околу 22.30 часот во семејниот дом упатувал закани кон неговата сопруга и ќерка, а потоа и физички ја нападнал својата 19-годишна ќерка, при што употребил тврд предмет.

За настанот бил известен јавен обвинител. По целосно документирање на случајот ќе следува соодветен поднесок.

The post Семејно насилство во Скопје: Татко ја нападнал ќерката, а се заканувал и на сопругата appeared first on Република.

Се ставам на располагање, нема да молчам, но не се чуствувам за виновен, изјави пред судот таткото на Вања, Александар Ѓорчевски.

Тој потиштен, и со едвај разбирлив глас изусти дека не се чуствува виновен за грабнувањето и смртта на неговата ќерка.

Неговиот адвокатот Владимир Туфегџиќ порача дека таткото на Вања нема никаква вина.

Александар е жртва и тоа ќе го докажеме. Имал целосна грижа за децата иако биле разведени со мајката на нивните деца. Ќе докажеме дека Александар не ги познавал, останатите обвинитети ниту пак имал умисла за актот што го сториле подоцна. Александар наместо да биде оштетен бил жртва на тортура со цел да, признае дека го сторил делото, рече адвокатот.

И првообвинетииот Љупчо Палевски изјави дека го разбира обинението, но оти не се чуствува за виновен.

И останатите обвинети се изјаснија дека не се виновни.

Претходно обвинителот прочита писмо од Зорица Ѓорчевска, мајка на убиената Вања која побара исклучување на медиумите од целиот процес, но судијата одби.

https://republika.mk/vesti/makedonija/majkata-na-vana-pobara-iskluchuvane-na-mediumite-od-sudeneto-na-nejzinata-kerka/

Обвинителката Крстевска, пак, детално објасни како била убиена Вања Ѓорчевска.

https://republika.mk/vesti/crna-hronika/dupkata-bila-iskopana-palevski-pukal-dodeka-bila-vrzana-otkri-obvinitelkata-krstevska/

Ова е прво рочиште за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

На обвинителна клупа седнаа  првоосомничениот Љупчо Палевски, како и Боре Видевски, Велибор Манев и Влатко Кешишов, и таткото на девојчето, Александар Ѓорчевски.

[caption id="attachment_818069" align="aligncenter" width="1600"] фото: Република[/caption]

Судечкиот совет при Основниот кривичен суд Скопје месецов донесе одлука за спојување на постапките на обвинетите, откако Основното јавно обвинителство најпрво поднесе обвинение против четири лица, а потоа и за првоосомничениот Љупчо Палевски за кого се чекаше екстрадиција од Турција, за двојното грабнување и свирепо убиство на 14-годишната Вања Ѓорчевска од Скопје и 74-годишниот Панче Жежовски од Велес.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп.

На 22.11.2023, обвинетиот заедно со уште тројца претходно обвинети заеднички извршиле грабнување на оштетениот Панче Жежовски во Велес, со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.

Во врска со овој случај е осомничено уште едно лице за помагање по извршување на кривичното дело против кого постапката ќе се води одвоено.

The post Александар е жртва, вели адвокатот Туфегџиќ – ни Палчо ни останатите не чувствуваат вина appeared first on Република.

Единицата за насилен криминал при СВР Скопје, до ОЈО Скопје, поднесе кривична пријава против Д.Д.(40), Д.М.(59), П.Г.(42), П.М.(56), С.С.(39) и Р.П.(58), сите од Скопје и скопско, против З.Н.(61) од Битола и Х.Р.(58) од Косово, како и две правни лица од Скопје и едно правно лице од Гостивар поради постоење основи на сомнение за сторени кривични дела „предизвикување опасност при градежни работи" предвидено и казниво по член 289 став 1 од Кривичниот законик во врска со кривично дело „тешки дела против општата сигурност“ предвидено и казниво по член 292 став 2 од Кривичниот законик и кривично дело „загрозување на безбедноста на сообраќајот“ предвидено и казниво по член 297 став 1 од Кривичниот законик во врска со кривично дело „тешки дела против безбедноста на луѓето и имотот во сообраќајот“ предвидено и казниво по член 300 став 2 од Кривичниот законик, соопшти денеска МВР.

https://republika.mk/vesti/crna-hronika/po-nesrekata-vo-koja-zaginaa-tatko-i-sin-nareden-inspektsiski-nadzor-nad-rabotite-na-avtopatot-skopje-kumanovo-izdadeno-reshenie-za-itno-zapirane/

Станува збор за несреќата од 2 септемви во која на автопатот Скопје - Куманово загинаа 34-годишик од Опае и неговото малолетно дете.

На 02.09.2024 во 11.30 часот во СВР Скопје било пријавено дека на автопатот Скопје – Куманово, на околу два километри пред наплатна станица Миладиновци, патничко возило „мерцедес“ со кумановски регистарски ознаки, управувано од Б.А.(34) од село Опае, кумановско, удрило во непрописно поставени сообраќајни знаци за пренасочување на сообраќајот и во запрено товарно возило „ман“ со скопски регистарски ознаки, сопственост на правно лице од Скопје, а непрописно паркирано од Р.П.(58) од село Глумово, скопско. Во несреќата од здобиените повреди на местото на настанот починал возачот Б.А., а подоцна, во Комплексот клиники „Мајка Тереза“ во Скопје од здобиените повреди починал и малолетен сопатник од село Опае, објаснуваат од МВР.

The post За несреќата во која загинаа татко и син ќе се гонат осум лица и три фирми appeared first on Република.

Основното јавно обвинителство Скопје до Основниот кривичен суд Скопје поднело Предлог за определување мерка краткотраен притвор за две лица за кои се во тек проверки на сомненијата дека сториле кривично дело тешки дела против безбедноста на луѓето и имотот во сообраќајот од член 300 став 2 во врска со член 298 став 1 од Кривичниот законик.

Се преземаат дејствија со кои се испитува одговорноста на двете лица за сообраќајната несреќа која се случи вчера на автопатот Скопје - Куманово, на околу два километри пред наплатната станица Миладиновци, во која автомобил „Мерцедес“ удри во товарно возило, сопственост на правно лице ангажирано на проект за изведување работи на патот, кое било запрено на сообраќајна лента од автопатот. Во несреќата животот го загубија возачот на автомобилот „Мерцедес“ и неговиот малолетен син, се наведува во соопштение од Јавното обвинителство.

https://republika.mk/vesti/crna-hronika/zaginaa-tatko-i-sin-od-kumanovsko-vo-teshka-soobrakajna-nesreka/

Основното јавно обвинителство Скопје издало наредба за сообраќајно техничко вештачење, наредба за анализа и утврдување на присуство на алкохол, опојни дроги, психотропни супстанци и други прекурсори, во крвта и урината на возачот на товарното возило, наредба за обдукција на телата на починатите, барање за вонреден технички преглед на патничиот автомобил, како и барање за вонреден надзор од страна на Државниот инспекторат за транспорт и инспектори од областа сообраќај и патишта на местото на настанот, односно на дел од автопатот Скопје – Куманово, каде што се вршат градежни работи на патот.

Дополнително се преземаат мерки со цел да се извршат проверки дали на местото на настанот каде што се изведувале работи на пат биле преземени сите мерки за соодветна сигнализација пред и околу местото каде што се изведуваат работите.

Имајќи предвид дека Јавниот обвинител во овој момент се уште нема донесено Наредба за спроведување истражна постапка, а бидејќи станува збор за кривично правен настан во кој е потребно да се преземат повеќе истражни дејствија со цел испитување на евентуална кривична одговорност, јавниот обвинител побара на двете задржани лица да им биде определен краткотраен притвор од 48 часа со цел да се обезбеди нивното присуство и натамошното водење на постапката, стои во соопштението од Јавното обвинителство.

The post Притвор за две лица за тешката сообраќајка на автопатот Скопје – Куманово во која загинаа татко и малолетен син appeared first on Република.

Тешка сообраќајна несреќа во која животот го загубија татко и син се случила вчера во 11:30 часот на автопатот Скопје – Куманово, пред наплатна станица Миладиновци.

Автомобил „Мерцедес“ со кумановски регистарски ознаки, управуван од Б.А.(34) од село Опае, кумановско, удрил во сообраќајни знаци и во запрено товарно возило „ман“ со скопски регистарски ознаки, сопственост на правно лице, а паркирано од Р.П.(58) од село Глумово, скопско.

-Во несреќата од здобиените повреди на местото на настанот починал возачот Б.А.. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Со тешки телесни повреди се здобил неговиот малолетен сопатник од село Опае, кој подоцна починал во Комплексот клиники „Мајка Тереза“ во Скопје, информира МВР.

Во врска со настанот, од слобода биле лишени возачот на товарното возило Р.П. и одговорното лице на правниот субјект П.М.(55) од скопско.

Извршен бил увид од Јавен обвинител и увидна екипа од СВР Скопје.

The post Загинаа татко и син од Кумановско во тешка сообраќајна несреќа appeared first on Република.

Мунир Насрауи, таткото на играчот од средниот ред на Барселона, Ламин Јамал, е пуштен од болница, пренесува „Marca“.

На 14 август тој беше хоспитализиран во тешка состојба откако беше избоден со нож. Беше објавено дека бил нападнат на паркинг во градот Матаро, дел од провинцијата Барселона.

Тројца од четворицата напаѓачи се ослободени со кауција. Еден осомничен кој го избоде Насрави останува во притвор.

Според шпанските закони, напаѓачот се соочува со затворска казна од пет до десет години за обид за убиство.

The post Таткото на Јамал излезе од болница: Напаѓачот ќе одговара за обид за убиство appeared first on Република.

Откако спроведе претходна постапка, јавен обвинител од Основното јавно обвинителство Скопје до Основниот кривичен суд Скопје денеска поднесе Обвинителен предлог против три лица – татко и неговите два сина, кои се товарат дека заедно сториле кривично дело – Предизвикување општа опасност од член 288 став 1 од Кривичниот законик.

За сите тројца е доставен и предлог за продолжување на претходно определената мерка притвор.

Тројцата соизвршители, на 9 август предизвикале пожар на шумско земјиште во државна сопственост, во месноста викана Дупки, во атарот на селото Патишка Река, општина Сопиште.

Со запалива течност – моторно масло и бензин полеале и запалиле нискостеблеста шума и суви треви, предизвикувајќи општа опасност за животот и телото на луѓето и за имот од големи размери.

Осомничените ги забележал и ги пријавил очевидец.

The post Поднесено обвинение за татко и двајца синови кои намерно предизвикале пожар appeared first on Република.

Во СВР Скопје, 47-годишна жена од Скопје пријавила дека нејзиниот сопруг Р.С. ја допирал по телото нивната малолетна ќерка и се самозадоволувал пред неа.

Од МВР засега не соопштуваат повеќе детали и преземаат мерки за расчистување на случајот.

The post Скопјанец фатен на дело како си ја злоставува ќеркичката appeared first on Република.

Таткото на фудбалерот на Барселона, Ламин Јамал, Мунир Назрауи е во тешка состојба со убодна рана во болница во Бадалона.

Како што објави „La Vanguardia“, непознато лице го нападнало Назрауи на паркинг во градот Матаро. Мажот бил пренесен во болницата Сан Рути.

Полицијата го истражува инцидентот и веќе пронашла сведоци, но во моментов не се познати околностите за нападот на таткото на фудбалерот на Барселона.

Ламин Јамал ја помина фудбалската школа на Барселона. Тој со Каталонците стана шампион на Шпанија, а на Евро 2024 го освои трофејот.

Тој на Европското првенство стана најдобар млад играч на турнирот.

The post Таткото на Ламин Јамал се бори за живот откако бил избоден со нож appeared first on Република.

Јавен обвинител од Основното јавно обвинителство (ОЈО) Скопје поведе постапка против три лица - татко и неговите два сина, за кои постои сомнение дека заедно сториле кривично дело „предизвикување општа опасност“ од член 288 став 1 од Кривичниот законик, а Основниот кривичен суд Скопје на тројцата осомничени им определи мерка притвор во траење од по 8 дена.

Како што информира ОЈО, тројцата соизвршители, со намера да предизвикаат општа опасност за животот и телото на луѓето или за имот од големи размери, на 9 август предизвикале пожар, полевајќи со запалива течност шумско земјиште покрај локален пат на местото викано Дупки, кај Патишка Река.

Со запалка запалиле нискостеблеста шума и суви треви. Опожареното земјиште е во државна сопственост, а постоела опасност пожарот да се прошири на поголемо подрачје нискостеблеста и високостеблеста шума, па дури и да зафати дел од Националниот парк „Јасен“. Осомничените ги забележал и ги пријавил очевидец, а полициски службеници ги затекнале и кај нив пронашле повеќе литри од запаливата течност која ја користеле за предизвикување на пожарот. Противпожарни екипи интервенирале за да го изгасат пожарот, соопшти ОЈО.

Бидејќи делото се гони во скратена постапка, се вели во соопштението, по предлог на јавниот обвинител, Основниот кривичен суд Скопје на тројцата осомничени им определи притвор во траење од по 8 дена.

The post Полеале запалива течност и со запалка ја запалиле: Татко и два сина приведени за намерно предизвикување пожар кај Патишка Река appeared first on Република.

Вооружениот напаѓач за кој властите велат дека се обидел да го убие поранешниот претседател на САД, Доналд Трамп, бил 20-годишен регистриран републиканец, кој претходно давал мали придонеси за група наклонета кон демократите.

Томас Метју Крукс живеел во предградието на Питсбург, Бетел Парк, на околу 55 милји јужно од митингот на Трамп, каде што службениците за спроведување на законот рекоа дека тој го застрелал поранешниот претседател.

Тој заврпил средно училиште во Бетел Парк во 2022 година, според извештаите на локалните медиуми и видеото од почетокот на училиштето, пишува Си-Ен-Ен.

Крукс е регистриран да гласа како републиканец, според базата на податоци на гласачи во Пенсилванија што одговара на неговото име, возраст и адресата на Бетел Парк, која органите на прогонот ја пребарале во саботата вечерта и е поврзана со Крукс во јавните записи. Овогодинешните претседателски избори ќе бидат први на кои тој бил доволно стар за да гласа.

Записите на Федералната изборна комисија покажуваат дека донатор наведен како Томас Крукс со иста адреса дал 15 долари на политички акционен комитет поддржан од демократите наречен Прогресивен Проект за излезност во јануари 2021 година.

Си-Ен-Ен синоќа го контактираше таткото на Крукс, кој рече дека „се обидува да сфати што се случува“, но дека „ќе почека додека не разговара со органите на редот“ пред јавно да проговори за својот син.

Крукс го застрела Трамп додека лежеше на покривот на блиската зграда надвор од безбедносниот периметар на митингот, пред да биде убиен од агенти на Тајната служба, рече функционерот.

Тој немал никаков документ за идентификација, па морало да му се провери ДНК и да се добие биометриска потврда за идентитетот.

Еден учесник на митингот е убиен, а двајца се тешко повредени.

The post Таткото на 20- годишниот атентатор: Се обидувам да сфатам што, по ѓаволите, се случува! appeared first on Република.

На 12.07.2024 во 15:50 часот во СВР Скопје, од Јавна установа-Меѓуопштински центар за социјална работа Скопје било пријавено дека на подрачјето на Бутел во Скопје, во повеќе наврати З.Т.(39) од Скопје и упатувал закани и психички ја малтретирал неговата малолетна ќерка.

Според пријавата, на 09.07.2024 околу 22:00 часот физички ја нападнал.

Се преземаат мерки за расчистување на случајот.

The post Татко психички ја малтретирал својата ќерка, се заканувал и ја истепал appeared first on Република.

Три деца, меѓу кои и 10-месечно бебе, загинаа во пожар што рано утринава избувна во куќа во близина на Сиднеј, а локалните медиуми јавуваат дека австралиската полиција го истражува случајот како убиство.

Службите за итни случаи биле повикани на имотот во Лалор Парк, населба на околу 35 километри западно од центарот на Сиднеј, околу 1 часот по полноќ по локално време, соопшти полицијата, цитирана од Ројтерс.

На две момчиња, на возраст од две и четири години, им била укажана помош на местото на настанот, но починале набргу откако биле примени во болница.

По гаснењето на пожарот пронајдено е безживотно тело на десетмесечно девојче, соопшти полицијата.

Уште четири деца на возраст од шест до 11 години се во стабилна состојба во болница, како и нивната мајка, која се лекува од вдишување на поголема количина отровен чад.

Таткото, кој ги попречувал напорите на полицијата да влезе во имотот, бил уапсен и однесен во болница под полициски надзор.

„Детективите за убиства ја презедоа истрагата за овој случај, кој се третира како семејно убиство. Во моментов, се чини дека 28-годишен маж е одговорен за повеќекратни убиства“, рече портпаролот на полицијата Дени Доерти.

Од полицијата додаваат дека таткото намерно ја спречил полицијата да влезе во куќата и да им помогне на децата.

The post Три деца загинаа во пожар: Таткото намерно ја спречувал полицијата да влезе во куќата appeared first on Република.

Приведен е кавадарчанец за физички напад врз неговиот син, информираат денеска од СВР - Велес.

Синоќа во 20 часот, полициски службеници од ОВР - Кавадарци го лишиле од слобода К.М., на возраст од 51 година, по претходна пријава дека во дворот од семејната куќа, физички го нападнал неговиот 27-годишен син. Според пријавеното, во нападот учествувал и другиот негов син Е.М., а биле употребени метален и дрвен предмет, при што на 27-годишникот му била нанесена тешка телесна повреда, констатирана во болницата во Кавадарци, појаснуваат од СВР - Велес.

К.М. бил задржан во полициска станица. Известен бил јавен обвинител и по комплетно расчистување и документирање на случајот, ќе бидат поднесени соодветни пријави.

The post Татко претепа син во Кавадарци appeared first on Република.

Две лица, татко и син се повредени при меѓусебна пресметка во кумановската населба „Иго Тричковиќ“, соопшти СВР Куманово.

На 03.07 во 10:40 часот во СВР Куманово било пријавено дека во населбата „Иго Тричковиќ“ бил нарушен јавниот ред и мир со физичка пресметка помеѓу татко и син, во која бил употребен и остар предмет. Двајцата со повреди биле пренесени во општа болница Куманово, информираше СВР Куманово.

Полициските службеници се на терен и се преземаат мерки за расчистување на случајот. Од кумановската болница информираат дека едниот од повредените поради сериозноста на повредите е транспортиран на една од скопските клиники.

The post Крвава тепачка меѓу татко и син, едниот се бори за живот на клиники appeared first on Република.

На 28.06.2024 околу 17 часот полициски службеници од Полициско одделение Жеровјане го лишиле од слобода М.М. (27) од с. Челопек, по добиена пријава дека агресивно се однесувал кон семејството и физички го нападнал неговиот татко.

Исто така, М.М. бил баран од КПУ Затвор Прилеп за доиздржување на казна затвор.

Против М.М. ќе бидат поднесени соодветни поднесоци.

The post Го нападнал својот татко, додека полиција го барала за да оди во затвор appeared first on Република.

Вчера во 16.50 часот во СВР Тетово 31-годишна жена од Тетово пријавила дека нејзиниот поранешен сопруг Ш.И. (36) од Тетово во неговиот дом ја силувал нивната малолетна ќерка.

Ноќесла во 00.50 часот полициски службеници од СВР Тетово го лишиле од слобода Ш.И. (36) од Тетово, соопшти СВР Тетово.

За настанот бил известен јавен обвинител и се преземаат мерки за расчистување на случајот.

The post Хорор во Тетово: Татко силувал ќерка appeared first on Република.