Легендарниот стручњак Светислав Пешиќ повеќе нема да ја води кошаркарската репрезентација на Србија, пренесоа српските медиуми. Пред неполн месец Пешиќ ги предводеше „орлите“ до бронзениот медал на Олимписките игри во Париз.

Српските кошаркари со Пешиќ како тренер пред олимписката бронза освоија сребро и на минатогодишното Светско првенство. Искусниот стручњак се врати на клупата на репрезентацијата во исклучително тежок момент за српската кошарка, откако под водство на Игор Кокошков, „орлите“ не успеаја да се пласираат на Олимписките игри во Токио во летото 2021 година.

Претходно Пешиќ ја водеше репрезентацијата на Југославија од 2000 до 2002 година и со неа стигна до европскиот и светскиот трон. Токму во понеделникот се навршија 22 години од последната освоена титула на кошаркарската репрезентација – на Мундобаскетот во Индијанаполис.

The post Oткако им го донесе среброто на ОИ, Пешиќ се повлече од клупата на Србија appeared first on Република.

Селекторот на српската кошаркарска репрезентација, Светислав Пешиќ изјави дека е горд на тоа како одиграле неговите кошаркари, но дека победникот на крајот го решиле „една или две топки“.

На констатацијата од српските новинари дека судиите го решиле натпреварот, Пешиќ одговори: „Во Србија постои реченица која ја користиме, кој губи има право да се лути“.

- Не сум лут туку горд, видовте со што игравме, Милутинов имаше треска, ни Јовиќ не беше подготвен. Ајде да ги опоравиме за поголема ротација против Германците. Не барам изговори, јас сум лут затоа што не ја добивме почитта од судиите, но тоа не беше случај само на овој натпревар, изјави српскиот селектор.

The post Пешиќ: Не сум лут туку горд, видовте со што игравме appeared first on Република.