Британскиот премиер Риши Сунак во четвртокот рече дека само владите можат да се справат со ризиците од вештачката интелигенција (ВИ), технологија која може да го олесни создавањето на хемиско или биолошко оружје, да шири страв и, во најлош случај, да избега од човечката контрола.

Говорејќи пред глобалниот собир што го свика следната недела за да ги процени ризиците од технологијата, Сунак рече дека се надева оти учесниците ќе се договорат за природата на ризиците и ќе формираат глобален панел за да ги проценат.

Велика Британија, рече Сунак, ќе основа Институт за безбедност на вештачка интелигенција за „да ги прегледа, оцени и тестира новите типови на вештачка интелигенција за да знае за што е способен секој нов модел“.

„Ако направиме грешка овде, вештачката интелигенција би можела да го олесни создавањето на хемиско или биолошко оружје, а во неверојатни, но екстремни случаи постои ризик вештачката интелигенција целосно да биде одземена од човечката контрола“, предупреди Сунак.

Во паркот Блечли во јужна Англија, седиштето на британските експерти за дешифрирање на шифрирани пораки за време на Втората светска војна, на 1 и 2 ноември се одржува собир на претставници на компании за вештачка интелигенција, политички лидери и експерти.

Сунак рече дека Британија сака да биде глобален лидер во безбедноста на вештачката интелигенција.

На состанокот била поканета и Кина, но засега нема потврда дека ќе испрати свој претставник.

The post Сунак: Само владите можат да се спротивстават на ризиците од вештачката интелигенција appeared first on Република.

Британскиот премиер Риши Сунак пристигна денеска во Израел.

Тука сум да ја изразам мојата солидарност со израелскиот народ. Вие претрпевте неискажлив, ужасен чин на тероризам и сакам да знаете дека Велика Британија и јас стоиме зад вас, рече тој.

Сунак ќе поттикне што поскоро отворање на рути за премин на хуманитарна помош за Газа од Египет.

Секоја цивилна смрт е трагедија. И премногу животи беа изгубени по терористичкиот акт на Хамас, изјави тој.

Сунак ќе се сретне со премиерот на Израел, Бенјамин Нетанјаху и со претседателот, Исак Херцог. Се очекува Сунак да посети и голем број други регионални главни градови.

The post Сунак пристигна во Израел appeared first on Република.

Британскиот премиер Риши Сунак денеска изјави дека Лондон се уште не може да каже дали Русија е одговорна за уништувањето на браната Каховка на југот на Украина.

- Се уште не можам дефинитивно да го кажам тоа. Нашите разузнавачки и воени служби работат на случајот, рече Сунак, одговарајќи на новинарско прашање.

- Но, ако е вистина, ако се покаже дека е намерно, тоа ќе биде ново ниско ниво. Тоа е ужасен чин на варварство од страна на Русија, додаде тој.

The post Сунак не е сигурен кој ја уништи браната Каховка appeared first on Република.

The post Сунак: Велика Британија не планира да испрати борбени авиони во Украина appeared first on Република.