Руските трупи го напуштија регионот Суми во североисточна Украина, соопшти Дмитро Живјицки, началникот на регионалната администрација.

Живјицки на својот „Фејсбук“ статус посочи дека во регионот сега повеќе нема руски војници.

Тој го информира локалното население дека доколку слушне експлозии, тоа е поради активностите што на терен ги спроведуваат спасувачките служби и деминерите за отстранување на експлозив и муниција што зад себе ги оставиле руските трупи.

Живјицки сепак предупредува дека регионот сè уште не е безбеден поради поставените мини на повеќе локации. Токму поради тоа, тој го предупреди локалното население да не се вози надвор од асфалтираниот дел од коловозите, да не се користат шумски патеки и да не се чепка оставена воена опрема.

Инаку Живјицки уште во неделата изјави дека почнало повлекување на руските трупи од областа.

The post Руските војници се повлекле од Суми appeared first on Република.

Повеќе од 100 автобуси со неколку илјади цивили го напуштија опколениот град Суми во североисточна Украина во операција „безбеден премин“, соопшти Меѓународниот комитет на Црвениот крст (МКЦК).

„Автобусите со ознаки на МКЦК се упатуваат кон градот Лубни во централна Украина, но можеби нема да можат да ја користат директната рута“, изјави портпаролот на МКЦК, Џејсон Страциусо.

Тој рече дека руската страна дала дозвола за евакуација.

Во автобусите има само жени и деца.

„Повеќе од 100 автобуси се движат во два одвоени конвои. Тоа е заедничка операција на МКЦК и украинскиот Црвен крст“, рече Страциусо.

Според Меѓународната организација на ОН за миграција, околу три милиони луѓе ја напуштиле земјата по руската инвазија на Украина пред 20 дена

The post Повеќе од 100 автобуси со цивили го напуштија украинскиот град Суми appeared first on Република.

Хуманитарни коридори денеска се воспоставени за североисточниот украински град, Суми.

Веста ја објави градоначалникот Дмитри Живицки на Телеграм, при што додаде дека напорите за евакуација вклучуваат возила кои заминуваат од шест дестинации низ регионот.

Сите конвои се упатуваат кон централниот град Полтава и се очекува да пристигнат за неколку часа.

The post Во украинскиот град Суми се отворени хуманитарни коридори appeared first on Република.

Руската инвазија во Украина почна пред 13 дена, а денеска се согласи на прекин на огнот за да може украинските цивили да се евакуираат од погодените градови.

На едно видео кое се појави на социјалните мрежи може да се забележи како цивилите од Суми се качуваат во автобуси и заминуваат од градот.

https://youtu.be/Nr_rFsNIZNw

The post Почна евакуацијата: Цивилите со автобуси заминуваат од Суми appeared first on Република.

Најмалку девет лица, меѓу кои две деца, загинаа во напад извршен од воздух врз украинскиот град Суми, околу 350 километри источно од Киев, соопштија  спасувачките служби.

„Непријателски авиони подмолно нападнаа станбени згради“ доцна синоќа, соопштија денеска спасувачките служби на Телеграм.

Суми, во близина на руската граница, со денови е место на тешки борби.

The post Девет лица загинаа, меѓу кои две деца во напад на украинскиот град Суми appeared first on Република.