Бранителите на обвинетите во случајот со убиството на хрватскиот ракометар Денис Тот, денеска во Апелациониот суд во Скопје ги образложија своите жалби на пресудата на Основниот Кривичен суд Скопје и бараат повторување на постапката. Тие сметаат дека пресудата е неоснована поради суштествена повреда на одредбите на кривичната постапка, погрешно утврдена фактичка состојба, повреда на Кривичниот законик и одлуката за кривичната санкција.

Иле Танев, бранител на обвинетиот Анџело Ѓорѓиевски, на денешната јавна седница истакна дека мотивите што се наведени за убиство, како што рече, „не може да опстојат бидејќи немало никакво познанство помеѓу обвинетиот и оштетениот“.

Во една ваква состојба не постои никаква умисла. Го оспоруваме делот дека Судот прифаќа дека кај тројцата обвинети се вродила некаква умисла да сите тројца го сторат ова кривично дело, рече Танев.

Според него, околностите што им одат во корист на обвинетите не се земени предвид.

Како што е расправијата во таксито, начинот на настанатата ситуација и тоа што Анџело дава прва помош, посочи Танев.

Според адвокатот, алкохолизирана состојба на ракометарот дала голем придонес за да се случи тоа што се случи и последиците да бидат такви какви што биле.

Бранителот на обвинетата Клементина Левковска, Емил Гугутчески, побара предметот да се врати на повторно судење и истакна дека судот не го обезбедил клучниот сведок, односно таксистот.

Еленко Миланов, бранител на обвинетиот Андреј Костовски, истакна дека ова дело не може да се квалификува како убиство или соизвршителство.

Неспорно од она што произлегува од тие видео записи е дека по првичниот пад на плочникот на сега починатиот Тот, истиот нема никакво самостојно движење, посочи адвокатот Миланов, образложувајќи дека ударот од Андреј во градниот кош, според него, не можел да доведе до последиците кои настанале.

Обвинетите, исто така, се приклучија кон жалбите на своие бранители и истакнаа дека не посакувале да се случи тоа што се случило.

Обвинителството, од друга страна, предложи жалбите да се одбијат како неосновани, бидејќи, според нив, фактичката состојба е правилно утврдена.

Основниот кривичен суд Скопје во ноември минатата година ги осуди Анџело Ѓорѓиевски и Клементина Левковска по 18 години казна затвор, а Андреј Костовски на 16 години за убиството на хрватскиот ракометар кој почина на 8 април 2022 откако беше претепан од обвинетите пред ноќен клуб во Градскиот парк во Скопје.

Според обвинителниот акт, Ѓорѓиевски, Левковска и Костовски, на 7 април, по кратка расправија го нападнале Тот и му задале повеќе удари и тешки телесни повреди од кои кај него најпрво настанала коматозна состојба, а следниот ден починал.

Процесот го водеше судијката Елена Илиевска Јосифовиќ, а обвинението го застапуваше обвинителката Тања Трајчевска.

The post Анџело, Клементина и Андреј побараа повторно судење за убиството на Денис Тот appeared first on Република.

За виновни за убиство се прогласени Анџело Ѓоргиевски (28), Клементина Левковска (19) и Андреј Костовски (22) денеска во Кривичниот суд во случајот со убиството на хрватскиот ракометар Денис Тот пред ноќен клуб во Градскиот парк во Скопје на 7 април годинава.

По нецели четири месеци расправа, Судечкиот совет на чело со судијката Елена Илиевска Јосифовиќ одлучи пресудата да ја објави денеска.

За кривично дело „убиство“ од член 123 став 1 во врска со член 22 од Кривичниот законик предвидени се најмалку 5 а најмногу 20 години.

По објавувањето на олеснителните околности, судот пресуди затвор од по 18 години за обвинетите Ѓоргиевски и Левковска, а 16 за Костовски.

Судот пресуди и парични казни за судските трошоци, но и да платат оштета на семејството, и тоа 9 милиони денари за родителите, а 8 за братот на убиениот ракометар.

The post По 18 години затвор за Анџело и Клементина, 16 за Андреј за убиството на Денис Тот appeared first on Република.

Во Кривичниот суд денеска треба да биде објавена пресудата за случајот со убиството на хрватскиот ракометар Денис Тот пред ноќен клуб во Градскиот парк во Скопје на 7 април годинава.

За кривичното дело убиство, Основното јавно обвинителство (ОЈО) Скопје обвини три лица: Анџело Ѓоргиевски (28), Клементина Левковска (19) и Андреј Костовски (19).

Во завршните зборови на рочиште пред десетина дена, обвинителката Тања Трајчевска, побара тројцата обвинети да бидат прогласени за виновни бидејќи, според неа, во судскиот процес се докажало дека тие го сториле кривичното дело за кое се гонеле.

Имајќи предвид, како што истакна обвинителката во завршите зборови, дека откако Тот паднал на асфалтот бил удиран од обвинетите додека беспомошно лежел, тоа зборува дека тројцата обвинети го извршиле кривичното дело со умисла и оти биле свесни дека можат да настанат штетни последици.

Оштетениот, посочи Трајчевска, бил доведен во нерамноправна позиција бидејќи бил нападнат од тројца кои му задале удари по виталните делови од телото, во пределот на главата.

Одбраната, пак, побара ослободителна пресуда бидејќи според бранителите на тројцата обвините, никој од нив не ги задал ударите што биле фатални за хрватскиот ракометар, а обвинителството не докажало дека се исполнети „битијата“ за кривично дело убиство.

Адвокатот на обвинетата Клементина Лефковска во завршните зборови рече дека таа била жртва на Тот и дека се бранела од неговото малтретирање.

The post ВО ЖИВО: Пресуда за убиството на хрватскиот ракометар Денис Тот appeared first on Република.

Барам од судот да ме казни за она што реално сум го направил, а тоа, според мене, мислам дека и според многу други, секако не е убиство со умисла, изјави обвинетиот Анџело Ѓоргиевски, во своите завршни зборови за случајот со убиството на хрватскиот ракометар, Денис Тот.

Обвинетиот Ѓоргиевски рече дека во ниеден момент не сакал да го повреди, или како било да му наштети на сега починатиот Денис Тот.

Воедно, сакам да кажам дека изразувам искрено жалење и жалам за овој немил настан и за сето тоа што се случи, жалам и за загубениот човечки живот. Сакам уште еднаш да потенцирам дека мојата реакција беше во состојба на афект и од страв. Ниту сакав, ниту би го повредил сега починатиот Денис Тот, рече тој.

Обвинетата Клементина изјави дека останува во целост со завршните зборови на нејзините адвокати и рече дека ѝ е жал за случајот, за кој, како што рече, „во никој случај не сакав да се случи тоа“.

Многу ми е жал и многу ми е криво за немилиот настан што се случи, рече обвинетиот Андреј Костовски кој како олеснителна околност го посочи фактот што самиот се пријавил во полициската станица за расветлување на случајот.

Ослободителна пресуда побараа и бранителите на обвинетите, додека, јавната обвинителка Тања Трајчевска побара осудителна пресуда.

Процесот го води судијката Елена Илиевска Јосифовиќ. Пресудата ќе биде објавена на 30 ноември.

The post Судот да нè казни за тоа што го направивме, а тоа не е убиство со умисла appeared first on Република.

Ако го анализираме обвинителниот акт, апсолутно нема елементи или момент за директна или евентуално умисла на обвинетиот Андреј за конкретното кривично дело или за каква било повреда на сега починатиот Тот, рече бранителот на обвинетиот Андреј Костовски, Еленко Миланов во завршните зборови во врска со случајот со убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје.

Адвокатот посочи дека лицето кај кое постои умисла некој да биде повреден или уште помалку лишен од живот, не би се однесувал како обвинетиот Костовски.

Андреј во моментот кога констатира дека Денис Тот не е закана кон него и неговото здравје, се повлекува и се оддалечува. Факт кој што јасно укажува дека не постои апсолутно никаква умисла ниту за нанесување на повреда, а уште помалку за ова, рече Миланов.

Според адвокатот, факт е дека ниту едно од овие дејствијата на обвинетиот Андреј ниту довело, ниту можело да доведе до клучните повреди за настанувањето на смртната последица кај сега починатиот Тот.

Доктор Станков и другите вешти лица од судска медицина, се децидни само во еден дел дека повредата на рбетниот мозок можела да настане од удари во главата. Удари какви со интензитет за нанесување на евентуално таква повреда не постои кај обвинетиот Андреј, рече тој.

Адвокатот побара ослободителна пресуда, каква што претходно побараа и бранителите на обвинетите Анџело Ѓоргиевски и Клементина Левковкса.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлезе дека обвинетите го сториле кривичното дело на начин, време и место како што е опишано во обвинителниот акт и побара од судот да пресуди по нив, имајќи ги предвид сите олеснителни и отежителни околности.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post „Кога Андреј гледа дека Тот веќе не е закана, се повлекува“, вели Миланов и исто така бара ослободителна пресуда appeared first on Република.

Обвинетата Клементина Левковска е слаба личност, ниска по раст и со околу 40 килограми, на нозете носела патики со гумен ѓон и со ваква конституција, таа не може да нанесе повреда што ќе предизвика ротација и прекин на ‘рбетниот мозок, изјави нејзиниот бранител Бојан Василески во случајот со убиството на хрватскиот ракометар Денис Тот.

Неспорно е дека истата презела дејствија против сега починатиот, но со оглед на нејзиниот физички капацитет, јасно е дека таа, без употреба на некакво опасно средство, не е во можност да го стори ова кривично дело, односно не била способна да го убие починатиот Денис Тот, дури и да го посакувала тоа, рече тој.

Според него, за да биде „исполнето битието на ова кривично дело“ треба силен и убедлив доказ, кој го сторил делото, но еднакво важно и на кој начин е тоа сторено.

Ваквиот факт е од основна важност, односно непостоењето на силен доказ дека токму обвинетата Клементина ја нанела смртоносната повреда, ја ослободува од одговорност за кривичното дело кое ѝ се става на товар, рече тој.

Адвокатот Емил Гугутчески, исто така, се приклучи кон завршните зборови и побараа од Судот пресуда со која обвинетата ќе се ослободи од обвинение.

Претходно, ослободителна пресуда за својот клиент побара и бранителот на обвинетиот Анџело Ѓоргиевски, Иле Танев.

Обвинителката Тања Трајчевска, пак, побара осудителна пресуда за обвинетите, бидејќи според неа, од доказната постапка произлегло дека обвинетите го сториле кривичното дело на начин, време и место како што е опишано во обвинителниот акт и побара од Судот да пресуди по однос на нив, имајќи ги предвид сите олеснителни и отежителни околности.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Процесот продолжи со завршни зборови на одбраната на обвинетиот Андреј Костовски.

The post „И да сакала, Клементина не би можела да го убие Денис“, вели нејзиниот адвокат appeared first on Република.

Доказите на Обвинителството се во прилог на одбраната, изјави адвокатот Иле Танев, бранител на обвинетиот Анџело Ѓоргиевски, во денешните завршни зборови за случајот со убиството на хрватскиот ракометар Денис Тот. Според него, во овој случај не постои кривично дело „убиство“.

Дилемата која се наметнува во Судот и во јавноста, а е поврзана со кривичното дело кое се става на товар, е само правна, а не и фактичка состојба, бидејќи од доказите произлегува сосема друга фактичка состојба, која не дава можност на обвинетиот Анџело да му се суди за делото што му се става на товар, рече Танев.

Тој посочи дека сите дејствија на Ѓоргиевски биле во насока на помагање, односно, како што рече „да му се помогне на оштетениот, а не да се повреди или убие“.

Како што произлегува од доказите, обвинетиот Анџело дејствувал противправно само десетина секунди, само откако излегол од таксито, рече Танев.

Претходно, обвинителката Тања Трајчевска побара осудителна пресуда за обвинетите, бидејќи, според неа, од доказната постапка произлегло дека обвинетите го сториле кривичното дело на начин, време и место како што е опишано во обвинителниот акт и побара од Судот да пресуди по однос на нив, имајќи ги предвид сите олеснителни и отежителни околности.

Обвинителството ги гони Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Судењето продолжи со завршни зборови на одбраната на обвинетата Клементина Левковска.

The post „Анџело се обиде да помогне, а не да убие“, рече во завршните зборови за случајот Денис Тот бранителот Танев appeared first on Република.

Имајќи предвид дека откако оштетениот паднал на асфалтот истиот бил удиран од страна на обвинетите, додека беспомошно лежел, зборува дека обвинетите имале умисла за извршување на кривичното дело и дека биле свесни дека може да настане штетна последица, посочи обвинителката Тања Трајчевска во завршните зборови за случајот со убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје

Според обвинителката, оштетениот бил доведен во нерамноправна позиција, бидејќи, како што рече, бил нападнат од тројца кои што му задале удари по виталните делови од телото, во пределот на главата, каде што подоцна се констатирнаи животозагрозувачки повреди.

Таа посочи дека од доказната постапка произлезе дека обвинетите го сториле кривичното дело на начин, време и место како што е опишано во обвинителниот акт и побара од судот да пресуди по однос на истите, имајќи ги предвид сите олеснителни и отежнувачки околности.

Полномошникот на законскиот застапник се приклучи на завршниот збор на обвинителката и предјави оштетно побарување за Игор Тот, Татјана Тот и Борис Тот, за сите соодветно, во износ од 9 милиони денари.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска. Судењето продолжи со завршни зборови на одбраната.

The post „Продолжиле да го удираат, значи убиството е со умисла“: Обвинителката бара осудителна пресуда во случајот Денис Тот appeared first on Република.

Во Основниот кривичен суд – Скопје со завршни зборови денеска продолжува судењето за убиството на хрватскиот ракометар Денис Тот, кој беше претепан до смрт пред дискотека во скопскиот Градски парк.

На минатото рочиште сведочеа обвинетите, кои што на почетокот на процесот изјавија дека не се чувствуваат виновни за делото кое што им се става на товар.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Денеска ќе се слушнат завршните зборови на судењето за убиството на Денис Тот appeared first on Република.

Мислам дека овој сведок денеска даде свое видување на целата таа ситуација дека се работи само за обична тепачка, обичен инцидент и далеку од она што претставува правна квалификација, обвинување за тројцата обвинети, изјави бранителот Иле Танев во врска со сведочењето на очевидецот за случајот со убиството на хрватскиот ракометар Денис Тот.

На денешното рочиште сведочеше Мартин Ѓорѓиевски, кој заедно со обвинетите Анџело Ѓоргиевски, Клементина Левковска и Андреј Костовски бил излезен вечерта кога се случил конкретниот настан.

Сведокот раскажа за текот на случувањата во дискотеката до заминувањето во такси.

Јас бев зад совозачот, потоа мислам дека Анџело седна до мене на средина, а Клементина влезе од левата врата. За да седне и Виктор, Клементина се префрли кај Анџело во скут. Денис влезе во таксито и му кажавме да излезе, бидејќи чекаме да влезе другар, но тој упорно се пикаше во колата и почна да упатува погрдни зборови кон Клементина: „што сакаш ти курво мала“ и кон Анџело: „ти да ќутиш“. Анџело му рече: „полека малку, смири се“, а Клементина му нагласи: „излези, не е за тебе местото“. Тој дел од секундата почна некоја си турканица внатре во таксито и имаше напад кон Клементина и Анџело од страна на Денис, раскажа Мартин Ѓорѓиевски.

Потоа, како што рече, Анџело извикал „што ме маваш“ и дека сѐ тоа се случило во неполна секунда. Кога излегол од таксито, сега починатиот Денис Тот, веќе паѓал на грб и тој веднаш се стрчал да ги раздвои.

Тоа беше шок за мене, сепак, Денис ми беше другар, секој втор, трет ден во неделата ние бевме заедно, рече тој.

Според адвокатот Танев, исказот на сведокот оди во друг правец.

Дава една друга слика која што во никој случај не може да се подвргне на оваа квалификација која што сега е дадена, бидејќи, едноставно се работи за еден моментен, инцидент, се работи за конфликт и се работи за една најобична тепачка, рече адвокатот.

Адвокатот кажа дека се во фаза на подготвување на одбраната и, како што рече „не сакам да откривам некои работи, но, тоа ќе го слушнете на наредната расправа, каде што ќе дадеме комплетно елаборирање и одбраната ќе ја насочиме во друг правец“.

Според него, ослободителна пресуда не може да се очекува, но, дополни, доколку остане ваква правна квалификација, би било логично затоа што, како што рече „вакво дело не постои“.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post „Се работи само за една обична тепачка“, вели адвокатот Танев од случајот Денис Тот appeared first on Република.

Со сведочење на сведок предложен од одбраната, денеска во Основниот кривичен суд – Скопје продолжи судењето за убиството на хрватскиот ракометар Денис Тот, кој беше претепан до смрт пред дискотека во скопскиот Градски парк.

На рочиштето сведочеше Мартин Ѓорѓиевски, кој заедно со обвинетите Анџело Ѓоргиевски, Клементина Левковска и Андреј Костовски бил излезен вечерта кога се случил конкретниот настан.

Анџело и Андреј ги познавам бидејќи живееме во иста населба, во Волково. Сега починатиот ми беше другар и со него се дружевме почесто, бидејќи излегувавме во ист локал, локалот се вика „Две Капки“ и така се запознавме, пет месеци пред да се случи настанот, почесто се дружевме таму, рече тој.

Како што рече, вечерта кога се случил настанот, се одвивала нормално и без никаква расправија.

Имаше неколку испади, се случуваше, не да направи конфликт, но во врска со напаѓање на други девојки, не да ги нападне, туку одеше нон стоп да се запознава со други девојки, како што беше и вечерта во клубот, рече тој.

Сведокот посочи дека неколку пати му нагласил на Денис Тот дека претерал со алкохолот.

Му ја подадов јакната за да си одиме бидејќи ние седевме во горниот дел, а тој долу начека една маса со девојчиња и таму беше. Го повикав, дојде, ја зема јакната, ја испи последната чаша на екс. Во холот каде што се наплаќаат картите се поздравивме и бидејќи сите бевме од Волково и немавме толку финансии да си плаќаме такси секој посебно, а јас мојата кола ја имав оставено пред кафаната „Две капки“, се договоривме ние што сме од Волково да одиме до мојата кола со таксито и од таму да ги префрлам сите, рече тој.

Мартин Ѓорѓиевски посочи дека излегол прв, видел такси пред вратата и прв влегол во него.

Јас бев позади совозачот, потоа мислам дека Анџело седна до мене на средина, а Клементина влезе од левата врата. За да седне и Виктор, Клементина се префрли кај Анџело во скут. Денис влезе во таксито и му кажавме да излезе, бидејќи чекаме да влезе другар, но тој упорно се пикаше во колата и почна да упатува погрдни зборови кон Клементина: „што сакаш ти курво мала“ и кон Анџело: „ти да ќутиш“. Анџело му рече: „полека малку, смири се“, а Клементина му нагласи: „излези, не е за тебе местото“. Тој дел од секундата почна некоја си турканица внатре во таксито и имаше напад кон Клементина и Анџело од страна на Денис, раскажа Мартин Ѓорѓиевски.

Потоа, како што рече, Анџело извикал „што ме маваш“ и дека сѐ тоа се случило во неполна секунда. Кога излегол од таксито, сега починатиот Денис Тот, веќе паѓал на грб и тој веднаш се стрчал да ги раздвои.

Тоа беше шок за мене, сепак, Денис ми беше другар, секој втор, трет ден во неделата ние бевме заедно, рече тој.

Обвинителството ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post „Што сакаш ти ку*во мала“: Сведок од таксито пред судот ги раскажува последните моменти пред убиството на Денис Тот appeared first on Република.

Со изведување докази од одбраната, во Основниот кривичен суд – Скопје денеска продолжи судењето за убиството на хрватскиот ракометар Денис Тот, кој беше претепан до смрт пред дискотека во скопскиот Градски парк.

На претходното рочиште, на предлог на одбраната сведочеа д-р Зора Митиќ, вешто лице психијатар и д-р Соња Ефтимова, специјалист по психологија, кои ја анализираа психолошката состојба на Анџело Ѓоргиевски, еден од обвинетите во процесот.

Митиќ посочи дека Ѓоргиевски имал лузни на десната рака, со која му го задава првиот удар на Тот и според неа, мускулатурата на овој екстремитет му е слаба, што би значело и дека ударот бил слаб.

На судењето сведочеше и Сања Ефтимовска – специјалист по медицинска психологија, која го опиша Ѓоргиевски како лице кое е пасивно во стресни ситуации.

Се работи за личност со здраво разумско логично размислување со сочуван тест на реалноста и способност за компензирано однесување. Во стресни и фрустрациони ситуации, луѓето различно реагираат. Се виде дека Анџело е склон кон пасивизација, пие и лекови, а доминираат симптоми од невротски тип, состојба во која некој се повлекува, некој напаѓа. Тој е од тие типови кои пасивизираат, рече Ефтимова.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот ракометарот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Со изведување на докази од одбраната продолжува судењето за убиството на хрватскиот ракометар Денис Тот appeared first on Република.

Судењето за убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје, продолжува на 9 ноември, откако денеска од страна на одбраната беа изведени докази во Основниот Кривичен суд Скопје.

На судењето беа повикани Д-р Зора Митиќ, вешто лице психијатар и Д-р Соња Ефтимова, специјалист по психологија кои ја анализираа психолошката состојба на Анџело Ѓоргиевски, еден од обвинетите во процесот.

Митиќ посочи дека Анџело имал лузни на десната рака, истата со која му го задава првиот удар на Тот. Според неа, мускулатурата на овој екстремитет му е слаб, што би значело и дека ударот бил слаб.

На судењето сведочеше и Сања Ефтимовска – специјалист по медицинска психологија. Таа го опишуваше Ѓоргиевски како лице кое е пасивно во стресни ситуации

Се работи за личност со здраво разумско логично размислување со сочуван тест на реалноста и способност за компензирано однесување. Во стресни ситуации и фрустрациони, луѓето различно реагираат, се виде дека Анџело е склон кон пасивизација, пие и лекови, доминираат симптоми од невротски тип состојба во која некој се повлекува некој напаѓа, тој е од тие типови кои пасивизираат, изјави Соња Ефтимова.

Повиканите сведоци за кои беше предвидено да присуствуваат на денешното рочиште, не беа присутни.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Ударот од Анџело бил слаб, се виде дека е тип кој се повлекува кога некој напаѓа, сведочеа вештите лица во судењето за Денис Тот appeared first on Република.

Судењето за убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје, продолжува на 31 октомври, откако денеска на предлог на одбраната сведочеа лекари од Клиника за анестезија, реанимација и интензивно лекување.

На денешното рочиште лекарката Маја Мојсова Миовска од Клиниката за анестезија, реанимација и интензивно лекување (КАРИЛ) изјави дека дури и да ја знаеле повредата на ‘рбетниот мозок, курсот на лекување ќе останел ист.

Според неа, причина за смртта генерално е престанок на работа на срцето или на дишењето.

За жал ние сме анестезиолози и немаме алатка која што може да ни даде увид во тоа која е главната причина за смртта, ние во тој момент немавме податок, рече таа.

На предлог на одбраната денеска сведочеше и лекарката Билјана Андоновска, исто така од КАРИЛ, која што пред судот изјави дека во лекувањето се приклучила на денот на настапувањето на смртта на оштетениот.

Пациентот е донесен без знаци на живот и без срцева акција, пристапено е кон основно и напреднато одржување во живот, рече таа.

На прашање дали повредата на ‘рбетниот мозок им била позната, таа одговори дека според првичната дијагностика што била направена, во документацијата што ја имале на увид немало таков опис.

Адвокатот на обвинетиот Андреј Костовски, Еленко Миланов, во изјава за медиуми по рочиштето истакна дека снимањето морало да ја покаже повредата.

Компјутерската томографија морало да ја покаже повредата. Тие лекуваа, но до последен момент не знаеја од што лекуваат, и зошто лекуваат и која е причината зошто го изгубија тој пациент, изјави адвокатот.

Обвинителката Тања Трајчевска претходно на денешното рочиште изведе материјални докази – рендген снимки од оштетениот Денис Тот изготвени од Судска медицина.

На изминатото рочиште беа изведени видео материјали од безбедносните камери на дискотеката и Сејф сити системот, на кои се гледаат случувањата пред дискотеката на кобната ноќ на 7 април годинава во периодот од 3:25 до 3:45 минути.

Пред судот, исто така, беа изведени и материјални докази, меѓу кои извештаи од мобилни оператори за повеќе телефонски броеви, извештаи од МВР, упати и извештаи од Ургентен, Токсикологија, Неврохирургија, Радиологија и друга документација.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик. Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Судењето за убиството на хрватскиот ракометар Денис Тот продолжува на 31 октомври appeared first on Република.

Компјутертската томографија морало да ја покаже повредата. Тие лекуваа, но до последен момент не знаеја од што лекуваат, и зошто лекуваат, и која е причината зошто го изгубија тој пациент, изјави адвокатот Еленко Миланов во врска со сведочењето на лекарките од КАРИЛ за починатиот пациент Денис Тот кој беше примен на клиниката откако беше претепан до смрт пред дискотека во Градскиот парк во Скопје.

По сослушувањето на двете лекарки од КАРИЛ кои изјавија дека не ја утврдиле конкретната причина за смртта и дека до последниот момент немале сознанија за повредата на ‘рбетниот мозок, бранителот на обвинетиот Андреј Костовски изјави дека снимањето морало да ја покаже повредата.

https://republika.mk/vesti/makedonija/lekari-od-karil-svedochea-na-sudenjeto-za-ubistvoto-na-rakometarot-tot/

Она што го слушнавме, доктор Маја Мојсова остана на тоа дека не видела никакви повреди видливи односно на видлив дел од телото, со оглед да како што наведе, не може да го вртат телото, но повредите се во пределот на главата, оние што ги констатира Судска медицина кои што како такви би морале да бидат видливи и да евентуално во насока на нив се преземат и други дејствија, рече тој.

На новинарско прашање дали и да знаеле за повредата не би можело ништо да се направи и повторно исто би го лекувале, тој одговори дека и докторите од судска медицина, како што рече, „рекоа дека дури и да се знаело за таа повреда, шансите за спас биле многу мали, но, не и дека не можело ништо да се направи“.

Миланов посочи дека одбраната во конкретниот случај единствено оди на преквалификација и на тоа дали има умисла за убиство.

Доколку нема, а ја нема очигледно, од кој удар и која повреда евентуално настапи смртната последица во оваа трагедија, рече тој.

На денешното рочиште лекарката Маја Мојсова Миовска, изјави дека дури и да ја знаеле повредата на ‘рбетниот мозок курсот на лекување ќе остане ист. Според неа причината за смртта генерално е престанок на работа на срце или на дишење.

За жал ние сме анестезиолози и немаме алатка која што може да ни даде увид во тоа која е главната причина за смртта, ние во тој момент немавме податок, рече таа.

На предлог на одбраната денеска сведочеше и лекарката Билјана Андоновска, исто така од КАРИЛ, која што пред судот изјави дека во лекувањето се приклучила на денот на настапувањето на смртта на оштетениот.

Пациентот е донесен без знаци на живот и без срцева акција, пристапено е кон основно и напреднато одржување во живот, рече таа.

На прашање дали повредата на ‘рбетениот мозок им била позната, таа одговори дека според првичната дијагностика што била направена, како што рече „немавме таков опис во документацијата која што ја имавме на увид“.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

[caption id="attachment_547577" align="aligncenter" width="2048"] (фото: МИА)[/caption]

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Миланов: Лекуваа, а до последен момент не знаеја од што и зошто лекуваат, и која е причината зошто го изгубија пациентот appeared first on Република.

Дури и да ја знаевме повредата на ‘рбетниот мозок, курсот на лекување ќе остане ист, изјави Маја Мојсова Миовска, лекар од Клиника за анестезија и реанимација во врска со лекувањето на ракометарот Денис Тот кој бил примен на клиниката на 7 април 2022 година откако бил претепан до смрт пред дискотека во Градскиот парк во Скопје.

Мојсова Миовска на прашање од одбраната денеска пред Судот изјави дека во лекувањето учествувала од денот кој што, како што рече „практично е 7 и наредниот ден 8, до моментот кога стварно не го изгубивме човечкиот живот“.

Според неа причината за смртта генерално е престанок на работа на срце или на дишење.

За жал ние сме анестезиолози и немаме алатка која што може да ни даде увид во тоа која е главната причина за смртта, ние во тој момент немавме податок, рече таа.

Прашана какви надворешни повреди биле забележан при приемот, одговори дека на видливите регии не успеале да видат нешто што ќе ја објасни состојбата на престанок на работа на срце и престанок на дишење.

До моментот кога пациентот почина немавме никаков податок што се случило со тој пациент, рече таа.

На предлог на одбраната денеска сведочеше и лекарката Билјана Андоновска, исто така од КАРИЛ, која што пред судот изјави дека во лекувањето се приклучила на денот на настапувањето на смртта на оштетениот.

Пациентот е донесен без знаци на живот и без срцева акција, пристапено е кон основно и напреднато одржување во живот, рече таа.

Прашана за причината за смртта, таа одговори дека немале изведено заклучок.

Првичната информација беше дека колабирал во кафич, се спровела долга реанимација, беше спроведена компјутерска дијагностика, беа повикани сите специјалности за кои што мислевме дека можат да помогнат, беа направени низа биохемиски и микробиолошки анализи, пациентот во текот на целото лекување беше респираторно и хемодинамски поддржан, рече таа, дополнувајќи дека со оглед на нејаснотиите за причината за смртта, пациентот бил испратен на судска медицина.

На прашање дали повредата на ‘рбетениот мозок им била позната, таа одговори дека соред првичната дијагностика што била направена, како што рече „немавме таков опис во документацијата која што ја имавме на увид“.

Прашана дали преземале дејствија за лекување на таа повреда таа одговори дека по протокол кај сите пациенти постои, како што рече „шансова кравата, која што превенира евентуално постоење на повреди или влошување на таквата состојба“.

Обвинителката Тања Трајчевска претходно на денешното рочиште изведе материјални докази – рентген снимки од оштетениот Денис Тот изготвени од Судска медицина.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Лекари од КАРИЛ сведочеа на судењето за убиството на ракометарот Тот appeared first on Република.

Судењето за убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје, продолжува на 26 октомври, откако на денешното рочиште, беа изведени видео материјали од безбедносните камери на дискотеката и Сејф сити системот, на кои се гледаат случувањата пред дискотеката на кобната ноќ на 7 април годинава во периодот од 3:25 до 3:45 часот.

Од видео снимките се гледа дека во 3:26 од дискотеката излегуваат обвинетата Клементина Левковска и Анџело Ѓоргиевски, а по кратко излегува и обвинетиот Андреј Костовски. Во 3:29 излегува и Денис Тот, се поздравува со Ѓоргиевски и сите влегуваат во такси возилото.

Костовски, кој седи напред излегува од таксито, доаѓа на задната лева врата, го влече Тот да излезе од возилото и со гард на рацете се повлекува.

Кратко потоа од возилото излегува и Левковска и го турка по градите Тот, кој ја оттурнува од себе назад кон такси возилото. Во тој момент се вклучува обвинетиот Ѓоргиевски, кој го удира по глава оштетениот Тот и тој паѓа на грб, а сите тројца обвинети се околу него.

За кратко до телото на Тот останува само едно лице, кое се обидува да му помогне, а обвинетите влегуваат во такси возилото, но повторно и се враќаат. Обвинетиот Ѓоргиевски и уште едно лице се обидуваат да му помогнат на Тот.

Сите тројца обвинети остануваат со Тот до пристигнувањето на Брзата помош во 3:49 часот.

Од друго кратко видео, кое исто така беше изведено пред Судот, се гледа како обвинетите Левковска и Ѓоргиевски со уште едно лице доаѓаат во дискотеката, а кратко по нив влегува и сега починатиот Денис Тот.

Во судница беа изведени и три аудио снимки од диспечерскиот систем на Брзата помош, на кои се слуша комуникација меѓу Брзата помош, женски глас што пријавува и Ургентен центар.

На едното аудио се слуша женски глас како се јавува во Брза помош и бара да биде испратено возило пред дискотеката „Привелиџ“, објаснувајќи дека имало тепачка и има паднат човек, кој не мрда, со отворени очи.

Потоа, на повторно јавување се слуша женски глас како ги моли брзата помош да дојде побрзо, на што диспечерката ја уверува дека брзата помош доаѓа и дека се јавиле само пред две минути.

Пред Судот беа изведени и материјални докази, меѓу кои извештаи од мобилни оператори за повеќе телефонски броеви, извештаи од МВР, упати и извештаи од Ургентниот центар и од клиниките за токсикологија, за неврохирургија и за радиологија, како и друга документација.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал - се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Судењето за убиството на ракометарот Денис Тот продолжува на 26 октомври appeared first on Република.

Со изведување на докази од Обвинителството, во Основниот Кривичен суд Скопје денеска продолжи доказната постапка за случајот со убиството на хрватскиот ракометар Денис Тот, кој беше претепан до смрт пред дискотека во Градскиот парк во Скопје. На денешното рочиште сведочеа две вешти лица од Судската медицина.

Вештото лице Ана Ивчева рече дека настанатите повреди се механички повреди и се настанати со дејство на тапо-тврда сила во конкретните регии.

Во однос на севкупното дејство на повредите, станува збор за тешки телесни повреди со конкретна опасност по живот на повредениот, рече таа.

Како причина за смртта на сега покојниот Денис Тот таа го посочи нагмечувањето на ‘рбетниот и големиот мозок.

На прашање од одбраната дали нагмечувањето на ‘рбетниот мозок е нанесено со удар или со пад, вештото лице одговори дека е настаната поради дејство на тапо тврда сила која предизвикала ротација на главата а со тоа и последователна повреда на ‘рбетниот мозок.

Вештото лице од областа на психијатријата, Александар Марцикиќ, се изјасни за здравствената состојба на обвинетите која, како што рече, „ја констатирав на 28 април 2022 година, кога и го извршив прегледот“.

Тој посочи дека обвинетата Клементина Левковска е психички здрава индивидуа со уредна интелигенција.

Со прегледот се констатирани реакција на актуелната стресогена ситуација за неа која ценам дека е од висок степен поради настанот и исходот од настанот кој што се случил, како и репрекусиите кои дошле после тоа, во вид на кривична постапка и притвор, рече тој.

За обвинетите Анџело Георгиевски и Андреј Костовски, исто така, посочи, станува збор за психички здрави особи со просечна, односно уредни интелектуални капацитети и кај нив е констатирана психичка реакција на стресни ситуации во рамките на нормална реакција поради исходот од настанот, притворот и кривичната постапка која се води.

Во врска со прашањето дали обвинетите до сега страдале од некое минливо или трајно психичко пореметување, вештото лице одговори дека од прегледот, кој го направил констатирал дека кај обвинетата Клементина Лековска на 13 годишна возраст било констатирано минливо психичко пореметување во вид на пореметување на однесување во детска возраст.

Ова пореметување значи дека во тој период од животот таа манифестирала и однесување кое се карактеризирало со дисоцијални постапки, агресивност, раздразливост, кое го надминувало бунтовното и инаетливо однесување карактеристично за овој период во кој што таа се наоѓала, тоа е период на пубертет, рече тој.

Прашан дали обвинетите при прегледот биле агресивни, насилни или во состојба да ја искривуваат вистината, тој одговори дека при прегледот, ниту еден од обвинетите не манифестирал какви било знаци на пасивна или активна агресивност.

Како што опишав, кај нив беше актуелна психичката реакција на исходот од настанот и реперкусиите од нив, кои што воглавно се со слични манифестации, грижа на совест, чувство на вина, видлива вознемиреност поради исходот на случката и кривичната постапа против нив, страв или анксиозност од самата постапка и последиците, пред сѐ мислам на социјалните последици, рече тој.

На прашањето дали тројцата обвинети во моментот на извршувањето на кривичното дело можеле да го сфатат значењето на делото и дали истите можеле да управуваат со своите постапки, вештакот рече дека секој од обвинетите во време на настанот бил со запазено психичко здравје, така што, како што посочи, можеле да ги разберат своите постапки, да ги претпостават последиците од истите и да раководат со истите.

Одбраната во своите воведни зборови кажа дека не смета дека правната квалификација за кривичното дело „убиство“ кое им се става на товар на обвинетите за смртта на хрватскиот ракометар е одржлива и дека ќе докажува дека не постои умисла за истото.

Обвинителството, пак, на првото рочиште истакна дека располага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Свесно знаеле што прават и кои се последиците, вели вештакот за обвинетите за убиството на Денис Тот appeared first on Република.

Во Основниот кривичен суд – Скопје продолжува судењето за убиството на хрватскиот ракометар Денис Тот, кој беше претепан до смрт пред ноќен клуб во Градскиот парк во Скопје.

Случајот се наоѓа во доказна постапка и продолжува со изведување докази од обвинителството, откако на минатото рочиште беа сослушани вештите лица Александар Станков и Рената Јанкова од Судска медицина при Медицинскиот факултет во Скопје.

Вештите лица беа согласни дека повредите кои ги здобил сега покојниот се класифицирани како тешка телесна повреда со опасност по живот и истите се поврзани со смртниот исход на оштетениот.

Како причина за смрт наведено е дека смртта настанала заради нагмечување на големиот мозок и нагмечување на рбетниот мозок, меѓутоа, како критична повреда од настапување на смрт врз основа на целокупната клиничка слика кај сега починатиот е повредата на почетен дел од рбетниот мозок - појасни вештото лице Александар Станков.

Вештото лице Рената Јанкова кажа дека некои повреди може да се квалификуваат изолирано, па потоа да се зборува за севкупно дејство на повредите.

Меѓутоа, ако ги разгледуваме поединечно, на пример една од повредите, да ја земеме повредата која што довела до неконкретна скршеница на носната коска, може да биде телесна повреда, меѓутоа, ако истата таа повреда довела до потрес на мозокот во тешка форма, тогаш е тешка телесна повреда - изјави таа.

Одбраната во своите воведни зборови кажа дека не смета дека правната квалификација за кривичното дело „убиство“ кое им се става на товар на обвинетите за смртта на хрватскиот ракометар е одржлива и дека ќе докажува дека не постои умисла за истото.

Обвинителството, пак, на првото рочиште истакна дека располага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден.

Обвинетите за убиството на хрватскиот ракометар пред Судечкиот совет во Основниот Кривичен суд – Скопје, изјавија дека не се чувствуваат виновни за кривичното дело кое им се става на товар.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април, пред ноќен клуб во Градскиот парк во Скопје, заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал - се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а застапник на обвинението е обвинителката Тања Трајчевска.

The post Продолжува судењето за убиството на ракометарот Денис Тот appeared first on Република.

Обвинетите за убиството на хрватскиот ракометар Денис Тот, Анџело Ѓоргиевски, Клементина Левковска и Андреј Костовски денеска пред Судечкиот совет во Основниот Кривичен суд – Скопје изјавија дека не се чувствуваат виновни за кривичното дело кое им се става на товар.

На денешното, прво рочиште од процесот, обвинителката Тања Трајчевска го даде воведниот говор на Обвинителството во кој го образложи обвинителниот акт со кој го опиша настанот во кој хрватскиот ракометар, Денис Тот, беше претепан до смрт пред ноќен клуб во градскиот парк во Скопје.

[caption id="attachment_547576" align="aligncenter" width="1280"] (фото: МИА)[/caption]

Од сите тие удари оштетениот се здобил со повеќе повреди, како и тешки телесни повреди и како резултат на сите тие повреди кај оштетениот настанала коматозна состојба. Истиот веднаш бил пренесен во Ургентниот центар во Клиничкиот центар Мајка Тереза, рече таа.

Дополни дека како резултат на повредите и настанатата траума на главата дошло до пореметување и прекин на мозочните неурони кое резултирало со смртен исход на 8 април 2022 година во 11:40 часот.

Трајчевска посочи на листата на докази со кои располага Обвинителство, а помеѓу кои се записник за претрес на дом и други простории, потврди за привремено одземени предмети, со кои што, како што рече, е одземена облеката од оштетениот и дел од облеката на обвинетиот Анџело Ѓорѓиевски.

Раполага со две ЦД-а од безбедносни камери од кои јасно може да се види целиот настан кој се случил критичната вечер, а пред сѐ, поединечно, дејствијата на секој од обвинетите кои ги презеле тој ден, рече таа.

Дополни дека Обвинителство располага и со вештачење на облеката, вешти наоди и мислења по однос на пресметливоста на сите кои се обвинити, како и медицинска документација од која произлегуваат видот и карактерот на повредите кои оштетениот ги здобил критичната ноќ.

Исто така, изготвен е и писмен извештај за извршена обдукција од 9 април 2022 година од Институт за судска медицина при Mедицинскиот факултет во Скопје, во прилог ЦД од извршена обдукција, како и писмен извештај за извршени вештачење од 20 јуни 2022 година од Институт, а од кои произлегува причината за смртта на оштетениот како и причинско последичната врска помеѓу смртта, која настапила кај оштетениот и дејствијата кои ги презеле обвинетите критичниот ден, образложи таа.

[caption id="attachment_547579" align="aligncenter" width="1536"] (фото: МИА)[/caption]

Од страна на Обвинителството, дополни, биле испитани законскиот застапник на оштетениот Денис Тот, неговиот татко Игор Тот, како и сведоците кои биле присутни на настанот.

Со ваквите докази сметам дека ќе докажеме дека обвинетите го сториле кривичното дело на начин време и место како е опишано во обвинителниот акт, рече Трајчевска.

На денешното рочиште тројцата обвинети изјавија дека го разбираат обвинението кое им се става на товар и изјавија дека не се чувствуваат виновни во врска со истото.

Воведните зборови на одбраната се одложија за наредното рочиште поради барање на еден од бранителите.

Основното јавно обвинителство Скопје ги гони обвинетите Анџело Ѓоргиевски, Клементина Левковска и Андреј Костовски за кривично дело „убиство“ од член 123 став 1 во врска со член 22 од Кривичниот законик.

Согласно обвинителниот акт, обвинетите се товарат дека на 7 април 2022 година, пред ноќен клуб во Градскиот парк во Скопје заеднички го лишиле од живот оштетениот Денис Тот.

По кратка расправија, сите тројца му нанеле повеќе удари и тешки телесни повреди од кои кај оштетениот најпрво настанала коматозна состојба, а следниот ден починал, се вели во соопштението од Обвинителство објавено на 21 јули годинава.

Процесот го води судијката Елена Илиевска Јосифовиќ, а наредното рочиште е насрочено за 14 септември.

The post Обвинетите за убиството на Денис Тот не се чувствуваат виновни appeared first on Република.