Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите.Според деловите од договорот помеѓу изведувачот и владата кои до ВМРО-ДПМНЕ ги доставија свиркачи може да се заклучи дека ќе бидат исплатени дополнителни 11 милиони евра за ангажирање на најмалку пет специјалисти за надзор за период од пет години со месечна плата од 36.500 евра,обвинува опозициската партија.

Домазетот Ковачевски и Груби се обврзале дека изведувачот има право да ангажира специјалист или специјалисти во множина чии што број ќе биде договорен помеѓу изведувачот и Владата, кој што ќе имаат четири насоки на работа, создавање на спецификации за автопатите, создавање на студии за влијание врз животната средина, понатаму студии за влијание врз заштитеното богатство од УНЕСКО во Охридскиот регион, како и разгледување на спецификациите на автопатите.ВМРО-ДПМНЕ од сам почеток кажува дека изградбата нема да чини 1.3 милијарди. Првин власта се обврза на пенали од над 150 милиони евра, а сега секој ден излегуваат нови детали од договорот, со кој гледаме нови ставки кои ќе треба да бидат платени од буџетот.Дополнително на сето тоа, се става и сумата која ќе биде потрошена на покривање на експропријациите на недвижниот имот на трасата, што може да оди и до неколку стотина милиони евра.Домазетот во владата Ковачевски и Груби го прават грабежот на векот, и за тоа одговорност ќе има.

The post Молк во Владата дека ќе плати 11 милиони евра за специјалисти за надзор со плата од 36.500 евра месечно appeared first on Република.

Приоритетите на Владата стануваат реалност, со денешното потпишување на договорот за изградба на Коридорот 8 и Коридорот 10д, стартува реализацијата на еден од најголемите инфраструктурни проекти, рече денеска премиерот Димитар Ковачевски на потпишувањето на договорите за изградба на Коридорите 8 и 10д.

Нашите заложби за модерна патна и железничка инфраструктура, како и регионално и меѓународно поврзување се веќе видливи.
Изградбата на автопатските делници во вкупна должина од близу 110 километри е од исклучително значење за подигнување на нивото на квалитетот на патната инфраструктура и сообраќај.
Преку делниците од Коридорот 8 и Коридорот 10д, Cеверна Македонија станува уште позначајна регионална и меѓународна транспортна рута и уште позабележителна на светската инвеститорска мапа.
Нашиот фокус и во следниот период ќе бидат инвестициите во патната инфраструктура, затоа што развиена инфраструктура значи и развиена економија, рчее тој.

За законитоста на постапката одговараат сите институции кои биле задолжени за избор на надзор и изведувач, се е пропишано во Законот за проектот, а најголема гаранција за изведувањето се референците и проектите на изведувачот, во Косово, Албанија, Хрватска,Србија,...  истакна премиерот одговарајќи на новинарско прашање дали стои зад проектот за автопатите на коридорите 8 и 10 д.

За изградбата на четири автопатски делници денеска во Владата беше потпишан договор со конзорциумот „Бехтел и Енка“, додека надзорот ќе го врши ИРД.

Овде единствено  се зборува, како нешто да не се направи, а јас цело време зборувам како да се направи. Цело време откако сум дојден се соочувам со кочници. Цел ден опозицијата нешто блокира, цел ден вади лажни вести, цел ден се шири некаква хистерија и од проект од 1,3 милијарди евра со обезбедено буџетско финансирање, поддршка од САД, кај нас главна тема е дали некој некаде во некоја друга држава имал кривична пријава. Ако имал веднаш нека му се поднесе и тука и нека го провери Обвинителството, рече Ковачевски.

Вицепремиерот Артан Груби кој е задолжен за координирање на проектот повтори дека секој сомнеж вклучително и на опозицијата може да се претстави пред Обвинителството. Постапката за избор на надзор, наведе тој, е пропишана во законот што беше донесен во Собранието, а ја спроведе Јавното претпријатие за државни патишта.

ИРД беше избран за надзорот на најтранспарентен начин, ги помина сите проверки и процесот заврши најлегитимен начин. Ептиса промени сопствеништво и не е истата од 2020, рече Груби, дополнувајќи дека ИРД е присутна со работа во државава преку повеќе проекти.

На прес-конференцијата дојде до препирка откако еден од новинарите, незадоволен од одговорот, му рече на Груби дека со објаснувањето „забегал“. На тоа првиот вицепремиер веднаш реагираше. Рече дека таквото однесување на новинарот е неетичко и дека веќе не сака да одговара на прашањето. 

Ова е навредливо и разочарувачки. Неетички е да навредувате на прес-конференција. Срамота е, а и колеги сме, да реагира ЗНМ, истакна Груби. 

Новинарот објасни дека намерата не му била да го навреди, по што Груби рече дека му простува. 

Според договорот што беше потпишан денеска во Владата, конзорциумот „Бехтел и Енка“ на 22 април годинава треба да биде воведен во работа за изградба на автопатските делници Тетово-Гостивар (17,5 км) Гостивар - Букојчани (30.3 км) и Прилеп -Битола (39,3 км), а на 12 декември и на делницата Требеништа -Струга -Ќафасан во должина од 21,7 километри.

За изградбата на автопатските делници во вкупна должина од 108,8 километри во вредност од 1,3 милијарди евра, изведувачот доби обврска сам или преку домашни проектански фирми и компании истовремено да проектира и да гради

The post Ковачевски: За постапката за надзорот за автопатите одговараат институции што ја спровеле appeared first on Република.