Автомобил предмалку се искачи на тротоарот спроти зградата на Владата на булеварот „Илинденска“ во Скопје и собори повеќе бетонски столбчиња поставени по работ.

Во инцидентот нема повредени лица, а направена е материјална штета не само врз столбчињата, туку и врз автомобилот со кој управуваше млада жена.

Полициски екипи ќе ја утрвдуваат причината за сообраќајната несреќа.

The post Автомобил ги собра столбчињата спроти Влада appeared first on Република.

Жителите на Херсон, осомничени за соработка со Русија, наводно се соочуваат со јавна казна, како што се гледа на фотографиите објавени од Асошиејтед прес (АП). Украинските сили го зазедоа градот минатата недела, по повлекувањето на руските војници.

Новинската агенција објави слики од две лица врзани за столбови. До нив се гледа група цивили и најмалку еден војник.

Според описот на АП, луѓето биле „наводни соработници“. Јавните казни не се дел од украинскиот правен систем, но во последниве години ова го користат националистите во земјата.

Главниот град на провинцијата на регионот Херсон е под руска контрола од првите денови на офанзивата. Минатиот месец Русија ја вклучи покраината по референдум. Киев го отфрли гласањето како „измама“ и продолжи воената акција во западниот дел на регионот.

Сликите објавени од АП и други новински организации покажаа толпи кои ги пречекуваат украинските војници во Херсон. Сепак, покривањето на ситуацијата претставува предизвик за медиумите, бидејќи украинското Министерство за одбрана им забрани да одат таму.

Во неделата, Министерството објави црна листа на оние кои го игнорирале предупредувањето. Новинарите кои работат за Си-Ен-Ен и Скај Њуз, наводно, биле меѓу оние кои ја изгубиле акредитацијата за работа.

The post Жителите на Херсон, осомничени за соработници на Русите се соочуваат со јавна казна appeared first on Република.