Шведската полиција приведе неколку лица и блокира голема област во Стокхолм откако патролата слушнала сомнителни истрели.

Полицијата ја блокира областа помеѓу мостот Диргарден во главниот град, Нобеловиот парк и црквата Оскар. Во оваа област е лоцирана Амбасадата на Израел.

Започната е истрага под сомнение за сериозни прекршоци со оружје.

The post Пукање кај израелската амбасада во Стокхолм appeared first on Република.

Пет лица загинаа во несреќа вчера кога монтажен лифт на градилиште во Шведска падна од височина од 20 метри во Сандбиберг, предградие на Стокхолм.

Работите на градилиштето се прекинати, а причината за несреќата се уште не е позната.

Вишиот надлежен обвинител Гунар Јонасон потврди дека во тек е прелиминарна истрага во која учествува и Националната комисија за сообраќајни несреќи поради сомнение за „нарушување на работната средина што предизвикало смрт на друго лице“.

- Ова е сериозен инцидент што сега го истражуваме - рече тој и додаде дека надлежните го утврдуваат идентитетот на починатите и контактираат со нивните семејства.

Портпаролот на компанијата што го произведува лифтот за таблоидот Афтонбладет вчера изјави дека овој тип на лифт се користи ширум светот повеќе од 20 години и дека никогаш немало сличен инцидент.

The post Трагедија во Стокхолм: Лифт падна 20 метри, пет лица загинаа appeared first on Република.

Неколку лица се тешко повредени, а пет загинаа на градилиште паѓајќи од височина од 20 метри на монтажен лифт во Сандбиберг, предградие на Стокхолм.

Сѐ уште се истражува што ја предизвикало несреќата, а работата на градилиштето е прекината. Вишиот надлежен обвинител Гунар Јонасон потврдил дека во тек е прелиминарна истрага во која учествува и Националната комисија за несреќи поради сомнение за „нарушување на работната средина што предизвикало смрт на друго лице“.

„Ова е сериозен инцидент што сега го истражуваме“, рече тој. Тој додаде дека властите работат на утврдување на идентитетот на жртвите и воспоставување контакт со нивните роднини. Портпаролот на компанијата што го произведува лифтот вчера за таблоидот Aftonbladet изјавил дека овој тип на лифт се користи во светот повеќе од 20 години и дека никогаш немало сличен инцидент.

The post Петмина загинати при пад на лифт на градилиште во Сандбиберг appeared first on Република.

Вработените во зоолошката градина Скансен во Стокхолм сè уште трагаат по кралската кобра која избегала од нејзиниот терариум во текот на викендот, поради што зоолошката градина е делумно затворена.

Отровното животно, кое го нарекле Мистер Хисинг, пристигнало во зоолошката градина пред неколку дена и веќе успеало да исчезне меѓу терариумските светилки, поради што по познатиот магионичар му го дале прекарот Худини.

На видеото снимено од еден од посетителите се гледа како Худини полека се лизга од гранка на дрво во неговиот терариум кон светилката на таванот. Тој дел од зоолошката градина бил евакуиран и затворен додека бегалецот не биде фатен.

Вработените во зоолошката градина веруваат дека змијата сега е некаде на таванот на одделот за рептили, а тие го затвориле заградениот простор и поставиле специјални камери за следење на непристапните агли. Чуварите на зоолошката градина поставија лепливи стапици и посипуваа брашно за да го намамат избеганиот Худини.

Нема да излезе надвор бидејќи надвор е толку студено што ќе заспие“, изјави директорот на зоолошката градина Скансен, Јонас Валстром, за АФП.

Тој смета дека Худини имал предност пред претходните станари. Имено, персоналот неодамна ги замени светилките на таванот на терариумот со штедливи светилки. „Старите светилки беа премногу жешки, што ги оддалечи змиите“, објасни Валстром. „Сега не е толку жешко, па Худини ја заглави главата меѓу сијалицата и штекерот на светилката и успеа да се провлече и да се оддалечи кон таванот“.

Худини штотуку пристигна, веќе побегна

Еден од вработените на шега изјавил дека Худини е „вистински гад“ бидејќи змиите живеат во ист терариум веќе 15 години, а тој неодамна пристигнал и веќе избегал.

Кралските кобри се мирољубиви змии по природа и веројатно нема да нападнат. Тие потекнуваат од Јужна и Југоисточна Азија и се најдолгите отровни змии во светот.

Нивниот главен плен се другите змии, но каснувањето може да биде фатално за луѓето доколку не се лекува навреме.

The post Поради бегство на кобра затворен дел од зоолошката градина во Стокхолм appeared first on Република.

Заменик претседателот на Владата задолжен за европски прашања Бојан Маричиќ се обрати на значајниот глобален состанок за животна средина, „Стокхолм + 50“, кој ја одбележува 50 годишнината од Конференцијата на Обединетите нации за животна средина, испраќајќи порака дека одржливиот развој на животната средина е глобална цел и дека не смее да се изгуби битката со еколошките предизвици.

-Иднината на здрава планета е наша заедничка обврска. Помина половина век од Првата конференција на ОН за човековата средина во Стокхолм, 1972 година и сè уште разговараме за глобалните еколошки предизвици, рече Маричиќ.

Вицепремиерот посочи дека Македонија, заедно со глобалната заедница ја поддржува заедничката визија за „Здрава планета за просперитет на сите“.

-Имаме поставено долгорочна визија: Македонија до 2050 година да е просперитетна економија со ниска емисија на јаглерод, која следи одржливи и климатски отпорни патеки за развој, и која ја подобрува конкурентноста и промовира социјална кохезија преку акција за борба против климатските промени и нејзините влијанија, истакна Маричиќ додавајќи дека во борбата против денешните предизвици, регионалната соработка има важна улога, особено во исполнувањето на целите на Зелената агенда за Западен Балкан.

Според него „Стокхолм + 50“ е одлична можност да постигнете просперитетна, инклузивна и здрава планета, но за тоа е потребен мултилатеризам во справувањето со тројната планетарна криза на Земјата – климата, природата и загадувањето и координирана акција од различни чинители и поединци, како и партнерства помеѓу науката, бизнисот, креаторите на политики и граѓанскиот сектор.

-Ова е загарантиран начин на кој ќе дојдеме до соодветни решенија кои се важни за одржливиот развој и заштита на планетата и на сè што живее и дише на неа. Денес наша одговорност и можност е да го исполниме она што е поставено како цел пред 50 години на Конференцијата за животната средина, може да биде целосно реализирано со градење здрава иднина за сите нас и за претстојните генерации, порача Маричиќ.

Покрај Маричиќ, на глобалниот настан учествува и министерот за животна средина и просторно планирање, Насер Нуредини, кој ќе има свое обраќање на третиот лидерскиот дијалог насловен: ,,Забрзување на имплементацијата на еколошката димензија на одржливиот развој”.

Вицепремиерот Маричиќ во рамки на посетата на Кралството Шведска ќе оствари неколку билатерални средби меѓу кои ќе биде и средбата со министерката за надворешни работи на Шведска, Ан Линден и со претседавачот со парламентарната група на пријатели на Западен Балкан, Аднан Дибрани и претседавач от со ЕУ Комитетот, Пири Ниеми, како и со генералната директорка на Шведската развојна агенција, Карин Јамтин.

The post Маричиќ од Стокхолм: Иднината на здрава планета е наша заедничка обврскa appeared first on Република.

Заменик претседателот на Владата задолжен за европски прашања Бојан Маричиќ од денес е во официјална посета на Кралството Шведска каде ќе ја предводи македонската делегација на глобалниот состанок за животната средина „Стокхолм+50: Здрава планета за просперитет на сите – наша одговорност, наша можност“, на која заедно со министерот за животна средина и просторно планирање, Насер Нуредини, ќе земат учество.

Вицепремиерот Маричиќ ќе се обрати на пленарната сесија, на која ќе се обратат лидерите и шефовите на делегациите, додека пак министерот Нуредини во рамки на глобалниот состанок ќе има свое обраќање на лидерскиот дијалог насловен: ,,Забрзување на имплементацијата на еколошката димензија на одржливиот развој”.

Во рамки на посетата на Стокхлом вицепремиерот Маричиќ ќе оствари билатерална средба со министерката за надворешни работи на Шведска, Ан Линден, а ќе се сретне и со претседавачот со парламентарната група на пријатели на Западен Балкан, Аднан Дибрани и претседавач от со ЕУ Комитетот, Пири Ниеми и генералната директорка на Шведската развојна агенција, Карин Јамтин.

Планирани се средби и со генералната секретарка на Олаф Палме, Ана Сундсторм и неговиот партиски хомолог, меѓународниот секретар на шведските социјалдемократи, Јохан Хасел.

„Стокхолм+50: Здрава планета за просперитет на сите – наша одговорност, наша можност“ ќе се одржи пет децении по Конференцијата на Обединетите нации за човековата средина во 1972 година. Настанот ќе им даде можност на лидерите да се осврнат на 50-годишната мултилатерална еколошка акција за да се постигне храбра и итна акција потребна за да се обезбеди подобра иднина на здрава планета.

Во мај 2021 година, Генералното собрание на Обединетите нации усвои резолуција за здружување на глобалната еколошка заедница во Стокхолм, Шведска на голем меѓународен состанок за животната средина на 2 и 3 јуни 2022 година, во неделата посветена на Светскиот ден на животната средина.

The post Маричиќ ќе ја предводи македонската делегација на „Стокхолм +50“ appeared first on Република.