Претседателката на државата, Гордана Сиљановска Давкова, го примила директорот на Центарот за управување со кризи, Стојанче Ангелов. Како што информираат од Кабинетот на Сиљановска Давкова, на средбата било разговарано за неопходноста од реформи во системот за управување со кризи, потребата од измени на Законот за управување со кризи, како и за владината одлука за спојување на Дирекцијата за заштита и спасување и Центарот за управување со кризи.

Ангелов, ја запознал претседателката со системските проблеми и недостатоци со кои се соочуваат, неефикасноста и преклопувањето на нивните надлежности со функциите на Дирекцијата за заштита и спасување (ДЗС).

Претседателката посочила дека пожарите што ја зафатија земјава ги потврдија критичните недостатоци во системот за управување со кризи, и ја истакнала неодложната потреба од суштинско реорганизирање и сеопфатни реформи, што е од клучна важност за ефикасно справување и соодветна реакција во кризни состојби.

Во соопштението се наведува дека на средбата била потенцирана и важноста од натамошна координација и соработка помеѓу претседателката, Владата, Армијата и сите релевантни домашни и меѓународни институции со цел навремено и соодветно делување во услови на кризна состојба.

Ангелов на средбата информирал и за тековните состојби со пожарите, како и за мерките и активностите кои се преземаат за нивно ставање под контрола и гаснење.

The post Сиљановска Давкова – Ангелов: Неопходност од реформи во системот за управување со кризи appeared first on Република.

Скопските пожарникари се борат да го стават под контрола пожарот што гори во расадникот во општина Кисела Вода во Скопје.

Како што информира првиот човек на Центарот за управување со кризи (ЦУК), Стојанче Ангелов, и покрај обидите на пожарникарите да биде пожарот ставен под контрола има еден крак каде што се уште има силна линија на горење.

Огнот е многу силен, не може да се доближиме до него. Линијата на фронтот е со стотици метри, што е невообичаено за градот Скопје, поради што е отежнато гасењето на овој пожар“, вели Ангелов за борбата со пламените јазици.

https://www.youtube.com/watch?v=HHeKluTMB4w

Ангелов, сепак, апелриа до граѓаните дека нема потреба од паника.

Објекти нема да бидат загрозени, затоа што верувам дека огнот ќе биде сопрен. Но, навистина, ова е тежок шумски пожар во урбана средина, вели Ангелов.

The post Пожарникарите се борат да го стават под контрола пожарот во Расадник appeared first on Република.

Голем пожар гори во расадникот во Кисела Вода.

Како што информира директорот на Центарот а управување со кризи (ЦУК), Стојанче Ангелов, во овој невообичаен шумски пожар среде град, горат ореови дрвја, грмушки и трева, а пожарот се шири во сите насоки.

Како што информира Ангелов, ангажирани се неколку противпожарни екипи, кои се трудат да ги заштитат сите објекти во околината на расадникот.

https://www.youtube.com/watch?v=6pIX5on6kE8

Ангелов апелира до граѓаните дека нема потреба од вознемиреност без оглед на чадот што се крева и се гледа во голем дел од градот.

The post Голем пожар во расадникот во Кисела Вода, огнот се шири во сите насоки appeared first on Република.

Денес во 18.11 часот на 112 е добиена пријава за тешко повреден германски државјанин, парагјадерист, со отворена скршеница на едната нога и веројатна повреда на р'бетот, кој моментално се наоѓа на полетиштето за параглајдери пред Мечкин Камин во Крушево. Поради сериозноста на повредите од екипата на итната медицинска помош и градоначалникот на Крушево е побаран итен хеликоптерски транспорт, информираше директорот на Центарот за управување со кризи, Стојанче Ангелов.

Полицискиот Ми 171, во кој се наоѓам во моментот, итно го пренасочивме кон тешко повреденото лице и моментално сме во непосредна близина на Крушево, истакна Ангелов.

Фото: ЦУК

The post Повреден парагјадерист во Крушево appeared first on Република.

Потребна е итна трансформација на целиот систем за управување со кризи вклучително и на системот за гаснење на пожари како составен дел на целиот систем за управување со кризи, вели директорот на Ценатрот за управување со кризи Стојанче Ангелов.

-Јас во многу мои интервјуа последните три години, кажувам дека е потребно да се формира нова институција која што ќе ги обедини функциите на двете постоечки – Центарот за управување со кризи и Дирекцијата за заштита и спасување. Ние на некои места благо се преклопуваме во нашите надлежности, а одредени простори се празни. Тие треба да ги пополни Дирекцијата за заштита и спасување но, во реалноста тоа не постои. Ние имаме се, само немаме луѓе кои ќе излезат на терен да завршат работа зборувам во делот на кризниот менаџмент. Мојот став е дека составен дел на новата институција која ќе ги обедини функциите на двете постоечки е формирање на специјална единица за заштита и спасување, вели Ангелов во интервју за Радио слободна Европа.

Прашан за НИКС системот - дигитална мапа за статус на пожарите, Ангелов вели дека проектот бил поддржан од НАТО, како надворешен проект, но оти има една голема фалинка, а тоа е дека не е алатка која што во овој момент може да биде употребена.

-Се работи за систем кој не може да профункционира, немаме капацитет. И јас сакам да се натпреварувам на Олимпијада, но, не можам. Значи, не ги исполнуваме условите. Ние во Центарот за управување со кризи работиме на чкрги. И овде јас работам со десетина луѓе, сите операции, покривам по една област со по еден човек, не дај Боже, некој да се разболи, имам незаменливи луѓе, а добар дел од луѓето се апсолютно неупотребливи, односно по некој пат ставаме во функција некој вработен - ќе ни направи дополнителна штета и потоа треба двајца да ја поправат таа штета. Оваа институција била користена за вработување на партиски кадри, дел од нив кои што не можеле да ги сместат на друго место, вели директорот на ЦУК.

Според него, во ЦУК има добри кадри кои што се преминати од Армијата, но, за жал, вели, тие полека заминуваат во пензија, воедно потенцирајќи дека над 50 отсто од раководните кадри во Центарот се со несоодветно образование.

-Има една група од воена Академија која што за нивна несреќа завршила директно во ЦУК, ги најдов малтене во подрум, затоа што беа на најниските почетни позиции. Ги унапредив сите, сите до еден ги ставив во функција. И уште неколку квалитетни луѓе. Ако овде направиме анализа на раководителите, повеќе од 51 отсто имат завршено македонски јазик или Педагошка академија. Но, се плашам дека 70 отсто од раководителите имат македонски јазик и педагошка академија. Кога некој се одлучил да студира македонски јазик или албански јазик или педагошка академија, тој имал голема желба да биде јазичар. И во меѓувреме сфатил дека тој сака да работи кризен менаџмент и наеднаш станува експерт за кризен менеџмент. Па тогаш, зашто постои Воена академија, вели директорот на ЦУК Стојанче Ангелов.

Владата на средината од месецов донесе одлука за реформа на системот за управување со кризи преку спојување на Дирекцијата за заштита и спасување и Центарот за управување со кризи што ќе придонесе кон поефикасен кризен менаџмент во иднина.

The post Ангелов: Потребна е итна трансформација на целиот систем за управување со кризи вклучително и на системот за гаснење на пожари appeared first on Република.

Пожарот на планината Галичица, меѓу Охридското и Преспанското Езеро, делумно е под контрола, дејствуваат над 120 лица, информираше директорот на Центарот за управување со кризи (ЦУК), Стојанче Ангелов преку видео изјава.

- Пожарот што повеќе од 20 дена гори делумно на територијата на ловиштето „Јасен“, а сега еден негов крак се движи кон селото Белица, е ставен под делумна контрола, неговото горење е значително намалено, на лице место дејствуваат 70 припадници на македонската Армија, заедно со локални пожарникари, како и вработени во „Национални шуми“, а на кракот кон „Јасен“ и вработени од ловиштето, појасни Ангелов.

До 13 часот во борбата со огнените јазици, дејствувале два хеликоптера, едниот армиски, другиот полициски, како и ер тракторот на Дирекцијата за заштита и спасување.

Во текот на денешниот ден, до 16 часот, пријавени се вкупно 25 пожари на отворен простор низ државава. Во моментов, 11 се активни, шест се под контрола, а осум се изгаснати, соопштија од ЦУК.

Од 11 активни пожари во моментов, по два се во општините Долнени и Кичево. Еден е на територија на општините Охрид и Ресен, а по еден има на териториите на Дебар, Македонски Брод, Новаци, Пласница, Росоман, Чашка.

Од шесте под контрола, во три општини опожарена е мешана шума: Маврово - Ростуше, Чашка, на две места во Македонски Брод. Под контрола е и опожарената депонија во општина Делчево. Последниот пожар под контрола е на територија на општина Демир Хисар, на Илинска - Плакенска Планина, кај селата Вирово и Слоештица. Таму горела ниска вегетација.

The post Пожарот на Галичица делумно под контрола, дејствуваат над 120 лица appeared first on Република.

Заклучно со 13 часот денеска има вкупно 12 пожари на отворено од кои четири се целосно изгаснати, а три се ставени под контрола, додека пет се уште се активни информира директорот на Центарот за управување со кризи (ЦУК), Стојанче Ангелов.

-Акцентот повторно беше ставен на гаснење на големиот пожар на територијата на Македонски Брод врз кој дејствуваме повеќе од 20 дена. Денеска овој пожар се одвива во три карака. Првиот крак е во насока на рибникот Белица, каде дејствуваме со два ер-трактора и со сили од земја. Вториот крак се движи во насока на викенд населбата Козјак, но овој крак веќе без малку е изгаснат, а направен е и противпожарен појас над викенд населбата кој нема да му дозволи на огнот да ги зафати куќите во викенд населбата, изјави Ангелов.

Нагласи дека во текот на вчерашниот ден во договор со унгарскиот противпожарен тим беше направен контра пожар на противпожарниот појас за да не може огнот преку тревата да премине кон викенд куќите.

-Третиот крак од овој пожар е оној што навлезе кон ловиштето Јасен. Тој е се уште активен и на него делуваме со два ер-трактора. Во текот на денот повторно ќе продолжиме да делуваме со двата ер-трактора кои во моментов се на пауза, посочи Ангелов.

На територијата на Македонски Брод, како што кажа, има пожар и кај селото Пласница каде делуваат двата кипарски ер-трактори.

Активен денеска е и пожарот на Планината Галичица кој се движи од врвот Магаро кон населбата Стење. И тука се дејствува со два ер-трактора.

-Во текот на денешниов ден добивме од Контролата на летање пријави за два нови пожара од кои првиот е во близина на светиниколското село Орле каде итно се испратени сили од земја и верувам дека локалните пожарникари брзо ќе го совладаат. Нов пожар има и на планината Сува Гора спроти селото Ласкарци, појасни Ангелов.

Посочи дека пилотите кога летаат над подрачјето на земјава пријавуваат до Контролата на летање доколку забележат чад некаде што дополнително помага брзо да се реагира.

-На располагање во моментов има само четири странски ер-трактори од кои два германски и два кипарски. Словенечкиот хеликоптер кој стигна денеска ќе биде оперативен од утре. Утре од земјава си заминува и унгарскиот тим од 46 пожарникари со специјални возила кој цело време интервенираше во регионот на Македонски Брод, прецизира Ангелов.

The post Денеска 12 пожари на отворено од кои четири се целосно изгаснати, а три се ставени под контрола appeared first on Република.

Директорот на Центарот за управување со кризи (ЦУК) Стојанче Ангелов и министерот за внатрешни работи Панче Тошковски денеска го посетија делот од скопскиот аеродром каде се лоцирани противпожарните авиони „ер трактор“ на Дирекцијата за заштита и спасување (ДЗС).

Тошковски и Ангелов, како што информира ЦУК, се сретнаа со персоналот, а на пилотите на ДЗС им искажаа признание за храброста и пожртвуваноста за нивната постојана активност за справување со пожарите што се остварува во координација на ЦУК.

Според ЦУК, Тошковски откако се запознал со условите во кои работат изразил жалење што тие се такви, како и за недостигот на кадар во ова одделение и за ниските плати.

-Припадниците на воздухопловниот дел од ДЗС, од кои некои се вратија и од пензија, заедно со екипите на Одделот за воздухопловни единици на МВР и на Воздухопловниот „винг“ на Армијата се хероите кои секојдневно се во битката со пожарите со кои се соочува нашата татковина. За тоа, преку нивните изјави, се согласни и Ангелов и Ташковски, стои во соопштението.

Министерот Тошковски, како што се наведува, најавил реформи на системот за справување со кризи, како од оперативен, така и од материјално-технички карактер.

- Се сложивме дека потребата од реформата на системот е голема, а тие остануваат тука се додека е потребно, заедно да ги спасиме нашите шуми и природни богатства. Министерството за внатрешни работи останува со сите свои капацитети да учествува во гасењето на пожарите и во пронаоѓањето лица кои учествуваат во нивно подметнување и ширење. Од тројца пилоти со кои располагаше Дирекцијата за заштита и спасување (ДЗС), оваа година остана само со еден, откако двајца исполнија услови за старосна пензија, но во меѓувреме беа повторно ангажирани поради големиот број на летни пожари, изјави Тошковски.

-Покрај запознавањето со пилотите и техничките карактеристики на противпожарните авиони на ДЗС, а и со персоналот, Ангелов и Тошковски се сретнале и со екипите од Кипар и Германија, кои преку Механизам за цивилна заштита на ЕУ учествуваат во гасењето на пожарите. 

The post Тошковски и Ангелов најавија реформи на системот за справување со кризи appeared first on Република.

Директорот на Центарот за управување со кризи (ЦУК), Стојанче Ангелов ги испрати дел од странските противпожарни сили, кои изминатите денови помагаа во гаснењето пожари низ државава. Притоа, тој им врачи признанија и плакети на воениот дел од скопскиот аеродром, информираат од ЦУК.

Ангелов изрази благодарност до нашите пријатели, храбрите пилоти и воздухопловните посади од Словенија, Чешка и од Шведска, кои овие денови, заедно со македонските пилоти на противпожарни воздухоплови, ги гаснеа пожарите што ја пустошеа и сѐ уште ја пустошат нашата татковина, се наведува во соопштението.

Тие пак, изразиле подготвеност да помогнат и понатаму, доколку имаме потреба од нив.

Признание ѝ било врачено и на Клер Ковалески, офицер за врска од ЕУ механизмот за цивилна заштита.

The post Ангелов подели признанија и плакети на дел од странските противпожарни сили кои ги гасеа пожарите во Македонија appeared first on Република.

Во текот на денов имавме вкупно 19 пожари, од кои 10 се целосно изгаснати, еден е ставен под контрола, a во моментов имаме уште осум активни пожари, информираше вечерва директорот на Центарот за управување со кризи (ЦУК) Стојанче Ангелов.

Како што посочи, најтешка е ситуацијата во селото Тажево кај Македонски Брод каде има неколку изгорени куќи од кои поголем дел се напуштени, но има и куќи кои се користеле како куќи за одмор.

-Се наоѓам во селото Тажево. Сликата е тажна, изгорени се главно напуштени куќи, сепак, изгорени се и куќи кои сопствениците ги користеле. Овој пожар кај Тажево кај што сега се наоѓам е од страната на Брезница кон Јасен и гори многу силно, иако дејствуваме со хеликоптери и со унгарскиот тим од 40 пожарникари и 50 војници на нашата армија, сепак, и натаму е присутен. За жал гори квалитетна борова шума и исклучително тежок пожар за гаснење кој зафаќа голема површина, рече Ангелов.

На пожарот на Илинска Планина што гори неколку дена, посочи, утрово делувавме со три ер-трактори, но операцијата ја откажавме поради тоа што при фрлањето на вода се дигаше многу чад кој ја отежнуваа работата на пилотите и имаа намалена видливост. На терен се припадници на локалната ТППЕ, 10 вработени во Национални шуми и 50 волонтери.

-Над Косел пожарот ја менува својата динамика и се уште гори. Таму делувавме со два хеликоптери, и се наоѓаат 60 лица на земја. Градоначалникот во Охрид дава се од себе да го стави под контрола, истакна Ангелов.

Како што рече, денеска е активен и пожарот кај Богданци во близина на селото Фурка.

-Таму дејствуваме со шест ер-трактори, но пожарот и натаму е активен, гори сува треба и ниска вегетација. Се закануваше и на караулата, но благодарение на интервенција на припадниците на Армијата, мислам дека нема опасност повеќе, рече Ангелов.

Нагласи дека денеска на неколку пати морале да ги повлекуваат леталата, поради силен ветер.

-Планот се менува, и тој е еластичен во зависност од сликата на терен, рече Ангелов.

The post Активни се уште осум пожари, 10 се целосно изгаснати, а еден е ставен под контрола appeared first on Република.

Чешки хеликоптер „Блек хок“ моментално дејствува на пожарот во атарот на с. Брезница и Тажево, пожар што зафаќа голема површина и е многу тежок за гаснење, но од огнот не е зафатено ловиштето Јасен, изјави денеска директорот на ЦУК Стојанче Ангелов.

-Проблемот е што мора да се симне на помала надморска височина, да полета, да се искачи горе на повеќе од 1400 метри да ја истури водата и пак да се врати. Благодарност до храбрите пилоти од Чешка. Пожарот е во атарот на селата Тажево и Брезница со крак кон Јасен, но ловиштето Јасен не е зафатено од пожар. Вработените во Јасен не дозволија пожарот да навлезе на територија на територија на ловиштето Јасен, рече Ангелов.

Покрај овој пожар, додаде, го имаме и пожарот на Илинска планина којшто трае неколку дена, и исклучително е тежок за гаснење затоа што зафаќа голема површина и создава црн и темен чад што ја отежнува работата на воздухопловите.

-Третиот пожар којшто за жал е активен во овој момент е пожарот што започна кај охридското село Косел што се движи нагоре кон планината и за којшто имаме концентрирано повеќе сили рано утрово. Благодарност до локалната самоуправа, до Градот Охрид којшто дава се од себе со поддршка на локалните пожарникари и месното население да го стават пожарот под контрола, истакна тој.

За жал, дополни Ангелов, пожарот што вчера избувна во атарот на Богданци отиде кон ветерниците и се уште е активен. -Рано утрово таму пративме хеликоптери, но истите поради силниот ветер не беа во состојба да дејствуваат, рече Ангелов.

Истакна дека пожарот на територија на Општина Пробиштип во атарот на с. Зеленград се уште е активен иако е делумна контрола, но не ја загрозува Пониква и викенд населбата што се наоѓа таму.

https://www.youtube.com/watch?v=Oma_mlQAChE&embeds_referring_euri=https%3A%2F%2Fmia.mk%2F&source_ve_path=MjM4NTE

Повтори дека четири пожари се под контрола - во Општина Кочани кај селото Пресека, во Општина Свети Николе кај селото Патетино, во Општина Пласница, селата Пласница и Латово, Македонски Брод и во Општина Македонска Каменица кај селото Дулица.

The post Чешки хеликоптер „Блек хок“ го гаснеше пожарот во близина на Јасен appeared first on Република.

Министерот за внатрешни работи Панче Тошковски заедно со директорот на ЦУК Стојанче Ангелов го посетија опожареното светиниколско с. Немањици.

Притоа, неколку сеуште вознемирени жители ги раскажаа своите траорни сведоштва за пожарот кој зафати неколку куќи во ова мирно овчеполско село како и за штетата која ја имаат претрпено.

https://www.youtube.com/watch?v=9khE8Akhmn8

The post Тошковски и Ангелов ги слушнаа потресните сведоштва на жителите на село Немањци во борбата со пожарот appeared first on Република.

Министерот за внатрешни работи Панче Тошковски денеска заедно со директорот на ЦУК Стојанче Ангелов изврши увид на состојбата на терен на пожарот во атарот на село Зеленград, пробиштипско.

-Искрена благодарност до пожарникарите, доброволците и сите вклучени во гаснењето на пожарите за нивната несебична посветеност и храброст. Во постојана комуникација сме со нашите пријатели од странство со цел обезбедување дополнителна помош и ресурси за справување со оваа криза, објави министерот Тошковски на официјалната Фејсбук страница.

Претходно, пак, Ангелов информираше дека пожарот во охридското село Косел повторно се реактивирал. Тој утрово рече дека пожарот кај Косел е под контрола и има горење само во еден дел, но поради силниот ветер, како што вели, пожарот избегал од контрола и покрај тоа што 100 лица работат на гаснење на пожарот. 

The post Тошковски и Ангелов извршија увид на состојбата на терен на пожарот во атарот на с. Зеленград, пробиштипско appeared first on Република.

Во моментов во државата активни се девет пожари од кои најтешкиот е на Осоговските планинини кој е на недостапен терен, а нови пожари се регистрирани на териториите на Охрид и Скопје, вели во видео порака директорот на ЦУК Стојанче Ангелов.

-За жал дури и денес на Илинден, на територијата на државата беснеат девет пожари на отворено и шумски пожари. Пожарот на Осоговските планини, кој беснее на територијата на Општина Пробиштип, во атарот на селото Зеленград, бидејќи се одвива на исклучително тешко пристапен терен и повеќе денови ни задава главоболка, иако дејствувавме во повеќе наврати во воздухоплови, дејствувавме и од земја, денеска одлучивме да го нападнеме со концентриран број на хелихоптери. Во текот на утрово, но и во текот на остатокот на денот овде ќе делуваме со осум хелихоптери – три македонски (два армиски и еден полициски), еден српски, два унгарски, еден словенечки и еден чешки, кажа Ангелов.

Тој наведе дека тежок пожар има и во општина Македонски Брод, во атарот на селата Тажево и Брезница, кон Јасен, кој се одвива неколку дена на тешко пристапен терен.

-Овде утрово го испративме да дејствува полицискиот хелихоптер МИ 171, но и тимот од Унгарија кој пристигна како помош од странство со ЕУ механизмот, составен од 46 искусни пожарникари, од кои некои користат специјални теренски возила со кои можат да се пробијат на најтешко пристапните места. Исто така, од земја гасат и 50 припадници на Армијата со поддршка на 20 локални пожарникари и месно население, вели Ангелов.

Според него, тешко оди гасењето и на пожарот на Илинска Планина, каде утрово интервенираат три ертрактори, а се дејсвува и од земја.

Во Пробиштип има уште еден пожар, кадешто дејствуваат Армијата со поддршка на локалното население.

Во Пласница огнот е ставен под контрола и се работи на негово догаснување, а исто така и пожарот во борова шума во Пехчево од утрово е под целосно контрола и се делува на догаснување на огнените точки.

Предмалку избил силен пожар и на територијата на Општина Охрид, во атарот на селото Косел, којшто има опасност да влезе во борова шума, поради што ЦУК таму пренасочиле еден хелихоптер.

Пожари има и на територијата на Скопје – во општина Зелениково и кај селото Љубанци.

-Планот којшто го изготвуваме за употреба на леталата, но и другата странска помош и домашните сили, е еластичен и го прилагодуваме на моменталната состојба. За жал ова лето имаме рекорден број на пожари. Во текот на јули дури 620 пожари на отворено и шумским пожари од кои 611 се изгаснати. Рекордот беше на 29 јули кога имавме 66 пожари во еден ден, вели Ангелов.

Тој упати благодарност до сите држави кои ни помагаат во справувањето со пожарите, како и до домашните пилоти, пожарникари, припаднци на плицијата и армијата и доброволците.

The post Активни се девет пожари, нови пожари во Охридско и Скопско appeared first on Република.

Директорот на Дирекцијата за управување со кризи (ЦУК), Стојанче Ангелов преку видео изјава апелира до граѓаните да не излегуваат со непотребни апели за собирање на луѓе за да одат да помагаат во гаснењето на пожарите.

Како држава имаме доволно припадници на Армијата и полицијата и ако тоа некаде го побараат локалните авторитети кој командуваат со гаснењето на пожарите – градоначалниците, ние можеме да испратиме онолку војска или полиција колку што тие ќе побараат. Граѓаните не секаде можат да бидат од корист, напротив некаде можат да сметаат во работењето на професионалните служби, на пожарникарите, војската, полицијата, на „Национални шуми“, на пожарникарите доброволци или на самите летала. Граѓаните можат да бидат корисни во одбрана на населените места кога огнот загрозува некое село или како во синоќешниот случај кога постоеше мала можност огнот да дојде до градот Пехчево. Во гаснењето на пожарите, граѓаните не треба да учествуваат, освен доколку не бидат прифатени од локалните командири на територијалните противпожарни единици, рече Ангелов и апелира да не се создава непотребна паника.

Тој информира дека денеска седница одржувала Управувачкиот комитет, на која донеле одлука за да им предложат на Владата за ангажирање на НАТО механизмот за помош.

Денеска имавме седница на Управувачкиот комитет, на која донесовме одлука да предложиме на Владата да се ангажира и т.н. НАТО механизам за помош кој во суштина ги нуди истите работи како и механизмот на Европската унија, но преку него можеме да бараме помош во пешадија односно помош во искусни пожарникари. Во овој момент таква потреба немаме, но истата може да се појави во текот на денот. Во овој момент имаме доволен број на пожарникари, рече тој.

The post Не создавајте паника со апели: Граѓаните да не учествуваат во гаснењето без одобрение на локалните командири, апелира Ангелов appeared first on Република.

Во текот на вчерашниот ден на територија на државата имало вкупно 46 пожари на отворено и шумски пожари. Од вкупниот број на пожари, 27 целосно се изгаснати, пет тешки пожари се ставени под контрола, а во моментот активни се 14 пожари.

Директорот на Дирекцијата за управување со кризи (ЦУК), Стојанче Ангелов преку видео изјава соопшти дека неколку пожари во земјава се намерно подметнати.

Вчера детектиравме појава на пожари од искрење на електрични жици. Ќе поднесеме повторно барање до ЕВН да изврши контрола на затегнатоста на жици, иако вакво барање поднесовме пред повеќе од еден месец и пол. Во овој момент немаме докази, но МВР работи на терен и очекувам нивните увидни екипи да излезат со конкретни податоци од што беа предизвикани вчерашните пожари кои избија од околу 11:30 часот до 14:30 часот. Во период од три часа имавме појава на дваесетина тешки пожари врз кои што едноставно поради силниот ветер не можевме брзо да воспоставиме контрола. Ваквите пожари предизвикаа голема опасност по селата и населението, а за жал имаме и едно починато лице, изјави Ангелов.

Потенцира дека пожарникарите работеле во текот на целата ноќ со поддршка на јавните комунални претпријатија, механизација, локалното население и дел од пожарите ги ставиле под контрола.

Во овој момент активен е пожарот на територија на општина Македонски Брод кај селата Тажево и Брезница, кракот кон НП „Јасен“. Активен е пожарот и на територија на Кочани во селото Главовица, кој изби вчера околу пладне. Активен е и пожарот кај Прилеп во селото Радобил, а на територија на Прилеп има уште еден пожар кај селото Дабница кој изби во текот на вчерашните попладневни часови.

На територија на Свети Николе активен е пожарот кај селото Орел и Немањици, каде дејствуваат три „ер трактори“ на ДЗС. Активен е и пожарот над селото Ерџелија и селото Мустафино. Исто така, и на овој пожар ќе дејствуваат три „ер трактори“.

На територија на Свети Николе има уште еден пожар кај селото Макреш и селото Ранченци кој избувнал утрово.

Во кумановско, активен е пожарот кај селото К’шање ‎и селото Кокошиње кон Мургаш, кој изби вчера околу пладне.

На територија на Старо Нагоричане активен е пожарот кај селото Малотино и Жегљане‎, кој изби вчера пред пладне. На територија на Пробиштип активен е пожарот кај селото Зелени град и селото Јамиште, кој се заканува да зафати квалитетна борова шума. На територија на општина Чашка гори кај селото Оморани во месноста наречена Мукос, пожар кој се провлекува неколку дена, односно кој беше реактивиран вчера околу 16 часот.

Утрово изби уште еден нов пожар на територијата на општина Дојран кај селото Николиќ.

Под контрола се ставени пет пожари.

Ангелов апелира до сите граѓани кои поседуваат викендички или куќи во полунапуштени или напуштени села, да изработат таканаречен мек појас околу сопствените викендици, а до земјоделците и сточарите да прекинат со палење на стрништа и пасиштата, бидејќи, како што посочи, тоа може да биде обид за убиство.

The post Дел од пожарите се од искрење на електрични жици, дел подметнати: Гледајте на тоа како обид за убиство, порача Ангелов appeared first on Република.

Попладнево изби пожар на отворено во атарот на село Будинарци, Беровско, информира директорот на ЦУК, Стојанче Ангелов.

Според него, за да се спречи ширење на пожарот во борова шума, како воздушна поддршка е испратен еден полициски хеликоптер „Ми 171“.

-На земја гаснат беровските пожарникари со подршка на екипа од ЈП „Национални шуми“, наведува Ангелов

Претходно, ЦУК соопшти дека во земјава се активни четири пожари.

Попладнево изби пожар на отворено во атарот на село Будинарци, Беровско, информира директорот на ЦУК, Стојанче Ангелов.Според него, за да се спречи ширење на пожарот во борова шума, како воздушна поддршка е испратен еден полициски хеликоптер „Ми 171“.-На земја гаснат беровските пожарникари со подршка на екипа од ЈП „Национални шуми“, наведува Ангелов.

Претходно, ЦУК соопшти дека во земјава се активни четири пожари.

The post Пожар во атарот на беровското село Будинарци, за гаснење ангажиран полициски хеликоптер „Ми 171 appeared first on Република.

На територија на државата има четири активни пожари, на планината Серта и во општините Македонски Брод, Кратово и Старо Нагоричане, информира попладнево Центарот за управување со кризи (ЦУК).

Директорот на ЦУК Стојанче Ангелов изјави дека повторно се разгоре дел од пожарот на планината Серта, на кракот зад воениот полигон Криволак во правец на реката Брегалница, во атарот на напуштено село Црешка. Со пожарот е зафатена поголема површина, а горат трева и грмушки и постои опасност пожарот да премине од другата страна на реката.

- Од тие причини на локалните пожарникари, кои го гаснат овој пожар и на десетина ловци од Ловечкото друштво од Штип, денеска како засилување испраќаме 25 припадници на Единицата за брзо распоредување на МВР, а околу 15 часот со дејство ќе почнат и два „ер трактора“ на Дирекцијата за заштита и спасување (ДЗС). Наша цел е денеска повторно да го ставиме под контрола овој пожар, кој зафаќа сува вегетација, потенцира Ангелов, додавајќи ветерот прави дополнителни проблеми.

Директорот на ЦУК информира дека веќе неколку дена има пожар во општина Македонски Брод, кај ловиштето Јасен, кој е делумно под контрола и во неговото гаснење се вклучени вработени во ЈП „Јасен“.

- Во текот на денешниот ден изби уште еден пожар на територија на Кратово, во атарот на село Татомир. Во гаснењето се вклучени локални пожарникари со тим од „Национали шуми“. Четвртиот пожар е на територија на општина Старо Нагоричане, во атарот на село Степанце. На локалните пожарникари им помага и месното население, изјави Ангелов.

The post Се разгоре пожарот на Серта, зад Криволак appeared first on Република.

Расцепкан и децентрализиран систем ги пројавува најголемите слабости во овој момент, неопходно е да се координираат силите за спасување и соодветно да се распоредат или искористат во моментите кога и каде е најпотребно, дециден е директорот на ЦУК Стојанче Ангелов зборувајќи во најновото издание на Стадион на Канал 77 за можните и неопходни промени и реформи во системот.

Бројот на пожарникари во општините ни од далеку не е доволен за шумските пожари и пожарите на отворено. Одговор на овие проблеми може да даде формирањето на една мултифункционална повеќенаменска единица за заштита и спасување, која би дејствувала онаму каде тоа е неопходно. Кога би имало ваква една републичка единица, за почеток со 120 луѓе и стационирана на едно место, таа би помагала секаде каде што тоа е неопходно. Професионална единица, со млади луѓе и добро обучени и најпрво добро селектирани, нагласува Ангелов.

Истакнува дека особено значајно е и да се врши соодветна селекција на пожарникарите, затоа што како што вели постојат општини каде се ангажираат повозрасни лица кои или имаат несоодветна обука или немаат никаква.

За жал, во некои противпожарни единици селекцијата не е на завидно ниво, се примаат повозрасни луѓе кои немаат никаква или имаат несоодветна обука. Мојот став е дека луѓето треба да стануваат пожарникари релативно млади, докај 25-26 години, вели Ангелов.

Додава дека Македонија како држава неопходно е во наредниот период да работи и на развој на доброволното пожарникарство, затоа што според него државата нема економски интерес да плаќа илјадници пожарникари кои имаат работа само во текот на летото.

Не треба да спојуваме две недоволно функционални институции, а овде мислам и на ЦУК, работам со многу вработени, а малку работници. Факт е дека бројката на вработени отскокнува од оние кои ефективно работат.

Мојата визија е да се формира една нова институција која ќе ги менаџира кризите, но и итните ситуации. Имаме многу повеќе итни ситуации за менаџирање во годината отколку кризи. Таа нова институција треба да ги обедини функциите на двете постоечки, она што сега го работи ЦУК и она што сега го работи ДЗС. Во овј момент имаме луѓе кои се клати врата земај плата во двете институции и тоа за жал ги има многу такви. На тој начин ќе добиеме една функционална институција, нагласува Ангелов.

Ние сме мајстори за проекти, има сто проекти не еден, нема кој не направи скенирање на системот за управување со кризи. Имаме се само немаме работници, оние кои што ќе излезат во шума да гаснат, оние кои ќе спасуваат човечки животи, додава Ангелов.

The post Ангелов: Работам со многу вработени, а малку работници appeared first on Република.

На системот за управување со кризи му е неопходна длабока реформа. Ако се спојат ЦУК и ДЗС, би се добила една функционална институција, но и специјална единица за заштита и спасување со 120 луѓе за почеток, која би била мултифункционална - летно време ќе гасне пожари, а истовремено може да спасува и луѓе ако се заглавени на вода, планина, да вади луѓе од урнатини во случај на земјотрес,..., рече денеска директорот на Центарот за управување со кризи, Стојанче Ангелов.

https://republika.mk/vesti/makedonija/tsuk-i-dzs-da-se-spojat-pod-edna-komanda-i-da-se-formira-spetsijalna-edinitsa-predlaga-komitetot-za-krizi/

Според него, во ЦУК и ДЗС моментно има превработеност на одредени позиции, а нема луѓе таму каде што се потребни.

Неопходна е длабока реформа на системот за управување со кризи. Целиот систем е нефункционален. Уште пред изборите разговаравме на оваа тема. Она што можам сега да го видам кај министрите, членови на Управувачкит комиет, постои цврста волја час поскоро системот да биде трансформиран во многу пофункционален кој со истите ресурси што ги имаме сега, ќе може да гасне повеќе пожари, побрзо и поефикасно. Новиот систем во првата фаза ќе биде поевтин од посточекиот, рече Ангелов.

Моментно во ЦУК и во ДЗС, според него, има превработеност на позиции од кои нема потреба, а онаму каде требаат луѓе, нема.

Тука ми беа прилично врзани рацете зашто затекнав таква состојба, во делот на вработувањата имав многу мала можност да извршам корекции. Во ЦУК сега има околу 300 вработени, а во ДЗС повеќе од 300, што е преку 600 луѓе. Сметам дека со помалку луѓе би добиле нова, функционална институција и плус специјална единица за заштита и спасување со 120 луѓе за почеток, која би била мултифункционална. Таквата единица би дала сосема нова димензија зашто детектираните слабости не може поинаку да се отсранат, рече Ангелов на прес-конференција, одговорајќи на новинарски прашања.

Негова оценка е дека земјава има добри ТППЕ, но тие не се недоволни за ваков обем и динамика на пожари.

Кај граѓаните постои погрешна перцепција дека ЦУК командува со сите сили на терен, но локален командир за пожарите е командиратот на ТППЕ, а ако пожарот е во шума, тогаш и лице од Национални шуми, објасни Ангелов.

Тој денеска информираше дека се активни седум пожари, но и дека засега ресурсите за гаснење се доволни и не е потребна помош од странство.

The post Во ЦУК и ДЗС има превработеност на одредени позиции, а нема луѓе таму каде што се потребни, потребна е длабока реформа бидејќи системот е нефункционален, вели Ангелов appeared first on Република.