Во Скопје денеска се одржа мирен протест со барање за измени на законот по разводот старателство да имаат подеднакво двајцата родители.

Граѓанските организации реагираат дека иако родителите се договорат за заедничко старателство, нашиот закон не го предвидува тоа, па така, постои поделба на родителите – на старател, кој има целосни родителски права и родител во отсуство, кој практично нема право врз развојот на детето.

Поборниците за еднакви родителски права велат дека група професори веќе имаат подготвено нов предлог закон, но тој се уште бил далеку од собраниска процедура.

Закон за семејство е донесен во 1992 година и до денес нема претрпено измени во однос на вршењето на родителското право, за разлика од останатите држави во регионот.

The post Во Скопје се одржа протест за измени на законот за заедничко старателство по развод appeared first on Република.

Старателство врз тригодишно дете му е доделено на таткото, иако против него има пресуда за насилство врз неговата поранешна сопруга. Низ ваква сага поминува скопјанка, за која семејното насилство и тортурата наместо да завршат со разводот, продолжуваат низ апсурдните лавиринти на македонското правосудство. Првостепениот суд носи пресуда со која и покрај пресудата со која таткото е осуден за насилство врз мајката, детето му го доделува нему. Молбите и надежите на мајката сега упатени кон Апелација, од каде се надеваат, како што вели семејството, да се исправи оваа нелогична пресуда со кое дете се дава на насилник.

Адвокатот на мајката, Владимир Туфегџиќ вели дека поради начинот на кој се водела постапката во надлежниот суд, побарал претставник на Хелсиншкиот комитет за човекови права да го следи судењето, Тој поднел и барање за утврдување одговорност на судијата поради, како што наведува, сторени повеќе намерни и крупни професионални грешки на штета на мајката на детето.

По однос на судскиот предмет за кој пројавувате интерес а кој се води пред Основниот суд Охрид, надлежниот суд во постапка за развод на брак на ден 06.02.2024 година донесе пресуда со која малолетното дете на возраст од 3 години го додели на таткото. Имајќи го предвид Вашиот интерес и специфичноста на судската постапка можам да кажам дека е поднесена навремена жалба на ваквата пресуда, а жалбената постапка ќе се води пред надлежниот Апелационен суд Битола.
Поради начинот на постапување на надлежниот суд, по мое барање постапката ја следеше претставник на Хелсиншкиот комитет за човековите права.
Во жалбената постапка очекуваме Апелациониот суд Битола да ги уважи жалбените наводи пред сѐ поради сторените суштетствени повреди на постапката, а воедно против надлежниот судија до Судскиот совет на РСМ на ден 19.02.2024 година е поднесено образложено барање за утврдување одговорност на судија поради сторени повеќе намерни и крупни професионални грешки на штета на мајката на детето како странка во постапката, во која постапка очекувам Судскиот совет на РСМ да постапи со особена итност и веднаш да формира Комисија на известители заради утврдување на факти за кое нешто е доставена ургенција за постапување на ден 23.02.2024 година, вели адвокатот Туфегџиќ.

The post Маж со пресуда за насилство врз сопругата добива старателство над тригодишното дете, Туфегџиќ бара одговорност за судијата appeared first on Република.

Само дваесет дена по одлуката на Врховниот суд, кој ја прифати ревизијата и ја поништи одлуката на Жупанискиот суд во Сплит поврзана со заедничкото старателство на Северина Вучковиќ и Милан Поповиќ над нивниот син, а старателството целосно му го врати на таткото, повторно се случува пресврт, пишува „Слободна Далмација“.

Според изворите на хрватскиот медиум, на седницата одржана на 6 февруари годинава, Жупанискиот суд во Сплит практично ја повторил претходната конечна одлука според која таткото и мајката на 12-годишното момче се обврзани „родителската грижа да ја спроведуваат заеднички и еднакво“.

 

View this post on Instagram

 

A post shared by Severina (@severina)

The post Пресврт: Судот ѝ го врати синот на Северина appeared first on Република.

Врховниот суд во Хрватска целосно му го врати старателството на малолетниот Александар Поповиќ на неговиот татко, бизнисменот Милан Поповиќ, што значи дека целосно и е одземено старателството на хрватската пејачка Северина.

Откако Жупанискиот суд во Сплит донесе одлука во август 2021 година старателството на малолетниот Александар да го подели меѓу таткото Милан Поповиќ и мајката Северина Вучковиќ, новата пресуда на Врховниот суд открива дека Поповиќ повторно го презема целосно старателството без да го дели тоа со мајката Северина.

-Ваквата одлука на Врховниот суд е донесена единствено затоа што во 2019 година, кога детето било трето одделение, не одело на училиште 46 дена, туку било на турнеја на Северина, па таткото, подоцна, кога детето било кај него, се ангажирал за момчето да не падне одделение, вели изворот на српските медиуми.

Се наведува дека кога сето тоа го разгледа Основниот суд, пет судии едноставно гласаа дека нема друга опција.

-На Северина не и беше целосно одземено старателството, но судот и ги намали деновите на пејачката. А зошто судот го ограничи времето кога таа ќе биде со детето? Само затоа што советот од пет судии оценил дека Северина била несовесна мајка затоа што не го однела синот на училиште цели 46 дена, заклучува изворот.

Инаку, од пресудата се гледа дека никој од вештаците во случајот Поповиќ-Вучковиќ не бил сослушан, туку судот ги поседувал писмените наоди и мислења на вештакот. Обвинителот немаше забелешки на истото, а обвинетиот се спротивстави на наодот и мислењето, што секако влијаеше на расплетот на овој случај.

The post Северина остана без старателство: Еве зошто е прогласена за несовесна мајка appeared first on Република.

Синот на Селма Бајрами судски му припадна на неговиот татко.

ПејачкатаСелма Бајрами во својата исповед проговори за двегодишната битка за старателство над нејзиниот син кој ѝ беше одземен. Нејзината агонија, вели таа, започнала на 23 декември 2020 година. Синот на Селма Бајрами му бил доделен на неговиот татко.

Тогаш беше донесена одлука мојот син да му припаѓа на неговиот татко. Поради короната, судовите не работеа како што треба, а постојано имаше доцнења. Му го откажав полномошното на мојот адвокат затоа што не бев во ситуација, поради пандемијата, да му платам, бидејќи како што знаете, ние пејачите бевме загрозени. Тогаш немав пари и цело време се бранев од овој човек кој ме напаѓа со години и кој користи се’ и сешто за да ме клевети како мајка – рече Селама Бајрами.

По разводот Селма вели дека имала многу тежок период, и дека се преселила во Виена со цел психички да закрепне.

Живеам во Виена, по разводот живеев таму. Причината поради која се повлеков од медиумите е тоа што сакав да се фокусирам на моето психичко и физичко здравје, се борам за старателство, се надевам дека ќе заврши како што треба – коментира таа.

Поранешниот сопруг на Селма, Мујо Мусиќ, не сака да се појавува во медиумите бидејќи не е јавна личност.

The post Селма Бајрами го изгуби синот исто како Северина, нејзиниот Милан се вика Мујо appeared first on Република.

Францускиот институт во Скопје организира проекција на филмот „Старателство“, во вторник, 8 март, во 20 часот, во Кинотека на Македонија.

Филмот е со ангажирана тематика и се прикажува по повод 8 Март, Меѓународниот ден на женските права, а воедно е и прв настан од серијата активности во знак на одбележување на месецот на Франкофонијата.

„Старателство“ е филм на на Гзавие Легран, од 2017, со Леа Дрикер, Дени Миноше и Тома Жорија во главните улоги. Филмот ја обработува темата за децата како жртви при бракоразводна постапка на родителите, но и за насилството во рамките на семејството. Добитник е на бројни награди, меѓу кои и 4 награди Цезар: најдобар филм, најдобра женска улога, најдобро сценарио и најдобра филмска монтажа.

Филмот е со превод на македонски јазик, а резервации на билети се прават во Кинотеката.

Проекцијата ќе се одржи во согласност со здравствените Ковид протоколи.

The post Проекција на францускиот филм „Старателство“ по повод 8 Март, Денот на женските права и почеток на одбележувањето на Франкофонијата appeared first on Република.

Францускиот институт во Скопје по повод 8 Март ја организира проекцијата на филмот „Старателство" во Кинотека на Македонија (утре во 20 часот).

Филмот е со ангажирана тематика и се прикажува по повод 8 Март, Меѓународниот ден на женските права, а воедно е и прв настан од серијата активности во знак на одбележување на месецот на Франкофонијата.

„Старателство“ е филм на Гзавие Легран, од 2017, со Леа Дрикер, Дени Миноше и Тома Жорија во главните улоги.

Филмот ја обработува темата за децата како жртви при бракоразводна постапка на родителите, но и за насилството во рамките на семејството.

Филмот е добитник е на бројни награди, меѓу кои и 4 награди Цезар: најдобар филм, најдобра женска улога, најдобро сценарио и најдобра филмска монтажа.

The post По повод 8 Март Францускиот институт ќе го прикаже филмот „Старателство“ во Кинотека appeared first on Република.