Луѓето сакаат да поминуваат време на балкон во лето. Тоа е место на кое, додека сте дома, може да јадете, да печете скара или да садите цвеќе на него. Сепак, доколку живеете во Германија, ваквите активности може да ви предизвикаат проблеми со соседите.

Германските медиуми ги објавија правилата за користење на балконот коишто мора да ги почитувате доколку живеете во заедница на станари, пишува магазинот „Феникс“.

Печење на скара

Во принцип, дозволено е печење на скара на балконот. Сепак, тоа може да биде забрането со договорот за закуп или куќниот ред. Во најлошото сценарио, секој што нема да ја почитува забраната се соочува со можно раскинување на нивниот закуп. Печењето на скара е дозволено до 22 часот.

Покрај тоа, често има клаузула во договорот за изнајмување со која се забранува употреба на скари на јаглен бидејќи чадот од тој тип на скара може да ги вознемири вашите соседи. Доколку чадот навлезе во собите на вашите соседи, тој што прави скара направил административен прекршок и може да биде казнет со закон.

Поставување на тенда

Ако сакате да поставите тенда на балкон, а притоа треба да издупчите надворешен ѕид или да балконот над вас, треба да знаете дека правите структурна промена. Ваквите работи се забранети освен ако не е договорено со сопственикот.

Сушење алишта

Во принцип, на станарите не им е забрането да сушат „мали алишта“ на балконот или во станот, односно маици, долна облека, чорапи итн. Меѓутоа, кога сушите големи алишта како постелнина, треба да ги проверите куќните правила - може да има посебни правила за ова.

Пушење на балконот

Пушењето на балкон е дозволено само доколку тоа не ги вознемирува соседите. Доколку соседите се чувствуваат загрозени од чадот, судскиот налог може да го ограничи пушењето на одреден временски период. Покрај тоа, договорот за изнајмување може да определи индивидуална забрана за пушење на балконот.

Чување саксии

Ако сакате да го исполните сонот за мала зелена оаза на балконот, мора да следите неколку правила: погрижете се саксиите да бидат добро фиксирани и да не можат да паднат од балконот, дури и при силни ветрови или бури.

Исто така, треба да избегнувате растенија кои се шират прекумерно, растенија како ползавци, на пример, бидејќи тие можат да го променат изгледот на фасадата на таков начин што тоа се смета еднакво на структурна промена, што не е дозволено.

The post Правење скара, сушење алишта, поставување саксии: Еве што смее, а што не смее да правите на балкон во Германија appeared first on Република.