Парламентарните опозициски партии во Србија, ќе организираат в понеделник попладне протестен митинг пред зградата на Владата, соопшти Народното движење на Србија, јавија српските медиуми.
Како што се додава во соопштението, на средбата ќе бидат изнесени следните барања:

1. Оставка на премиерот Милош Вучевиќ и градоначалникот на Нови Сад Милан Ѓуриќ

2. Објавување на сите тајни договори поврзани со реконструкција на Железничката станица во Нови Сад

3. Итно апсење на сите одговорни за убиството на 14 лица и ослободување на сите невини и незаконски приведени лица

4. Вонредна контрола на сите инфраструктурни проекти што се започнати или работени во изминатите 10 години.

По смртта на 14 лица на железничката станица во Нови Сад, кога врз нив се урна бетонска настрешница, во вторникот беше организиран протест во тој град.

The post Српската опозиција в понеделник ќе протестира пред зградата на Владата appeared first on Република.

Претседателката на Собранието на Србија, Ана Брнабиќ денеска изјави дека предлогот на опозицијата за забрана за истражување и ископ на литиум и бор ќе биде ставен на дневен ред на собраниската седница, иако не прецизираше кога, нарекувајќи го забрана за рударството и дека е предложено „паушално и глупаво“, јави дописникот на МИА од Белград.

-Луѓето треба да знаат дека кога Рио Тинто го откри литиумот, т.е. јадаритот, како прво тие не бараа истражување за литиум и, на крајот на краиштата, големото прашање е дали нешто вакво би се усвоило ако се однесува на јадаритот, рече Брнабиќ за ТВ Пинк.

Таа додаде дека јадаритот е минерал кој не е ниту литиум ниту бор, туку тие се извлекуваат од јадаритот и праша дали забраната за истражување на бор и литиум ќе важи и за јадаритот.

-Дали би се применувал на било што ако случајно може да има литиум во него. Бидејќи јадаритот е сосема нов минерал. А потоа, исто така, како би се однесувале кон другите истражувања. Со оглед на истражувањата за злато, олово, бакар, јаглен и некој ќе најде бор и ... што тогаш ќе правите, рече Брнабиќ.

Таа рече и дека опозицијата ја интересира само литиумот како политичко прашање, а не поради животната средина, за да се обиде да го собори претседателот на Србија, Александар Вучиќ

The post Српската опозиција сака со закон да се забрани копање литиум appeared first on Република.

Се сеќавате на паролата „Нема правда нема мир“ која ја промовираше СДСМ кога беше во опозицијата? Во Србија таа се вика „Рудника нече бити“.

Ако деновиве гледате што се случува кај северниот сосед не може да не ја видите сличноста на обидот за рушење на легитимната власт, во случајот таа на претседателот Александар Вучиќ. Српската опозиција за симнување на Вучиќ од власт користи пресликано македонско сценарио.

Безидејната српска опозиција делува по истите насоки како СДСМ. И во едниот и во другиот случај, како повод да се излезе на улица се користеше убиство.Во Македонија тоа беше убиството на Мартин Нешковски а во Србија тоа беше убистото во училиштето „Владислав Рибникар“ од страна на Коста Кецмановиќ.

Српската опозиција со недели протестираше и беше на улица со паролата „Србија против насиља“.

Одеднаш тие протести запреа.На ред дојдоа изборите каде опозицијата доживеа убедлив пораз но тоа не беше проблем да ја искршат зградата на белградското градско собрание.

Се сеќавате дека и во Македонија СДСМ изгуби на изборите во 2017 година но со помош на странците направи влада? Надежите на српската опозиција се дека и таму ќе се случи истото.

Сега како повод за протести е ископот на литиум. Протсетите се засилија откако Вучиќ и германскиот канцелар Шолц потпишаа договор за откоп и експлоатација на овој метал неопоходен за производство на електрични батерии.

И покрај објаснувањата на Вучиќ дека никакви испокувања во месноста Јадар кај Лозница нема да има додека не бидат задоволени сите еколошки стандарди тоа не е доволно за српската опозиција да блокира патишта и железници.

Ископот на литиум треба да го врши компанијата „Рио Тинто“ која дозволата за истражување ја има добиено во време кога сегашната опозииција беше на власт.

The post Вучиќ се руши по македонско сценарио appeared first on Република.

 Новосадската полиција во неделата на денот на локалните изборите добила наредба од „врвот“ да не одговара на пријавите на членови на опозицијата и граѓани за настаните на Новосадскиот саем, каде беше откриен еден од најголемите т.н.„кол-центри“ на СНС.

Штом претставниците на опозициските листи во Нови Сад го забележале тој кол-центар кој се наоѓал на новосадскиот саем, на истото место каде што ГИК требало да ги преброи гласовите по изборите, повикале полиција. Тие побараа полицијата да излезе на местото на настанот, да влезе во просторијата каде што стотина млади луѓе беа заклучени и да провери што навистина се случува.

Одговорот што го добиле од дежурниот полицаец бил ист: „Ќе ги известам колегите“.

Полицијата се појавила дури по час и половина, кога на саемот пристигнале три возила на интервентната единица, а во едно од нив бил и командантот на единицата за интервенција Никола Крајиновиќ. Кога до возилото се приближиле активисти и граѓани и побарале од полицајците да излезат надвор и да влезат во „кол-центарот“ за да видат што се случува внатре, тие одговориле дека за тоа не се одговорни тие, туку регионалната редовна патрола.

Како што се зголемуваа тензиите, полицијата само седеше во своите возила, додека активистите не се обидоа насилно да влезат во просторијата каде што беа стотина активисти на СНС.

Во тој момент полициските службеници излегле од возилото и направиле кордон пред вратата. Потоа дошло до физички конфликт со полицијата.

Извор од врвот на МВР во Нови Сад за Данас вели дека новосадската полиција имала наредба „од врвот“ да не одговара на пријавите на граѓаните и да не влегува во кол центарот.

„На новосадската полиција строго и беше наредено да не постапува кога почнаа да пристигнуваат извештаи дека на саемот се случуваат изборни нерегуларности. Одлучено е максимално да се одложи пристигнувањето на саемот, а строго е наложено во случај на пристигнување на местото да не се влегува во просторијата каде што се активистите на СНС. Не знам кој точно го нарачал и дали бил некој од врвот на МВР или од политичките структури, знам само дека до мене стигна дека наредбата е од „врвот“, изјави за Данас извор од МВР на Србија.

Ннекои мажи почнале да трчаат кон главниот влез на новосадскиот саем со кутии полни документи, додека на излезот ги чекал автомобил со кој се оддалечиле

Изборниот ден во Нови Сад беше многу бурен, а најголем инцидент беше случајот со кол центарот на Новосадскиот саем. Министерството за внатрешни работи соопшти дека за време на изборите немало поголеми инциденти, освен дека на саемот биле нападнати припадници на полицијата, како и дека е причинета голема материјална штета на просторот на Новосадскиот саем.

The post Партијата на Вучиќ имала кол центар во новосадскиот саем каде што се броеле гласовите? appeared first on Република.

 Пред градската општина Нов Белград, неколку стотици граѓани попладнево се собраа на протест што го повика коалицијата „Бирамо Нови Београд“. На протестот се присутни и активисти на движењето Крени-Промени, а се очекува да говорат претставници на тие две изборни листи кои учествуваа на локалните избори одржани на 2 јуни, јави Бета.

Протестот е организиран со барање за увид во записниците од избирачките места, поради сомневање дека на одредени избирачки места тие записници биле изменети и дека ноќта по гласањето биле фалсификувани гласовите.

Претставниците на тие две изборни листи ќе преземат законски чекори за да се разобличи начинот на кој, како што наведоа, изменета е изборната волја на граѓаните во Нов Белград.

Според прелиминарните податоци на Градската изборна комисија, коалицијата околу Српската напредна странка во Нов Белград има 25 мандати и може сама да формира мнозинство, Крени-Промени има 14 советници, „Бирамо Нови Београд“ девет, а руската Партијата има еден советник.

Адвокатскиот тим на групата граѓани „Д-р Драган Милиќ“ денеска до Градската изборна комисија (ГИК) поднесе барање за увид во изборниот материјал. Претставничката на таа група граѓани, Милена Вакиќ изјави дека нивниот фокус ќе биде на девет вреќи со изборен материјал, за кои има индиции дека содржат нерегуларности.

„Се зборува дека тие вреќи се донесени подоцна. Не сакаме да прејудицираме. Ќе го разгледаме материјалот и заедно со другите опозициски партии ќе заклучиме дали имало неправилности или не“, рече Вакиќ

The post Српската опозиција како ДУИ: Не се помируваат дека загубија на изборите appeared first on Република.

Претседателот на Партијата за слобода и правда (СПП), Драган Ѓилас, денеска изјави дека не чувствува одговорност за резултатот на опозицијата на локалните избори во Белград, туку дека одговорноста е на оние кои прифатиле да излезат на избори под постојните услови, јави дописникот на МИА од Белград.

Ѓилас за Н1 изјави дека е „неодговорно“ да се тврди дека во сегашните изборни услови е можна победа на опозицијата во Белград.

-Некои луѓе решија да излезат на гласање и во Белград го гледаме резултатот. Сега нека им ги објаснат резултатите на своите гласачи и организации, рече Ѓилас.

Тој ги отфрли оценките на делот од опозицијата што учествуваше на локалните избори дека со „кампањата за бојкот“ влијаел на резултатот од гласањето во Белград.

-Никој од ССП не повика на бојкот, рековме граѓаните сами да одлучат. Ние не сме за бојкот, туку за одржување вистински избори. Целата опозиција мора да соработува кога станува збор за борбата за изборни услови, но и она што се случи вчера, а што не се избори, треба да биде линија за јасно да се каже дека оние со 0,2 или 0,5 отсто од гласовите не можат да бидат тие кои одлучуваат каква ќе биде политиката на опозицијата, рече Ѓилас.

Тој оцени дека е „поразително“ што не се разговара за изборните услови и „што се украдени гласовите“.

-Со огромен притисок врз гласачите, со купување гласови не можете да победите во Белград. И претходно кажавме, единствена можност за победа во Белград е да се померат изборите на есен, да се среди избирачкиот список, бидејќи вчера претседателот на Република Српска, Милорад Додик и претседателот на Собранието на РС, Ненад Стевандиќ, кои сигурно не живеат во Белград и не можеа да гласаат, гласаа во Белград бидејќи нивното место на живеење е лажно, рече Ѓилас.

Тој оцени дека СНС „нема мнозинство во Белград“.

-Заклучокот е како ќе излеземе или ќе почнеме да излегуваме од катастрофата во која е доведена оваа земја, да инсистираме на тоа дека гласовите се украдени, да ја продолжиме борбата за изборни услови и да веќе следната година има вонредни избори на ниво на цела Србија, рече претседател на ССП.

The post Раскараната српска опозиција не чувствува одговорност за поразот appeared first on Република.

На локалните избори што вчера се одржаа во 89 градови и општини во Србија, според првите проценки на невладините организации Цесид и Ипсос, изборната листа на СНС освои најмногу гласови на локалните избори во Белград, Ниш и Нови Сад.

Претседателот на СНС Милош Вучевиќ изјави дека СНС освоила мнозинство гласови во речиси сите градови и општини, а претседателот Александар Вучиќ прогласи изборна победа, јави дописникот на МИА од Белград.

Според проценките на Цесид и Ипсос врз основа на 92,6 отсто од обработениот примерок, листата на СНС и СПС „Белград утре“ освоила најмногу гласови – 52,9 отсто.

На второ место е опозициската листа „Крени промени“ со 17,5 отсто од гласовите, додека на третото место според проценките е листата на опозицијата од поранешната коалиција Србија против насилството-„Го бираме Белград“ со 12,3 отсто.

Четвртото место го зазеде листата „Ние силата на народот“ со 9 отсто, а во собранието на Белград ќе влезе и руската партија со 1,2 отсто.

Другите листи, според проценките, не освоиле доволен број гласови за да го поминат цензусот. Проценетата излезност во главниот град е 46,9 отсто.

Во Нови Сад, врз основа на 89 отсто од обработени примероци на Цесид и Ипсос, најмногу гласови освоила листата на СНС „Нови Сад утре“ – 53,1 отсто.

Следува листата „Обединети за слободен Нови Сад“ со 24 отсто, а на трето место е листата на „Крени промени“ со 9,8 отсто гласови.

Според проценките, четвртото место го зазеде листата „Хероји“ со 3,8 отсто од гласовите, а во парламентот на Нови Сад ќе влезе и Сојузот на војводинските Унгарци со 1,2 отсто.

Во Ниш според проценките врз основа на 93,2 отсто од обработениот примерок, најмногу гласови освоил листата на СНС „Ниш утре“ – 44,5 отсто.

По неа следи групата на независни граѓани „Д-р Драган Милиќ“ која добила 24,4 отсто од гласовите, додека на трето место е опозициската листа „Го бираме Ниш“ со 15,9 отсто.

Во парламентот на Ниш ќе влезат и листата „Крени промени“ со 3,9 отсто и Руската партија со 1,1 отсто од гласовите.

Носителот на листата „Д-р Драган Милиќ“, доктор Драган Милиќ, изјави дека од вечерва Ниш е слободен град и посочи дека нема да има соработка со Српската напредна странка.

-Од вечерва, невидливата рака на Белград никогаш повеќе нема да управува со нашиот град. Нишлиите ќе се прашуваат што, каде, како и кој. Ги надминавме политичките разлики, Ниш ни беше во наш интерес, изјави Милиќ за новинарите во центарот на Ниш.

Од друга страна, Драгослав Павловиќ, првиот на листата на СНС „Го бираме Ниш“, на прес-конференција рече дека нивната листа заедно со Руската партија може да формираат власт во градот.

Кандидатот на листата на СНС-СПС „Белград утре“ за градоначалник Александар Шапиќ изјави дека врз основа на 81,5 обработени податоци таа листа освоила 53 отсто од гласовите, односно 64 мандати, со што ќе може самостојно да ја има власта во собранието на град Белград кои брои 110 одборници.

Добрица Веселиновиќ од опозициската изборна листа „Го бираме Белград“ изјави дека СНС во Белград сама ќе може да формира власт, но дека „и во тој мрак има бастиони на слободата“. Според нивните податоци, рече тој, опозицијата ќе може да формира власт во централната градска општина Стари град.

Според прелиминарните резултати во Чачак, листите кои се изјасниле како опозициони освоиле 53 отсто од гласовите, додека коалицијата собрана околу СНС добила 47 отсто од гласовите на гласачите, изјави Павле Јелисијевиќ од ГГ „Разбуди се Чачак“.

The post Партијата на Вучиќ на локалните избори не победи само во Ниш и Чачак appeared first on Република.

Рокот за поднесување изборни листи за изборите во Белград на 2 јуни истече на полноќ, а дел од опозициските партии, обвинувајќи ја владејачката партија дека не создава фер изборни услови, решија да бојкотираат, што значително ги намалува шансите на опозицијата да ја победи владејачката Српска напредна партија (СНС).

Во декември минатата година се одржаа избори во Белград, но тие ќе бидат повторени откако владејачката СНС не успеа да формира мнозинство од советниците во градското собрание и со тврдењата на опозицијата дека изборите биле украдени, меѓу другото, со миграција и носење гласачи надвор од Белград.

На предлог на дел од парламентарната опозиција изменет е Законот за единствен избирачки список, со кој се предвидува граѓаните кои го промениле местото на живеење во изминатите 11 месеци да не можат да гласаат на својата нова адреса, а ограничувањето важи за периодот од 3 јуни 2023 година до 3 јуни годинава.

Но, не успеа кампањата на граѓанските организации и опозицијата за отстранување на името на српскиот претседател од избирачкиот список на СНС, кој формално поднесе оставка од партијата во мај минатата година.

Името на Вучиќ беше на списокот на декемвриските парламентарни избори и на претстојните белградски и локални избори, иако тој не бил и не е кандидат за ниту една функција, што опозицијата и експертската јавност го сметаат за прекршување на уставните и законските норми.

Градскиот изборен комитет во Белград уште еднаш ја прифати листата на СНС со името на Вучиќ, а такви листи се поднесени и за локалните избори што ќе се одржат на 2 јуни во уште 64 општини и градови низ Србија.

The post Српската опозиција поделена и раскарана пред изборите во Белград appeared first on Република.

Лидерот на српската Партија на слободата и правдата Драган Ѓилас денеска во дебатата во Собранието на Србија изјави дека неговата партија нема да го прифати предлогот за измена на Законот за локални избори, што заеднички го поднесоа владата и дел од опозиција, бидејќи не елиминира ниту една нерегуларност забележана на изборите во декември.

На предлогот за измена на тој закон беа поднесени девет амандмани, а парламентарното мнозинство утринава одлучи за амандманите да се расправа веднаш по принципиелната расправа, така што денеска се очекува гласањето за законот.

Претседателката на Собранието Ана Брнабиќ најави дека седницата ќе продолжи и по 18 часот.

Ѓилас денеска изјави дека не може да објасни што се случило и зошто се распаднала коалицијата „Србија против насилство“, но дека не сака да верува или да каже дека „некој решил да оди на избори затоа што така се договорил со (претседателот Александар) Вучиќ“.

Гостувајќи во Н1 телевизија, тој рече дека неговата партија заедно со колегите од партијата СРЦЕ и коалицијата НАДА денеска ќе гласаат против Измената на Законот за локални избори, како и дека ќе поднесат предлог уставен закон за да се одложат изборите за наесен.

„Сметаме дека тоа е единствениот начин да се дојде до фер и чесни избори, бидејќи само во тој случај ќе има време да се спроведат сите тие препораки на ОДИХР“, рече Ѓилас.

Тој посочи дека не му е јасно како некои партии решиле да излезат на избори, кога на 9 март годинава ја потпишале препораката на ПроГлас и им ветиле на граѓаните дека нема да излезат на избори доколку условите не се променат.

- Имавме шанса да направиме промени. Доколку останевме обединети и ако опстоевме на нашите барања, Вучиќ ќе мораше да попушти, нагласи Ѓилас.

На српската политичка сцена има нова опозициска коалиција под слоганот „Бирам борба“ - вклучува шест партии од поранешната коалиција „Србија против насилството“, која одлучи да учествува на претстојните белградски и локални избори на 2 јуни. Преостанатите три партии од таа коалиција, како и коалицијата „Нада“ решија да ги бојкотираат изборите во Белград, но не и локалните. За да може власта да го исполни барањето на опозицијата за единствени избори, српскиот парламент денеска расправа за измени на Законот за локални избори.

Претседателот на Националното движење на Србија, Мирослав Алексиќ, на конференција во Собранието на Србија изјави дека овие партии донеле одлука да учествуваат на белградските и локалните избори истиот ден, покрај исполнувањето на три основни барања - формирање на комисија за ревизија на избирачкиот список, почитување на законот за медиуми и одржување на Белград и локални избори во ист ден и на локални избори.

Тој рече дека решиле без борба да не му предадат ниту една општина или град на режимот на српскиот претседател Александар Вучиќ. Со предложените измени се предвидува одлуката за распишување избори да се донесе најрано 150 дена, наместо 120 дена и најдоцна 45 дена од денот пред истекот на мандатот, а од денот на распишување на локалните избори до денот на гласањето не може да поминат помалку од 30 наместо 45 дена ниту повеќе од 60 денови

The post Српската опозиција се скара меѓу себе appeared first on Република.

Претседателот на српската опозициска Партијата за слобода и правда (СПП), Драган Ѓилас, рече дека денеска во Собранието ќе поднесе Уставен закон со кој се предвидува одложување на изборите за наесен.

Ѓилас во емисијата „Иза вести“ на Н1 телевизија кажа кои ќе бидат следните чекори на коалициските партии ССП, СРЦЕ и НАДА.

- Денеска заедно со пратениците на НАДА, односно Новот ДСС и ПОКС ќе го поднесеме Уставниот закон со кој се предвидува одложување на изборите за наесен. Ова е законот зад кој стоеше целата коалиција Србија против насилство, кој минатиот понеделник и беше испратен на Ана Брнабиќ. Сè уште стоиме на тоа дека само така може да се постигнат фер избори. Наше е да предложиме решение, а не знам како ќе се однесуваат кон тоа колегите од опозицијата. Јасно е дека на властите тоа не им одговара, рече Ѓилас.

Тој додаде дека коалицијата Србија против насилството е создадена за последните избори, дека тие продолжиле да функционираат и по изборите и оти не е прифатен неговиот предлог да постојат како единствен пратенички клуб барем до повторените избори во Белград

The post Српската опозиција со посебен закон бара одложување на изборите appeared first on Република.

Србија полека оди кон македонско сценарио. Падна договор меѓу претседателот на Парламентот Ана Брнабиќ и српската опозиција за изборни реформи. Конкретно, ќе прави ревизија и прочистување на Избрирачкиот список.

Опозицијата смета дека има многу гласачи кои го промениле местото на живеење поради гласање на изборите во Белград.

Се усвои и барањето Јавниот сервис РТС да известува избалансирано и да објавува прилози за опозицијата.

Ова многу наликува на случувањата во Македонија во време кога СДСМ беше опозиција кое резултираше со Договорот од Пржино.

The post Србија полека оди кон македонско сценарио: Ќе се прочистува Избирачкиот систем и Јавниот сервис ќе мора да известува и за опозицијата appeared first on Република.

Срската опозција тоалетната хартија со која вчера фрлаа во Парламентот ја украле од тоалетите во зградата.

Сигурносните камери ги фатиле како крадат  и ја внесуваат во салата.

Погледнете.

Ako ste mislili da su se Pink Panteri iz Nisa, nakon filmske pljacke u Dubaiu povukli, varate se...

Neustrasivi Pink Panteri napali su juce Skupstinu Srbije 😀

Smejem se pola sata 🤣🤣🤣🤣🤣🤣 pic.twitter.com/fvoB2XFrV5

— Dejo (@samodejo01) 21. март 2024.

Баба сере из Ђиласовог табора! pic.twitter.com/I2Rt9PZiga

— Владимир Ђукановић 🇷🇸 (@adv_djukanovic) 21. март 2024.

The post Српската опозиција краде тоалет хартија од тоалетите во Парламентот appeared first on Република.

Српската опозиција на вчерашната конститутивна седница правеше нереди и тензии.Во моментот кога ја бираа Ана Брнабиќ за спикер тие почнаа да флраат со тоалетна хартија и да се дерат.

Погледнете.

https://republika.mk/vesti/balkan/od-isti-knigi-uchat-srpskata-opozitsija-pravi-neredi-vo-parlamentot-kako-sdsm-koga-go-birashe-talat/

The post Српската опозиција фрлаше со тоалет хартија во Парламентот appeared first on Република.

СДСМ и српската опозиција дефинитивно учат од иста книга. Деновите во српската „Скупштина“ трае изборот на претседател, а тоа треба да биде Ана Брнабиќ. Но, со тоа не се согласува опозицијата која прави театар, предизвикува инциденти.

Предводник на немирите е лидерот на опозицијата Драган Ѓилас кој ја игра улогата која во Македонија му беше доделена на Зоран Заев.И двајцата се ултра богати и со поддршка од Западот.

Навистина треба да им се додели Оскар за глумата.

https://www.youtube.com/watch?v=BOW4b9ysmw4

Погледнете, сѐ е исто, како од иста книга да учеле.

https://www.youtube.com/watch?v=0226s5eV91U

The post Oд исти книги учат: Српската опозиција прави нереди во Парламентот како СДСМ кога го бираше Талат appeared first on Република.

Коалицијата „Србија против насилство“ (СПН) подготви детален документ врз основа на предлозите на ПроГлас и граѓанскиот сектор во однос на изборните услови, кој вклучува формирање на независна комисија и како долгорочно решение, преодна влада по урнек на Македонија, изјави денеска во име на оваа коалиција Радомир Лазовиќ на прес конференција во салата на Народното собрание, јави дописникот на МИА од Белград.

Тој побара Собранието да формира посебна Комисија за организирање избори, во која ќе членуваат претставници на власта, опозицијата и граѓанскиот сектор, со надзорни и извршни овластувања.

Долгорочно, тие предлагаат промена на законот, по примерот на Македонија, и формирање преодна влада во која опозицијата би имала најмалку двајца министри, за внатрешни работи и за локална самоуправа.

Тој истакна дека концептот на преодна влада во моментов е актуелен во Македонија.

-Телото што го предложивме треба да биде во функција до следните избори бидејќи можеби нема да има време да се направат промени кои би доведеле до преодна влада. Во наредниот период како долгорочно решение ќе предложиме од денот на распишувањето до денот на изборите да се создаде преоден дел од владата со две министерства предводени од опозицијата, за да можеме да кажеме дека имаме фер избори, објасни тој.

- Избирачкиот список мора да се регулира, рече Лазовиќ и пред да се распишат следните избори ова прашање мора да се реши, односно да се овозможи тим од меѓународни и домашни претставници назначени од опозицијата да имаат увид избирачкиот список.

Лазовиќ во име на СПН поднесе барање за целосна и независна ревизија на избирачкиот список, која би опфатила теренска контрола на избирачкиот список, во која би учествувала независна комисија според методологијата изработена од невладината Црта.

Лазовиќ изјави и дека Собранието треба да донесе обврзувачки упатства за медиумите, за донесување нови програми, забрана на говор на омраза и лаги и надворешен надзор.

Упатството треба да го подготви независна комисија за медиуми составена од претставници на професионални здруженија.

Тој побара во информативната програма на РТС да бидат претставени релевантни политички групи.

-Потребно е Собранието да донесе lex specialis кој би ги вклучил сите горенаведени мерки и да усвои извештај за наодите на ОДИХР кој ги вклучува препораките содржани во финалниот извештај на оваа мисија, а Владата на Србија да побара имплементацијата на сите барања наведени во овој документ и да доколку дојде мисијата на Европскиот парламент, таа може да учествува во контролата на овие мерки, рече Лазовиќ.

Тој не сакаше да каже дали ќе ги бојкотира изборите додека не се исполнат барањата и очекува владата да се изјасни дали може или не да спроведе фер и чесни избори.

The post Секаде сме лош пример: Српската опозиција сака техничка влада како во Македонија appeared first on Република.

Вчера беше констититуиран срппскиот Парламент. Во „скупштината“ по пратеничките мандати влезе и српската опозиција која убедливо загуби на изборите.

Но, српската опозиција предводена од Драган Ѓилас и Мариника Тепиќ го направија истото сценарио како при изборот на Талат Џафери за претседател на Собранието на Македонија во 2016 година.

И српската опозиција свечените изјави и заклетвата ја дадоа во ходникот на Парламентот.Ова звучи познато зарем не?

The post Исто како Талат на времето: Српската опозиција поднесе заклетва во ходник appeared first on Република.

Новиот протест на опозициската коалиција „Србија против насилството“ поради, како што тврди, кражбата на гласови на декемвриските избори во Србија, ќе започне вечерва во 18 часот пред Уставниот суд во центарот на Белград.

„Барањето до Уставниот суд да одлучува за изборниот спор со кој се бара поништување на републичките избори, нашиот адвокатски тим ќе го поднесе претходно истиот ден и ги повикуваме судиите на Уставниот суд да работат во интерес на државата и народот, а не во интерес на режимот на (претседателот на Србија) Александар Вучиќ“, се наведува во соопштението.

Таа коалиција, која бара повторување на републичките и белградските избори одржани на 17 декември, најави и одење на протестна поворка до блиското седиште на Радио-телевизија на Србија (РТС), која, според опозицијата, не известува објективно и во корист на сите граѓани, туку исклучиво ја пропагира власта и бара како јавен сервис кој го плаќаат сите граѓани, РТС да известува за „докажана изборна кражба и прекројување на волјата на народот“ на декемвриските избори.

Коалицијата „Србија против насилството“ ја сочинуваат Партијата за слобода и правда (СПП), Демократската партија, Народното движење на Србија, Еколошкото востание, Зелено-левичарскиот фронт, Србија центар, партијата Заедно, Движењето на слободните Граѓаните, Движењето за пресврт, синдикатот „Слога“ и движењето Новиот лик на Србија.

The post Откако се одморија на егзотични дестинации српската опозиција се враќа на протест appeared first on Република.

Во Србија се случува реприза на македонското и претходно на украинското сценарио. Сликите што ги гледаме во Белград нема кого нѐ потсетија на случувањата во Скопје во 2015 година и „шарената револуција“ и познатиот „Мајдан“ во Украина пред десет години.

Сѐ е исто-шатори, лажни студенти, блокирање на булевари, штрајк со глад.

Недостасува уште фарбање и кршење, но и тоа веројатно ќе го видиме во следниот период.

И политичките барања на српската и на тогашната опозиција на чело со СДСМ се исти, а тоа со изгубени избори да дојдат на власт. Во Македонија тоа им успеа, а како што стојат работите во Србија нема да им успее.

Она што е заедничко е што и во Србија, и во Украина и во Македонија ја имаат поддршката од т.н Запад. Претседателот на Србија Александар Вучиќ ја прозва мисијата на ОБСЕ и ОДИХР дека однапред знаела дека лидерот на опозизцијата Драган Ѓилас нема да ги признае изборите но оти молчеле.

Драган Ј.Вучичевиќ, главен уредник на „Информер“ вели дека е неверојатна сличноста меѓу Скопје, Белград и Киев.

Шаторите се во основа идентични со оние што се користеа на Мајдан во Украина. Ги молам граѓаните да сфатат какво зло ни подготвуваат. Шаторите се од резервите на НАТО кои ги чуваат воените резерви низ Европа - открива Вучичевиќ за „Информер.рс.

The post Исти „шарени“ шатори во Белград денес, во Киев пред десет години, a во Скопје во 2016 година appeared first on Република.

Претседателот на Србија Александар Вучиќ ја обвини мисијата на ОБСЕ во Белград дека знаела за планот на опозицијата да не ги признаат изборите. Тој изнезе конректни докази и оти ќе бара ОБСЕ тоа да го призне по секоја цена.

Ги прашувам зошто молчат дека однапред знаеле дека нема да ги признаат изборите.Сѐ што правеа на изборите беше фарса, знаеја какви ќе бидат резултатите-вели Вучиќ.

Српската опозиција на чело со Драган Ѓилас најпрво не ги признаваа и парламентарните и изборите во Белград, но по двојната разлика на ниво на државата решија да ги проблематизираат само изборите во главниот град.

The post Ништо нема случајно: Мисијата на ОБСЕ знаела дека српската опозиција нема да ги признае изборите appeared first on Република.

Во текот на претходниот ден и ноќ беа сослушани 20 лица приведени на протестот пред собранието на град Белград на 24 декември, осомничени за сторени кривични дела повикување на насилна промена на уставниот поредок и насилничко однесување на јавен собир, од кои за 11 е предложен притвор, соопштија од Вишото јавно обвинителство, јави Бета.

ВЈО во Белград денеска соопшти дека седуммина осомничени по сослушувањето ја признале вината и склучиле договор за признавање на кривичните дела за кои се предвидени условни затворски казни и парични казни.

Тоа обвинителство по рочиштето му предложи на судијата за претходна постапка на Вишиот суд во Белград на 11-те осомничени да им одреди мерка притвор, за да не го повторат кривичното дело за краток временски период.

Против сите осомничени се поднесени кривични пријави, во врска со кои доказната постапка ќе се води по скратена постапка, по што обвинителството ќе одлучи дали против осомничените ќе поднесе обвинителни акти или ќе ја прекине постапката.

Како што претходно соопштија од полициската управа, по протестите и инцидентите пред градското собрание на Белград, полицијата „процесуирала 38 лица“.

Студентите собрани околу движењето „Борба“ најавија протест за денеска напладне на платото, пред Филозофскиот факултет во Белград, со барања да се поништат изборите и да се ослободат приведените пред собранието на Белград на 24 декември.
Како што беше најавено синоќа на деветтиот пост-тест организиран во Белград од страна на коалицијата „Србија против насилство“, од кој беа испратени исти барања до надлежните, студентите уште еднаш ќе испратат барање до Министерството за државна управа и Локалната самоуправа која е одговорна за проверка и отворање на избирачки места.списоци

The post Притвор за српските „шарени“ кои кршеа и уништуваа објект од 19 век appeared first on Република.