Средоземното Море се загрева се побрзо и станува сè посолено, покажува студијата изработена од тим шпански научници.

Водата се загрева со брзина од околу два степена Целзиусови на 100 години во западниот Медитеран и на некои други места, наведува тимот на шпанскиот институт за поморски истражувања ICM-CSIC во студијата објавена во списанието Journal of Marine Science and Engineering. На некои места, како на пример во близина на L'Estartit во Коста Брава, загревањето е уште поголемо и изнесува три степени.

Нивните резултати се базираат на евалуација на долгорочни податоци од изминатите 30 години и мерења на сите длабочини на водата во Средозмното Море.

Соленоста на Медитеранот е поголема од онаа на Атлантикот бидејќи повеќе вода испарува отколку што се влева од реките и другите водни извори.

Други студии покажуваат дека зголемувањето на температурата на водата и соленоста го загрозуваат биодиверзитетот во Средоземното Море.

Во потоплите води на Медитеранот, сега има речиси 1.000 неавтохтони видови кои секоја година се шират на север и запад, потиснувајќи ги домашните видови, покажуваат истражувањата на Светскиот фонд за природата

The post Идеално за капење: Средоземното море сѐ потопло appeared first on Република.

Од Обединетите Нации соопштија дека околу 289 деца ги загубиле животите во првите шест месеци од 2023 година обидувајќи се да стигнат до Европа преку Средоземното Море, што е значително зголемување.

Оваа бројка е двојно поголема отколку во првите шест месеци од 2022 година, додаваат од Детскиот фонд на ОН (УНИЦЕФ), повикувајќи на воспоставување безбедни хуманитарни коридори кои ќе им овозможат на децата да се засолнат во Европа.

Бројот на деца кои ги загубија животите обидувајќи се да го преминат Средоземното Море во Европа се удвои во првата половина од годината во споредба со истиот период лани. Проценуваме дека на тој начин поминале 11.600 деца во првите шест месеци од годинава, што е двојно повеќе од истиот период лани, изјави шефицата за миграција и раселени лица на УНИЦЕФ, Верена Кнаус.

Во првите три месеци од 2023 година, околу 3.300 деца на таа рута, што е 71 процент од вкупниот број, биле без придружба или биле одвоени од нивните семејства. Тоа е три пати повеќе отколку во истиот период лани.

The post УНИЦЕФ: Годинава 289 деца загинале во Средоземното Море обидувајќи се да стигнат до Европа appeared first on Република.

Шпанската хуманитарна организација „Отворени раце“ (Open Arms) соопшти дека денеска спасила 117 мигранти од небезбеден дрвен брод во Средоземно Море.

Бродот испловил од Либија, а со него се превезувале мигранти од Етритреја, Судан и Либија. Помеѓу патниците имало и 25 жени и едно тригодишно момче.

Спасувачката мисија е извршена во меѓународни води на десетици километри од брегот на Либија.

The post Спасени 117 мигранти во Средоземно Море appeared first on Република.

Во Средоземното Море во изминатиов период се одвива многу чувствителен американско-руски маневар, пишува италијанскиот весник „Ил Џорнале“.

Од една страна, руската морнарица се обидува да изврши притисок врз бродовите на НАТО да ги концентрираат кон Јонското Море, а од друга страна, САД продолжуваат да испраќаат бомбардери Б-52 над Европа за да ја следат ситуацијата одозгора.

Најновата сателитска снимка покажува што се случува во близина на италијанските води на Јонското Море, кај брегот на Калабрија:

„Играта“ што ја играат американскиот носач на авиони „Труман“ и рускиот разурнувач „Кулаков“ изгледа како партија шах: едниот го чека потегот на другиот - пишува весникот.

https://twitter.com/SpartacusGladia/status/1512779244912488458?ref_src=twsrc%5Etfw%7Ctwcamp%5Etweetembed%7Ctwterm%5E1512779244912488458%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3910097%2Fmediteran-kljuca-od-ruskih-i-americkih-ratnih-brodova-tu-su-nosac-aviona-truman-bombarderi-ruski-razarac-kulakov-rakete-kalibar

Носачот на авиони „Труман“ е предводник на НАТО флотата во Медитеранот, а друг италијански весник „Република“ пишува дека бродот носи ловци-бомбардери „Ф-18 Хорнет“ кои „вежбаат“ за евентуално да им пружат помош на земјите околу Црното и Балтичкото Море, кои се поблиску до војната во Украина.

Рускиот разурнувач „Кулаков“, пак, е брод од советската ера, кој беше целосно модернизиран во 2010 година. Експертите велат дека е опремен и со крстосувачки ракети „Калибар“, истото оружје со кое Русите ја гаѓаат територијата на Украина.

Бродот е во движење заедно со големиот руски крстосувач „Варјаг“ кој може истовремено да погоди повеќе цели и затоа го нарекуваат „убиец на носачи на авиони“.

„Варјаг“ е трет по големина крстосувач од класата „Глори“, со наведувани ракети, изграден за советската морнарица, а сега и служи на руската морнарица.

Бродот се наоѓа во близина на италијанските води од февруари, како дел од досега невидена концентрацијата на силите на руската морнарица: крстосувачи, борбени авиони, фрегати и подморници, од кои едната веројатно е на нуклеарен погон. Сите бродови се опремени и со руски крстосувачки ракети „Калибар“.

Ваквата концентрација на руски бродови во Средоземното Море е последица на намерата на Москва да го контролира движењето на НАТО, како и да се интервенира за да го спречат влегувањето на непријателските бродови во Црното Море.

Американскиот носач „Труман“, осмиот во американската морнарица од класата „Нимиц“, како обезбедување чека бомбардери „Б-52“ кои го надлетуваат подрачјето каде што се наоѓаат руските екипажи.

Во сегашната ситуација, руските „Варјаг“ и „Кулаков“ го следат „Труман“ во Јонското Море. Но, за Москва тоа маневрирање не е лесно бидејќи долгиот престој на море и создава проблеми на нејзината флота, која не успева да стигне до Крим за снабдување, бидејќи Турција го спречува минувањето на воените бродови низ Босфор.

Се чини дека и Пентагон ги преиспитува своите приоритети: „Труман“ бил изненаден од украинската криза бидејќи пред нејзиниот почеток бил на мисија во водите на Персискиот залив, а му било наредено да застане и подоцна да отплови кон Медитеранот, каде му се придружија неколку крстосувачи.

The post „Воени игри“ го наполнија Медитеранот со американски и руски воени бродови: Носач на авиони, разурнувачи, бомбардери, ракети „Калибар“ appeared first on Република.