Ученик од средно училиште во Сараево е приведен под сомнение дека десетици пати лажно пријавил за поставени бомби во училишта.

Ученикот бил приведен синоќа во акција на Полициското одделение на Министерството за внатрешни работи на кантонот Сараево, Федералната полиција и Агенцијата за разузнавање и безбедност на Босна и Херцеговина.

Малолетникот ќе биде предаден на Обвинителството на кантонот Сараево.

The post Уапсен средношколец од Сараево поради лажни пријави за бомби во училишта appeared first on Република.

Средношколец од Скопје, вчера попладне упатувал закани кон вработени во училиште, при што оштетил и дел од инвентарот, соопшти МВР.

На 06.09.2024 во 20.20 часот во СВР Скопје, било пријавено дека околу 16.50 часот во средно училиште на подрачјето на општина Аеродром, ученик во службени простории агресивно се однесувал кон вработените во училиштето и им упатувал закани, по што оштетил и дел од инвентарот, стои во соопштението на МВР.

МВР соопшти дека е известен јавен обвинител за малолетници. Се преземаат мерки за расчистување на случајот.

The post Средношколец од Скопје се заканувал на вработени во училиштето, кршел маси и столови appeared first on Република.

Средношколец од гимназијата „Славчо Стојменски“ во Штип вчера на социјалната мрежа „Инстаграм“ објавил текст со заканувачка содржина. Случајот го потврди СВР Штип од каде информираа дека тој е приведен.

Полициски службеници од СВР- Штип го лишиле од слобода 18-годишен Б.Д.од Штип, бидејќи во 12:18 часот во СВР Штип, од гимназијата во Штип, каде тој е ученик, било пријавено дека на неговиот профил на Инстаграм објавил текст со заканувачка содржина. Известен е јавен обвинител и се преземаат мерки за расчистување на случајот, се вели во соопштението од СВР-Штип.

https://republika.mk/vesti/crna-hronika/uchenik-od-shtipskata-gimnazija-se-zakanil-so-pushka-politsijata-e-vo-uchilishteto/

Директорот на училиштето Марјан Арсов денеска во изјава за медиумите рече дека службите во училиштето направиле разговор со ученикот и со неговите родители.

Во текот на вчерашниот ден добивме дојава дека на социјалните медиуми од еден ученик има закана. Тоа кај нас го вклучи алармот и како директор и училиште ги презедовме сите мерки што ни се на располагање. Беше повикана целата служба и родителите на ученикот и се разговараше на таа тема, изјави Арсов.

Според Арсов, настава има во двете смени.

Апелираме до родителите совесно да ги пуштат децата на училиште и дека се ќе биде во најдобар ред, рече Арсов.

Ова е прва ваква објава на социјалните мрежи од страна на ученик во Штип.

The post Уапсен штипскиот средношколец кој се заканувал на „Инстаграм“ appeared first on Република.

Објавен е официјален извештај за тоа што се случувало ноќта меѓу петокот и саботата на 5-тиот кат во ноќниот клуб во центарот на Прага, каде загина 17-годишен средношколец од Хрватска, кој со соучениците бил на ексурзија во главниот град на Чешка.

Полицијата преку изјава на очевидец утврдила дека се работи за несреќен случај. Младиот човек ја прескокнал оградата на балконот покрај ресторанот на петтиот кат и најверојатно сакал да изведе „паркур трик“. Станува збор за вештината на надминување одредени пречки. За жал, при тој скок тој паднал низ отворен простор, изјави за ХРТ хрватската амбасадорка Љиљана Панчиров.

Таа додаде дека обдукцијата многу брзо ќе биде завршена и дека од утре ќе може да се организира враќање на телото на младиот човек во Хрватска.

Во средното училиште „Мате Балота“ од Пореч е организирана психолошка поддршка за учениците и наставниците.

The post Познато е како загинал средношколецот на ексурзија во Прага appeared first on Република.

Вчера наутро во 07.15 часот на улица „Браќа Миладинови“, во близина на тетовско средно училиште, полициски службеници на СВР Тетово привеле 15-годишник од тетовско Ларце кај кого бил пронајден нож.

Од МВР велат дека случајот се расчистува и против малолетникот ќе следува поднесок.

The post Тргнал на час со нож – апсење пред тетовско средно училиште appeared first on Република.