До пред половина година се пуштаа од оро кога ќе запеев патриотска песна, се плашеја да не ги видат или сликаат со мене затоа што важев за патриот, а за нив беше страмно и заостанато да си патриот. Се плашеа да стават лајк на мои објави и постови од национален интерес. Македонските народни песни за нив беа „сељачки“. А сега...сега наеднаш сите се патриоти.

Вака македонскиот пејач Спасен Сиљаноски удри по сите лажни патриоти, порачувајќи им дека и лично би им го кажал истото, но не му креваат на телефон.

Се развиле знамиња со 16 краци за да докажат демек и ние сме патриоти. Поголеми патриоти дури и од Гоцета, Дамета, Јанета...Поголеми католици од Папата. И тие истите такви гниди, мекотели, безкичмењаци, олоши, кодоши, бројлери се облекуваат со Сонцето од Кутлеш и дремат по штабови за да се дочепаат до некое директорско место...И, за жал, си добиваат, што е најтрагично. Одеднаш гледаш нови голобради фаци како се сместуваат на функции, а никогаш предходно не си ги видел на протест, митинг, трибина, организација...никаде! Еј вие таму горе високо, внимавајте, Македонија не е само за денес. На Македонија ќе ѝ требаат секогаш вистински патриоти со „мустаќи“. Не уништувајте го патриотскиот дух во нив оти само уште тој им остана. А без нив нема Македонија...ниту вас. Патриот е оној кој што е подготвен да изгуби сè, дури и својот живот за својата татковина и својата нација, а не е човек кој што е подготвен да ДОБИЕ сè од свјата татковина, научете ја еднаш оваа разлика, им порача тој.

The post Сиљаноски: Македонските песни им беа сељачки, да си патриот – заостанато, сега за директорско место го облекуваат Сонцето од Кутлеш appeared first on Република.

Фолк пејачот Спасен Сиљановски ги повика своите колеги, музички уметници да се приклучат на протестите против францускиот предлог.  Вели не сакаме ништо туѓо, сакаме да го зачуваме тоа што е наше.

Ги повикувам сите мои колеги, пејачи, музичари, автори, продуценти, диџеи.... Сите оние кои имаат било каква врска со музика. Одвоете бареме еден ден во овие кризни и понижувачки моменти за нашата татковина, да излезиме заедно на мирни протести и да кажеме НЕ на ништожниот француски предлог. Кафе можеме да пиеме секој ден, но Македонија можеме да ја одбраниме единствено сега..... Патриотизмот и љубовта кон нашата татковина треба да го покажеме со дела, а не само со песна. Сега е моментот да им покажеме на нашите деца дека ние сме Македонци и засекогаш така и ќе останеме. Зарем ќе се плашиме и ќе се срамиме да ја браниме нашата татковина, зарем не смееме и ние еднаш да сме горди на нашите дела и на нашата мајка Македонија. Знам дека многу ке не плукаат, ке не навредуваат, но бидете истрајни времето ќе покаже кој бил на вистинската страна. Направете вашите деца да бидат горди на вас и на вашата генерација. Бидеќи сега е моментот дали ќе не има или ќе не нема... Јас мислам дека не имало и ќе не ИМА 😉

Со почит драги колеги, Спасен Сиљаноски.
п.с. Запомнете нее срам да сте патриот и да си ја браните татковината, страм е да сте предавник... Ние не сакаме ништо туѓо, сакаме само да си го зачуваме она што е наше 😢😢😢
ДА ЖИВЕЕ МАКЕДОНИЈА 👌❤️

The post Пејачот Сиљановски ги повика музичарите да излезат на протест: Сега е моментот дали ќе нѐ има или ќе нѐ нема appeared first on Република.