Српскиот министер за надворешни работи во техничкиот мандат, Ивица Дачиќ, изјави дека за приемот на Приштина во Советот на Европа (СЕ) нема да се одлучува според правдата и правото, туку по силата, јави дописникот на МИА од Белград.

Немаме дилеми. Правдата и правата нема да се видат овде. Овде ќе ја гледаме силата – односно дали некој тоа сака на сила да го наметне или не, рече Дачиќ.

Тој додаде дека Советот на Европа е организација која првенствено треба да се занимава со човековите права и слободи.

Не може да се каже дека Советот на Европа од самиот почеток не беше политичка организација и дека беше политички обоен сите овие години. Но, сега веќе влегуваме во поле кое ја надминува правната рамка на самиот Совет на Европа, каде што се прекршуваат основните принципи на кои тој функционира, рече Дачиќ.

Тој забележа дека членките на Советот на Европа се држави и дека ова ќе биде првпат „ентитет што не е држава“ да биде примен во членство.

Дачиќ потсети на трите услови за прием на Косово, за кои говореше и Дора Бакојани, известувачот за приемот на Косово во Советот на Европа - уписот на земјиштето на манастирот Високи Дечани во катастарот, прекинот на експропријацијата во српските општини и формирањето на Заедницата на српските општини (ЗСО).

Се разбира, нема ништо од тоа, бидејќи ЗСО е обврска кон Приштина веќе 11 години. И токму сега, во деновите кога е годишнината од Бриселскиот договор, Парламентарното собрание сега ќе расправа за препораката за прием на Косово во Советот на Европа. Значи, Дора Бакојани се откажа од тие два услова, но некои други земји не се откажаа, рече Дачиќ.

Тој како претседавач на Владата за денеска закажа седница, а ќе се формира тим на чело со него и директорот на Канцеларијата за Косово и Метохија, Петар Петковиќ, кој ќе се бори против приемот на Приштина во СЕ.

The post Дачиќ: Ќе биде преседан Косово што не е држава да стане членка на Советот на Европа appeared first on Република.

Комесарката за човекови права при Советот на Европа Дуња Мијатовиќ ги повика земјите-членки да ја запрат „репресијата“ врз невладините организации и луѓето кои ги штитат правата на мигрантите.

Во извештајот со препораки објавен денеска, Мијатовиќ истакна дека има „растечки тренд на притисок, заплашување и криминализирање на луѓето и организациите кои им помагаат на бегалците, барателите на азил и мигрантите“.

Во текот на нејзиниот шестгодишен мандат, кој завршува на крајот на март, еврокомесарката постојано го осудуваше притисокот врз невладините организации кои им помагаат на мигрантите во Европа и ограничувањата на нивната работа.

Таа денеска укажа и на конкретни ситуации, како што е италијанската „криминализација“ на невладините организации кои спасуваат мигранти во Средоземното Море. Таа, исто така, го осуди „непријателското опкружување“ во кое работат бранителите на основните права во Грција.

Мијатовиќ го критикуваше и туркањето на бегалците и мигрантите од европските граници.

Во својот извештај, комесарката „ги повикува земјите-членки на Советот на Европа да направат се што е можно за да го сменат трендот на репресија“.

The post Советот на Европа со осуда за „репресијата“ врз невладините организации кои им помагаат на мигрантите appeared first on Република.