Куче питбул териер денес во Нови Сад го нападна својот сопственик нанесувајќи му смртоносни повреди, јави дописникот на МИА од Белград.

Брзата помош излегла на местото на настанот, но можела само да констатира смрт.

Нашата екипа интервенираше по дојава дека куче питбул териер го нападнало сопственикот и му нанело смртоносни повреди. Медицинскиот тим интервенираше по прв приоритет, но можеле само да констатираат смрт на лице место на 56-годишен маж, изјави портпаролот на итната помош д-р Зоран Круљ.

Според медиумите телото било пронајдено откако пожарникарите на повик од полиција ја скршиле вратата и влегле во станот.

Претходно синот на починатиот повикал полиција и итната помош бидејќи не можел да влезе во станот.

Кучето било преземено од ЈП „Зоохигиена и ветерина“ и веќе е успиено, додека полицијата направи увид во станот.

Другите околности на нападот засега се непознати.

The post Во Нови Сад питбул го нападнал сопственикoт и го убил appeared first on Република.

Во Пакистан денеска се уапсени сопственикот и операторот на жичницата која вчера се заглави поради силниот ветер, соопшти локалната полиција.

Двајцата мажи биле приведени откако сите деца биле спасени, но не се наведени детали за обвиненијата против нив.

Пакистанската армија вчера спаси шест деца и двајца возрасни, кои останаа заробени во жичницата, заглавена на висина од околу 370 метри.

Децата со жичницата патувале на училиште во оддалечената планинска област Батаграм, околу 200 километри северно од Исламабад, соопштија властите.

The post Уапсени сопственикот и операторот на жичницата која вчера се заглави во Пакистан appeared first on Република.

Сопственикот и претседател на лондонски Милвол, Џон Берилсон (70) загина во сообраќајна несреќа, објави денеска англискиот фудбалски клуб, кој настапува во Чемпионшип лигата, а изминатата сезона беше на чекор до плејофот за пласман во Премиер лигата.

Берилсон, кој е роден во Бостон, зад себе ги остави сопругата Ејми и децата Џенифер, Џејмс и Елизабет. Детали од несреќата не се познати, а англиските медиуми јавија дека станува збор за „трагична несреќа“.

Со колективно скршено срце и најдлабоко жалење ја објавуваме смртта на нашиот сакан сопственик и претседател, Џон Берилсон. Беше навистина голем човек, неверојатно посветен на своето семејство и личност со широка душа, топлина и добрина. Живееше исполнет живот, полн со бои и радост. Под негово водство Милвол постигна огромен успех и стабилност, соопшти клубот од Лондон.

Американскиот бизнисмен првпат се вклучи во клубот од Чемпионшип со седиште во југоисточен Лондон во 2006 година. Го презеде кога клубот испадна во третата лига, а изминатите години Милвол беше стабилен второлигаш.

The post Сопственикот на Милвол загина во сообраќајна несреќа appeared first on Република.