Низ цела Србија на сообраќајните знаци Македонија е означена со НМК, што се спротивно на сите меѓународни договори и усвоениот меѓународен код МК или МКД. Од македонското Министерство за надворешни работи и надворешна трговиjа во одговорот на прашањето на МКД.мк велат дека добиле ветување од Србија дека наскоро ќе биде поправена оваа грешка.

Велат дека во повеќе наврати, континуирано, по дипломатски пат било реагирано за несоодветната употреба на меѓународниот код на нашата држава врз сообраќајните знаци на автопатот Е75, на територијата на Србија, со укажување за погрешната употреба на меѓународниот код.

The post НМК по сообраќајните знаци во Србија бил ненамерен пропуст, ќе корегираат appeared first on Република.

Вчера во ОВР-Прилеп, С.В. (62) од Прилеп вработен во Македонија Пат - Прилеп, пријавил дека во временскиот период од 20.06.2023 до 06.11.2023 година непознат сторител одзел 76 сообраќајно-патни знаци.

Според пријавеното знаицте се украдени од регионалните патишта Р-1303 делница Прилеп-Македонски Брод од 3-ти до 30-ти километар, на Р-1306 делница Прилеп-Крушево од 6-ти до 31-ви километар, на А-3 делница Прилеп-Тополчани од 97-ми до 117-ти километар, на А-1К1 делница Прилеп-Фариш од 25-ти до 50-ти километар.

Од МВР преземаат мерки за расчистување на случајот.

The post 76 сообраќајни знаци украдени од патиштата околу Прилеп appeared first on Република.

Од Град Скопје информираат дека продолжува проектот за поставување ЛЕД светлосни дигитални сообраќајни знаци со пиктограм, на локации каде имало сообраќајни незгоди и кои се нотирани како високо ризични за пешаците, со цел зголемување на видливоста. Поставени се нови знаци на булеварот „Партизански одреди“ кај „Палма“ и на улицата „Јордан Мијалков“.

ЛЕД светлосните дигитални сообраќајни знаци со пиктограм се поставуваат во близина на училишта, градинки и фреквентните булевари и улици, а целта е да се зголеми видливоста на пешачките премини, со што се зголемува внимателноста на возачите при движење во сообраќајот. ЛЕД сообраќајните и ретрорефлективни знаци можат да ја зголемат видливоста до 60 проценти, што може директно да влијае на безбедноста и времето за маневрирање при возење, со што се намалува или избегнува можноста за сообраќајни несреќи, предизвикани од реакција при недоволно растојание. Овие ЛЕД сообраќајни знаци можат да ги намалат сообраќајните незгоди на локалните патишта за повеќе од 70 отсто, се додава во соопштението.

Во соопштението се додава дека контрастот на клучните информации на ЛEД сообраќајните знаци во текот на ноќта и при тешки временски услови е зголемен за 35 проценти.

Како што се посочува, со овој вид сигнализација, функцијата за предупредување е значително подобрена и истата има позитивна улога во зголемување на безбедноста во сообраќајот на патиштата.

The post Поставување ЛЕД знаци на места каде што имало сообраќајки во Скопје appeared first on Република.

Украинската фирма за изградба и одржување патишта „Укравтодор“, соопшти дека од патиштата ги отстранува сите сообраќајни знаци коишто руските сили би можеле да ги искористат за движење низ земјата.

Непријателите немаат добра комуникација, не можат да се движат по теренот. Да им помогнеме да дојдат право во пеколот - стои во соопштението на фирмата објавено на Фејсбук.

Истовремено, од фирмата објавија и фотографии од стандарден сообраќаен знак на кој се гледа како насоките кон блиските градови се заменети со вулгарности кои може да се преведат како „Е*ете се“, „Е*ете се пак“ и „Одје*ете назад во Русија“.

The post Украинците ги тргаат сообраќајните знаци од патиштата и поставуваат нови: Наваму може да „одје*ете назад во Русија“ appeared first on Република.