Најмалку 33 лица загинаа, а 16 се повредени во одвоени сообраќајни несреќи во источен Авганистан, соопштија денеска локалните власти.

Во областа Сораби во провинцијата Кабул, 17 лица, меѓу кои две деца и четири жени, загинаа во десет судири на автопатот што го поврзува главниот град на Авганистан - Кабул со источната провинција Нангархар.

Во сообраќајките се повредени уште десет лица кои се примени на болничко лекување.

Во источната провинција Лагман се случиле четири сообраќајни несреќи во кои загинале 15 лица, се наведува во соопштението на локалната полиција.

Едно лице загина, а шест се повредени во сообраќајни несреќи во други делови на таа провинција.

Сообраќајните несреќи се чести во Авганистан, главно поради лошите услови на патиштата и невнимателните возачи на автопатите.

The post Кобен викенд во Авганистан: Најмалку 33 лица загинаа, а 16 се повредени во одвоени сообраќајни несреќи appeared first on Република.

Едно лице загина, а пет се повредени во сообраќајна незогда што попладнево се случила на магистралниот пат Охрид – Кичево, кај Свети Еразмо.

Портпаролот на СВР Охрид Стефан Димоски информира дека во несреќата учествувале три патнички возила, две со охридски и едно со струшки регистерски ознаки.

– Денеска околу 16 часот и 40 минути на магистрален пат Охрид-Кичево се случи сообраќајна несреќа меѓу патничко возило „киа рио“ со охридски регистарски ознаки, управувано од Р.А.(57) од Охрид, патничко возило „ауди“, со струшки регистарски ознаки, управувано од Ш.П.(22) од Струга и патничко возило „поло“ со охридски регистарски ознаки, управувано од Г.Р.(39) од Охрид, изјави Димоски.

Според него, на местото на несреќата починал возачот Р.А., а повредени се пет лица, кои се пренесени во болницата „Св. Еразмо“ и во охридската Општа болница.

Увид на местото на незгодата извршиле полициски екипи.

The post Страшна сообраќајка во Охрид, еден загина, петмина повредени appeared first on Република.